(لهدرجة فيه قلوب ماترحم ) ...الحل برايكم ..

[معلمة روضه]

رد : (لهدرجة فيه قلوب ماترحم ) ...الحل برايكم ..

انقليها
بس سؤال ببالي
ليش هي حاطة على بنتج بالذات
عطت الباقي اوراق وماعطتها
بس هي الي عاقبتها
ليش ؟
انا مو مع الأبلة بالعكس
انا معاج ومع بنتج بس يمكن بنتج تتصرف تصرفات قوية حيل لدرجة الأبلة مو متقبلتها
انا انصحج تنقلينها لأنه ابلتها خلاص ما تصلح لها
بس بعدين ؟ باالابتدائي ؟؟؟؟ منو بينقلها عن ابلة فلانة و ابلة علانة !

معااااهاااا

 

[(ام سارا)]

رد: رد : (لهدرجة فيه قلوب ماترحم ) ...الحل برايكم ..

انقليها
بس سؤال ببالي
ليش هي حاطة على بنتج بالذات
عطت الباقي اوراق وماعطتها
بس هي الي عاقبتها
ليش ؟
انا مو مع الأبلة بالعكس
انا معاج ومع بنتج بس يمكن بنتج تتصرف تصرفات قوية حيل لدرجة الأبلة مو متقبلتها
انا انصحج تنقلينها لأنه ابلتها خلاص ما تصلح لها
بس بعدين ؟ باالابتدائي ؟؟؟؟ منو بينقلها عن ابلة فلانة و ابلة علانة !

هلا اختي ...ماقصرتي على ردج ..بس اختي انا كتبت ببدايه الموضوع انه بنتي فيها شقاوه بس مو مسموح لها تطقها او تحطها بالمخزن ..اعتقد انوا تدربوا على اساليب عقاب ...وبصراحه هالاشكال من النوع الي ماتحاول تكسب الطفل وتشجعه ..فخلاص عند ادني تصرف تحط عليه ...وماتشوفه لمن يصير عاقل بس تشوف شطانته...
يعني هي مو خسرانه شيء لو قالت لها حبوبه اذا قعدتي شاطره احط لج ستار لو بالقلم على يدها اظن مابينقص منها شيء ..وبنتي من النوع الي فيها خوف مسكينه ..وتمشي مع التشجيع ..
وصدقيني لو تشوفين شكل ابلتها من البدايه مايبشر بالخير ...وتعرفين انه وحده يالله متقبله نفسها ...الله يسامحها.
وبالنسبه لكلامج بالابتدائي ان شاء الله مااتطيح بابلات من هالنوعيه ...وتكون ملتهيه بدروسها..وعالفكره ترا مو اول بنت تدش الروضه هذي 3 وحده الله يحفظها ..وانا مو من النوع الي على الطالعه والنازله اروح مع بناتي واتمشكل مع الناس لاوالله ..ولو تشوفين شكثر انا كانت بنتي تشكي لي واقول يمكن معصبه بالابله وحركتها كثيره ..بس بصراحه اشوف بنتي قاعده تتغير للاسوا..
مادري اختي حسيت من كلامج انه السبب على بنتي وانها بالحيل محد يتحملها
وبالنسبه للورقه مالت الحفل ترا مادري بالظبط شسالفه الموضوع ..الا حماتي تدق علي تقول باجر بتروحين الروضه عندهم حفل قلت ماجابت بنتي ورقه ...قالت امبلى عطوهم..سالت بنتي قالت ماما انا شفته عطت بنات اوراق وقالت انتي مشاغبه مابي اعطيج ..ليه الله العالم ..
بس مهما كان مو من حقها تعاملها بهالطريقه ..ليه مادقت علي وقالت لي كيت وكيت رقمي عندهم ...مادري ياليت وصلج الي بوصله لج .وجزاج الله خير على ردج ..

