- إنضم
- 23 أكتوبر 2010
- المشاركات
- 112
- مستوى التفاعل
- 0
- النقاط
- 0
السلام عليكم
صار لي تقريبا في هالمنتدى مدة سنة بس ما كنت اشارك فيه وقررت اكتب هالموضوع بسبب شي لاحظته في ردود العضوات وهي كلمة (طاف ، طنشي، ما عليج من احد) لانه هالردود غالبا تكون لوحدة متضايقة من شخص مثلا في حمولتها او خالتها او احد من اهل زوجها قاعد يحرها ويضايقها والردود دائما طاف وطنشي انزين الى مت تطنش الوحدة على ما تموت من الحرة والقهر ويجيها امراض وبلاوي ....مو كل شي الواحد يقدر يطنشه ويعطيه طاف في بعض المواقف لازم حل جذري لها
مثل مرة وحدة كاتبة انه بنت خالة زوجها تقهرها لانها تتلصق في زوجها وتتدلع عليه واغلب الردود كانت طنشيها وعطيها طاف؟؟؟؟ شنو اعطيها طاف اموت قهر وهي تتدلع على زوجي واسكت علشان بس اني ابين اني كلاس وما اغار منها بالطقاق اللي يطقها خلها تقول اللي تقوله....
او مثلا وحدة حمواتها رسميين معاها وهي متضايقة من هالشي وتبي طريقة انها تتقرب منهم ونفس الشي الردود طاف ....يا بنات مهما كان هذيلا اهل عيالي وعزوتهم اذا كبروا شلون اقدر اطنشهم او اكون رسمية مع احد عايشة وياه ....ادري في بعض الحمولة يكون البعد عنهم غنيمة بس الوحدة تبدأ بحسن النية والقلب الابيض علشان الله يوفقها ويعطيها على قد نيتها.
اتمنى ما حد تضايق من كلامي واللي تضايقت طاف وطنشي ههههه
