ما ادري مسحور ولا كارهني ولا ... قسم بالله موقادره افكر

[monmon12]

شكرا على ردج عزيزتي.. اسلوبج حييل يعجبني واايد راقية بالحوار..

والله يكون بعون صاحبة الموضوع..

مشكوووره حبيبتي
أخجلتيني بردج الحلو )

 

[monmon12]

اختي العزيزه انا ماراح اعلق على موضوع الاخت وحالت زوجها ومو من اختصاصي اقول سحر او مرض نفسي لان العلم عند الله بس عندي جم سؤال لج وياريت تقدرين تردين على

هل باعتقادج انه الدكاتره النفسيين او الدكاتره بشكل عام مو تجاريين؟؟؟؟؟؟

وياريت بما انه عندج هل المعلومات القيمه عن الامراض هذي وطرق علاجها باستخدام ادويه معينه تصرف للشخص عن
طريق الاخصائي النفسي ممكن نعرف شنو اثارها السلبيه على الانسان

انا عندي صديقه للاسف انها الجأة لدكاتره نفسيه ولا تقولين اكيد هذولي دكاتره مايفهمون شي لانهم للاسف
دكاتره مشهورين على مستوى الكويت وخريجين انجلترا وغيره

للاسف وصلو البنت مرحله الله يعينها عليها كل شهر يزيدون لها كمية العلاج وحالتها من سيء الى اسوء

اذا كانو المشايخ تجاريين فالدكاتره تجاريين بنفس الوقت


صاحبت الموضوع راح اقولج شي واحد ادعي ربج وقولي (اللهم ارني الحق حقا وارزقني اتباعه وارني الباطل باطلا وارزقني اجتنابه)

انتي مظلومه بالقصه والله راح ياخذ حقج وراح يبينلج الحقيقه

مشكوورة أول شي على الرد انا ماقلت أنا هذا اختصاصي ولا انا شخصت مرض
كانو البنات قاعدي يناقشون يوقولون لا مو مرض نفسي لنا رجع
فانا رديت عليهم وقتللهم وشوفي بالصفحات الي قيبل رقم 2 و3 اني انتي تقولين سحر من كلام المره بس انا من كلام المره ما كو دليل على سحر حتى ماقالت تنه لقت بيضه او لفه عشان اقول هاا يمكن في
ودليلهم الوحيد انه يرجع لما يقرا عليه القرآن وانا رديت عليهم ليش يصير هذا واقري ردودي القبليه
وانا هم شفت أعراض نفسيه الريال شايل هم كبير داخله ومو عارف اشلون يتصرف فيه مأثر على حياته وتصرفاته تشابه بشده امراض نفسيه
فعشان جذي انا اقول احتمال كبير وقوي وشديد انه لازم يروح مختص لأن الرمض النفسي يا حبيبتي مو شعور معنوي هذا خلل عضوي
ويتعالج أو تتخفف حدته
الحين اذا حاشتج انلفونزا شتسويين؟؟ تقعدين في البيت وتقولين يا رب شافني وبس
والي لازم تتدفين عدل تاخذين ادويه تشربين سوائل
اللله عطاناها علم الطبابه عشان نساعد الناس ونعالجهم ليش الواحد يرفض الدواء الي يخليه سليم ؟؟؟
وبالنسبه لريفجتج
تكفه يعني خريج انجلتره نازل من الجنه مثلا ترى لا تخليني اقولج اشلون يابو ناس شهاداتهم ولااا من جامعات بريطانيه وامريكيه هذا مو موضوعنا
وهم هذا انسان بعد يعني في محال للخطا وللأسف المجال النفسي الطبي ضعيف عندنا حاله حال اي قسم ثاني من الصحه في الكويت
يعني مثلا السرطان الله عافينا ولا يبلي في احد في الكويت اشلون يعالجونا بكميات كبيرة من الكيماوي تحرق الجسم تنسفه لكن يعطون ويا كيرتيزون عشان يخفف من هالأعراض عشان شنو يبون يختصرون مده العلاج لنا المريض يكلفهم في اليوم مبلغ ويبون يوفرونه
السالفه اشكره فلوس ومافيها لاذمه ولا ضمير هذا حبيبتي ومريض في كانسر فما بالج لما ايلهم واحد مريض عصبي نفسي من صجج ابدااااااع في العلاج الخاطء يعتمدون فقط على المهدئات والمريض المسكين عباله علاج مث المستوصف الححين ترجعين ملغمه بندول ومسكن
بس هذا ما يعني حبيبتي عدم وجود المرض
بس الشطاره انه أدور الزين مثل ما اروح وافتر واشتري بالسوق نفس الشي هذا
وللأسف فعلا الدكاتره صارو ماديين لكن شنسوي لازم نسعي للعلاج


