تحبين تقرين كتب English ؟؟ حياج معاي

[لمعة الماسة]

رد: رد : تحبين تقرين كتب English ؟؟ حياج معاي

جيت بكتاب قد قريته قبل فترة :eh_s(22):

please forgive me by melissa hill

الكاتبه ايرلندية



قصتها إن بنت مخطوبه وبقى على زواجها شهرين .. فجأه من غير سابق انذار ومن غير ماتعطي أحد أي خبر تلم أغراضها وتترك ايرلندا وتروح لأمريكا
وتعيش هناك ..
ليش هالهروب المفاجئ ايش حصل !! وليش تركت خطيبها !! :080402ask_prv:

هنآك بأمريكا تتأجر بيت وهي تنظف الدواليب لقت رسايل مو مفتوحه ومغلفه بسولفان

الرسايل بدون عناوين .. فضولها ياخذها وتبدا تدور مين راعي الرسايل ولمين مرسلها ووينهم الحين وايش هو مضمون الرسايل وقصتها

أحداث الروايه كثيره وتضمن قصة 3 اشخاص ولكل واحد منهم قصة

قصة البطله

قصة الرسائل

وقصة صاحبتها اللي راح تتعرف عليها

الروايه مــرة حلوة واسلوبها سلسل ويمكن أول روائيه بعد سيسيليا اهرن تبتعد كل الابتعاد عن الابتذال

ظريفه صح بس مو زي سيسيليا :d

^^

عني أخذت الروايه من جرير


ومالقيت لها روايات ثانيه هناك .. فشريت لها روايتين من موقع اي باي

اسماءهم all because of you

والثانيه the last to know

لسه ماقريتهم .. ان شاء الله اذا قريتهم اقول رايي فيهم ^^

:edbf4317b9:

وخلصت الموجز :d :eh_s(7):

حبيبتي ..تحمست للقصة
بس انا كنت شارية قصة لنفس الكاتبة وحسيتها صعبة علي حيل ...
انتي قلبي وش رايك..........

 

[~ miss NERD ~]

!oops ,, y i didn't c [plz forgive me] b4 ;o
in my list <3

 

[~ تريآق]

رد : تحبين تقرين كتب English ؟؟ حياج معاي


أهلااا مس نرد نورتي والله ^^ وان شاء الله يعجبونج الكتابين

اهلا لمعة الماسة ..

والله انا ما قرأت لها إلا هذي الروايه للأمانه .. حسيت اسلوبها حلو وواضح

شخصيا في أي روااايه أول خمس صفحات احس فيهم بصعوبه لأن الاسلوب جديد مو لأن اسلوب الكاتب او الكاتبه صعب

فحسيتها خفيفه وسريعه ومو صعبه ^^ ان شاء الله تعجبج هي وا stealing heaven

حياكم

 

[princeSs rose]

مرـحباً
أنا وآآجد أقرى أنجليزي بس هالأيام صرت كسلانة وأفرفر ع النت بس وأخر الكتب إلي قريتها
All parts of the Twilight
ahouse of night novel 5 parts
مرآآ عجبوني وإنششالله برجع وأعلق على أسلوب الكاتبتين إلي ألفوا
ahouse of night
لأني للحين أقرآ الجزء الخامس

 

[~ تريآق]

رد : تحبين تقرين كتب English ؟؟ حياج معاي




بانتظآر تعليقج ونبذتج عنهم روز

:
.

خلصت في الفترة الأخيرة هالكتآبين .. وجيت أقولكم عنهم ^^


Things Not Seen by Andrew Clement

القصة تتكلم عن ولد عمره 15 سنة يصح من نومه بيوم من الأيام ويلقى نفسه " غير مرئي " ..

يخبر امه وابوه .. وردة فعلهم وردة فعله تجاههم رهيبة

الولد حسآس تجاه أهله ويفسر تصرفاتهم دائما على انها عدم اهتمام فيه

يطلع بيوم من الايام ويصادق بنت عميا من غير ما يقول لها إنه مخفي.. ويصيرون أصحاب ..

الأم والأب يتورطون بسبب اختفاء جسم ولدهم .. ويبدأ اللي حولهم يتساءلون وين الولد راح وايش سووا أهله فيه

ايش راح يصير للولد هل بيرجع لطبيعته .. هل بيظل مخفي طول عمره

ومين راح يدري عن مصيبته وكيف راح تكون ردة فعل الناس ..


