تجمع مراجعات مستشفى لندن التخصصي

[كويتيه وافتخر]

رد : أحلى تجمع لمراجعات وولاده في مستشفى لندن التخصصي

مشكوره اختي

 

[آهات الليل]

رد : أحلى تجمع لمراجعات وولاده في مستشفى لندن التخصصي

العفو نورتي ياقلبي

 

[sharshora80]

رد : أحلى تجمع لمراجعات وولاده في مستشفى لندن التخصصي

انا ولدت عندهم قبل اسبوعين مع اني كنت ابي اولد بالسلام بس من مدح الخوات اهني غيرت رايي وياليتني مارحت غير رايي قبل اول ما ياني الطلق كانت امي بتوديني السلام قلت لا بروح مستشفا لندن وياليتني مارحت وصخ واهمال انا ولدتني الدكتورة عديمه المشاعر ناندني الهنديه
والحكومه على اولدي الاول ارحم منهم وانظف ورعايتهم احلا اللهم بس الكمام حزت الطلق حلو بس بعدين تبدي المصايب تاخروا علي الدكاتره ومايت الدكتوره الا لما امي قامت تصارخ وين الدكاترة بنتي بتموت
جان تييلها الدكتوره تقولها هذي الولاده الثالثه لها يعني شنو نسوي لها هي لازم تشد ومخليني انا مع السستر بالغرفه لا دكتورة ولا شئ ولما امي قالت راح اشتكي عليكم
يو وكانهم مالهم خلق والوصاخه بكل صوب امي تقول ودم على الارض
والله ما انصح فيه كلش
على الاقل بالسلام كلفني 700 وشئ بس كنت مرتاحه وقعدت عندهم 4 ايام بعد
اهني صج دفعت 325 بس طلعت وانا نفسيتي تعبانه وولدي تعب لان تاخرو على ما يطلعونه فشرب ماي والحين لي اسبوعين اراجع فيه بالهادي عند ممدوح علشان يروح البلا ولا علشان ينهبون افلوس تصدقون يسوون للياهل ابو ساعات عمره سونار علشان يتاكدون من الخلع وهو اصلا بالفحص يبن لا سونار ولا شئ
والله ما انصح فيه كلش بتقطين افلوس قطي على شئ يستاهل ولا تقطين على ناس ماتستاهل
ودكتورة ايفا كانت موجوده حزت ولادتي بس مايت لان على قولته ماتبي تولد اليوم

 

[اميرة المحبة]

رد: أحلى تجمع لمراجعات وولاده في مستشفى لندن التخصصي

حياتي شرشوورة الحمدلله على سلامتج وحسبي الله عليهم اللي اهملوج سبحان الله كل مستشفى فيه الزين والشين يارب يشافي ولدج

 

[حورية بنت حواء]

رد: رد : رد: أحلى تجمع لمراجعات وولاده في مستشفى لندن التخصصي

هلا ياقلبي شفتي شلون لوووووووووووووووووووووول
المفروض يعطوني وسام ههههههههه:eh_s(17)::eh_s(17):ولاده ابلاش موبخصم والله امدحهم لاني ماشفت منهم الا كل خير الصراحه وحيل ارتحت عندهم سبحن الله
المهم انتي شلونج شخبارج بأي شهر؟؟
ا

تستاهلين كل خير


ها ولتي ولالالالا



لا تنسين تبلغينا بولادج انشاء الله



انا الحمدالله الحين ماشاء الله وصلت السابع

 

[آهات الليل]

رد : أحلى تجمع لمراجعات وولاده في مستشفى لندن التخصصي

هلا حبايب قلبي ابشركمولدت بتاريخ 19/اكتوبر بس بالفروانيه قدر الله وماشاء فعل اللي بتعرف ليش تدش تجمع مواليد اكتوبرصفحه 1001وتقرا قصة ولادتي

 

[حورية بنت حواء]

رد: رد : أحلى تجمع لمراجعات وولاده في مستشفى لندن التخصصي

هلا حبايب قلبي ابشركمولدت بتاريخ 19/اكتوبر بس بالفروانيه قدر الله وماشاء فعل اللي بتعرف ليش تدش تجمع مواليد اكتوبرصفحه 1001وتقرا قصة ولادتي

الحمدالله على السلامه

عاد تصدقين اول ما شفت اسمج بالتجمع قبل لا افتح الرابطه \

جان اقول لايكون ولدت



الحمدالله على السلامه
بس ليش ما تنقلين تفاصيل الولاده اهني

 

[آهات الليل]