وحبيبني اذا على الآثار السلبيه الحين تقريبا في هالوقت كل شينستخدمه له اثار سلبيه
المكياج حبوب الفيتامينا الأكل من الجمعيات المعدلة ووراثيا المعلبات الزيزت المهدرجه السياره الكلوركس الي مساتنسين انه ينظف مايدرون ان خطر ومسرطن كثرته يعني لو اقلوج اليسته ما اخلص

 

[شــغــب]

الله يجمع شملكمّ ولا يفرقكمّ

 

[اشتياق]

أكيد مسحور!
بس منو تهقين؟
عنده اعداء ؟
شي غريب؟
والله انا مرات اقول شنو سحر ماسحر منو فاضي يسحر الثاني؟
بس لمن اقرا المشاكل اقول كل شي جايز
لاحول ولاقوة الا بالله
سالفته سالفه..!

 

[lady-me]

الله يعينج ويكتبلج الي فيه كل خير انشاء الله

بما ان امه تعبانه خلي امج اتحاجيه وتقول اصبر ويتعوذ من ابليس

انا اعرف وحده نفس حالتج بالضبط قطها عند بيت اهلها واهو ايقول انا احبج بس موقادر اقعد معاج
خلاها شهرين كاملين عند بيت اهلها
البنت << كثرة استغفار و تقرا البقره
وراحت امها حاجته وردها
ما اقولج الا الصبر وانشاء الله ربي يفرج عنج ويردلج له الله امين ويوفقكم

 

[monmon12]

اختي رايج على عيني وعلى راسي وماراح اعلق على صاحبه المشكله بس عندي لج سؤال
على اي اساس عرفتي انه عنده اضطراب واحتمال يكون اكتئاب او فصام بالشخصيه لانه مايسمونها انفصام على فكره
يعني البنت ما اشتكت انه عنده عله او انفعالات غير طبيعيه وذكرت انه مشاكلهم حالها حال اي متزوجين يدد!!
ونعم كلامج صحيح انه القران يهدي النفوس المطمئنه المؤمنه لكن اللي فيهم سبب سواء مس او سحر يكون لهم رد فعل من قراءه القراه القران مايضر الشخص نفسه لكن يكون سبب بشفاءه سواء طرد المس او تنظيف الجسم من السحر
والمس والسحر كلهم مذكورين بالقران ومايجوز انج اتشككين بهالشي لانه يعتبر كفر بكلام الله وما ابيج تطيحين بهالغلطه والسبب الاول انج قلتي : شنو سحر كبرو عقولكم ورديتي علقتي قلتي ليش بس المسلمين اللي ينسحرون ليش مو الصينيين او الامريكي وللعلم الكل ممكن يحوشه مس من الجن مافي احد معصوم لا جنس ولا جنسيه الا ماعصمه الله
والسبب الثاني لما قلتي شنو القران يستخدمونه دوا من الصيدليه !! ما اقول الا عسى الله يغفرج ويغفرنا اجمعين ومافي احد معصوم من الخطأ
والاخ تقولج مايطالع بعينها وموديها بيت اهلها ومو بالعها تقولين لها خليه يروح طبيب نفسي !!! تتوقعين شنو بيرد عليها ؟؟ في مثل يقول خاطب العاقل بما يعقل ولا انا غلطانه

حبيبيت من صجك تقولين ماكو انفعلات اول شي ما يبي جنس وياها معنا طالعه من الاربعين يعصب ويتهاوش وياها على أشياء تافه بيطلقها من غير سبب واضح يتله نوبة بجي طووول ما ايهو يسوق فيها لبيت أهلها بعد مادري شنو تبون اكثر من جذي تبون الريال يمشي مفصخ
انا اكرر انا ما شخصت حالته انا شفت أعرااض تتطابق مع أمراض نفسيه الي ايهي الكتئاب الي يحوش الرجل وحطيت المراجع مالتي وانا ما قلت في انفصام
حبيبتي انتي وين ادلتج انه الريال مسحور غير سالفة الرتجيع والي هم انا قتلكم اشلون يسووونها المشايخ ماعندكم دليل
والله انه لو البنت مو كاتبه فوق بالعنوان سحر جان محد قالها سحر لأن انا اشوف مواضيع ثانيه محد يقول سحر لما الريال مره وحده يعر ويبي يطلق

