الـــــســــــــــــــره ساعدوني كويتيااااات

[شقاوه وحلاوه]

الســـلام عليكم .. شخباركم كويتيات

انا ولدي عمره شهر ونص وفوق السره عنده منتفخه ,, هل هالشي طبيعي للاطفال بهالعمر ؟

ولا يمكن يكون من حليبة انا كنت استخدم له سيميلاك وتووه غيرت له الي s26
لانة ملا بطنه غازات وكل شويه يتلووا يكسر الخاطر .. ولا السره فيها شي لا سمح الله ..

وين اروح وشسوي بجريه وماعندي احد يعلمني واستحي اسأل احد بليز كويتيات ساعدوني

 

[sondos]

رد : الـــــســــــــــــــره ساعدوني كويتيااااات

انشالله مافيه الا العافيه .........بس زياده اطمئنان استشيرى دكتور احسن

 

[حبيبي مالكني]

رد : الـــــســــــــــــــره ساعدوني كويتيااااات

حبيبتي عادي لا تخافين
كلش عادي
بروح مع الكبر
انا صار مع بنتي جذي وركضت فيها للدكتور وطمني وقال ماعليها الى العافبة
وبعدين سهيت عنه وسبحان الله طاب واختفى
واذا انتي وايد تحاتين روحي للطبيب ماراح تخسرين شي
بس صج لا تخافين هاي شي كلش طبيعي إذا كان الياهل ما يتألم اهم شي يعني اذا يودتيه بيدج ما يصرخ ويصيح في هالحالة راجعي الطبيب بسرعة

 

[الأميرة جوري]

رد : الـــــســــــــــــــره ساعدوني كويتيااااات

شوفي الدكتور ؟

 

[أنفاسي دخون]

راجعي الدكتور احسن وعشان يتطمن قلبش

 

[بنت مشرف]

حبيبتي راجعي دكتور علشان ترتاحين انا بنتي عمرها شهر سرتها طالعه لي بره شافها دكتور وقال هذا فتاق وسوا لها كوي بارد

 

[noynoy]

قصدج اب سرها شي مدور منتفخ؟
اذا اي انا صار اب بنتي نفس الشي
و سويت لها بدار الشفا جراحه بسييييييييطه مدتها 15 دقيقه او اقل ما اذكر
و من باجر غيرت الشاش و غسلتها بغسول اي بي سي و حطيت لها مي بو مثل ما قال الدكتور مرتين باليوم لمده 3 ايام
و ما تشوفين شر

 

[حساسه]

حتى اس 26 مو تمام لانه يجيب امساك

اخف حليب بيبي لاك

واعطيه نعاع والتمر انقعيه واخلطيه في الخلاط وصفيه واعطيه اياه

والله يعين في عمرهم معاناه مع الغازات والامساك والاسهال الله يكرمك لين يكملون 3 شهور يرتاحون شوي ويدخلون في موال الاسنان الله يعينهم ويعيننا

 

[غالية زمانها]

ماراح نقدر انفيدج حبوبه ..انا اقول اتروحين الطبيب منها يرتاح قلبج ..
امانه طمنيناااااااا

 

[غنوة ستايل]

انا سره ولدي كانت منتفخه بس بعدين راحت بروحها

 

[شقاوه وحلاوه]

رد : الـــــســــــــــــــره ساعدوني كويتيااااات

انشالله مافيه الا العافيه .........بس زياده اطمئنان استشيرى دكتور احسن

جزاج الله خير سوندس ,, وان شاء الله بوديه الطبيب

 

[شقاوه وحلاوه]

رد : الـــــســــــــــــــره ساعدوني كويتيااااات

حبيبتي عادي لا تخافين
كلش عادي
بروح مع الكبر
انا صار مع بنتي جذي وركضت فيها للدكتور وطمني وقال ماعليها الى العافبة
وبعدين سهيت عنه وسبحان الله طاب واختفى
واذا انتي وايد تحاتين روحي للطبيب ماراح تخسرين شي
بس صج لا تخافين هاي شي كلش طبيعي إذا كان الياهل ما يتألم اهم شي يعني اذا يودتيه بيدج ما يصرخ ويصيح في هالحالة راجعي الطبيب بسرعة

الحمد لله علي سلامه بنتج والله يطمنج مثل ما طمنتيني
ماقصرتي حبيبتي

 

[Om Ali 86]

انا بنتي جذي و وديتها دار الشفا و الدكتورة قالتلي هذا فتاق و يروح بروحه لما يصير عمرها سنتين و نص
و هذا يصير من البجي و الحنه الزايده
و يوم قلت حق دكتورتي ( ناهده العلي ) قالتلي حطي 50 فلس على سرتها و لفيه بباندج
بس ريلي راح الصيدلية و شرا حزام مخصوص حق السره حق اليهال اللي عمرهم بالاشهر و فكرة الحزام نفس فكره ال50 فلس و الباندج
و احس انها شوي قاعده تدخل سرتها
مع ان دكتورة دار الشفا قالتلي لا تربينه بشي ماله داعي اهوا يروح بكل الاحوال لما تكمل سنتين و نص
بس ناهدة قالتلي ربطيها احسن حق اعضائها الداخلية

فانصحج تروحين تشترين هالحزام .. اهوا موجود بأغلب الصيدليات

و ما تشوف شر بنتج