++++++++ دوانــــــيـــة معلــــمـات الـريـــــاض ++++++++

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

لميس

خلاص تدبسنا عدل

الحمدلله على كل حال

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

صنفي طواقي او اساور و خواتم وساعات
وهكذا

مشكورة عالدعاء الحلو


اليوم قدمت درس يتعرف على ذاته بطريقة روعة
ماتووقعت اقدمه بهالشكل
و الي يضحك انه المشرفة بتدش علي وقلت لها حياج بس ترى الهدف غثيث
و جنه كسرت خاطرها وراحت

انا اقولكم شغله
بنات ترى الأركان حيل حيل يخدمون الدرس
والالعاب بعد
اي هدف غثيث كثروا فيه اللعب والخيال
و الحركة بالصف
ويمشي الوقت ولا أروع


لميس انا سمعت نفس الكلام الي سمعتيه
وكنت اقول شحقه يتضايقون احد يعاف قرب الاطفال
والحين عقب طعش سنة صرت احس الاطفال وحوش
تبين الصج كرهتهم

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

ليلاس تدبسنا بدباسة خشب مو دباسة عادية
وخلاص صارت النحشة صعبة
عاد في ناس مقزرينها بالاسبوع لازم اجازة طبية
وعايشين حياتهم وموحاسين بالضغط الي نحس فيه

 

[جبروت امرأة]

صاجه ياعهود

لكن هذوله الناس اللي ماعندهم احساس بالمسئوليه ولا عندهم ضمير

هذي مو مهنه عاديه هذا تدريس علي كثر ماهو متعب وفيه من المشقه

بس الوحده لازم تراعي ربها بالاطفال اللي عندها

والله يأجرنا انشالله علي هالصبر والتعب كله

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

صحيح
معانا بنات
تحسين لما تداوم مثل اللي لبست عباتها و رايحة تشرب جاي الضحى عند جيرانها
استغرب
استغرب منننهم
شلون عايشين جذي
شلون تنام بالليل وما تسأل روحها معاشي حلال ولا لأ

والكارثة لما تسألينها عسى ماشر
كل مرة قصة مختلفة
وتلاقين سبحان الله عيالهم فيهم مرض او شي

ترى المال الحرام ينبت عظام العيال على عقوق الوالدين
هذي معلومة البعض يجهلها

مرة مسافرة مرة ولدي مريض
مرة مسخنة مرة مادري شبلاي
يويلي شلون تنام االليل هذي !
تدرين ياجبروت تداوم بالشهر كله يمكن اسبوع
بس قطعيه عالشهر كله

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

تصبحون على خير بنات
بروح امسك لي قصة خيالية واقراها
يمكن شوي انسى اني ابلة روضة
نعيش الخيال شوي
الي يحب يضحك وينسى الهم
يشوف فيلم مال حارس المتحف الي على ام بي سي ماكس
يونس
ادم ستيلر دمه عسل بهالفيلم بالذات
فرفشوا


أند قووووود نايت


< وحدة ماوراها حلقة هاهاهاها

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

وهالنوعية اللي تقولين عنها عهود ما يفكرون يطلعون من التدريس لان اصلا اهم مو تعبانين

انا بعد ما وراي حلقه فكه عقب درس اليوم يتعرف على ذاته

 

[جبروت امرأة]

احنا لنا الله يابنات

والله الاشكال هذي عجيبه حاولت اسوي مثلهم بس ماقدرت كل ماشوف اطفالي واطالع بعيونهم

احسهم يكسرون خاطري

فعلا ماقدر اسوي جذي

واذا طلعت من الروضه الله لايبلانا شكلي طالعه من هوشه مو من روضه

الملفع طاير يمين والنقاب طاير يسار والعبايه الغبره فيها واصله للراس

:0bee2e8d89::0bee2e8d89:

 

[ZoOoz2]

السسسسسسسسسسسسسسلام عليكم معلمات الله يعافيكم الي عندها خبر عن ام سالم معلمه متقاعدة اتقولي اشكثر ادزلها عالخاص ومسجات وادق ما اترد ابيها ضروري واااااااااااااااي ببجي

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

زووز و الله مادري
سألي عنها الخنساء > قطتها براس البنت



ليلاس احلى شي لما يكون جدولج لاصفي موسيقى تحسين داشة الروضة منشكحة الضحكة شاقتها شق من الاذن للاذن
بس تعرفين شلون يخربون عليج يومج الادارة يعطونج احتياط بهاللاصفية بالذات من بين كل ايام الاسبوع


جبروت جان زين الملفع

انا الحين صارت قذلتي تطل وياليت مرتبة شعرتين مني وثلاث مناك بشكل يضحك موشي
ودي البس الانطة يمكن شعري ما يطلع على خلق الله بس حرررررررررر موت

ولو اني شكلي الرسمي الملفع لازم يسحب وراي مادري ليش


بنات شنو اخر اخبار الدروووس عسى مامن تدريس يارب



و ابي اسأل منو حطوا اسمها بدورة ادخال المواد الي العصر ؟؟

 