 

[(ام سارا)]

الاخوات الي ردو الله يجزاكن خير ماقصرتن حبايبي ...بس مادري حسيت ببعض الردود انه الغلط مني اني ماربيتها عدل او شيء ...انا ماقولكم انها ملاك وماتغلط...بس الحمد لله عيالي يحترمون الكبير ومايعرفون قله الحياء ولا يلاسنون الابلات ..ولايردون عليهم حدها اذا ازعجت تحركت من مكانها ولاكلمت البنات الي جنبها ...وفيه بعض الاطفال بصراحه كل انواع السب يسب الابله ماشفناها طقته او حطت عليه...بنتي اعترف ان حركتها كثيره بس تقدر تلاعبها اة تشغلها بركن تحبه ..مسؤليتها اللحين وبرقبتها امانه اذا ماقدرت تتصرف فيه شيء اسمه تواصل ...
لو اقدر صورت لكم بنطلونها شلون منتفته باسنانها ...والله الي ماعنده قلب يحس ...وحتى لو سوت شيء كبير مهما كان صغيره والله مايحاسبها...وهي العاقله الكبيره ..تتصرف تكلم الاخصائيه ولا بس بالاسم اخصائيه نفسيه واجتماعيه ...ولا تدق علي ولاعلى ابوهاا...
مااقول الاحسبي الله ونعم الوكيل ...والله بياخذ حق بنتي منها ان شاء الله ...

 

[al-doja]

حبيبتي غيبي بنتج اول وبعدين روحي للابله الهبلة هذى وزفيها وانقلي بنتج لا يصير فيها شي
ترى في ابلات يفرقون حرتهم بالاطفال الحمد لله والشكر لازم تتادب هذى الابلة وتوقف عند حدها والله انا عندي اطفال شياطين عمري ما دخلت واحد منهم المخزن ولا حتى طقيته على رجله او ايدة اكتفي بالزف شنو اعيالها ما يروحون مدارس وما تخاف يلقون مدرسات نفسها تعاقبهم
والله اني اخاف على عيالي يصير فيهم شي اذا صرخت على طفل
حسبي الله ونعم الوكيل فيها

 

[عشق]

رد : (لهدرجة فيه قلوب ماترحم ) ...الحل برايكم ..

انا لو اشوف علامه بجسم بنتي اروح اشرشحهم

شفتي بنتج اشلون قطعت بنطلونها يبيها لي اقطعها باسناني

ياهل في هالعمر جذي تسوي فيه

ولا انتي ساكته

انا بنتي قالت لي ماما الابله حطتني في الكرسي مال الشياطين
رحت قلت حق الابله
بس الابله قالت لي انها ما حطتها قالت حق اليهال كلهم قعدوا عالكراسي
بنتي من النوع الحساس اشوي لما تقولين لها قعدي تقول لج انا مو شيطانه ليش تبيني اقعد

روحي واخذ ريلج معاج واذا شفتيها تمادت وما عطتج سبب واضح حق تصرفاتها لا والله الزم ما عليج بنتج
قعديها عندج وانتي درسيها بالبيت ولعبيها وسوي لها كل شي
لما تنسى عالاقل وتتعدل
وبعدين تروح اولى ابتدائي

 

[أم@الحلوين]

انتي من صجج ليلحين ساكته @@
والله لو أنا منج من ثاني يوم أروح للناظره وأواجه أبلتها واشرشحها عيالنا أمانه برقبتهم
مو يسون فيهم جذي وااااااااااي صج السالفه حرة قلبي حاولي انج تاخذين بنتج من باجر وتسجلينها
بروضه ثانيه ،، وأنا معاج سلوك الطفل يتغير لمن يدش الروضه بس تغير بسيط اللي هو نشاط زايد شطانه
ألفاظ يديده بس ماتتعدى شي أكثر بس سالفتج ماينسكت عنها تلاحقي بنتج قبل لا يطيح الفاس بالراس والله يحفظها ويخليها لج

 

[معالي السفيره]

رد : (لهدرجة فيه قلوب ماترحم ) ...الحل برايكم ..

هذي مريضة نفسيا

تحط الياهل بالمخزن؟؟ يمه ياقلبي والله ببجي

انا الاطفال عندي مرات ببجي من كثر مو غاثيني وشياطين بس والله والله مااذكر مديت ايدي اقوى شي اسويه ارفع صوتي ولا اقوله ماكو هديه

واوزع عالباجي وقول ماراح اعطيه بس قلبي مايطاوعني احسه حرااام مسكين ماله قلب اقعد 10 دقايق واعطيه مااتحمل...

ام سارا حولي بنتج عندي استحملها عادي ههههههههههههههه


ماعليج بقولج شغله ترى الام الشكايه يخافوون منه اللي ماعنده قلب

انتي روحي واشتكي لا تستحين

واذا سوت لبنتج شي وقالتلج ردي اشتكي

شرشحيها هذي مو كفو احترام اصلا

ونقليها صف ثاني واخذي البنطلون معاااج وريه الناظره قولي شوفي بعينج

والناظرات مايقولون شي ينقلووون

 

[عهود الحب]

رد : (لهدرجة فيه قلوب ماترحم ) ...الحل برايكم ..

