يآ إلتربويه ،، يآ كلية إلتربيه ،، الله عليــكم @@ (( صور ))

[روح الدنيا]

السلآم عليـكم و رحمة الله و بركآته ،،


إللي خلآني أكتب هذآ إلموضوع إنه بلغ السيل الزبى ،،


كنآ بإلكآفتيريآ أنآ و أختي نبي نطلب من سكوند كب ،، الكآفيه الجديد اللي مبطلينه بكآفتيريآ كلية التربيه ،،


إلآ جت بنت مع رفيجآتها ،، تكلم اللي يشتغلوون عن الأكل و مبطلته جدآمهم ،، إحنآ وآقفين قآلت لآختي شمي الأكل ريحته خآيسه

عآد اختي شمت و مشينآ ،، عوووع مانبي منهم ،،


المهم طلعنآ من الكفتيريا و بعدين بعد نص ساعه تقريبآ لقينآ البنت قآعده بقآعه و إحنآ دشينآ قعدنأ بالقآعه ،،

تجمع توآقيع @@


توآقيع ليش ؟؟


عشآن يسكرون الكآفيه ،، لآن المسؤول قال نسكره إذآ جبتوآ عدد كبير من التوآقيع @@


يه !!

ألحين المطعم المعفن ما يتسكر الا بتواقيع مو جنه المسؤول جاي و شام الأكل و مكلم العمال !!


شهالتسيب !!


منو حط هالكآفيه !!


لي متى كليتنا زريييبه زباااله ،، شنو احنا حيوانات ناكل اي شي!!

شوفو إلصورة ،،

[/url][/IMG]


حتى المطاعم الموجوده وصخه منهم نيثنز !!


والله والله والله لقيت اظفر بالأكل ثاني سنه لي بالكليه !


بس ما اشتكيت عليهم خفت أقطع رزقهم !!


و الكلية خرآبه يا التربوويه !!


وينكم عن الكليه


مطاعم زباااله و مباني خراابه ،، شنو مو عادينآ بشر !!


و إلا إحنآ مو كفوو !!


و إلآ تزيين الكليآت حق نآس و نآس ،، الشويخ و الخآلدية أبرك مليوون مره من كيفآن ،،


تبووني ادش بأسباب ثآنيه !!


تبوني اتكلم و إلآ تصرفوون من عندكم !!


و هالخراابه علبوو بتسوون مظلات لـ متى .؟؟؟

من الصيفي و هالخرآبه !!


لو ناطحة سحآب إخلصت !!



شوفو الصور و إحكموو ،،

[/url][/IMG]

^^^
زبآله و ريحة بإلممرآت الضييقه !!










و ألحين إلكرآسي الجديده خآشينهم تحت الدرج @@ قلتلكم مو عادينا بشر !!





مصلى التربيه ياا تربوويه يا مسلمييين !!

وين نصلي إحنآ !!


مصلى الشريعه محكر !!


صرناا بجآمعه و بكلية بـ بلد مثل الكويت مافيها مصلى و الغريب إنه القائمة اللي ماسكه الكليه إسلآميه !!


والله الإسلام برريييء منكم ،، تسكرون مساجد الله عشان تبنون اصنصير !!


والله هذا وجهي ان شفتو الصوت بعد ،، هذي ثالث سنه لي و اعطيكم الصوت ،، شنو صرت أحس إني إمعه !!



لكن إن ما تسنعتوو والله لتصير حمله ضدكم و اصوات المستجدين اللي معتمدين عليها تنسوونها !!



خنكمل باقي الصور !! شوفو المصلى !!








،،،،

المبنى الجديد اللي استانسنا فيه << عزاااه


طلع مو لنا يا حسره ندوات لمحاضرات برا معرفيش << كلام الدكاتره !!


مو قلتلكم عادينا و لا شي ! :sfg:




شوفو بعد الصور اتكلم عن نفسها ،،



الصوره مقلووبه بس معليش








زين تكفوون بعلق على هالصورتين اللي بحطهم ألحين ،،


الأولى نافوره كل سنه يجددون التاريخ عليها من دخلت الكليه خخخخخخخخ

و هالسنه ما جددو الظاهر حسو على دمهم مادري !

و الثانيه اخر لوحه لاسماء المتفوقين بالكليه قبل سنتين مادري 3 حاطينها يعني المتفوقين الجدد اغسلو ايدكم






و لو بتكلم عن فضايح هالقائمه ما اخلص !


