ابي انزل 10 كيلو خلال 40 يوم منو تقبل التحدي ؟؟من 22/10/201

[عمار يا كويت]

صباح الرشاقة
امس المغرب رحت استقبال شافتني وحدة قالتلي ضعفانة قلت بقلبي تو النلس يبيلي بعد واااااااجد
كليت قطعة حلو من شوكليت بار صغيرة بس لدييييييييييييييددة وشربت كابتشبنو
وما تعشيت كلش
واليوم شربت ماي وبعد شوي بتريق فاكهة يا عرموطة او برتقال هدا الموجود بالثلاجة .. بس شنو مصدعة ونفسي هافة على شاي حليب
الله يعين اليوم رابع يوم بالديتوكس

 

[عمار يا كويت]

ما تشوفين شر زاجل
او ريمة وكات لا تخربطون التزمو احسن لكم ولا ترا بفوز عليكم

 

[ZajiL]

عمار ياكويت

عليج بالعافيه وبرافو علييييييييييييييييج صمدني هانت مابقى شي

كات ومن

ماعليه حبيبتي شوي شوي حاولي تقضبين نفسج ومع الوقت تقدرين تبعدين عن المغريات بعد احنا بشر
لازم لقمه لقمتين نبوق بس هم لازم نعود روحنه انه نصمد


باجي البنات

عليكم بالعافيه ماكلتوا وموفقييييييييييييييييين اليوم

 

[حرم_طيار]

رد : ابي انزل 10 كيلو خلال 40 يوم منو تقبل التحدي ؟؟من 22/10/201

صباح الخير رشيقات

امس العشا كان دياي بالفرن

اليوم الريوق نسكافيه تروبكانا+نفاحه:ggdw:

 

[ZajiL]

حرم الطيار

عليييييييييييييج بالعافيه موفقه ان شاء الله

 

[ZajiL]

اليوم ريوقي

صمونة المطاحن السمره فيها سلايس جيز + تيركي + جرجير خس 3 زيتونا + كابتشينو

انا هذا ريوقي مايتغير لانه اسهل شي للدوام بس كل يوم داخل الساندويش شي عشان ماامل

 

[ZajiL]

بعد شوي موعدي صج معدتي شابه علييييي الحين بس تريقت اشتغلت واذا ماكليت عادي ماتعورني

 

[الجووورى]

هلا حبيباتى هلا باحلى تجمع وقروب فديتكم كل ابوكم
امس
سويت مطاره شاى ومراميه صراحه عجيب وكل ساع اشرب منها تدرون المراميه روعه للتنحيف
مشيت ساعه وربع ساعه عالحزام الهزاز ونص ساعه ايروبكس كلها تمارين فخود وبطن وتمارين للخلفيه
سيده تسبحت بنات وانا اتسبح حطيت ماى حار كثر ما اتحمل ويبت قهوه التركى وحطيتها على الاماكن اللى ابى اضعفها
وفرك خمسه دقايق وبعدها غسلت بماى بارد
الغدا مالى عن 2 صمون صغار مع همبرجر مشوى وجبن جلاس وبس
العشا صمونه وحده فيها تونه ماكنت وايد يوعانه
طول اليوم ماى بنات شربوا ماى وايد ترا يضعف ولا تشربون وانتم واقفين لا قعدى وشربى
طول اليوم شاده جسمى حتا بقعدتى
اليوم للحين ماتريقت
بس شكلى بسوى بس نسكافيه
ويلا همتكم ابى اشوف منو يتحدانى


ام عمار حلت دنياك ياقلبى
يلا جورى go go

 

[ZajiL]

جوري

موفقه ياقلبي


رديت من شوي من الطبيب تصدقون اول شي قالي

فيه شي مضايقج مريت فيه هالاسبوع @@ بققت عيني

طبعا فيه مضايقات بس بالدوام بس انا من اطلع من الدوام اسوي دلييييت للكل الي في الدوام
وعادي عمري ماتضايقت او زعلت وصار شي نرفزني رديت فيه البيت من باب الدوام
كل شي ينمسح وجني ماخذه افراج هههه

بس دوامي بحد ذاته متعب والحالات الي نشوفها وتصير والموضفين المومتعاونين هذا
كله ضغط على اعصاب الواحد

والحمدلله عطاني علاج وقالي امشي عليه اسبوعين واراجعه بعد اسبوعين

 

[@ بنت النـور @]