اختي انا مو قصدي شي
بالنسبة للورقة
ترى في اطفال نعطيهم اوراق ونحرص عليهم وبعدين تلاقينه قط الورقة بالممرات
ولا بالمخزن ولا بغرفة الانتظار ولاحتى بالسيارة
فأحسني الظن يمكن الخطأ مو من المعلمة نفسها


هذي نقطة

ثاني نقطة

لاتحكمين على أي شخص من شكله
ماتدرين يمكن الشكل يخدعج والمعلمة خوش معلمة
بغض النظر عن سالفة بنتج


ثالث نقطة
ترى في اطفال يتخيلون
ويمكن يشوفون اشياء و تكون مو موجهه لهم ويظنون انه اهمه المقصودين
انا عندي بنت كل ما اذكر الاطفال بالطلبات مالت الروضة
ثاني يوم تجي امها وتقول والله جبنا الطلبات لاحول و الله مانقصدج
وثاني مرة جا الابو بنفسه يقول وين وديتوا طلبات بنتي
يعني تظن الكلام موجه لها


الحل شنو

تقدرين بسهولة تنقلين الطفلة وتمشي السنة هذي على خير
بس هل تضمنين انها راح تطيح عند ابلة زينة ؟ ترى المظاهر خداعة والمسألة حظوظ

بس بالابتدائي يالغالية !
ترى انا اشوف نماذج اطفال يكسرون خاطري حيل احس ماراح يمشون بالابتدائي
شطانتهم مخربه عليهم
الحين احنا نتحملهم وباجر من يتحملهم عاد بالمدرسة بيدرسها نوعيات مختلفة من البشر
فلازم من الحين تأقلمينها أنه هذي ابلتج وسمعي كلامها
ولما تصيرين شاطرة بتحط لج نجوم مو نجمة وبس


انا ردي عليج علشان بنتج وعلشان انتي محترق قلبج عليها
حاولي التعديل والتغيير من عندج
عطيها جيس مليان هدايا خل توزع للأطفال
جيس كاكاو الصغيرونين خل توزعه
حاولي تدمجينها اكثر
يمكن البنت تطق وتعض فتلاقينها اذا عزلتها الابلة تعض بنطلونها

وعلى فكرة الطفل بالبيت مختلف تماما عنه بمجتمع الروضة
فما تقدرين تحكمين على شخصيتها من معرفتج بشخصيتها بالبيت

والله يسهل امورج وامور بنتج

 

[sunshinq8]

رد : (لهدرجة فيه قلوب ماترحم ) ...الحل برايكم ..

لا حول ولا قوة الا بالله العلي العظيم حسبي الله ونعم الوكيل بالظالم ايان كان الله العالم الظالم منو والله يهديه يارب
حبيبتي المعلمة طبعا مو من صلاحيتها تعذيب الاطفال و طبعا من صلاحية ولي الامر تشتكي اذا فيه مسالة ضرب للطفل بشكل قوي انا ما ابي احرضج بس بصراحه هالموضوع يستاهل انج تشتكين عليه لانه لو انا بمكانج جان ما نطرت لهذه المرحله و بنتي تخترع من الروضه عشان ابله مهمله و غير محترمه و غير مسووله عن وظيفتها بصراحه انا من مكانج جان من اول موقف اكلم المعلمة اول شي و بعدين اذا ما شفت في فايده اكلم الاداره ينقلون بنتي مكان ثاني و اذا قالولي السبب اقولج كذا وكذا وكذا و انتي طبعن بتقولين الصج وماراح تزيدين و راح يكلمون البنت و طبعن اليهال ما يجذبون كلش و بتنكشف الحقيقه و الصج منها اهيه الظاهر الله يهداها شافت ان اول مره طافت و الثانيه طافت و الثالثة طافت عبالها ماوراها اهل يسالون و يهتمون قالت عادي اكمل على هالبنيه و تحط حرتها فيها وعليه والله يعينج و يخليلج بنتج يارب و يوفقكم يارب و يهدي كل معلمة مو مهتمه و ما تعطي بضمير الله يهديها يارب ​

 

[أم^سعد]