مع العلم اني اصوت لهم و اقض النظر عن سفاسف الامور


لكن كل شي الا مساجد الله يآ مسلمين !! يا ترربويه !! يا القائمة الاسلاميه !!

كلناا مسلمين و كل القوائم اللي ضدكم مسلمين ،،


بس الظاهر السنه الجايه إحنا و مستجديناا و الحمله كلها نسوي تحالف مع المستقله ،،


اذا انتو ما قدرتو توصلون صوتنا و لا قدرتو تسوون شي ،، نجرب غيركم


حسبي الله و نعم الوكيل << مادري ليش تذكرت زوارة خميس لما ولد عمهم يقوولهم (( حرامية صغار ))


أبي رد أبي جواب أبي احد يقنعني شسالفه !!


ليش كليات كيفان ملعوون خيرها !!

تبوني اقول الاسباب اللي ابالي و الا تسنعون الكليه !!


انا اقوول سنعووها لان اذا قلت شي مو زين ع الكل !!


و اتمنى نقل هالموضوع لأكبر عدد من المنتدياات الكويتيه ،، خصوصا المنتديات اللي توصل للمسؤولين و ذوي القلوب الرحيمه هع ،، هذي صرخه من طلبة كيفان على الوضع اللي مادري شقول ، كل واحد يقول اللي يبي الله يعين


ربي و ربكم الله ،، سلآم

 

[بسمــ(ツ)ــه]

حسبي الله عليهم ...
والله لما اداوم بالشويخ والله انقههههر اقارن بينها وبين كيفان اصلا مافي وجه مقارنه


خلاص من اليوم كلنا ضدهم ليمن يتسنعووون ويسنعون كليتنا

 

[روح الدنيا]

^^^

مآدري ليش خطر إبالي هذا البيت من الشعر


أسمعت انت اذا ناديت حيآ ،، و لكن لا حياة لـ من تنادي

 

[((نبض الغلا))]

::آآآآآآآآآآآآخ يا روح قلبتي المواجع علينا :eh_s(11):

أنا ورفيجاتي هالسنة ماصوتنا لهم لإنهم بصرااااااااااحة



ما سوو لنا شي يذكر

وآخ ياقلبي على المبنى الجديد كنت متأملة إنا نلقى قاعات سنعة .........

ليش ماعندنا استراحة كبيرة تكفي البنات ؟
ليش ماعندنا قاعات سنعة ؟
ليش ما عندنا كفتيريا تفتح النفس ؟
ليييييييييييييش ما عندنا أحد يسمعنا ؟؟؟؟؟؟؟؟؟؟؟؟؟:bbbiu:



بنات مانبي التربوية خلاااااااااااااص النفس طاااااابت

 

[شوداتي]

موضوعج قوي

 

[FoFa stylish]

رد : يآ إلتربويه ،، يآ كلية إلتربيه ،، الله عليــكم @@ (( صور ))

لا تعليق

 

[ستروبريه]

اففففف قويه قطيعه شنو هذا حسبي الله عليهم

 

[روح الدنيا]

::آآآآآآآآآآآآخ يا روح قلبتي المواجع علينا :eh_s(11):

أنا ورفيجاتي هالسنة ماصوتنا لهم لإنهم بصرااااااااااحة



ما سوو لنا شي يذكر

وآخ ياقلبي على المبنى الجديد كنت متأملة إنا نلقى قاعات سنعة .........

ليش ماعندنا استراحة كبيرة تكفي البنات ؟
ليش ماعندنا قاعات سنعة ؟
ليش ما عندنا كفتيريا تفتح النفس ؟
ليييييييييييييش ما عندنا أحد يسمعنا ؟؟؟؟؟؟؟؟؟؟؟؟؟:bbbiu:



بنات مانبي التربوية خلاااااااااااااص النفس طاااااابت

تسقط التربوييييه لانهم مو عادينا بشر و ناس متحضرين


عندهم فتره شهر من هالموضوع ما سوو شي يذكر ،، راح اشتغل ع الحمله مع المستجدين السنه الجايه و خل ينسوون الفووز بأصوات المستجدين


تبون الجمعيه ،، اخذوها بذراعكم

 

[روح الدنيا]

موضوعج قوي

القوه مطلوبه و السكوت مو حل ،، مو حيوانات احنا ندرس بأماكن جذي و ناكل اكل جذي

!!

