ارجو الرد الصريح بدون مجامله

[استايل العربية]

السلام عليكم بنات انا عندي مشكله مع زوجي عمري ماحسيت انه يحبني وهو بخيل وغير عاطفي وبصبص حيل على الحريم ولما اتناقش معه بابسط الامور يعصب وكذاب حتى يحلف كذب عادى عنده يلوع الكبد حتى بالجماع ساعات تلوع كبدي مع اني موحامل يعني مو اوحام احسه احمق غبي تافه حتى ساعات يدزني يقط علي وساده مثلا لاسباب تافه وعمره ماراضني وانا زعلانة بالعكس احس انه يفرح لما ازعل عشان ينام وغيرها من اشياء ارجو من كل اخت تقرى شكوتي ماتبخل على برد يمكن ردها يفيدني وشكرا

 

[حربيه وبس]

رد : ارجو الرد الصريح بدون مجامله

حاولي تغيرين اسلوبج وتصيرين شوي حازمه معاه
ولا تسكتين عن حقج
وناقشيه مره ومريتن وثلاث واذا مافاد
دخلي اهلج بالموضوع
الله يوفقج ويصلح حالج يارب

 

[استايل العربية]

اشكرك حبيبتي بنت حرب على الرد

 

[فاصل اعلاني]

رد : ارجو الرد الصريح بدون مجامله

السلام عليكم بنات انا عندي مشكله مع زوجي عمري ماحسيت انه يحبني وهو بخيل وغير عاطفي وبصبص حيل على الحريم ولما اتناقش معه بابسط الامور يعصب وكذاب حتى يحلف كذب عادى عنده يلوع الكبد حتى بالجماع ساعات تلوع كبدي مع اني موحامل يعني مو اوحام احسه احمق غبي تافه حتى ساعات يدزني يقط علي وساده مثلا لاسباب تافه وعمره ماراضني وانا زعلانة بالعكس احس انه يفرح لما ازعل عشان ينام وغيرها من اشياء ارجو من كل اخت تقرى شكوتي ماتبخل على برد يمكن ردها يفيدني وشكرا

حبيبتي اسأل الله يكمل عقل زوجج شوفي
بعض الرجال عند الزواج يكون مسيطرين سيطره كامله على المرأه وهذا يرجع لنفسيه الرجل العصبيه يعني ممكن يكون شاف ابوه يعامل امه في هالطريقه فحب يقلده او سمع من اصدقائه طريقة معاملتهم لنسائهم عموما نفسيات الرجال تختلف من شخص لآخر والحل بكل سهوله

دائما حبيبتي عاملي الرجل مثل البيبي مهما كان كبير بسنه يعني لو انه بخيل لاتطلبين منه ولا تعطينه اعتقد فهمتي والشرح يطول جدا لكن صدقيني سهل التعامل معاه

 

[q8 83]

استخيري ربج و شوفي اذا هالانسان تقدرين تكملين باجي حياتج معاه و هو بهالشكل وممكن تقدريت تستحملين كملي

اما اذا ما تقدرين تتحملين اكثر من جذي تفلين منه بدون عيال احسن لج

 

[فاصل اعلاني]

رد : رد: ارجو الرد الصريح بدون مجامله

استخيري ربج و شوفي اذا هالانسان تقدرين تكملين باجي حياتج معاه و هو بهالشكل وممكن تقدريت تستحملين كملي

اما اذا ما تقدرين تتحملين اكثر من جذي تفلين منه بدون عيال احسن لج

لا اختي قدمي لها النصيحه بدون الرجوع الى الطلاق كثير من المشاكل تنحل بدون طلاق لجعل الطلاق اخر مفهومنا

 

[نور وشموع]

رد: رد : ارجو الرد الصريح بدون مجامله

حاولي تغيرين اسلوبج وتصيرين شوي حازمه معاه
ولا تسكتين عن حقج
وناقشيه مره ومريتن وثلاث واذا مافاد
دخلي اهلج بالموضوع
الله يوفقج ويصلح حالج يارب

----- انا معاج


-صح كلامج

 

[Tosta M7mSha]

حاولي تغيرين من اطباعه وتتناقشين معاه شنو الي يضايقج او يضايقه وشنو تحبون وما تحبون لازم يكون كل شي واضح للطرفين وعموما اول سنه زواج اصعب سنه لان كل واحد ياي من بيئه غير عن الثاني وعلى ما يتاقلمون يبيلهم فتره لكن في امور مستحيل تتغير او اقدر اسميها عيوب مثل: البخل والشك والجذب
والله يسخره لج ويوفقج

