الحوجمه
انمسحت قصتج ليش
كان بودي اقراها
بس بقولج شي
الطلااق احيانا خيره
انا صبرت 11 سنه
مع انسان ماتوقعته بيوم يبيعني انا وعيالي بكل سهوله
والله موندمانه على فرقاه
ندمانه على عمري وشبابي الي قضيته معاه مغفله
جبت له ولد واربع بنات وسديت ضيقته بكل وقت
وحشمت اهله وخواته جدام القريب قبل الغريب
وكان التعامل معاهم بكل خوه واحترام
والله ماخلوا شي ماقالوه عني عقب
طلعت القلوب سوده
وانا هبله
مو غلط تتطلقين
غلط تصبرين على حاله ماينصبر عليها
انا زوجي باختصار انسان انتهازي
حطي دينار يبتسم لج
حطي دينار يقعد بالبيت
واذا طلب فلوس ورفضت
يغيب عن البيت ايام
او يطنقر علي
صبرت وتحملت وقلت يمكن مهموم
طلع الاخ تلفون عمله مايشتغل بلاش
تخيلوا حتى يهجرني هجر
عشان ماساعدته
ماديا
والله حالتي كسيفه
عقب بلش بالتهديدات بالعيال
بحرمج من ولدج
عقب الطق بانواعه
والله يااختي صبرت وقلت يمكن بالصبر تتعدل الحياة
الحمدلله على كل حال
اللهم لااعتراض
باجر 25 / 8
يصادف سنة كاملة على زواجه الثاني
وانفصالي عنه
والله حسيت الارض لو تبلعني ارحم من القهر والضيم
معرس من جديد وانا بالنفاس لي اسبوع
وفيني جلطة بالفخذ
مارحم حالتي ومرضي
وقام يمشي يقول للعالم مرتي مشلولة
خليهااااااا تعدي
ابلش لج قصتي عقب
طبعا الكل ضغطني
ارجعي لبوعيالج ومن هالكلام
عقب رديت له شهر ونص
انواع الذل وراني
والقهر
تشوفينه يكلمها جدامج
يمسجها مسجات
يبتسم
ويضحك لها
والليلة مالتج لها
وانتي ولاشي
قهر قهر
عقب قلت
خلاص
عافك الخاطر
خلاص
عطيته كرت احمر من حياتي
وربي ماسأل ولا اهتم
عقب شهر ونص
جاني
يعني بنص 12
وقام يحاول يفصخ نقابي لاني كنت متغطية عنه
لانه دش بالغصب للبيت
يقط روحه علي قط
احبج ابيج برجع لج
وربي قمت اصارخ
اطلع برا
مابيك اكرهك
تصدقين
يقشعر بدني لما شفته ذيج المرة الاخيرة
وصراخي ودموعي
وطلع
ودق عليه اخوي وهدده مايقرب صوبي
وخلاص
انتهينا
::::::::::::::::::::::::::
الحين انا
وحيدة
كآبه حياتي
{ هالكلام من 1 ::::::5 }
2007
شغلي كله على روحي
وعيالي
انزل وزن
ممشى
اطلع اتسوق
اسولف
امشي عيالي واتمشى
مطاعم
وناسه
ولما اتذكره{{{{{{{{{{{ اتذكر انه مارحمني بعز ضعفي هجرني
ولا اتندم اني قررت اتطلق منه ولو بعد حين
اختي
انا رفعت على قضية كمبياله لي
وللحين ماحكم فيها
وقضيتين نفقه لبنتي الاخيره عمرها سنه
وقضية نفقه لعيالي كلهم الاربعه
ونفقة لنفسي
طبعا خسرت الي جدام والي وراي
والحين المحامي يطلبني فلوس وقاعدة اقاسطه
بس ليومج
موندمانه اني طردته من حياتي ورفعت عليه نفقه وحضانه
فرقااااااااااااه عيد
دارت السنه
وانا الحين ولله الحمد
اصغر بعشرين سنه { الكل يقول }
وهو
شافوه ناس انصدموا
{ قبل يومين }
اشهب
شعره ابيض
هلكان من الضعف
وعيونه غايره
مريض وتعبان
ماكل هوى
قلعته مايهمني
المهم انا تعافيت
عقب المرض
وهو بالطقاق
ماعاد له اي اهميه بحياتي
انا
اختكم بالله
ادعولي ربي ينصرني على من ظلمني
ويخفف عني ديوني وهمومي
وينصرني على من عاداني وحبل لي
ادعولي ربي يطمن نفسي
ادعولي الله يخفف همي