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

لا تعليق

:nocommint:

>> :j013: <<

 

[روح الدنيا]

اففففف قويه قطيعه شنو هذا حسبي الله عليهم

خليني ساكته بس ما خفي أعظم

 

[G A L A W I]

رد : يآ إلتربويه ،، يآ كلية إلتربيه ،، الله عليــكم @@ (( صور ))

((فضاائح هالقائمه))
اشدعوووووه عليكم!!!
ليش مثلا بنات التربويه نازلين من السما
تراهم بنات وطالبات حالهم حالنا
وقاعدين يسوون كل اللي بيدهم
ومايقصرون
شوفوهم مايقعدون يا عند العميد او عند التوجيه ويفترون من مكان لمكان
عشان منو؟؟؟عشانكم
بس اذا العميد وربعه متخلفين هم اشذنبهم!!
هم يسوون اللي عليهم ومو كل شي يسمعه العميد
شوفوهم بالباي فورس حتى بنات القائمه محتاجين مواد ومومسجلينها
واشياء وااااااااجد مو مقصرين فيها التربويه
عسئ ربي يوفقهم
وعلى طوووول التربيه تبقئ حمرا
لان محد كفو يمسك كليتنا غيرهم

 

[روح الدنيا]

اووه نسيت أتكلم عن الفلبينيات اللي يشتغلون بالكافتيريا سواء نيثنز او البوفيه او سكوند كوب او او او


بس معليش إن غدآ لناظره غريب ،، موضوع ثاني و فضيحه أقوى لـ كلية التربيه إن لم يتم السيطره ع الوضع << فديتني :$

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

((فضاائح هالقائمه))
اشدعوووووه عليكم!!!
ليش مثلا بنات التربويه نازلين من السما
تراهم بنات وطالبات حالهم حالنا
وقاعدين يسوون كل اللي بيدهم
ومايقصرون
شوفوهم مايقعدون يا عند العميد او عند التوجيه ويفترون من مكان لمكان
عشان منو؟؟؟عشانكم
بس اذا العميد وربعه متخلفين هم اشذنبهم!!
هم يسوون اللي عليهم ومو كل شي يسمعه العميد
شوفوهم بالباي فورس حتى بنات القائمه محتاجين مواد ومومسجلينها
واشياء وااااااااجد مو مقصرين فيها التربويه
عسئ ربي يوفقهم
وعلى طوووول التربيه تبقئ حمرا
لان محد كفو يمسك كليتنا غيرهم

بسكم تطبيل و لعب بعقول الناس

ذبحتونا بالباي فورس شدعوا عاد حصلناا موااد !!

بعدين انتي بكلامج هذا قاعده تثبتين لي ان التربويه عاجزه عن توصيل صوت الطالب !!


يعني مالنا حاجه فيها اذا كانت التربويه مو قادره تسوي شي


خلاص نجرب غيرهم يمكن غيرهم لهم راي و كلمه مسموعه


و احنا مو إمعات تقصون علينا بالكلام


و بالنسبه لكل اللي تكلمتي عنه يخص المستجدين ،، لكن انا كـ مستمره شنو لي شنو سوو لي


ماكو غير افصل عبايات لان عباياتي تشقق من الحديد و الحصى ع الارض :eh_s(6):


تكفين بسج تطبيل ترا انا كل سنه اصوت لهم بس خلاص بس يا بحر

اتلاها نبي مكان نصلي فيه بكلية التربيه ماكو


إتقوو الله يا إسلاميين شوهتوو صورة الصوت الاسلامي :eh_s(2):

 

[G A L A W I]

رد : يآ إلتربويه ،، يآ كلية إلتربيه ،، الله عليــكم @@ (( صور ))

ليش اطبل لهم بالعكس وربي يستاهلون
وانا بعد خريجه
ومن كنت مستجده وهم مومقصرين معاي ولا مع رفيجاتي
يعني موبس للمستجدين!!
انتو تكلمو روحو للبنات وقولو اللي مضايقكم
وعندي ثقه كبييييره
انكم بتلقون اللي يسركم وبتلقون بنات بقمة الادب والاخلاق
احسن من انكم تبطلون مواضيع هني وهم موسامعينكم
كلموهم وجها لوجه احسن
*

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

ليش اطبل لهم بالعكس وربي يستاهلون
وانا بعد خريجه
ومن كنت مستجده وهم مومقصرين معاي ولا مع رفيجاتي
يعني موبس للمستجدين!!
انتو تكلمو روحو للبنات وقولو اللي مضايقكم
وعندي ثقه كبييييره
انكم بتلقون اللي يسركم وبتلقون بنات بقمة الادب والاخلاق
احسن من انكم تبطلون مواضيع هني وهم موسامعينكم
كلموهم وجها لوجه احسن
*

صحيح !!

