ان شاء الرحمن راح اجي للكويت وين اروح

[الاهله]

السلام عليكم

خواتنى الغاليات راج اجي الكويت بعد شهرين تقريبا

واذا مافي ازعاج ممكن تدلونى وين اروح

مقاهي مطاعم مجمعات

لانى اول مره اشوف الكويت

اشكركم جزيل الشكر

 

[حناينq8]

حياج الله حبيبتي بديرتج الثانيه
بتنورينا بحضورج الغالي

اول شي انصحج تنزلين بالفنادق القريبه ( المارينا - او فنادق السالميه او بنيد القار) عشان تكونين قريبه من كل شي

الاسواق

المباركيه خصصي لج يوم كامل حقه

الافنيوز

المارينا مول

سوق شرق

الكوت - هذا شوي بعيد لانه بفحيحيل

المهلب بحولي

الفنار وزهره وليلى جاليري بالسالميه واكو حولهم خوش مطاعم تيك اوي جربي شاورما وفاهيتا مطعم اسمه كوردو بصفة الفنار

مطاعم - الله ما كثر المطاعم بديرتنا ماشاء الله

روحي الابراج فيها مطعم الافق

وعلى طول الواجهه البحريه في مطاعم خصوصا بالمارينا كريسنت

وكل المولات فيهم كافيهات ومطاعم

روحي بنك بيري وصفي طابور موجود بالافنيوز والمارينا

تبين اسامي خوش مطاعم تفضلي

( اشاز (هندي) - سقنور ساسي (ايطالي) هذا يم الابراج من بره ومعاه بنفس المكان فش ماركت - فرايديز وابل بيز وجيليز ( امريكي )
المهلب سي فود وموجود بالبدع << هذا غير المول اللي قلت لج عنه
لينوتر ( فرنسي )
ميس الغانم
اذا لكم خلق مروا مقهى الشميمري الشعبي واكلوا مشويات
برج الحمام

عموما اذا تذكرت رديت لموضوعج وانتي بعد اخذي لج فره بالقسم ترا البنات مو مقصرين بشي

 

[الاهله]

رد : ان شاء الرحمن راح اجي للكويت وين اروح

ماااقصرتي

تعبتج وياي

ونااسه ماشالله وش كثر الاماكن تحمست اجي يارب اجي الله لايغير

اشكرج من كل قلبي والكوين منوره بوجود اهلها الطيبين

واكيد بلدي الثانيه مافي شك

الله يرزقج كل ماتتمنينه يارب

 

[<miss botamba>]

السلام عليكم

خواتنى الغاليات راج اجي الكويت بعد شهرين تقريبا

واذا مافي ازعاج ممكن تدلونى وين اروح

مقاهي مطاعم مجمعات

لانى اول مره اشوف الكويت

اشكركم جزيل الشكر

جم يوم يايه علشان اسويلج جدول حلو :eh_s:

 

[الاهله]

رد : رد: ان شاء الرحمن راح اجي للكويت وين اروح

جم يوم يايه علشان اسويلج جدول حلو :eh_s:

ياليت والله بس راح اتعبج وياي

جزاج الجنه ماقصرتى

بس ابي اعرف بعد اسعار الفنادق

لاهنتي والله يعطيج العافيه

انا بجلس 5 ايام تقريبا ان شاء الله

 

[رنيم q8]

ما قصروا خواتي معاج

في مقاهي شعبيه اذا تبين بعد مثل مقهى سليمان الشميمري ويوم البحار هذا تراث كويتي
وعندج الاكوابارك ومدينة الترفيهية وحديقة الشعب لليهال
وعندج بعد مجمعات مثل ما قالت اختي الافنيوز و360 وسوق شرق ومارينا مول والمهلب وثريا وليلى غاليري وغاليريا 2000 وبلازا
وعندج سوق داخله سوبرماركت والعاب يهال فوق سيتي سنتر
وتقدرين اتزورين المركز العلمي وايد حلو
وتروحين الابراج الكويت انصحج تروحين له ريوق
اما الفنادق : هليتون المنقف - فندق مارينا - مارديان
واذا تبين شقه فندقيه راقيه ب 50دينار او 60 دينار ميراح سويت شغل عدل يطل على البحر وحلو
واتمنى اني فدتج لو بجزء بسيط

 

[فقـدتـك حيــل !]

رد : ان شاء الرحمن راح اجي للكويت وين اروح

حيـاج الله حبيبتي ،
وبتنورينا ..
الخوات ما قصروا ..

 

[كويتيا كول]

تفضلى حبيبتي هذا الرابط راح يفيدج
http://www.q8yat.net/showthread.php?t=717329

 

[الاهله]

رد : ان شاء الرحمن راح اجي للكويت وين اروح

ماقصرتو كلكم الله يجعله بموازين حسناتكم

تعبتكم معاي

 

[7noOna]

رد : ان شاء الرحمن راح اجي للكويت وين اروح


اول شي توصلين بالسلامه انشالله ،، افا عليج ماطلبتي إلا عزج حاظرين ،، والكويت والسعوديه ديره وحده
:eh_s(20):

مجمعــــــات:

اهم شي الافنيوز طبعا و خليج لابسه فلات مريح لأنه تعب

و اذا تبين لليهال ملابس روحي مجمع منيره بالسالميه تحت بالسرداب فاشن مل اسعاره زينه و يصلح لليهال بدل وبجامات وهم في للكبار

المارينا - 360


المــطـاعم:

:eh_s(9):


طبعا ديرتنا معرووفه بالمطاعم،،تقريبا كل مطاعمنا حلوه ولكل الاذواق :ceaf32e183:

بقوللج اللي اكثر شي احبهم :sfg:


أشــاز "هندي" موجود بالافنيوز

فلافل ناديا "لبناني" بمجمع 360

تشيليـز "امريكي" موجود بالبدع،مرينا كرسنت،الافنيوز،سوق شرق ويمكن موجود بالمناطق البعيده مادري

و عندج شارع المطاعم في كل شي


ونصيـحه تسكنون بالسالميه لأنها تختصرلكم كل شي عن الكويت و اهيا منطقتنا السياحيه



:nbvppw:



اتمنى اني فدتـج

 

[عذوب79]

حياج الله عندنا مايقصرون وياج الخوات

 

[الاهله]

رد : ان شاء الرحمن راح اجي للكويت وين اروح

اشكركم جزيل الشكر

ماقصرتو واكيد ديرة وحده احس انى بسافر من ديرتى الى ديرتي

 

[حساسة مصر]

رد : ان شاء الرحمن راح اجي للكويت وين اروح

البنات كفوووووو

 

[3so0ola_94]

بتنورينا حبيبتي
حيااج الله