الأحداث روعه .. والقصه خفيفة دم وسريعه

الروايه واقعا تخاطب المراهقين وهالعمر .. بس حبيتها مآآآرة وحبيت اسلوب الكاتب اندرو مرة

للتحميل .. هنا :
.

القصة الثانيه ...

Mrs Whippy by Cecelia Ahern

القصه قصيـــــرة حيل كتيب صغير ابو 75 صفحة

حسيت هالمره إن اسلوب سيسليا غير نوعا ما " شويآآآ بس " .. بس يمكن لأنها قصيرة وما مداني أدخل في جوها إلا طلعت منه

تحكي قصة أم لخمس عيآل أكبرهم عمره 25 وأصغرهم عمره 5 سنين علاقتها قوووية بالايس كريم وكل نكهة منه تمثل لها ذكرى في حيآتها

ظلت متزوجه 25 سنه .. بعد هالسنوات جا زوجها وطلقها واخذ له رقاصه ام 25 سنة


تعآني منهم مثل ماتعاني من أبوهم " كلهم منزلين من مستواها وكلمتها عندهم مي مسموعة "

باختصار مافيه احترام


القصه حلوة بس اعطيها 4\5 ^^

:
.

وبس

[/color]

 

[ScarletteO'Hara]

ترياق
Things not seen شكله مو طبيعي
شوقتيني اقراه
عاد عسى احصله بجرير!

 

[~ تريآق]

رد : تحبين تقرين كتب English ؟؟ حياج معاي



ياهلا والله سكارلت ..

والله انا حبيته مررة ^^

انا دزرت عنه بجرير وطلبته منهم وماجابوه فشريته من النت

بس لقيته محمل كامل ب فور شير وحطيت الرابط لو تحبين تشوفينه ^^

وياحياج الله

 

[LUXURY]

هذيل اليوم شاريتهم من penguin popular classics
واذا قريت شئ بابلغكم
وانا تشجعت اشتريهم لان the great gasbey من نفس الناشر
ولغتها ماكانت حيل صعبه
بس نطروني اخلص سلسلة توايلايت تالي اقراهم خخخخخخخخ عندي كتب وايد

 

[ScarletteO'Hara]

توني خلصت كتاب The Invitation by Jude Deveraux

و بناءا على طلي ترياق حبيت احط لكم لمحة عن الكتاب
ينقسم الكتابي الى 3 قصص منفصلة
اول وحدة
The Invitation
جاكي اونيل ارملة, طيارة, جالت العلم مع زوجها تشارلي, بعد موته بسنة 1934 قررت انها تسكن في كولورادو عشان تبلش business لما قابلت وليام مونجومري الي انعجبت فيه و قررت انها تشاركه
تنصدم بعد فترة لما تكتشف ان وليام نفسه بيلي الي كانت جليسته لما كان عمره 5 سنين و اهي عمرها 15 سنة
للاسف انعجابها فيه قام يزيد كل يوم مع انها خايفة من وجهة نظر معارفها الي لازالوا يشوفون وليام على انه طفل مو ريال عمره 28
و كون وليام يحبها من و اهو طفل ما ساعد الوضع الصعب الي اهي فيه
و اكيد وليام متضايق من خوف جاكي من كلام الناس عنهم
حبيت حيرة جاكي بالوضع السيء الي اهي فيه هل تطنش بالناس و تعيش حياتها مع وليام و لا تكبر عقلها و تنسى موضعها معاه و تخليه strickly business???