الله يعطيج على قد نيتج ويحل عقدة بنتج
انا معلمة روضه وما ارضا بهالعقاب للامانة ولا اخلاقنا وتربيتنا تسمح لنا بس ......................؟؟؟
انااستغرب من اول موقف المفروض تروحين تستفسرين عن اللي صار تتسائلين والله بنتي قالتلي جذي هل فعلا صار هالشي لان الصراحه في اطفال يتبلون يا جماعه والله العظيم وانا صار فيني هالموقف في طفلة من داومت البنت عمري ما شفت رقعة وجه امها لا بقرقيعان لا بعيد وطني لا بيوم تخضير وكل ما قول للبنت وين امج عطيها الورقه تقول امي نايمة كله امي نايمة لدرجة اني قلت الام اكيد مشلوله قبل التخرج بشهر الادارة تناديني ولا هذي الام واقفة على حيلها وجاية تشتكي علي اني طاقة البنت على ظهرها طبعا الادارة وقفت معاي لان يدرون ان انا ما سويها لان انا يحطون عندي حالات خاصه اعتني فيهم لاني حبيبة مع الكل بعد ما درسنا حالة البنت اكتشفنا ان البنت اخترعت هالقصة عشان تجبر الام انها تجي الروضة والاطفال يدرون ان عندها ام تخيلووووووووووووو يا جماعه ...ز
حبيبتي اخذي بنتج وروحي الادارة وقوليلهم المواقف اللي صارت معاج وعلى فكرة الادارة تعرف الابلة اللي قشرة مع اليهال والابلة الزينه
لان اللي جذي اكيد لها مواقف مع اطفال ثانين
وحطيها بصف ثاني وبجذي تنتهي السالفه وشيلي فكرة الغياب من بالج خللي البنت اتداوم وتتعود عشان الابتدائي مافيها بيع برد والصف الثاني بيراعونها لانها منتقلة بسبب مشكله مع معلمة والادارة بيوصون عليها بعد
انشاالله خيير

 

[ArEEj]

رد : (لهدرجة فيه قلوب ماترحم ) ...الحل برايكم ..

انا معلمة روضه لو بنتى يصير فيها جذى اموت قهر
شنو معتقل الروضه ؟؟ ولا تعذيب !!!
لا حبيبتي ما تسكتين بس ما تكلمينها
كلمي ناظرتها الاخصائيه
وبعدين هم ينادونها لج وكلميها

خل تخاف اذا ما عندها احساس

ياربي والله حرام
والله اني اعامل عيال الناس مثل ما احبهم يعاملون عيالي
لان اللى تسوينه في عيال الناس والله يطلع على عيالج في المدرسه

انا اقولج ممكن صح ما نعطيهم كلهم استكرات نحاول نمييز الشاطر اكثر
بس ضرب و زف و عقاب لا مو اسلوب تربوي ابدااااااااااا وخصوصا مع طفل الروضه

 

[ناديه70]

في شي لازم تعرفه ام البنت ان المشكلة موبالشكوي تحل الامر مع المعلمة تروح تقولها اللي بقلبها وتشوف رد المعلمه صدقيني اختي راح تكون مهتمه اكثر منج وراح تقولج اذا في امور صارت انتي ماتعرفينها
و راح تحسب حسابج وتعرف انج مهتمه وانج علي درايه بكل شي-وراح تاخذ بكلامج لانج ناقشتيها-وكل امر يناقش بهدوء راح تنحل المشكلة بهدوء لاتدخليين اطراف قبل لا تشوفين رد المعلمه وطريقة اسلوبها-وصدقيني راح ترتاحين بهذي الطريقة انتي وبنتج والمعلمة

 

[(ام سارا)]

حبيبتي غيبي بنتج اول وبعدين روحي للابله الهبلة هذى وزفيها وانقلي بنتج لا يصير فيها شي
ترى في ابلات يفرقون حرتهم بالاطفال الحمد لله والشكر لازم تتادب هذى الابلة وتوقف عند حدها والله انا عندي اطفال شياطين عمري ما دخلت واحد منهم المخزن ولا حتى طقيته على رجله او ايدة اكتفي بالزف شنو اعيالها ما يروحون مدارس وما تخاف يلقون مدرسات نفسها تعاقبهم
والله اني اخاف على عيالي يصير فيهم شي اذا صرخت على طفل
حسبي الله ونعم الوكيل فيها

هلااا والله اختي جزاج الله خير ماقصرتي ...والله مادري كل ماجي احلها من جهه تخرب من جهه ..ويمكن انا مكبره الموضوع مادري حسيت جذيه وانه الغلط من بنتي انه عصبت فيها او اني ظالمتها والله مادري بس ابوها رافض يروح يقول انا كلمت الناظره تلفون لانه يعرف ارقامهم وله منصب بالمنطقه
فهمته انه موضوعنا لازم نفهم من الابله شنو المشكله ونتفاهم وننقلها يقول لا ماله داعي الناظره قالت بشوف موضوعها ..ورفع لي ظغطي وبس ..

