اولا مشكورة على ردج لي
احب ابيدي من الفقرة الأخيره الأخذ والعطا بالحديث مو اصرار على اني على حق وغيري غلط وهم هذا الشي قلته في التعليقات الي قبل خاصة للخت ام عبوش . وهذا يا عمري يسمونه النقاش العلمي كل واحد يكون له وجهة نظر معينه ولازم يدافع عنها انا حولت اثبت وجهة نظر معينه بس هذي ما يعني اهنها صحيحه او لا بس للأسف احنا بسرعه نستسلم اذا احد ناقشنا وعارضنا وعشان عوار الراس مثل ما تقولين خلاص اسكت وهذا للأسف سلبيه واذا كملنا بطرح الموضوع يتهمونج في العناد
وعشان اتحاشى المشاكل او عوار الراس نفضل انه نسكت وانتي يا حبيبتي حكمتي علي وانتي ما تعرفيني ومن مجرد موضوع واحد قلتي انه شخصيه سلبيه وان صديقاتج يمكن يكونون قليلين او شخصينهم ضعيفه وهذا الشي راجعلج
الي حواليني ويعرفوني شخصيا ايهم ادرى فيني وللعلم انا اكبر من 25 سنه
لكن هذا ما يمنع اني انتبه من كلامج واحط بالي على نفسي ومشكوره على هذي النصيحه
انا قلت في الردود السابقه انا مستمعه بالحوار مع البنات عشان جذي قاعده ارد وياهم فرصه اني اعبر عن فكره بمخي اوصلها للناس
بس انا كنت احاول اوصل فكره مو افرض عليهم راي لكن يمكن لكثرة ردودي صار عندج فكره اني ابي افرض رايي
استخدامي لكلمة كله لأن هذي اللهجه الكويتيه وطريقتنا في الكلام للأسف جذي جياما لما نيي نتكلم انتو كله جذي ,,, انا كله ما عندي.,,,, يعني هذا فقط لهجده لا غير
حبيبتي عدي جم رد اكو في الموضوع وحسبي جم وحده قالت سحر وجم وحده قالت نفسي ؟؟ وقسمي عدد الردود مال السحر على العدد الكلي وراح تطلعج النسبه؟؟ وشوفي هل ايهي اكثر من 50 % او لا؟؟ اذا اكثر معناته ان الأغلبية مثل ما قلت لو لا
وهل حلوه اني اقول حق صاحبة الموضوع انه ريلج مسحور؟؟ يعني هل في حالة مسحور يكون افضل اة اسهل تقبلا على الواحد من انه يكون مريض؟
انا اقصد من بيوتنا مسحورة انه هذا كلمه تردد واايد هالأيام حيل بمجتمعنا
يعني في ناس يتصرفون تصرفات سلبيه انفسرها على انه مسحور
خل اقولج مثل هالقصه
في وحده تصير حق ريفيجتي تزوجت هالبنت من واحد اول الزواج ما يقدر يلمسها نهائي ولا يشوفها ولا يطلع وياها معنا ايهو ماخذها عن قناعه وايهو مختارها تكون زوجته طبعي نفس الحاله قالو هذي عين والريال مسحمر لازم نقرا عليه
بعد 7 سنين زواج الريال تعدل وصار عادي مع زوجته ويابو عيال لكن قعد هذا الريال مع زوجته في يوم لنا سووتله موقف يعني قمة في الروعه والتضحيه
فقالها انا بصارحج بشي
قالها تذكر اول الزواج اشلون مرينا بمشكله قالتله ايه
قالها تدرين شنو كان فيني قالته لا؟ قال انا كان عندي احساس بالذنب كبير ؟؟ قالته من شنو؟
قالها انه ايهو كان على علاقه مع وحده قبلها وصارت امور وايد بينهم ومنها انها فقدت عذريتها هالبنت
اهني طبعا المره انصدمت واسكتت وايهو كمل الكلام قال يقول انا اشوي اشوي بديت اتسحب منها ولما حست اني بفل قالت انه لازم يصحح غلطته انا قلتلها اني انا ماقدر اخذ وحده رضت تبيع نفسها برخيص لي وانا بتزوج ومن هالكلام
البنت كانت متعلقه في وايد فكانت تحاول تتصل فيه وتروحله لدرجه انه وصلت دوامه وبيته عشان تحاول تقنعه
المهم يوم درت البنت انه تزوج البنت انتحرت
يقول مني انا حسيت بغلطيتي واني ظلمتها وايد وانا للحين هالذنب احس فيه وانا خايف من الله يبليني في يوم وماني عارف اشلون ينغفر لي ذنبي
عشان جذي كنت اكره اشوفج اكره اكلمج او المسج وما اقدر اقعد بالغرفه الي انتي فيها ويوقل كنت ابجي مثل الياهل بس انتي الله عوضني فيج
فشاريج انتي هل تفسير الحاله الي كان فيها سحر والا ذنب عظيم؟؟
في هذي الأمور لما تصير
انه مثل ما في احتمال سحر في احتمال مشكله كبيرة في احتمال حاله نفسية مرض عصبي حسد ووحدده لاعبه بمخ الريال وتبي تهدم بيته
يعني في واايد اشياء مو بس اقول سبب واحد
ارجو اني وصلت فكرتي
وشكرا مره ثانيه على نصيحتج الامام الصادق يقول رحم الله امرء اهداني عيوبي اذكر نفسي بكلام الامام علي
من عجبته آرائه غلبته أعدائه
فلازم اسمع الكل ولو ما عجبني رايهم
وملاحطاتج فادتني