[*أم*خالد*]

بليز ابلات

بليز لاتتحلطمون بليز

تعبت من تحلطمكم

خو صارلكم دهر تدرسون يعني بتقولونلي ماعندكم دروس جاهزه تضيفون عليها شغله ولا شغلتين ويمشي ؟؟

بليز حبيباتي بسكم تحلطم

يله قولولي وبشكل حلو وبدون تحلطم واللي تتحلطم ماراح اخليها تلعب بالفرصه ولا بالاركان بخليها منزرعه بالحلقه ليحد مايطلع منها بطاط @@

شريتو بدل حق العيد ؟؟
وين ناوين تدورون ؟
يله سولفو سوالف حلوة اشوف

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

ههههههههههههه ام خالد
خلاص بوقف تحلطم
اوكي
ملابس العيد ما شريت لا لي و لا لعيالي
لأني باختصار للحين مومصدقة انه المعاش نزل
من الفرحة تنحت
ووقت ماكو وقت العصر نصلي وننام شوي وعقب نقعد ندرس عيالنا ونحضر دروسنا
ام خالد دشت عليج الموجهة ولا للحين
يا بخت عين من خلصت من الموجهة تحسين حياتها خلاص سهالات

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

تدرون ليش احنا بس الي ندور سير الدروس
من بين كل المراحل ؟
لأنه احنا تحضيرنا بس نكتب اهداف وبس
اما سير الدرس مانكتبه

انا انصحكم تكتبون بدفتر خاص سير كل درس
وتحتفظون فيه للسنين الي جدام

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

عهود انا على حظي كل ما صار عندي موسيقى فردية غابت ابلة الموسيقى جنها متحلفه فيني لوووووووول

وبالنسبة للعيد ما شريت يقولون مافي وقت اكشخ هناك اقصد بالحج

تامرون على شي من السعودية؟

 

[ملاك-77]

السلام عليكم
شدعوه محد فقدني!!!!
لي جم يوم انفلونزا وزادت علي ازمة الربو
يوميا كمام والحمدلله على كل حال

<<<<<< تحب التشره والشرهه ماتجوز الا على الغالين
باجر درسي يقارن بينه وبين الطفل الرضيع
شنو اقدم منبه؟؟؟
انا مفكره بزل صورة رضاعه الحليب والطفل يركبها ويتعرف على اسمها
ومن يستخدمها وهل مازلنا نستخدمها اللآن؟وأبتدي بشرح الدرس

اشرايكم ؟ واللي عندها منبه احسن منه تكتبه والصبح باذن الله أشوفه

يالله تصبحون على خير

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

ملاك

سلامات حبيبتي ما تشوفين شر واكيد فاقدينج من غير شر :blueSmCLR:

يقارن مممممممم
حلو منبهج ليش تغيرينه؟

 

[شمووووع الليل]

عفية ضررررروري درس يذكر الطفل امنياتة في المستقبل ويحترم المهن الاخرى ويقلدهاااا عفية شيسوووي منبة الدرس جامد ماكو شي ولازم لكل امنية منبة ربي يووووفقكم مسسسساااعدة

 

[3so0ola]

سلاااااام حبيباتي
ماتشوفين شر ملاك
وبدال صورة مقطعه
خشي بامبرز بجيس خام والطفل يتحسس و يكتشف انه بامبرز
بعدين حطي مميه وهم يتحسس ويكتشف انها مميه
طلعيهم وسالي الاطفال ما الرابط بينهم ؟
انه الرضيع يستخدمهم
تحياتي

 

[راقية باخلاقي]

السسسسسسسسسسسسسسلام عليكم معلمات الله يعافيكم الي عندها خبر عن ام سالم معلمه متقاعدة اتقولي اشكثر ادزلها عالخاص ومسجات وادق ما اترد ابيها ضروري واااااااااااااااي ببجي

هلا حبيبتى

تري مغيرين رقم المركز وطرشوا لنا مسجات

كاه الرقم
هاتف 55962073

وهذا سايتهم
http://tamyoz.tumblr.com/page/3

 

[توت ومانجا]

السلاام عليكم

زميلات المهنة الصعبة

خوووش دوانية قعدت اقرا واقرااا تكدرررت واحبطت

قاعدين يطبقون المنهج الجديد تجربة بروضتنا

فابغى اقتراحات فقط عشان ازيد على درسي

عندنا يتعرف على ثلاث كلمات ( إنسان - سعيد - نفس )

لازم احطهم بقصة

شسوي قصة فيها هالثلاث كلمات

خو احنا من شغلنا صرنا مؤلفات وأديبات لووووووووووول

الموووهم عندي سؤال تفرغ دراسي عقب جم سنة تدريس يعطوني ايااه ؟
واذا حولت ادارية جم يصير معاشي للعلم انا توني ثاني سنة تدريس

وشكرا ادري اذيتكم

ندور النحشة