 

[(ام سارا)]

رد: رد : (لهدرجة فيه قلوب ماترحم ) ...الحل برايكم ..

انا لو اشوف علامه بجسم بنتي اروح اشرشحهم

شفتي بنتج اشلون قطعت بنطلونها يبيها لي اقطعها باسناني

ياهل في هالعمر جذي تسوي فيه

ولا انتي ساكته

انا بنتي قالت لي ماما الابله حطتني في الكرسي مال الشياطين
رحت قلت حق الابله
بس الابله قالت لي انها ما حطتها قالت حق اليهال كلهم قعدوا عالكراسي
بنتي من النوع الحساس اشوي لما تقولين لها قعدي تقول لج انا مو شيطانه ليش تبيني اقعد

روحي واخذ ريلج معاج واذا شفتيها تمادت وما عطتج سبب واضح حق تصرفاتها لا والله الزم ما عليج بنتج
قعديها عندج وانتي درسيها بالبيت ولعبيها وسوي لها كل شي
لما تنسى عالاقل وتتعدل
وبعدين تروح اولى ابتدائي

هلا اختي ماقصرتي وجزاج الله خير والله يحفظ لج بنتج ...والله لو بكيفي كل يوم اروح معها واشوف وضعها بس ظروفي ماتسمح اروح..الي يوديها عمها فمااقدر اروح معه والله وابوها يدوام من صباح الله خير ويشوف انه ماله داعي اروح لانها ماتشكي له..وكل مايسالها تقول حلوه الروضه لان الاطفال بطبعهم ينسون ترا ومايشيلون في قلوبهم ..ولا كان مطلعين بلاوي خصوصا الي ينطقون من الخدم ليه مايقولون لانهم ينسون ..والمشكله اقولها ماما بتغيبين تقول لابروح مع عيال عمي مابي اقعد بالبيت ..

 

[(ام سارا)]

انتي من صجج ليلحين ساكته @@
والله لو أنا منج من ثاني يوم أروح للناظره وأواجه أبلتها واشرشحها عيالنا أمانه برقبتهم
مو يسون فيهم جذي وااااااااااي صج السالفه حرة قلبي حاولي انج تاخذين بنتج من باجر وتسجلينها
بروضه ثانيه ،، وأنا معاج سلوك الطفل يتغير لمن يدش الروضه بس تغير بسيط اللي هو نشاط زايد شطانه
ألفاظ يديده بس ماتتعدى شي أكثر بس سالفتج ماينسكت عنها تلاحقي بنتج قبل لا يطيح الفاس بالراس والله يحفظها ويخليها لج

والله مادري وانا اختج ناس محسسيني اني مكبره الموضوع وانه اربي بنتي عدل احسن لي من التشكي هنيه وناس تقول انه مايصير اسكت ...وصعب اسجلها بروضه ثانيه هي تروح وتجي مع عيال عمها ماعندها احد يوديها لو بنقلها روضه ثانيه ..ابوها صف ثاني مو راضي ينقلها يقول خليها انتي مكبره الموضوع
جزاج الله خير ماقصرتي حبوبه..

 

[(ام سارا)]

رد: رد : (لهدرجة فيه قلوب ماترحم ) ...الحل برايكم ..

هذي مريضة نفسيا

تحط الياهل بالمخزن؟؟ يمه ياقلبي والله ببجي

انا الاطفال عندي مرات ببجي من كثر مو غاثيني وشياطين بس والله والله مااذكر مديت ايدي اقوى شي اسويه ارفع صوتي ولا اقوله ماكو هديه

واوزع عالباجي وقول ماراح اعطيه بس قلبي مايطاوعني احسه حرااام مسكين ماله قلب اقعد 10 دقايق واعطيه مااتحمل...