القصة الثانية Matchmakers
ام كين تحده الا انه ياخذ اربع نساء الي رحلة مشي مطولة لمدة اسابيع عشان يلقى لنفسه زوجة من بعد ما زوجته ماتت و تركت له ولدين توأم
بالرحلة قابل كيل و روث
روث جميلة تجذب الرياييل
كيل كاتبة قصص جرايم قتل و لسانها طويل
من البداية كين مو بالع كيل و يتصيد عليها اقل سالفة و اهي تنصدم منه
و طبعا ميت على روث, الي جماها خارجي بس و كلها خباثه
كيل اييها مايك الي يشبه كين و تنصدم لما يقول لها انه اهو و كين identical twins و نادر ما اي احد يفرق ما بينهم
مايك ينتحل شخصية كين و تمشي السالفة على الكل بس ما تمشي على كيل
و بعد لما تقابل عيال كين الي اهم بعد identical twins تفرق بينهم بكل سهوله عكس غيرها
تكتشف ان اهل مايك و كين يقولون انه اولادهم المفروض يتزوجون حريم يقدرون يفرقون ما بين التوأم
و زوجة كين ما كانت تقدر تفرق ما بينهم و ما تقبلوها اهل التونز, عكس زوجة مايك الي يحبونها
لما يكتشف كين ان كيل تقدر تفرق ما بينه و بين اخوه تتغير نظرته لها و يبلش الاعجاب
و كون عياله يحبونها بعد و ما يحبون روث يعفس راسه
بس هل بالنهاية راح يروح لروث الجميلة او كيل الجامحة؟

A Perfect Arrangement اخر قصة
قصيرة و مسلية
عن الmousy دوري الي تضطر تروح لقاتل و تساومه على انه يتزوجها عشان اختها لا تفرض عليها انها تتزوج على كيفها
اختها روينا جميلة عكس دوري
و كول الي اهو القاتل بعد ما قابل اختها و اكتشف انها manipulative يوافق على طلب دوري
في مقابل انه يتعلم صنعة و يساعد دوري و ادارة مديتنها
تبلش المغامرات الي تخلي كول الي طول عمره يركض ورا الحريم الجميلات يحب دوري العادية

عموما قرقت وايد بس حبيت اقو ان الي تعد نفسها a sucker for romance تجرب تقرى لجود
كتاباتها سهلة و ممتعة
هذا ثاني كتاب اقراه لها و اكيد ماراح يكون الاخير

 

[دانة الاحرار]

هااااي


توني اشوف القروب << دايخة


انا من زمان خاطري اقرى English book


بس دايما تغريني المترجمة اكثر ,, بي الكتاب الوحيد اللي قريتة بالانقلش كان مال شارلز ديكنز حتى نسيت اسم الكتاب



وبصراحة استفدت منكم وابي اشتري مبدئياً : forgive me + the invitation <<< وايد عجبوني


اي وسمعت عن كاتب كويتي يكتب بالانقلش بس ما اعرف اسمه ابي ادور له كتاب واشترية بعد





ومشكوورين لاني استفدت

 

[ScarletteO'Hara]

هااااي


توني اشوف القروب << دايخة


انا من زمان خاطري اقرى English book


بس دايما تغريني المترجمة اكثر ,, بي الكتاب الوحيد اللي قريتة بالانقلش كان مال شارلز ديكنز حتى نسيت اسم الكتاب



وبصراحة استفدت منكم وابي اشتري مبدئياً : forgive me + the invitation <<< وايد عجبوني


اي وسمعت عن كاتب كويتي يكتب بالانقلش بس ما اعرف اسمه ابي ادور له كتاب واشترية بعد





ومشكوورين لاني استفدت

تصدقين عاد انتي عكسي
ما احب الكتب المترجمة و دايما احاول اتجنبها
حلاه الكتاب ينقرى باللغة الي انكتب فيها
بعض المرات من وجهة نظري الترجمة تظلم الكتاب الاصلي

و عموما ان شاء الله تستفيدين من موضوعنا الي حاليا ممكن يعتبر مرجع للي وده يتعمق بالانجليزي
حياج :tek:

 

[ام عبدالوهاب555]

اليوم كنت اتمشى بالمكتبة وحصلت مجلة وايد حلوة

ما ادري اذا تدرون عنها

book marks

for everyone who hasn't read everything

بكل عدد يناقشون عشرات الكتب وفيها ملخصات وايد وهمن لقاءات مع الكتاب

وااايد حلوة لا تطوفكم

www.bookmarksmagazine.com

 

[LUXURY]

بنات حبيبات قلبي وين احصل نسخه انجليزيه من كتاب eat love pray
مابي مترجم
واللي شايفته يليت تبلغني عن سعره اذا ممكن
ابي اشتريه ماعليكم امر باقل من اسبوع وباعطيه هديه حق وحده

 

[ScarletteO'Hara]

