كتب للكاتبة قماشة العليان

[shanshan]

مساااء الخيير

بنات بسالكم في اي دور نشر القى كتب قماشة العليان ؟؟ ناوية امر باجر الصبح ومابي احوس وايد
كتبها ماحصلها اهنيه بالكويت مادري ليش ؟ انا قريت لها عيون قذرة و الرجل الحائط و انثى العنكبوت حلوة رواياتها انصح فيها صج ان يغلب عليها الحزن بس اسلوبها حلو وممتع
ناطرة ردودكم

 

[عهود الحب]

رد : كتب للكاتبة قماشة العليان

انا بسجل اسمها عندي
عمري ما قريت لها شي صراحة ً وكنت متخوفة تكون مثل بعض الكتاب العرب
عنوان جذاب ومحتوى فارغ لاشيء جديد

اما الحزن فأنا أحب أقرأ كتب الحزن
خل نبجي شورانا ماورانا شي

 

[{ انعم دفشة ~]

امممم قماشه العليان لها اسلوب غريب شوي

تحسين ان شخصيتها كـ كاتبه فيها شي ضد الرجال بشكل عام

ياليت اقدر افيدج بس سوري ماعرف

رواياتها عطونا ياها فالمدرسه نقراهم في كلاس الأدب العربي

 

[shanshan]

ثاانكس على الردود بنات
عهود الحب اي انصحج فيها كاتبة مميزة دامج اتحبين الحزن راح اتشدج عندج رواية انثى العنكبوت وايد حبيتها و عيون قذرة و المجموعة القصصية الرجل الحائط هذا اللي قريتا لها وكلهم حلوين


انعم دفشة انا معااج صح احسها ضد الرجال في اغلب قصصها واضح هالشي بس اسلوبها مميز وحلو انا ما احب القصص الحزينة وايد بس اهيا شدتني! اتمنى احصل باجي كتبها

 

[الرياش]

ثاانكس على الردود بنات
عهود الحب اي انصحج فيها كاتبة مميزة دامج اتحبين الحزن راح اتشدج عندج رواية انثى العنكبوت وايد حبيتها و عيون قذرة و المجموعة القصصية الرجل الحائط هذا اللي قريتا لها وكلهم حلوين


انعم دفشة انا معااج صح احسها ضد الرجال في اغلب قصصها واضح هالشي بس اسلوبها مميز وحلو انا ما احب القصص الحزينة وايد بس اهيا شدتني! اتمنى احصل باجي كتبها

شريت انثى العنكبوت بس ما أذكر من أي مكتبه وكان عندهم رواياتها , سوري ما فدتج

 

[rawona]

رد : كتب للكاتبة قماشة العليان

في المعرض مادري وين بالضبط اصداراتها بس شوفي يمكن تحصلينهم عند جرير لأني كنت شاريه منهم من قبل كتبها


قرأت لها:

أنثى العنكبوت

عيون قذرة

بكاء تحت المطر


الرجل الحائط

دموع في ليلة الزفاف


الزوجة العذراء

عيون على السماء

خطأ في حياتي


تتميز قصصها ورواياتها بالطابع الحزين والنهايات غير السعيدة وتبين الظلم والقهر اللي تعاني منه المرأة من قبل الرجل



​

 

[Kuwait 1]

رد : كتب للكاتبة قماشة العليان

مساااء الخيير

بنات بسالكم في اي دور نشر القى كتب قماشة العليان ؟؟ ناوية امر باجر الصبح ومابي احوس وايد
كتبها ماحصلها اهنيه بالكويت مادري ليش ؟ انا قريت لها عيون قذرة و الرجل الحائط و انثى العنكبوت حلوة رواياتها انصح فيها صج ان يغلب عليها الحزن بس اسلوبها حلو وممتع
ناطرة ردودكم

مساء النور
انا من عشاق الكاتبة قماشة وحزنها
رغم ان البعض انتقدها بانها سوداوية ومأساوية بس انا اشوف لذه بحالزن والالم اللي برواياتها
بالنسبة لمعرض الكتاب مادري وين تحصلينها ان شاء الله البنات يفيدونج
بس اذا حابة من مكتبات الكويت موجودة ترى بمكاتب حولي
وفي بنات هني يبيعون لها روايات مستعملة بهالموضوع

http://www.q8yat.net/showthread.php?t=714891

 

[صب القفشه]

رد : كتب للكاتبة قماشة العليان

شكله كتاباتها جداا رائعه ؟ ...