 

[أميره الـ غ ـيد]

‘،

جم لج متزوجه ؟؟؟

،‘

 

[استايل العربية]

مشكورين حبيباتي على الرد بس اناعدي منه اربع اولاد واستخرت واجد بالنسبه للطلاق بس خايفه من تأنيب الضمير لاني حيل اخاف اظلم اعيالي لكن انا تعبت عمري 28 وشعري متروس شيب الله يخليكم ساعدوني بدون ماتجاملوني ابي الصراحه حتى لوجارحه وانا رحت لمصلح اجتماعي وقالي ليش ماتطلبين الطلاق بس انا رفضت هالفكره ماقدر ماعندي قوه الدنيا حيل متعبتني ومااقدر اتحمل تعب اكثر ابليز ساعدوني الله يرفع عنكم ولايبتليكم

 

[عادت ذكرياتي]

الله يهديه

 

[فاصل اعلاني]

رد : ارجو الرد الصريح بدون مجامله

حبيبتي استايل العربيه
بقولج في كل اختصار بعض الرجال يحبون المرأة المتسلطه القويه والبعض الاخر يحب المرأه الحبوبه
زوجج عامليه بعكس ما يحب يعني خليج قويه متسلطه مو تفهمين من كلامي انج تناجرينه لا ابدا ان كان بخيل عامليه في نفس بخله اشتريلج لج انتي بروحج حتى عيالج لاتشترين لهم ( فقط في الفترة الحاليه ) اهتمي بشئونج بروحج خليج متسلطه اكثر من اللازم وهذا اهوه الحل الوحيد واذا تبين شرح كامل انا مستعده وحاضرة

 

[حبـ admant ـك]

رد : ارجو الرد الصريح بدون مجامله

الله يعينج ويهدي زوجج

 

[روضة الطيب]

الله يهديه

هذول الريايل ماوراهم غير عوار القلب

 

[a7la_7b]

ماعندي غير الدعاء لج
الله يفرج همج ويصبرج على اللي انتي فيه ويهدي زوجج يارب

 

[شيخة المعازيم]

رد : ارجو الرد الصريح بدون مجامله

حبيبتي انتي عندش منه اربعه حرام الصراحه
وهذي اعتبريه نصيبك بالدنيا...
وش ضمنك اذا هديتيه يجيش واحد احسن منه وبكره عيالتش اذا اكبرو
بتصير علوم راح يحطون كل اللوم عليتش....
شوفي عيوني حاولي تتأقلمين مع وضعش شوفي حسناته واستفيدي منها وطنشي سخافته
اعتبريه ابنش شتسوين بعد لو ابنش بتصبرين عليه وبتسامحينه سوي كذي
صدقيني الدنيا ما تدوم لحد واللي رسمناه في خيالاتنا عن الريل ما كلها تتحقق
نحن مب بزمن المثاليات
كل ريال وفيه الف عيب وعيب...

 

[الأميرة جوري]

رد : ارجو الرد الصريح بدون مجامله

الله يهديه شوفي شنو الاسباب منج او منه فيه نقص بس من وين الله العالم

 

[ba6bo6a1]

الله يهديه مالج الا الدعاء

 

[عالين المواجيب]

رد : ارجو الرد الصريح بدون مجامله

مالج الا الدعاء

تفاديه

غيري شخصيتج ومعاملتج معاه اذا شاده ارخي واذا راخيه شدي وشوفي شو الاسلوب اللي يناسبج وياه

اشغلي نفسج باشياء ثانيه ولا تخلينه هو كل حياتج لانج بتتعبين وبتدققين اكثر ،،، حطيلج هوايات اشتركي في دورات وانشطه و عادي الحياه بتمشي مب دايما نختار اللي نباه ولا دايما الدنيا على هوانا ساعات نضطر نعيش مع ناس ما نتقبلهم بس عشان المركب يمشي

 

[حبيبي مالكني]

رد : ارجو الرد الصريح بدون مجامله

حبيبتي الله يعينج
مالج غير الصبر والدعاء الى الله ان يهدي زوجك لج
وانتي حاولي تميلين قلبه ناحيتج
بالكلام الزين والتصرفات الذربة
صدقيني راح يكسره طيبج وراح يتغير