ام سارا حولي بنتج عندي استحملها عادي ههههههههههههههه


ماعليج بقولج شغله ترى الام الشكايه يخافوون منه اللي ماعنده قلب

انتي روحي واشتكي لا تستحين

واذا سوت لبنتج شي وقالتلج ردي اشتكي

شرشحيها هذي مو كفو احترام اصلا

ونقليها صف ثاني واخذي البنطلون معاااج وريه الناظره قولي شوفي بعينج

والناظرات مايقولون شي ينقلووون

هلا والله ماقصرتي حبوبه الله يجزاج خير ...تعالي انتي اي روضه هههههه ماصدقت ...تسلمين والله يرزقج على نيتج الطيبه ..هذا الكلام انه تخافين من ربج لانه عندج حس مسؤليتهم وانهم امانه ...فقلبج يعورج عليهم ..
والله ابوها يقول كلمت الناظره وقالت ولايهمك بوصي عليها

 

[(ام سارا)]

رد: رد : (لهدرجة فيه قلوب ماترحم ) ...الحل برايكم ..

اختي انا مو قصدي شي
بالنسبة للورقة
ترى في اطفال نعطيهم اوراق ونحرص عليهم وبعدين تلاقينه قط الورقة بالممرات
ولا بالمخزن ولا بغرفة الانتظار ولاحتى بالسيارة
فأحسني الظن يمكن الخطأ مو من المعلمة نفسها

["]"]هلا والله اخت عهود جزاج الله خير على ردج ماقصرتي ...بس حبوبه والله مااخطر عبالي انه اظلمها انا اعرفها بنتي لو عطتها قالت ماما نسيتها ولاضيعتها ..وبعدين يمكن الابله كانت بتعاقبها وترجع تعطيها بس نست ..والله مابي اظلمها لانه كل شيء ولا الظلم ولو تشوفين شكثر بنتي تشكي واغالطها حتى ارجعي اقري كلامي وشوفي شنو كتبت لمن تقول ابله قالت وابله هاوشت...[/[/
هذي نقطة

ثاني نقطة

لاتحكمين على أي شخص من شكله
ماتدرين يمكن الشكل يخدعج والمعلمة خوش معلمة
بغض النظر عن سالفة بنتج

[color="purple"]حبوبه انا ماحكمت عليها من الشكل انا حاضره اول يومين مع بنتي بالروضه وشايفه طريقتها ونفسيتها بعيني محد قالي ...يمكن هي كانت متضايقه هذيك الفتره ..مابي اظلمها بس اول يوم قاعدات على كراسيهم ويطالعون بالاطفال طيب كلموهم رحبوا فيهم خليهم يلعبون بركن عشان يحبون الروضه ..الفصول الباقيه بالونات وكبابيس وحركات الاصفهم مافيه حياه ...وبرضوا اغالط نفسي واقولج يمكن ظالمتها الله يسامحني ان شاء الله ..ثالث نقطة
ترى في اطفال يتخيلون
ويمكن يشوفون اشياء و تكون مو موجهه لهم ويظنون انه اهمه المقصودين
انا عندي بنت كل ما اذكر الاطفال بالطلبات مالت الروضة
ثاني يوم تجي امها وتقول والله جبنا الطلبات لاحول و الله مانقصدج
وثاني مرة جا الابو بنفسه يقول وين وديتوا طلبات بنتي
يعني تظن الكلام موجه لها

حبوبه والله مادري ليه احس من كلامج انه ماله داعي موضوعي وانه عادي بنتي تنطق او تقطع بنطلونها بهالشكل ...يعني الطق بنظرج يكون موجه لغير بنتي وتقلد الطريقه وهي منصدمه ...عاد مو لهدرجه بنتي يمكن هواش ايه وترا فوت شكثر...مابي اقول يوميا عشان ماظلمها بنتي تقولي سالفه عن هواش او حرمان من شيء ...وارجعي شوفي ردي على بنتي والله كنت اقول ماما اكيد انتي مزعجتها ...اسمعي كلام ابله لاني ابيها تعتمد على نفسها ...الحل شنو

تقدرين بسهولة تنقلين الطفلة وتمشي السنة هذي على خير
بس هل تضمنين انها راح تطيح عند ابلة زينة ؟ ترى المظاهر خداعة والمسألة حظوظ

بس بالابتدائي يالغالية !
ترى انا اشوف نماذج اطفال يكسرون خاطري حيل احس ماراح يمشون بالابتدائي
شطانتهم مخربه عليهم
الحين احنا نتحملهم وباجر من يتحملهم عاد بالمدرسة بيدرسها نوعيات مختلفة من البشر
فلازم من الحين تأقلمينها أنه هذي ابلتج وسمعي كلامها
ولما تصيرين شاطرة بتحط لج نجوم مو نجمة وبس