رد : ابي انزل 10 كيلو خلال 40 يوم منو تقبل التحدي ؟؟من 22/10/201



عاشو البنات ,, والله التنافس شد ,, عفيه عليكم أحس اني تشجعت

أنا امس واليوووم مريضة :0bee2e8d89: ,, الظاهر امبلشه افلونزا

وامس بس تريقت والغدا روب ,, والعشا توست أسمر وجبن >> بس وانتو بكرامه لاعت جبدي ورجعته :0bee2e8d89:

واليوم كلش مو مشتهية ولا شي ,, بس الغدا خربطت شوي ناشبت ريلي على غداه هههههههه



وما مشيت اليوم الفير >> كلش ما فيني طاقة

بنات شسوي رحت المستوصف أمس قالتلي فيج احتقان بسيط بالبلاعيم

وأنا ما احس ان بلاعيمي تعورني ,, بس جسمي كله مكسر ما اقدر امشي خطوتين ,,

وخشمي مو راظي يوقف واي شي آكله على طول أطلعه وأرجعه >> انا اتوقع داش فيني هوا يمكن :eh_s(10):

وشكلها الدكتورة ماعرفت شتقول قالت احتقان بسيط

:rgewrg:

 

[@ بنت النـور @]

رد : ابي انزل 10 كيلو خلال 40 يوم منو تقبل التحدي ؟؟من 22/10/201

عليكم بالعافية بنااااات انشاءالله نوصل للي ببالنا

Zajil >> ماتشوفين شر حبيبتي ,, واذا دوامج متعب ليش ما تغيرينه ؟؟

أدري صعبة ولوية بس لو بتفكرين فيها عالمدى البعيد صحتج بتأثر ,,

عفيه بنات شدو حيلكم ,,

انا اليوم ماتريقت والغدا كليت خربطت كليت شوي مع ريلي وبعدين رجعته وانتو بكرامه

ما احب لمن اكون مريضة ,,

 

[عمار يا كويت]

بنت النور سلامات ما تشوفين شر يمكن حايشج برد من المشي الفجر شربي فيتامين سي والله ينشط شوي وشرفي أشياء دافية
زاجل سلامات ان شالله تصيرين زينه مع العلاج
وهياااااااااا كويتييااااااا كملوا يابنات

 

[ZajiL]

بنت النور
وعمار الكويت

مشكورين ياقلبي

بنت النور وين اغيره انا اصلا كنت مغييرته اكتشفت انه كل الدوامات مثل بعض للاسف

بس ان شاء الله اصير احسن وماتشوفين شر

 

[عمار يا كويت]

قاعدة اشرب شاي اعشاب :nbptr:

 

[عمار يا كويت]

ههههه الجوري
انا مو أم عمار انا عمار يا كويت .. الظاهر ضيعتي بيني وبين التاجرة ام عمار لووول

 

[عمار يا كويت]

زااااااجل مبروك الاشراف توني شفته
صار عندنا واسطة بقسم الطفل

 

[!!انا!!]

رد : ابي انزل 10 كيلو خلال 40 يوم منو تقبل التحدي ؟؟من 22/10/201

لي مكان معاكم!!


بعزم نفسي وبنظم لكم !!


ميخالف !!


:eh_s(21):

 

[@ بنت النـور @]

رد : ابي انزل 10 كيلو خلال 40 يوم منو تقبل التحدي ؟؟من 22/10/201



بعد قلبي الشر ماييكم ,,

انا حاطة جداااامي صحن برتقااال وحاطه حيلي فيه

منه فيتامين سي ومنه اسد يوعي

 

[@ بنت النـور @]

رد : ابي انزل 10 كيلو خلال 40 يوم منو تقبل التحدي ؟؟من 22/10/201

لي مكان معاكم!!


بعزم نفسي وبنظم لكم !!


ميخالف !!


:eh_s(21):

هلا هلا حياج الله بيننا ,, اكيد في مكان بس مادري يمدي تلحقين على اول اسبوع ولا لأ ؟؟ :bbbiu:

لأن وزنتنا يوم السبت ,,

بس ها ترا همتنا عالية ,, ومتحدين بعض بقووووة ,, حياج يالغالية


ان شاءالله مانخلص الا كل وحدة واصله للجسم اللي تبيه

 

[!!انا!!]

رد : ابي انزل 10 كيلو خلال 40 يوم منو تقبل التحدي ؟؟من 22/10/201

ميييرسووه حبيبتي بنت النور

الهمه فوق

والاراده حديد

وانا اصلا راح اكمل الرجييم اللي باديته من اسبوعين معاكم