الحين انتو عجبيبن ترفضون انا عضو في جسم الانسان يحوشه خلل ومرض يؤثر على صحة الانسان بس تؤمنون قطعيا انه سحر وماكو سبب اخر غير السحر؟؟

اي حبيبيتي احنا مسلمين بيوتنا كلها قرآن وادعية وذكر للرجمن والينانوه تارسه بيوتنا ويا السحر معنا لعلمكم البيت الي في ذكر الله مستحيل يدشه سحر او جني سيء لنا الله يحفظ أهل البيت بذكره يعني انا بفهم ليش العرب والخليجيين متروسين بيوتهم سحر ماكو الاا اهم في الدنيا
يعني انا مادري شقول
يعني انتو ملا تلاحظن ان نفس الأعراض الي تطلع عندهم وعندنا ايهم يسمونها امراض نفسية وتتعالج واحنا نسميها سحر @@
أختي ارجوك اشوي شوفو الأمور بنظره عميقه وتفكير
كأني قاعده اكلم ناسفي زمن قدييييييم واقولهم ترى الأرض كرويه مو مسطحه

 

[monmon12]

إلا سحر ونص للي تقول اكتئاب نفس خالي بالضبط ..

حبوبة اذا ما استمر على القراية راح يتعب لأن كل ما يقطع راح يرد السحر أقوى وخصوصا المأكول لأنه مشى مع الدم ..

خليه يستمر على القراءة والله يشافيه وينتقم من اللي حط له السحر ..

حبيبتي مو انا اقول
الي درسووابحثو وطلعت عينهم عشان يثبتون ايهم الي يقولون
يعني يا حبيبتي
انتي تقولين مشى بالدم الدم كل 22 يوم يتجدد
المفروض يعد 22 يوم يروح لنا الدم راح يتكسر ويتجدد

اللله يخليكم بنات واللله انه هذولا يقصون عليكم

السحر موجود بس هذا مو مسحوووور

 

[أو عبوش]

مون......... هل من اعراض الاكتئاب انه يرجع لما يقرون عليه قرآن؟


وان كان الاجانب مايدخلهم جني او مس.......... شلون دريتي... لانه مايبين الا لما يقرون عليهم؟؟ منو مسك له واحد صيني ولا امريكي وقرى عليه قرآن..!!!!! عشان ماعندهم قرآن طلعت سالفه (الامراض النفسيه)!! لانها امراض ماعرفوا لها تفسير......وطبعا اغلبها الحالات تنتهي بالانتحار او الجريمه..... ويقولون الارواح الشريره....... صدقيني الحمدالله اللي عطانا نعمه الاسلام ونعمه القرآن ونعمه الاحاديث وسنه نبينا محمد صلى الله عليه وسلم



انا طليقه اخوي ماندري شنو علتها
وتعالج عند اطبه نفسيين...يقولون فيها فصام بالشخصيه.... المرأه كانت تصلي بس فتره الحيض!!!! وتصلي عكس القبله!!! وتكره النظافه!! وتحب تغسل بالنجاسه كرمكم الله البوول!!!! هل هي مريضه نفسيه!!!!!!!!!!!! مع ان الاطباء قالو انفصام بالشخصيه!! اشهالمرض النفسي اللي بس يتركز محوره على الصلاه بالنجاسه!!!

ان تقدرين تفسرينه لي بما انج عندج خبره بالهاموضوع......

 

[reem83]

اختي الغالية حاولي تتواصلين مع خواته وتشوفين شسالفة ويحاولون يصلحون بينكم وحتى امج لازم يكون لها يد لان ماكو شي يستاهل ومبين من السالفة ان اهو يمكن فيه شي باعده عنج
والله يرجعكم لبعض يارب

 

[رومــآ]

الله يعينج يالغلا

ومالله على الي ساحرينها

اصلا باين انه مسحور

مالج الا الدعاء
وددي دعاء ( اللهم رد لي زوجي كما ردددت يوسف ليعقوبد ردآ جميلآ )

 

[أم روعة]

الله يكون بعونج حبيبتي وانشالله الله يهديه وترجعون لبعض

 

[(كويتيه عسل)]

لا حول ولا قوة الا بالله مبين عليج سنعه وبنت حلال ماتستاهلين اللي صارلج وصار لريلج

يارب يهدي ريلج ويشافيه حبيبتي انتي اوقفي معاه لاتتخلين عنه حتى لو من بعيد

استغفري وايد وصلى على الرسول عليه الصلاة والسلام وايد

قبل صلاة الفير صلي ركعتين واذا قدرتي اكثر هم افضل وادعي من كل قلببببببببببببببج لريلج

لاتنسين تطمنينا على ريلج وعليج شصار عليكم

 

[غمزه وإبتسامه]

يمكن مريض ؟ صار فيه شي ؟ مرض وخايف يعديج انتي وبنتج
الله يعينج يابرب ويسخره لج

 

[ملح و سكر]

لاحوله ولا قوة الا بالله العلى العظيم ....وحسبى الله ونعمه الوكيل باللى كان السبب اللى انتى فيه ....