هذا مربط الفرس انه انا اقول لبنتي صيري شاطره واسمعي كلامها ورتبي الاركان معها ...وتحط لج...الاتقول ماما انا اصير شاطره بس ماتعطيني ...حتى بنتي عرفت انها مهما صارت شاطره ابله ماراح تكافئها ...
انا ردي عليج علشان بنتج وعلشان انتي محترق قلبج عليها
حاولي التعديل والتغيير من عندج
عطيها جيس مليان هدايا خل توزع للأطفال
جيس كاكاو الصغيرونين خل توزعه
حاولي تدمجينها اكثر
يمكن البنت تطق وتعض فتلاقينها اذا عزلتها الابلة تعض بنطلونها

وعلى فكرة الطفل بالبيت مختلف تماما عنه بمجتمع الروضة
فما تقدرين تحكمين على شخصيتها من معرفتج بشخصيتها بالبيت

والله يسهل امورج وامور بنتج[/color]

وانا مانكرت وقلت والله بنتي هاديه وتهبل ولاتتحرك لاوالله فيها نشاط وتتحرك كثير بس مع التشجيع تمشي ..وانا لمن تشكي لي كنت دايم اقولها انتي شمسويه تعترف تقول كلمت فلانه ولاتحركت من مكاني ....بس هذا مايخلي الابله تمد يدها عرفتي ..انا هذا الي قاهرني بالموضوع ..انه بنتي تقول ماما طيب انا اصير شاطره بس ماتحط لي ستار...فهذا يخلي البنت ترتبك تقول اذا عقلت محد شجعني وعطاني ستار واذا ازعجت ابله تنتبها لها ..فهي تحب لفت النظر..حتى لو بطق وهواش ...وجزاج الله خير حلو فكرتج بطبقها ان شاء الله ...وترا انا قاعده احاول اعدلها قد مااقدر ...بس يااختي ناس تدخل بتربيتها غصب بمااني ببيت حموله ...وعيالهم شكثر فمافيه احد ماطقها وهاوشها ..فانا قلت بالروضه اللحين تتعدل وتغير جو بس مادري ان شاء الله تتعدل امورها يارب ...

 

[(ام سارا)]

رد: رد : (لهدرجة فيه قلوب ماترحم ) ...الحل برايكم ..

لا حول ولا قوة الا بالله العلي العظيم حسبي الله ونعم الوكيل بالظالم ايان كان الله العالم الظالم منو والله يهديه يارب
حبيبتي المعلمة طبعا مو من صلاحيتها تعذيب الاطفال و طبعا من صلاحية ولي الامر تشتكي اذا فيه مسالة ضرب للطفل بشكل قوي انا ما ابي احرضج بس بصراحه هالموضوع يستاهل انج تشتكين عليه لانه لو انا بمكانج جان ما نطرت لهذه المرحله و بنتي تخترع من الروضه عشان ابله مهمله و غير محترمه و غير مسووله عن وظيفتها بصراحه انا من مكانج جان من اول موقف اكلم المعلمة اول شي و بعدين اذا ما شفت في فايده اكلم الاداره ينقلون بنتي مكان ثاني و اذا قالولي السبب اقولج كذا وكذا وكذا و انتي طبعن بتقولين الصج وماراح تزيدين و راح يكلمون البنت و طبعن اليهال ما يجذبون كلش و بتنكشف الحقيقه و الصج منها اهيه الظاهر الله يهداها شافت ان اول مره طافت و الثانيه طافت و الثالثة طافت عبالها ماوراها اهل يسالون و يهتمون قالت عادي اكمل على هالبنيه و تحط حرتها فيها وعليه والله يعينج و يخليلج بنتج يارب و يوفقكم يارب و يهدي كل معلمة مو مهتمه و ما تعطي بضمير الله يهديها يارب ​

هلااا حبوبه جزاج الله خير ماقصرتي ...والله اني مابي مشاكل انا كنت ابي تعلموني طريقه انه الابله تتفهم اسلوب بنتي وتعاملها باسلوب زين ...والله مابي اجيب لها مشاكل واتبلى عليها وكنت دايم احط على بنتي اقول انتي اكيد ازعجتيها ...بس لمن شفت بنطلونها عرفت انه تحت ظغط نفسي مو شرط طق لا بس حاسه ان ابلتها مهملتها ...والله مادري حبوبه انتي تقولين اليهال مايجذبون واخت عهود يتقول يتوهمون ...احترت ...بس ترا الاطفال ينسون والله ومايحقدون هذا الي اعرفه يعني عيال عمها يطقونها شوي تروح تلعب معهم عرفتي تنسى ...وتسلمين ياقلبي عالدعوه ...
وحتى انا حطيته هنيه عشان اي معلمه اسلوبها جذيه تراجع نفسها وتنتبه ...والله يوفق الجميع..

