خـــاطري احــط..... بس انتو اي نوع تحطون؟ {المكياج اليومي}

[يازين الزين]

مرحبا بنات



















انا من زمــــــــــــــــــــــان متابعه المنتدى بس ماكنت مسجله

واخيرا سجلت

وهاذي اول مشاركه لي

انا مره قريت بهالقسم وحده كاتبه موضوع

ان المتزوجه لازم تتعدل وتهتم وان اتحط ميك اب خفيف كل يوم

انــــــــــــــــــــــزين!!!

انا عجبني الموضوع
وانا اهتم بنفسي وكل شي بس ماحط ميك اب كل يوم:eh_s(10):

وخاطري احط بس المشكله ان ماعندي مكياج يومي

يعني يالبنات يالي كل يوم تقومين الصبح تحطين مسحت كريم اساس او بودره
وقلوس
ومسكرا

:wqedqw:

شنـــــو تستخدمون

ابي شي خفيف حق الوجهه عشان بشرتي ماتخرب
يعني مثلا كريم اساس مع الفيتامينات
او مسكرا ماتطيح الرموش
او قلوس يحافظ عالشفايف

ويالي كل يوم تحطين رتوش خفيفه هل بشرتك صحيه ماتاثرت بالميك اب

يعني شنو ماركة الميك اب اللي ماتدمر البشره
وشنو نظامكم بعد المكياج يعني العنايه اليوميه >يعني ماتكلم عن خلطات وجلسات وحوسه



وجزاكم الله خير على مروركم سواء رديتو ولا لا:eh_s(7):

 

[لهفة المشتاقه]

رد: خـــاطري احــط..... بس انتو اي نوع تحطون؟

انا عن نفسي احط مسكرا وقلوس العادي لونه وردي
وبلشر خفيف علشان ما يلاحظ زوجي انه مكياج جنه طبيعي
احط مكياجي العادي اليومي مال الطلعه

 

[جوري 2007]

رد: خـــاطري احــط..... بس انتو اي نوع تحطون؟

لاتحطين كريم اساس بالبيت عشان لاتختنق البشرة واصلا وراج وضو الصلاة فراح تتعبين كل ساع بالمسح

حطي ماسكرا وكحل وبلاشر وردي او مشمشي و غلوس

واذا بتغيرين حطي كريم اساس مسحة بسيطة وشدو الخ الخ يعني مرة خفيف ومرة ثقيل وطبعا الثقيل عقب صلاة العشا

انا الكحل مايطيح من عيني والبلاشر وانصحج بالبلاشر الكريمي وايد حلو وطبيعي

وترى ماركات المكياج وايد طبي وتخيري

ديور _غيرلان _ماك _جيفنشي _بوبي براون :hearting:

 

[يازين الزين]

رد : رد: خـــاطري احــط..... بس انتو اي نوع تحطون؟

انا عن نفسي احط مسكرا وقلوس العادي لونه وردي
وبلشر خفيف علشان ما يلاحظ زوجي انه مكياج جنه طبيعي
احط مكياجي العادي اليومي مال الطلعه

لهفة تسلمين عالرد

انا قصدي ان مو شنو احط واي لون
قصدي ان شنو نوع القلوس او المسكارا يعني اي ماركه عرفتي

يعني انا الويكاند احط ميك اب من الزين

وايام الاسبوع نادر اذا في ضيوف او طلعه

بس بعد احسه واجد عالبشره يعني تتعب

يعني شنو الميك اب اللي لو احطه مايدمر البشره

ويسلمو ياقلبي على الرد :fun:

 

[MisS^MesSY]

رد: خـــاطري احــط..... بس انتو اي نوع تحطون؟

أنا أحط مكياج بس بدون كريم أساس

 

[يازين الزين]

رد : رد: خـــاطري احــط..... بس انتو اي نوع تحطون؟

لاتحطين كريم اساس بالبيت عشان لاتختنق البشرة واصلا وراج وضو الصلاة فراح تتعبين كل ساع بالمسح

حطي ماسكرا وكحل وبلاشر وردي او مشمشي و غلوس

واذا بتغيرين حطي كريم اساس مسحة بسيطة وشدو الخ الخ يعني مرة خفيف ومرة ثقيل وطبعا الثقيل عقب صلاة العشا