صج والله


يعني بنات القائمه ما يصلون ؟؟ شلون ماسكين قائمه اسلاميه !!


زين عميان ؟؟ شلون يمسكون كليه !!


كل اللي صورته ما يحتاج نقووله لان العمي يشووف :eh_s(12):


انتي و رفيجاتج يمكن من ربعهم ،،


لكن انا طالبه حالي حال الباقي مالي رب !!


شقولهم اقولهم شيلو الحدايد عباياتي تشققو

و الا شيلوو الكافيهات المعفنه تسممنا !!


و الا شقول


اوو صح نسيت بنات التربويه شدراهم


غرفه على حسابهم يتجمعون فيها و مطاعم من برا الكليه توصل لهم يا حسرتنا

اي صح


و المواد ماخذينهم كل وحده بالوقت اللي عاجبهاا تدش محاضراتها تخلص و مع السلامه


احنا نجي مع الباصات و نروح مع الباصات لان محاضراتنا وحده 8 الصبح و الثانيه 2 الظهر :eh_s(16):


لنا الله لنا الله

 

[صآعده تحت}..]

رد : يآ إلتربويه ،، يآ كلية إلتربيه ،، الله عليــكم @@ (( صور ))


الله يعين

عندنا وعندكم خير

:eh_s(21):

 

[G A L A W I]

رد : يآ إلتربويه ،، يآ كلية إلتربيه ،، الله عليــكم @@ (( صور ))

ههههههه الله يعينج حبيبتي
بس احب اعطيج معلومه صغيره
اني مو من ربعهم ع قولتج
وحتى لو كنت من ربعهم لي الشرف والله ينحطون عالراس
وعليهم بالعافيه المطاعم اللي تجيهم من برا
وروحي اصول واذا لقيتي كلاس فاضي بتلقين بنات اشكثر طالبين من برا
يعني موبس بنات التربويه فديتهم

 

[❤لبيـــه❤]

بصرااااااحة سالفة ان الاكل في وصخ موووووووووووووووووووووووووووو اول مره
وبعدين يعني لمتى ؟!
لا مباني سنعه ؟!
لا كافتيريا سنعه ؟!
لا شعب مبطله ؟!
والادهى ان مصلى ما فيه نصلي بالاسترااااحة اللي زحمه موووت

جد جدهالمررررره خلاص زهقننااا انا صوت لهم هالمره بس اذا ما تسنعت الكليه اخر مره يكوووون صوتي لهم وبنشوووف غيرهم شنو بيسوي ...\
مشكوووووورة رووووح وعساااج ع القووووة

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

ههههههه الله يعينج حبيبتي
بس احب اعطيج معلومه صغيره
اني مو من ربعهم ع قولتج
وحتى لو كنت من ربعهم لي الشرف والله ينحطون عالراس
وعليهم بالعافيه المطاعم اللي تجيهم من برا
وروحي اصول واذا لقيتي كلاس فاضي بتلقين بنات اشكثر طالبين من برا
يعني موبس بنات التربويه فديتهم

و يعين جمييع طالب بكلية التربية و يعينا على اللي احنا وصلناهم ،، نستاهل صراحه لكن والله والله والله ان ما تعدلوو و لا يحلمون بصوت اي شخص اعرفه ،،


تفدي بـ بنات التربويه على كيفج لكن ما اقول الا حسبي الله و نعم الوكيل على القائمه اللي تهايط و توعد و لا تسوي شي


الله اكبر عليهم كلهم


مكان نصلي فيه ماكو ،، تقولولي بالاستراحه << اسمها استراحه مو مصلى ندش فيها بنعوولنا و النعول وصخه و اخر شي نصلي الصلاه الطاهره على ارض وصخه !!


:sfg: الله يعافيج اتقي الله كل كلامج انتي محاسبه عليه