استفسار عن فحص الثدي..؟!

[Lulu_Perla]

السلام عليكم بناات

شلونكم..؟!


من جم يوم سووا لنا ندوة عن سرطان الثدي.. بعيد الشر عني و عنكم..

و انصحونا نسوي الفحص..
و علمونا نسوي الفحص الذاتي بالبيت..



المهم..
سويت الفحص.. لاني ساعات احس بألم في صدري

و كان كل شي تمام..
بس بالمنطقة السفلية من الثدي كان في شي مثل التكتلات.. ><

خفت الصراحة..
و سوي لصدري الثاني لقيت نفس التكتلات هذي بس اقل..


بالندوة الدكتور قال ان حبوب الهرمونات كثرتها تأثر عالرحم و الثدي..
انا عندي تليف بالرحم << من شهر سويت سونار عند دكتورتي..
و انا اساسا اخذ حبوب الهرمونات لتنظيم الدورة.. و طولت عليهم اكثر من سنة..
الدكتورة كانت تبيني اجربهم 3 شهور و اوقف
بس انا لاني ارتحت.. و لانها قالت لي ان في بنات ياخذونهم لفترة كبيرة استمريت عليهم فترة طويلة

بالنسبة للتليف اللي بالرحم.. الدكتورة قالت لي ما يأثر بس خلينا نتابعه..
و انا كنت بروح لدكتورة ثانية لان هذي حسيتها خوارة

بس سالفة الكتل اللي بالصدر خوفتني ><

فعندي سؤال..
هل لازم اروح اسوي اشعة..؟!
هل المنطقة اسفل الثدي تكون غير عن باقي الثدي..؟؟!

احس أسئلتي غبية..
بس لأني مخترعة.. و ناطرة تيي دورتي عشان اروح الطبيب
بس ماني قادرة وايد احاتي ><

 

[Lulu_Perla]

اب
اب

بليز اللي عندها فكرة لا تحرمنا

 

[Q8stylle]

up up

 

[وهج الخير]

رد : استفسار عن فحص الثدي..؟!

اب
وسلامتك وربي يطمن قلبك حبيبتي

 

[MeMe]

عادي هذي منطقه حساسه تتاثر بالهرمونات وكل ماكبرت الوحده بالعمر يتغير شكل الثدي شي طبيعي ....لاتخافين

لكن اذا فيه اتفاخ او كتله بروحها بارزه او افرازات تطلع من الحلمه هنيه تراجعين وغالبا تكون حميده ولزيادة التاكيد سوي اشعة الماموجرام او سونار

ماتشوفين شر

 

[مسك81]

حبوبه اذا كان عمرج اقل من ال30 سوي سونار واذا كنتي فوق ال30 تسوين اشعه وروحي تطمي على روحج انا قبل سنه عملت وقالي فيج الليفيه وتابعي بعد 6 اشهر اذا كبرت لاسمح الله لازم تنشال لان يخاف تكون الخبيث اعوذ بالله والحمدلله رحت وسويت مره الثانيه عملت سونار وقالي نفس الحجم مو متغيره بس لازم متابعه كل 6 اشهر وقالي اذا تحسين في الم او ثقل وتعب نشيلها والله كريم والله يشافينا ويشافي كل مريض

 

[Lulu_Perla]

اميـــــن اجمعين

ما قصرتوا بنات..

 

[برنسيسة الشمال]

بنات شنو اشعه الماموجرام عباره عن شنو؟
والله يشفي الجميع

 

[زيــنه]

لا تحاتين ياعمري بس احسن لج روحي الطبيب الا هالاماكن الحساسه لا تستهينين فيها
وماراح تخسرين شي سوي فحص

واذا حسيتي في فرق بين الصدر لازم تروحين اذا كان المكان يعورج او لا
والفحص يكون من منطقة الابط لي الصدر كله

الله يطمن قلبج انا مريت بتجربه الله لا يرويها لاحد

 

[زيــنه]

بنات شنو اشعه الماموجرام عباره عن شنو؟
والله يشفي الجميع

هلا حبيبتي برنسيسه

الماموجرام هذا فحص مخصص بعيد الشر عنج حق الاورام السرطانيه
ويسونه من عمر 35 وفوق

مثل جهاز يضغط على الصدر يعور شوي بس مضمون مو نفس الاشعه العاديه
وترى المفروض من سن ال40 يكون فحص دوري كل سنه تسوين هالفحص

انا قبل فتره صار في ورم بصدر بس الحمدلله حميد وكانو بيسولي هالفحص
ولان عمري 23 ف تردد الدكتور يسويه لاني صغيره عليه

يالله يارب يشفي كل مريض

 

[زينبو]

رد : استفسار عن فحص الثدي..؟!

سوي اشعه

 

[زينبو]

رد : استفسار عن فحص الثدي..؟!

وفي طريقه ان تحت الماي الدافي تدلكينه اذا حسيتي عوار يعني في ورم لاسمح الله وشكرا