انا الكحل مايطيح من عيني والبلاشر وانصحج بالبلاشر الكريمي وايد حلو وطبيعي

وترى ماركات المكياج وايد طبي وتخيري

ديور _غيرلان _ماك _جيفنشي _بوبي براون :hearting:

اممممم

انا استخدم ديور وجفنشي وماك

بس ماتحسينهم ثقال يعني بس حق المناسبات او العزايم العائليه

مايصلحون حق الدوام او يومي فالبيت

واشكر مرورك على الموضوع :eh_s(15):

 

[arrooma]

رد: خـــاطري احــط..... بس انتو اي نوع تحطون؟

حبيبتي .. ماركة كلينيك طبيه .. فاخذيلج كريم اساس منهم ..

الحمره : ما اعتقد الحمره تظر .. ولا الشدو .. لان ماكو مسامات يدشون فيها لداخل البشره ..


المسكراا .. والله شقولج .. تتعب الرموش منها .. بس .. تطلع العيين حيل حلوه ..

حاولي قد ما تقدرين .. المكياج ما يكون ثقيل .. ما يسكر المسامات ..

يعني كريم اساس سااائل حلو .. و لو مرطب ملون احسن واحسن ..



خطوات بسيطه خليها روتين ليومج .. المرطب لا تستغنين عنه .. وينحط على بشره نظيفه ..
يعني ملك .. تونيك .. مرطب .. مرطب عين .. مرطب شفايف .. وبس

 

[رشيديه كووول]

رد : خـــاطري احــط..... بس انتو اي نوع تحطون؟

ما احط الا كحل خفيف بدون مسكرا وحمرة وردية وبس

 

[Miss-Madry]

رد: خـــاطري احــط..... بس انتو اي نوع تحطون؟

انا مو متزوجه بس اقدر افيدج..

عندج كريم اولاي بلمسه من ماكس فاكتور تلقينه بلجمعيه او بصيدله حلووو وخفيف ع البشره ويعطي لون وخفيف
انا احطه لا طلعت الظهر هذي صورته ..



تقدرين تحطين من هلكريم ..

وتحطين كحل ملون [تركواز \اخضر\بنفسجي \كحلي \سماوي \زيتي] او اســود

من بروجواا حلوين ..وفي انوآآآع بلمعه بدون لمعه ..





مع عدسآآت ..

ومسكرآآ + بلشر وحمره نعوم لونها[لحمي\وردي\بنفسجي]

من ريميل حلوين شوفي الوانهم





بقولج الطريقه بظبط

تغسلين ويهج

تحطين مرطب [لوشن]

تبدين توزعين الكريم بايدج او وبعديت توزعين بسفنجه

ترسمين حواجبج ب [شدووو] مو تاتو لان الشدو طبيعي بس عبي الفراغ [شدو بودي شوب حلوو ]



حطي شدو فيه لمعه على كل الجفن [نايلون من ماك حلو ] يصير اضاءه وشدوو




حطي الكحل الاسود او الملون على راحتج

حطي مسكرا [سموكي لاش من ميكب فور ايفر رووعه تكثف]




حطي الحمره وحددي شفايفج ب محدد

حطي بلشر وانصحج بشيمر من بودي شووب يعطي لمسه ناعمه وفيه لمعه




وبس جذي بيكون خفيف ..

وشوفي عندج باليت كبير فيه [حمر \بلشر\شدوات] من مكيآآجي تقريبا ب 15 الوانه حيل حلوه والشدوآآت خفيفه




وهم الفرش ملوتهم ناعمين وحلوين ..



والماركات الطبيه اعرف كلينك وفي بعد شكثر بس مو بالي شيء ..

والله يوفقج مع ريلج .. واتمنى اكون افدتج ياقلبي ..