 

[(ام سارا)]

الله يعطيج على قد نيتج ويحل عقدة بنتج
انا معلمة روضه وما ارضا بهالعقاب للامانة ولا اخلاقنا وتربيتنا تسمح لنا بس ......................؟؟؟
انااستغرب من اول موقف المفروض تروحين تستفسرين عن اللي صار تتسائلين والله بنتي قالتلي جذي هل فعلا صار هالشي لان الصراحه في اطفال يتبلون يا جماعه والله العظيم وانا صار فيني هالموقف في طفلة من داومت البنت عمري ما شفت رقعة وجه امها لا بقرقيعان لا بعيد وطني لا بيوم تخضير وكل ما قول للبنت وين امج عطيها الورقه تقول امي نايمة كله امي نايمة لدرجة اني قلت الام اكيد مشلوله قبل التخرج بشهر الادارة تناديني ولا هذي الام واقفة على حيلها وجاية تشتكي علي اني طاقة البنت على ظهرها طبعا الادارة وقفت معاي لان يدرون ان انا ما سويها لان انا يحطون عندي حالات خاصه اعتني فيهم لاني حبيبة مع الكل بعد ما درسنا حالة البنت اكتشفنا ان البنت اخترعت هالقصة عشان تجبر الام انها تجي الروضة والاطفال يدرون ان عندها ام تخيلووووووووووووو يا جماعه ...ز
حبيبتي اخذي بنتج وروحي الادارة وقوليلهم المواقف اللي صارت معاج وعلى فكرة الادارة تعرف الابلة اللي قشرة مع اليهال والابلة الزينه
لان اللي جذي اكيد لها مواقف مع اطفال ثانين
وحطيها بصف ثاني وبجذي تنتهي السالفه وشيلي فكرة الغياب من بالج خللي البنت اتداوم وتتعود عشان الابتدائي مافيها بيع برد والصف الثاني بيراعونها لانها منتقلة بسبب مشكله مع معلمة والادارة بيوصون عليها بعد
انشاالله خيير

الله يجزاج خير عالدعوه تسلمين والله ...انا اقولج قلت مابي اكبر السالفه يمكن انها مزعجه ابلتها ...وبصراحه ظروفي ماتسمح اروح معها كل شوي بالعافيه رحت معها اول يومين(عندنا عقليات الله يستر عليهم)
المشكله حبوبه ابوها معتمد انه خلاص كلم الناظره وانها بتهتم فيها مو راضي يقتنع انه لازم يروح شخصيا ويتفاهم ويشوف مشكلتها
ماقول الا حسبي الله ونعم الوكيل والله يحفظها لي ان شاء الله ويشغل ابلتها عنها ويحنن قلبها عليها ...

 

[(ام سارا)]

رد: رد : (لهدرجة فيه قلوب ماترحم ) ...الحل برايكم ..

انا معلمة روضه لو بنتى يصير فيها جذى اموت قهر
شنو معتقل الروضه ؟؟ ولا تعذيب !!!
لا حبيبتي ما تسكتين بس ما تكلمينها
كلمي ناظرتها الاخصائيه
وبعدين هم ينادونها لج وكلميها

خل تخاف اذا ما عندها احساس

ياربي والله حرام
والله اني اعامل عيال الناس مثل ما احبهم يعاملون عيالي
لان اللى تسوينه في عيال الناس والله يطلع على عيالج في المدرسه

انا اقولج ممكن صح ما نعطيهم كلهم استكرات نحاول نمييز الشاطر اكثر
بس ضرب و زف و عقاب لا مو اسلوب تربوي ابدااااااااااا وخصوصا مع طفل الروضه

هلا حبوبه جزاج الله خير ماقصرتي ..هذا الي بوصله يمكن ابلتها تمر بهالموضوع وتقف مع نفسها وقفه ...وكل ابله اسلوبها جذيه تعدله لان من جد مو اسلوب تربيه ...لانه والله كل شيء سويتيه بالعالم يرد لج لو بعد دهر لو في عيالج فماادري ليه ماتفكر قبل لاتهاوشه او تطقه ..