رد : أحلى تجمع لمراجعات وولاده في مستشفى لندن التخصصي

الله يبارك فيكم هلا حبي لاني تعبانه شويلافضيت بنقلها لكم او اللي يبي يقراها هناك بتجمع اكتوبر صفحه 1001

 

[دندونه@@@]

رد: أحلى تجمع لمراجعات وولاده في مستشفى لندن التخصصي

الحمد لله على سلامتج آهات ومبروك ماجبتي والله كنت احاتيج طول الفتره اللي طافت والنت مفصول واول ما شبكت قلت اشوف شخبارج وعقبالنا انشاء الله نولد ونرتاح

 

[آهات الليل]

رد : أحلى تجمع لمراجعات وولاده في مستشفى لندن التخصصي

الله يبارك فيج يارب والله يهون ويسهل عليج ان شالله انا بخير الحمدالله بشريني عنج؟

 

[دندونه@@@]

رد: أحلى تجمع لمراجعات وولاده في مستشفى لندن التخصصي

لا جديد ننتظر الولاده بفااااااااااااااارغ الصبر وكثيييييييييييييييييييييييييييرا من الخوووووف:eh_s(16)::eh_s(16):


وين الكروشات محد ولد فيكم يللا نبي تجارب وقصص ولاده ترفع معنوياتنا:eh_s(9):



اهاااات شخبار بنوتج انشاء الله ما تأديج بالليل

 

[دندونه@@@]

رد: أحلى تجمع لمراجعات وولاده في مستشفى لندن التخصصي

اب




التجمع ناااااااااااااااااااااايم لييييييييييييييييييييييييييييش؟

 

[حورية بنت حواء]

رد: أحلى تجمع لمراجعات وولاده في مستشفى لندن التخصصي

اب لعيونج

 

[مبايلي كويتي]

رد: أحلى تجمع لمراجعات وولاده في مستشفى لندن التخصصي

بشرو محد ولد الي الحيننننننننننننننننن

 

[ثلاثينية]

رد: أحلى تجمع لمراجعات وولاده في مستشفى لندن التخصصي

انا عن نفسي بديت اراجع بمستشفي لندن وللاسباب التاليه
اولا انا بولادتي الاخيره قبل سنتين في دار الشفاء وعند الدكتوراسامه وولاده وسسترات روعه
ولاني سكنت في بيتي وعقبالكم ان شاء الله لقيت نفسي مخيره بين طيبه كلينك ولندن
وانا ما احب طيبه لانه شفت فيها وفاه شخص عزيز علينا
ورحت لندن ارتحت نوعا ما وشفت غرفهم واسعارهم معقوله حيل والاهم انه قريب علي وايد
ودكتورتي اسمها سحر وايد هاديه نفسيا ترتاحين منها
والمستشفي بالفنطاس

 

[دندونه@@@]

رد: أحلى تجمع لمراجعات وولاده في مستشفى لندن التخصصي

ابشركم كرووووشااااااات لندن واخيرا ولدت:::


وجبت احلى كتكووووت صغنووووووووووووووووووون ...والحمد لله اللي سهل ولادتي وعقبالكم كلكم انشاء الله

 

[مبايلي كويتي]

رد: أحلى تجمع لمراجعات وولاده في مستشفى لندن التخصصي

انا عن نفسي بديت اراجع بمستشفي لندن وللاسباب التاليه
اولا انا بولادتي الاخيره قبل سنتين في دار الشفاء وعند الدكتوراسامه وولاده وسسترات روعه
ولاني سكنت في بيتي وعقبالكم ان شاء الله لقيت نفسي مخيره بين طيبه كلينك ولندن
وانا ما احب طيبه لانه شفت فيها وفاه شخص عزيز علينا
ورحت لندن ارتحت نوعا ما وشفت غرفهم واسعارهم معقوله حيل والاهم انه قريب علي وايد
ودكتورتي اسمها سحر وايد هاديه نفسيا ترتاحين منها
والمستشفي بالفنطاس

سحر
منو هذي
يديده

اول مره اسمع عنها


اشلونها واشلون تعاملها

انا اقولج خليج على القدم احسن لج
خليج على سوفييت و ايفا )
حتى لو وقت الولاده
لا تجازفين
موفقه انشاء الله

 

[مبايلي كويتي]

رد: أحلى تجمع لمراجعات وولاده في مستشفى لندن التخصصي

ابشركم كرووووشااااااات لندن واخيرا ولدت:::


وجبت احلى كتكووووت صغنووووووووووووووووووون ...والحمد لله اللي سهل ولادتي وعقبالكم كلكم انشاء الله

ماشاء الله
الف الف مبروك والفال لنا انشاء الله


:nbvppw::nbvppw::nbvppw::nbvppw:


بس اختى يلا تعالي
قوليلنا متى ولدتي
واشلون كانت ولاتج
وعند منو
واشرايج بالمكان والشغل والرعاية
ارتحتي ولالالالالالالالالالالا

تنصحينا ولا ننحاش
واي غرفه خذيتي وكم كلفتج يوم ولا يومين

 

[دندونه@@@]

رد: أحلى تجمع لمراجعات وولاده في مستشفى لندن التخصصي

ماشاء الله
الف الف مبروك والفال لنا انشاء الله


:nbvppw::nbvppw::nbvppw::nbvppw:


بس اختى يلا تعالي
قوليلنا متى ولدتي
واشلون كانت ولاتج
وعند منو
واشرايج بالمكان والشغل والرعاية
ارتحتي ولالالالالالالالالالالا

تنصحينا ولا ننحاش
واي غرفه خذيتي وكم كلفتج يوم ولا يومين

ولدت قبل اسبوع عند الدكتوره جيني لان دكتورتي سوفيت كانت مسافره وايفا كانت خفاره لما جيتها الصبح قعدت معاي ساعتين وطلعت ورشحت لي جين ووصتها علي بيني وبينج خفت اولد عند ايفا لانها سهرانه كل الليل يعني ما ادري شراح تهبب فيني شتخيط وشتخلي :eh_s(6): قلت اولد عند وحده شبعانه نوم وانا اول حاله عندها يعني بتشتغل بحمااااس ورااحه ... طبعا دخل علي باتريك مع دكاترة الولاده كلهم مرور على كل المرضى ودخلته علي كأنه ضابط عسكري مع مجندينه ونصحني بابرة الظهر علشان ما احس بالولاده بس انا رفضت قلت له ابي كمام احسن ابتسم الاخ وطلع..."


قعدت بغرفتي اربع ساعات لين حسيت ان الطلق يجيني كل 3
دقايق وطول الوقت افكر بابرة الظهر كنت خايفه من العوار لان السستر والدكتوره جيني قالولي ان الكمام يخفف العوار وراح احس بالولاده كنت متردده وخايفه بس استخرت ربي وطلبت الابره ولما نزلوني غرفة الولاده لان الالم زاد فحصتني الدكتوره وقالت اللحين ما ينفع نحط لج ابرة الظهر لان الرحم مفتوح 6 سانتي قلت الحمد لله خيره والخير فيما اختاره الله....حطولي الكمام وما قمت احس بالالم واطرافي كلها تخدرت وكنت اقاوم ما ابي انام احاول اتم صاحيه لين اولد مدري ليش ؟ ولما جت الساعه الحاسمه وطلعت البيبي حسيت بالضغط من تحت وقالت لي الدكتوره شدي بكل قوه البيبي بين خليه يطلع بسرعه وترتاحين وطلع البيبي ولما سمعت صياحه صحت على السستر تسكته حرام كسر خاطري حسيته فقدني ويبجي من الخوف.......بعدها الدكتوره عطتني ابرة مخدره وشافت شغلها .... بغرفة الولاده كان معاي دكتورتين الاولى جيني والثانيه مصريه كبيره ما اعرف اسمها بالاضافه لدكتورة اطفال واربع سسترات الدكتوره المصريه كانت تسوووووووووولف وتسووووووووووولف معاي علشان تنسيني الالم وتقرا علي لين ولدت

الغرفه اللي خديتها عاديه لاني ما ابي اطول بالمستشفى علشان عيالي ولا ابسوي استقبال وباقي الغرف ما شفتها لان ما كان عندي وقت اشوف الغرف....وتقريبا طلعت علي الولاده مع الادويه وفحص البيبي وتحاليل وسونار للبيبي وابر مسكنه بحدود ال300


السسترات ورعايتهم حلوه كافي نفسيتهم الحلوه طول الليل السسترات كانو سهرانين يسولفون معاي ويوكلوني حتى الحمام تكرمون ما يخلوني اروح له بروحي


بالمقارنه مع المستشفيات اللي جربتهم من ناحية الرعايه نفس الشي اهتمام ورعايه ونظافه ومن ناحية الغرف جدا عااااديه وبسيطه ..الوجبات ابدا مافي مستشفى عجبتني وجباتهم ...الولاده كانت مؤلمه بالشفا ومريحه بالراشد ومميزه بلندن مع بعض الألم اللي لابد منه ..

 

[cheese cake]

رد: أحلى تجمع لمراجعات وولاده في مستشفى لندن التخصصي

بنات امانه عليكم حسيتووووووا بالالم او لا

وعند منو تنصحووني

انا الصراحه ماابي احس بالالم لان حيل تعذبت بولدي