 

[يازين الزين]

رد : رد: خـــاطري احــط..... بس انتو اي نوع تحطون؟

رشيديه
تسلمين على الرد

اروما
شكرا على مشاركتك
وفعلا سمعت ان ماركة كلنك طبيه

والقلوس ممكن بداله مرطب طبي

وبالنسبه حق الروتين اللي ذكرتيه من مرطبات والخ

شنو ماركتهم


بنـــــــات

ارجع اوضح شكلكم مافهمتو قصدي

انا ماتكلم عن شنو احط وشاسوي

انا ابي اعرف شنو اشتري

يعني اللي تستخدم اي مرطب
اي ميك اب
ومريحها كا استعمال يومي
تذكر شنو اسمه بالضبط

 

[يازين الزين]

رد : خـــاطري احــط..... بس انتو اي نوع تحطون؟

مس مادري

واااااااااااااااااااي ردك حده يشوووووق
برد قلبي

كل شي كتبتيه روعه واكثر من روعه

وان شاء الله من باجر شوبينق

تقريبا اغلب الاشيا عندي واستخدمها

ماعدا كريم اولاي

والمسكرا


يســـــــــــــــــــــــــــــلمـــــــــــــــو

حمستيني احط ميك اب لووول

 

[.:lady bug :.]

رد : خـــاطري احــط..... بس انتو اي نوع تحطون؟

انا عن نفسي احط اولي بالتوت البري
وارسم حواجبي ومسكرة خفيفة بس توني شارية مسكرة من مكياج الي عند الهنود وايد حلوة للاستخدام اليومي
وقلم كحل من سمايلينغ والحمرة السحرية او قلوس
وهمن عندج كريم دريم وومن فيتامين سي وايد حلو

 

[Miss-Madry]

رد: خـــاطري احــط..... بس انتو اي نوع تحطون؟

مس مادري

واااااااااااااااااااي ردك حده يشوووووق
برد قلبي

كل شي كتبتيه روعه واكثر من روعه

وان شاء الله من باجر شوبينق

تقريبا اغلب الاشيا عندي واستخدمها

ماعدا كريم اولاي

والمسكرا


يســـــــــــــــــــــــــــــلمـــــــــــــــو

حمستيني احط ميك اب لووول

يسلمج حبيبتي

حاظرين للطيبين :**

 

[الـ ج ــوري]

رد : خـــاطري احــط..... بس انتو اي نوع تحطون؟

كنت بقولج عن اولاي بس مس مادري ماقصرت كفت ووفت

الماركات الطبيه اعرف كلينك وكولي ستار شوفي منهم الي تبينه

 

[bibi]

رد: خـــاطري احــط..... بس انتو اي نوع تحطون؟

البنات ماقصروا بس نصيحة بالنسبة لكريم الأساس ما أنصحج تحطين والبديل بعض الماركات تنزل كريم مرطب يحتوي على لون تحصلين عند بايوت وأعتقد كلارينس أو حطي حماية يكون ملون تحصلينه عند ماك وتحصلين فالصيدلية ماركة بيوديرما وسوسكن حماية ملون وموجود درجتين فاتح وغامج تأثيره حلو وبنفس الوقت يحمي بشرتج وما يخربها .

 

[arrooma]

مرطبي : همالايا للنهار .. وايد مرتاحه عليه .. ترطيبه حلو واحسه يغذي ثقيل شوي . اذا تبين خفيف ST.iVes
مرطب عيني : من جارنير رخيييص حيل .. ب دينار وربع يمكن .. بس ترطيبه حلو .. ماله نتايج حلوه غير الترطيب
ميلك منظف : من جارنير الوردي .. للبشره الحساسه .. وااااااااااايد مريح واحس فيه ماي ورد
التونيك : الاخضر اللي عليه خيار .. نسيت اسمه !! اي اسكينول .. احبه
للحبوب : استخدم الدوا مال صيدلية بوحمرة .. على الحبه احطلي منه ..
الفاونديشن مرتاحه على بوبي براون للصبح وايد مناسب .. واثبته ب لوس باودر من diego .. او اي ماركه
الكونسيلر مالي .. من smashbox سائل و تغطيه مناسبه .. بس مو روعه !!

وبسس .. واذا قدرتي تستغنين عن الاساس .. وبشرتج ماشالله مافيها شي .. لا تحطين .. حطي بداله على كلام اختي بيبي : مرطب ملون .. او حمايه من الشمس ملونه .. واذا حابه اعلمج طريقه يكون شكلها حلو عالويه قوليلي

 

[ام عبودوهلو]

المره تسال عن اليومي مو تبي تلطخ وييها جبح

 

[ام عبودوهلو]

جبح ناس ماتفهم