بكل صراحه لعضوات المنتدى

[روح الدنيا]

حبيبتي المنتدى منتدى كويتيات ويمثل بنات الكويت
وبعدين عيب تقولين روحي منتدى ثاني
انا عاجبني المنتدى هذا وحبيت اقول عيوبه
ولااضن انه الانسان لاكان صريح وقال اللي عنده مافيه شي غلط هذا انا قلت صراحتي ورايي بكل ذرابه
وانتو اذا نفس الشي اذا ماعجبكم شي بمنتدى تحبونه اكيد بتقولون رايكم فيه وعيوبه ولا احد بيزعل من الحق
بس هذا اسلوب بعض العضوان بهالمنتدى
مشكوره ع المرور

قلت اذا مو عاجبج روحي منتدى ثاني

و قلت الخليج كله على راسي :eh_s(10):


و العفو حبيبتي حياج ماعندنا اعز منكم

 

[$حبيبة عبودي$]

والله منتدى كويتيات احسن من منتدى معروف كبير اسلوبهم يلوع الجبد
وكله زف وهواش يخرعوووون ..

 

[amani]

الله يهدي بعض العضوات اسلوبهم هجومي وفي البعض لا والله تعطي الحلول المفيده والصحيحه وصدقيني مافي أحلى من هالمنتدى وكفايه إنه اسمها كويتيات:hjy5jewf:

 

[đeɱɛɼɑ™]

شي طبيعي جدا ً تشوفين هالاسلوب
تدرين جم عدد عضوآت هالمنتدى ؟! :weight_lift:
يعتبر المنتدى مجتمع مصغر !!
انتي نفسج بـ مجتمعج تلقين الشين والزين عندج اللي اسلوبهآ رآقي واللي اسلوبهآ العكس تماما ً
كل وحدة فيننآ ممكن تكون يآية من بيئة مختلفة نسبيآ ً ، وتحصيلهآ العلمي مختلف ، مستوآهآ المآدي والاجتمآعي إلى آخرة من اختلآفآت تاثر على شخصية الوحدة واسلوبهآ وطريقتهآ في التعآمل والاخذ والعطآ .. الشي اللي تشوفينه غلط ممكن اهي تشوفه صح والعكس صحيح .. فـ يعني المنتدى مفتوح للجميــــــــــــــع ​

 

[سوالف وتراحيب]

رد : بكل صراحه لعضوات المنتدى

والله ماادري وكل وحده على حسب تربيتهاا اخلاقهاا

 

[g76aniya]

عادي حبوبه ..
كل(ن) وتربيته .. سواء كان كويتي او غير كويتي ..
والله يهدي الجميع ..

 

[‏ڝڋٸ ٵڸڪٿہـآڻ]

ممكن كلامك صح بس ترى موكل العضوات ....

 

[أشبـاهـ المطـر]

طـيب أنتِ شرحتي امـر أعتبرتيه ظـاهره
أظن مـن أدبيات المقالـة البحث عـن الحل
ليس فقط تسليط الضوء عليها ...


الإنسـان نتاج لبيئته ,,,
وفـي النت الله ماكثر صـاحين والمثقفين
والمتخلفين والمجنن !

 

[الوجه السمح]

حياتي ترا الي يدخلون مني مو بس كويتيات و الكويتيات و نعم فيهم فديتهم ما تقدرين تحكمين في بنات اهمه الي يبون حق روحهم الكلام والله بنات الكويت ينحطون على الجرح يبرا و ترا يدخلونه مرات مراهقات و ياهال فودهم يشاركون عشان يبينون تواجدهم و ما يعرفون شيكتبون و ترا كل المنتديات فيهاا اشياء الصراحه ما تنقال و احسن منتدى انا دخلته منتدى كويتيات وربي ما شفت مثله فديت الكويتيات على الراس والله

 

[waaoodi]

أختي ريماس أنا سعودية وهناك منتدى مشهور سعودي بدون ذكر اسماء اكيد تعرفينه لأنه نسائي ويخص حواء

منتدى عجيب ...وفيه كل الأشياء اللي ذكرتيها عن هنا ..... وأكثر انا اتبعه من 10 سنوات اعرفه زين يعني

وبصراحة الكويتيات ذوق والله مو مجاملة وحتى احنا السعوديات فينا الخير

لكن الأسلوب كل واحدة عاد وأسلوبها والمنتدى زي المجتمع من كل لون وثقافة وبيئة ما تقدري تفلتري وتقولي والله المؤدبة بس تدخل

اللي يصير هنا يصير في كل المنتديات وما أحد يمثل الكويت ولا السعودية

كل يمثل نفسه

معليش لو كانت صفة غاااالبة على عضوات من بلد معين اقول انهم تقريبا يسيئون لكن لما تكون أقليه ما اعمم

وانا اتضايق من اي خليجية تنتقد خليجية ثانية احنا واحد

وبدل ما ندافع عن هذول وهذول ندافع عن بعض المفروض ونشوف حسنات بعض ونغض عن سيئات الاقلية المفروض وما نشمت احد فينا

 

[tamazight]

رد : رد: بكل صراحه لعضوات المنتدى

طـيب أنتِ شرحتي امـر أعتبرتيه ظـاهره
أظن مـن أدبيات المقالـة البحث عـن الحل
ليس فقط تسليط الضوء عليها ...


الإنسـان نتاج لبيئته ,,,
وفـي النت الله ماكثر صـاحين والمثقفين
والمتخلفين والمجنن !

أوافقك الراي عزيزتي فا في كل مشكلة أو معضلة هناك الأسباب ثم النتائج واخرها الحلول انتي إكتفيتي بطرح المشكل فقط مع وجود مغالطات في الموضوع. لكنني أحببت أن ألفت إنتباهكي إلى بعض المفارقات التي ارتكبتها انتي بنفسك في مواضيع سابقة تعرضت للحذف من قبل الأدارة ولقد رايت اسلوبك في الكتابة والتعبير و بصراحة يتعارض تماماً مع ما ذكرته انتي هنا !!!

فكما ذكرن الأخوات المنتدى يحوي عدداً كبيراً من العضوات من مختلف الجنسيات والأعمار والأهم المستوى التربوي والتعليمي إذاً فا كل وحدة تتصرف حسب الوسط الذي تربت فيه .

 

[๓ίşś зśŏłả..!]

رد : بكل صراحه لعضوات المنتدى

اي والله صاجه