 

[أم روعة]

حبيبتي تحصلين رواياتها بمكتبة جرير
انا قريت لها انثى العنكبوت حلوة الرواية حتى بجيت من كثر ما تاثرت .. بس وايد حزينه الرواية حتى تحسين بقمته بقلبج من كثر الاسى والحزن اللي بروايتها

 

[حياتي فراغ]

رد : كتب للكاتبة قماشة العليان

شوفي في مكتبة يم بلاتينيوم بوك يبيع فيها واحد شايب ... انا شريت قماشة العليان منه ...
و عنده كل الروايات السعودية اليديده

 

[shanshan]

ماقصرتوا بناااااااات مشكوريييين انشالله بروح باجر المعرض وادور الشايب اللي يم بلاتينيوم
الرياش ثانكس على المرور

rawona اشلون بكااء تحت المطر حلوة ؟؟
kuwait 1 مشكورة حبيبتي انا بعد انتقدها من هالناحية اهيا فعلا مأساوية ياليتها اتخف اشوي ! بس حلو اسلوبها ويشد تعجبني ككاتبة
صب القفشة اي كتاباتها حلوة جربي تقرين لها
ام روعة صاجة انثى العنكبوت ادخلج مووود حزين بس استمتعت فيها الصراحة

حياتي فراغ باجر راح ادوره هالشايب مشكوورة حبيبتي , في روايات سعودية يديده حلوة ؟؟

 

[مطيريه ماركه]

رد : كتب للكاتبة قماشة العليان



هلآ وآلله غآلب روآيآتهآ تلقينهآ بِ كل مكآن

قريت لهآ :

آنثى آلعنكبوت ، آلزوجة آلعذرآء ، عيون قذرة

لو تمرين آلعجيري وجرير بِ تلقين عنده روآيآتهآ

قرآءة مُمتعة

 

[dяέἆᶆ qûếếἦ]

مع ان كتبها حزززينة بس تعجبني وانصحج عيون على السماء حلووة وفيها اهداء لأهل الكويت وخذت جاهزة المركز الاول بمهرجان الشارجه جنه .. وانثى العنكبوت جنه الي تشتغل معلمة بقرية اذا اهي ترى تهبل انا قارية كل رواياتها بس من زمان وبشوف شنو اصدارتها الحالية ..

 

[dяέἆᶆ qûếếἦ]

اظن بمكتبة العجيري انا من زمان شاريتهم او جرير ..قراءة ممتعة

 

[Q8stylle]

بمكتبة العجيري

 

[~ miss NERD ~]

و الله شوقتوني اقرا لها

 

[الرياش]

رد: رد : كتب للكاتبة قماشة العليان

شوفي في مكتبة يم بلاتينيوم بوك يبيع فيها واحد شايب ... انا شريت قماشة العليان منه ...
و عنده كل الروايات السعودية اليديده

ما شاء الله عليج يبتيها رايت , يوم قريت وصفج اتذكرت

 

[shanshan]

مطيرية ماركة ,رفيلو,q8style, miss nerd,الرياش
مشكورييين بناات عالمرور وماقصرتو ا
رحت المعرض وشريت روايات قماشة العليان :عيون على السماء,بكاء تحت المطر ,دموع في ليلة زفاف
اقراهم واعطيكم رأيي انشالله

 

[رحيل المرافيء]

رد : كتب للكاتبة قماشة العليان

على جم شريتيهم ؟؟؟؟؟؟

 

[دلع الكون]

وانا بعد قريت لها القبله من جرير حولي بارك