Book Addicts Anonymous

[~ تريآق]

رد : Book Addicts Anonymous


اهلا اهلا megan

نرررحب فيج اكيد ومكانج محفوظ ^^ .. يلا دوريه عشان تبدين ويانا

عني قريت Stealing heaven

وحاليا Things not seen

بالاضافه لكتاب عربي


وياحياج

 

[ScarletteO'Hara]

Right now I'm reading "the invitation" by Jude deveraux
I'm in the mood for a little romance
Nice book so far
You're welcome to read with us Megan

بس جد بنات شلون تقرون كذا كتاب مع بعض؟؟؟؟
حاولت كذا مرة ما صار
بس اختياراتكم عجيبة

 

[~ تريآق]

رد : Book Addicts Anonymous



ياحيااا الله سكارلت ^^
كتابج هم جذبني اذا خلصتيه عطينا الرفيو كالعاده هوناك

انا مؤدبه اقرا كتاب ورى كتاب ما أخلط ههههههههه
بس العربي ما يعفس علي تركيزي .. يعني كل كتاب انجليزي اقرا معاه كتاب عربي مو مشكله ^^
3 ساعات انجليزي ساعه عربي يعني المزاج يحدد

:
.
ان شاء الله بعد مانخلص كتابنا الجديد اشوف كتبكم واقراها " بس تخلص هاللسته اللي في تكآثر"

 

[ScarletteO'Hara]

غالي و الطلب همبة
اول ما اخلصه راح أحط تقرير محترم بالموضوع الثاني

عيل أنا بجرب طريقتج اني اقرى كتاب عربي و كتاب انجلش
لأني بروح معرض الكتاب و باخذ لي كتابين
و مابي اهد الأنجلش عشان الارابك

 

[ام عبدالوهاب555]

اهلين بنات

ودي اشارك معكم هالمرة

لان الكاتبة ولا مرة قريت لها فحابة اتعرف عليها معكم

بس شنو طريقتكم؟
تقريبا شكثر على ما تخلصونها؟

 

[ScarletteO'Hara]

اهلين بنات

ودي اشارك معكم هالمرة

لان الكاتبة ولا مرة قريت لها فحابة اتعرف عليها معكم

بس شنو طريقتكم؟
تقريبا شكثر على ما تخلصونها؟

حياج الله حبيبتي
احنا راح انبلش فيه على يوم الاحد
تقريبا ناخذ فيها اسبوعين
خلال قراءتنا ممكن نتناقش ببعض الامور
و النقاش النهائي بعد اسبوعين لما كلنا نخلص منها

 

[ام عبدالوهاب555]

المدة معقولة


حسبوني معاكم


موفقين

 

[ScarletteO'Hara]

حياج الله معانا

 

[~ تريآق]

رد : Book Addicts Anonymous


حياااج الله معانا أم عبد الوهآب

 

[ام عبدالوهاب555]

الله يحييكم

تسلمون


وجان زين تحصرون الكتب الي قريتوها وتحت كل كتاب التقرير عنه بتصير فيه فايدة اكثر..

 

[Megan Rocks]

hey all

my book is 484 Page long , there are many editions

but the most important question is when i will choose the next book

i got a couple books in my mind

 

[ScarletteO'Hara]

hey all

my book is 484 Page long , there are many editions

but the most important question is when i will choose the next book

i got a couple books in my mind

انا نسختي فيها 461 صفحة
و قبل ما نخلص هذا الكتاب نختارين كتابج اليديد عشان تعطيننا فرصة ان ندور عليه
خصوصا و ان احنا ناخذ بريك اسبوعين ما بين كل كتاب عشان نتأكد ان الكل حصل الكتاب
can't wait to know what you have in mind


و ترى بلشنا الكتاب يا صبايا :eh_s(9):

 

[~ تريآق]

رد : Book Addicts Anonymous



مسآآء الخير ^^

ميغان روك اسدحي كتبج أي وقت <~ تحمست بقوة

عشان ندورها من الحين

:
.

أنا نسختي زي نسخة ميغان

وصلت فيه لشبتر Lucius الثاني ص 36

كبدآية .. حسيتها شوي صعبه .. يمكن عشان اسلوبها جديد علي ولأن مصطلحآت المحاكم كثيرة خخ

وأأكثر شي حآآسني كثرة الأسماء

شويا ضعت بس بعدين لقيت الدرب من جديد

بالنسبة لي حسيت القصه تحمس ويزيد التشويق فيها مع كل صفحة , خآصة بعد اصدار الحكم ^^

:
.