بنات حبيبات قلبي وين احصل نسخه انجليزيه من كتاب eat love pray
مابي مترجم
واللي شايفته يليت تبلغني عن سعره اذا ممكن
ابي اشتريه ماعليكم امر باقل من اسبوع وباعطيه هديه حق وحده

اذا ماني غلطانه جنه في بفيرجن؟؟؟
بس مو متأكدة
اتصلي فيهم احسن

 

[LUXURY]

مشكوووووووره سكترلت
اخلي ريلي يجيك عندهم

 

[BONZالكويتية]

امس بديت بقصه اسمها thirteen reasons why وقعدت اقراها من الساعه 8 لي خمس الفير وكان باقيلي ثلاثين صفحه خلصتهم اليوم
القصه موووووووو طبيعيه اول ما تقرينها ما تقدرين اتهدينها وهذي نبذه عنها
Clay Jensen returns home from school to find a mysterious box with his name on it lying on his porch. Inside he discovers several cassette tapes recorded by Hannah Baker--his classmate and crush--who committed suicide two weeks earlier. On tape, Hannah explains that there are thirteen reasons why she decided to end her life. Clay is one of them. If he listens, he'll find out how he made the list.
انا مو نوعي اقرا جذي لاني متعوده على fiction بس قريت عن هالقصه ابامازون ولما لقيتها بvirgin شريتها ، ومن قريتها وانا مو قادره افكر بشي ثاني تخليج صج تفكرين شلون تصرفاتج ممكن تأثر على غيرج حتى لو كان شي بسيط انتي تحسين انا ماله معنى ، بس من الحين اقولكم القصه تبجي وشويه خلتني اكتئب فما علي اذا صار فيكم نفس الشي p:, بس والله تستاهل الناس يقرونها

 

[ScarletteO'Hara]

امس بديت بقصه اسمها thirteen reasons why وقعدت اقراها من الساعه 8 لي خمس الفير وكان باقيلي ثلاثين صفحه خلصتهم اليوم
القصه موووووووو طبيعيه اول ما تقرينها ما تقدرين اتهدينها وهذي نبذه عنها
Clay Jensen returns home from school to find a mysterious box with his name on it lying on his porch. Inside he discovers several cassette tapes recorded by Hannah Baker--his classmate and crush--who committed suicide two weeks earlier. On tape, Hannah explains that there are thirteen reasons why she decided to end her life. Clay is one of them. If he listens, he'll find out how he made the list.
انا مو نوعي اقرا جذي لاني متعوده على fiction بس قريت عن هالقصه ابامازون ولما لقيتها بvirgin شريتها ، ومن قريتها وانا مو قادره افكر بشي ثاني تخليج صج تفكرين شلون تصرفاتج ممكن تأثر على غيرج حتى لو كان شي بسيط انتي تحسين انا ماله معنى ، بس من الحين اقولكم القصه تبجي وشويه خلتني اكتئب فما علي اذا صار فيكم نفس الشي p:, بس والله تستاهل الناس يقرونها

واااو شكلها قصة روعة
بس مستواها شلون يعني حق teenagers ولا adults?
either way it sounds interesting and im willing to buy it
happy reading
!

 

[LUXURY]

بونز
شكلها تشوق
جم صفحه؟
خل اجيك عليها

 

[LUXURY]

بنات ممكن اسال سؤال ونتناقش فيه؟؟

اشلون تنظمين وقتج للقرايه؟
هل تعطين وقت معين من يومج مخصص للقرايه وتهدين كل شئ له؟ مثلا من 5 المغرب لل7 بليل
تقرين يومي والا كل اشكثر؟
تحددين كميه او وقت للقرايه مثلا تقولين باقرا ساعه بس؟؟؟


انا كلش مالي وقت وما اقرا يومي لسبب واحد
العيااااااااااااااااااااااااال هههههههههه
ياخذون وقتي وهالحزه يدوب اقرا جم صفحه
ودي اقرا زياده بعرض اليوم بس اليهال يحوسوني ماشاء الله
وبنتي مريضه من فتره ومتعسره وكله تبي الاهتمام والحب واللمه

الله يعين يا رب وتتشافى وتتعدل نومتها مره ثانيه

 

[LUXURY]

سكارلت
اللي حطتها بونز مكتوب عنها بالامازون حق young adult
ننطر رايها