ميخالف حبيبتى حاولى انج تتحملين شوى ...وخلى اخوانه يودونه المطوع ..وحاولى انج تغيرين الغرفه بعد يكون احسن ...

 

[نبض جابر]

الله يكون بعونج
رجلج شلون صلاته
راعي مشروب ولا لا
راعي مغازل ولا لا
راعي بنات وقعدات
قولي عشان اقدر اساعدج

لاحرام والله انه راعي صلاه

صحيح اوقات يأخرها مثل الفجر يكون نايم او العصر

بس يصلي ما يتركها

ولا هو راعي بنات ولا سهرات الايام العاديه حده الساعه 1 بليل ويرجع للبيت وسهرته في ديوانية البيت تحت

الويدك اند يرجع عالساعه 3 الفجر
بس اللي مطمني ان سيارته برا وسهرته في ديوانية الجيران واشوفه الفجر وهو طالع من ديوانيتهم وجاي البيت

وبعدين هو بار في والديه

قام في ابوه قومه قبل وفاته والحين نظامه ان جمعة وترك يمر على قبر ابوه يقرأ الفاتحه ويساوي القبر

والجيران ما يسمونه الا حوار امه (( كل ما تكلموا قالوا فلان حوار امه ))

من كثر وصله وحبه لامه

وخواته شايلهم على راسه واللي ذابحني انه يموت بالجهال ولا يرضى بالغلط والظلم

والحين حاذفني ولا طل في وجه بنته وهي في بيته عشان يطل في وجهها وهي بعيده عنه<< هالشي مو من طبعه كلش كلش

انا لا غبت يومين عن البيت بسبب ظروف مرض امي او شي تلفوني ما يوقف من اتصالاته ولا مسجاته

وفي فترة نفاسي كان كله يقول اللي يصبرني على فراقج متى تخلص الاربعين يوم والله الشقه مو حلوه بدونج


هذا اللي مجنني انه في اسبوعين تغير 180 درجه


++

باقي الخوات مشكورين عالردود

والله يرفع منه البلاء ويرده لي سالم متعافي

 

[نبض جابر]

نسيت اقولكم يابنات

بعد مارحت لأهلي بيوم انحاشت طباخة المطبخ من بيت حمولتي

استغفر الله شككتني ساعات اقول التعب اللي في زوجي نفسي

وساعات اقول الخدامه حاطه شي

لأن اولاً : زوجي مكفخها في رمضان لانها مدت ايدها على اخته الكبيره

ثانياً : الخدامه ماتحب خالتي لانها كله تهاوشها وتقول لها شغلج مو زين يمكن بتحر قلبها على ولدها

(( زوجي هو اغلى عيال خالتي عندها ...وهو اللي دايماً ما يدخل ولا يطلع الا مار عليها وشايفها ))


ثالثاً : طول فترة نفاسي ملابس زوجي تنغسل وتنكوي تحت عند خدامات البيت واكله تحت

والله احترت ساعات اقول الخدامه حاطه شي وساعات اقول لا نفسيته تعبانه وبس

 

[حـووور]

رد : ما ادري مسحور ولا كارهني ولا ... قسم بالله موقادره افكر

حبيبتي الله يفرجها عليك عليك بالاستفغار كثري منه قايمه قاعده


وشربوه القسط الهندي اذا مسحور رح يستفرغ

والله يشفيه ويرده لك

 

[om-3wenat]

الله يهدية و يسخره لج ادعي له
و كلمي امه او اختى

 

[eman84]

الله يكوون بعوونج

ويسخركم لبعض

 

[Ba$ko0oTa]

الله يهديه لج ويسخره
مسكين والله كاسر خاطري وانتي
بعد مدام قلتي ان عند الشيخ كان يرجع معناااه مسحوور
يعني لازم يلتزم ولا تخلوونه حاولي دخلي رياييل معاج واهله
لا تخلوونه ترى والله محتااجكم بس الشي غصبن عليه
حاولوا تعالجووونه يا قلبي والله لو انا منج ما استسلم
الله يكون بالعون حياتي