قراءة ممتعه يا صبايا :eh_s(7):

 

[ScarletteO'Hara]

انا بعد اتوقع نفس مواصيلج ترياق
ما حسيت فيها بأي صعوبة
و عموما هذا اسلوب جودي ان كل جابتر يكون ال narrator مختلف عن الثاني
عورت قلبي جون

 

[ScarletteO'Hara]

ياالنايمين وينكم؟؟؟
خلصت ثلث الكتاب

 

[LUXURY]

ودي ادش وياكم بس على قولة المثل راعي باليج جذاب
قاعده اقرا توايلايت ويدوب احصل وقت بسبب حوسة عيالي ويومي متخربط
ماقدر اقرا كتاب ثاني
يمكن لاخلصت سلسلة توايلايت ابدي معاكم

 

[BlAcK_Witch]

hiiii girlz sign me ... i will read the next book with u guyz
وعطونا خبر ففديييييييتكم

 

[ninni]

رد : Book Addicts Anonymous

عذروني بنات بس ماراح اقدر اقرا وياكم لان ماقدرت اشتري الكتاب. بس انشاءالله انظم لكم في قراية الكتاب الياي

 

[ام عبدالوهاب555]

اهلين بنات شلونكم

انا شريت الكتاب وكنت ناوية أقرى معكم

وبعدين قريت acknowledgments في البداية وتفاجأت ان الكاتبة تشرح ان الرواية فيها مناقشات دينية كثيرة وانها استعانت بالقسيس وابوهم عشان يجابونها والرواية فيها مقارنات بين اليهودية والنصرانية وgnostic ، يعني الرواية قصتها حلوة بس اهي مدخلة فكرة كل ديانة عن الخلاص والغفران...

انا هني طقيت ستوب وحسيت ما ابي ادخل بهالمعمعة وهذا مو مزاجي!!

بعدين قريت بالاخير author,s note وهي حاطة مراجع عن عقوبة الاعدام ومراجع عن انجيل الجنوستيك وهي طائفة من النصارى

وعقبه فيه فصل عن a reader club guide يحتوي مقدمة وملخص للرواية و questions and topics for discussion تقريبا 12 سؤال وعقب حوار مع الكاتبة عن الرواية وفي الاخير tips to enhance your book club

يعني المعلومات وايد بهالفصول وحسيت اني لميت بالرواية وما ابي اقراها
مو هدفي اقرا نقاشات عن تفاصيل معتقداتهم>>>>جان زين عندنا روايات تناقش الامور الدينية بعقلانية وتجرد وبالنهاية تطلع الاسلام مثلا بصورة حلوة يعني حتى لو عدالة الخالق وقوته وحسن تقديره يعني يكفي بس الامور الاساسية راضين فيها

نعم اقرى رواياتهم بجميع انواعها بس همن لي اختياري

وكنت بكتب الرد من السبت الي طاف بس التنأجيل لعب فيني

عموما

الكاتبة حيل عجبتني انها تحترم القاريء
يعني تحط مراجع وحوار واسئلة للقراء ، فرديت المكتبة وبدلت الرواية بوحدة ثانية لها أكيد عقب ما قريت ملخصها!!


قراءة ممتعة اتمناها لكم وناطرة مناقشاتكم

وان شاء الله انضم لكم بالكتاب الي بعده
:aha:

 

[LUXURY]

مرحبا يا حلوين
ممكن اذا مو لقافه ولا يضايقكم اقترح كتاب للمره اليايه واهي روايه؟؟ لان عندي اياها وودي اقراها بس قلت اقترح اذا ممكن تقرونها معاي علشان اتشجع اخلصها لانها شوي طويله 534 صفحه
انا شريتها من دار البتراء للنشر اعتقد جذي اسمها
والروايه اسمها mill on the floss by goerge eliot
هذي صورة الروايه
http://www.amazon.com/Mill-Floss-Ge...r_1_23?s=books&ie=UTF8&qid=1287707677&sr=1-23
مادري اذا تحصلونها بموقع ثاني او مكتبه بس انا خذيتها من معرض الكتاب

طبعا الراي الاول والاخير لكم واتمنى اقتراحي ما يضايقكم
بس قلت علشان اذا عجبتكم وحبيتوا تدخلوني معاكم ونقراها في مجال تاخذونها من المعرض قبل لا يخلص

ومشكورين مقدما