ثلاثيه احـــلام مستـغانمي

[دلع السلاطين]

مرحبا ياحلووين

اليوم حبييت اقوولكم عن ثلاثيه احلام مستغانمي

اتوقع الكل يعرفها
اهي

و

طبعا الكتب كلها مرتبطه في بعض اول بدايه القصه بذاكره الجسد وتنتهي بفوضي الحواس
وامس خلصت السلسله كلها ومااا اجذب عليكم اول شي بدييت احس بملل لما بدييت اقرا ذاكره الجسد لانه ماكنت افهم بس
مع لاستمرار في الروايه حبييتها وحبيت لاحداث وتشووقت اني اخلصها وكانت الشخصيات في ذاكره الجسد غاامضه يعني ماتعرفيين شخصيتهم عدل ومايكونون واضحيين
وولما بلشت بفوضي الحوواس صاارت الروايه تشوق اكثر واحداثها صاارت احلا وحبييت فوضي الحواس حيل وخلصته
وبلشت بعابر سرير الي فييه يتووضح كل شي وكانت نهايه القصه حلووه ومناسبه للاحداث
طبعا الروايه علي ايام الثوره الجزائريه
ومو حابه اقوول لكم لاحداث عشان ماتخترب عليكم القصه​

 

[شوكولاتيه]

ثلاثيه احلام مستغانمي قرأتها قبل ثلاث سنوات

رائعه قليل عليها

أنا حبيت أسلوبها و طريقة سردها للقصه

حبيت القصه وشخصياتها

شوقتيني ارجع اقراها من جديد

 

[دلع السلاطين]

مشااءالله عليها احلام كتبها ماينمل منها
انا قريت ثلاثيتها كلها وقريت اخر كتبها وللحين متشوقه ارد لهم مره ثانيه واااااايد مفيده كتبها

يعطييج العافيه

 

[آبدويه يآ لبيه]

رد : ثلاثيه احـــلام مستـغانمي

مآكو مكتبة ما دورت فيها @@

وين لقيتيهم ؟

 

[توته وزيتونه]

رد : ثلاثيه احـــلام مستـغانمي

انا قاعدا اقرا كتابها النسيان وبدايتا حلووو ووايد تتحجى عن كتبها ذاكرة الجسد وفوض الحواس وعابر سرير ومفكرا اقراهم لاني حابه اسلوبها
وطريقتها شلون تحاور الي يقرا
ان شاءالله بقراهم واقولج

 

[om la6ofa]

مرحبى بنات انا قاعدة اقرا ذاكرة الجسد وايد حلوة و عندي الثلاثبة

 

[دلع السلاطين]

رد: رد : ثلاثيه احـــلام مستـغانمي

مآكو مكتبة ما دورت فيها @@

وين لقيتيهم ؟

افتريت كل المكتبات مالقييتهم الا بالعجيري

العجيري بحولي قبال النقره

 

[انا خطر]

رد : ثلاثيه احـــلام مستـغانمي

انا عندي كتاب ذاكرة الجسد

للبيع ب دينار و نص

و الاتفاق عالخاص

 

[دلع السلاطين]

رد: رد : ثلاثيه احـــلام مستـغانمي

انا قاعدا اقرا كتابها النسيان وبدايتا حلووو ووايد تتحجى عن كتبها ذاكرة الجسد وفوض الحواس وعابر سرير ومفكرا اقراهم لاني حابه اسلوبها
وطريقتها شلون تحاور الي يقرا
ان شاءالله بقراهم واقولج

اييه انا قريت نسيان ومن كثر ماحبيت الكتاب شريت كتبها الباجيه
وكلهم حلووين ووايد حلو اسلوبها
وكتاب نسيان اهي كتبته علي انه هذا الحل لقصه روايتها الي كتبتها بثلاثيتها

 

[دلع السلاطين]

مرحبى بنات انا قاعدة اقرا ذاكرة الجسد وايد حلوة و عندي الثلاثبة

قراءه ممتعه حبيبتي
وصدقيني اول ماتخلصين ذاكره الجسد بتتشوقيين تخلصين فوضي الحواس وعابر سرير
لانه كل ماتقرب الروايه بنهايه تزيد لاحداث تشويق

 

[دلع السلاطين]

رد: رد : ثلاثيه احـــلام مستـغانمي

انا عندي كتاب ذاكرة الجسد

للبيع ب دينار و نص

و الاتفاق عالخاص

موفقه حبيبتي ان شاءلله تلاقين وحده تبيه

 

[Tom ♥ Jerry]

.

عابر سرير شفتهآ بـ مكتبه جرير !
حسافه كنت بشتريها مآدري شنو الي خلاني مآ آشتريها !
يلا ان شاء الله الزيآره الثآنيه آشتريها :*

مشكورة حياتي :*

 

[دلع السلاطين]

توم وجيري انا انصحج تشترينهم كلهم وتبلشين اول شي بذاكره الجسد بعدين فوضي الحواس وبعدين عابر سرير عشان
تعرفين القصه
لانه كلهم مرتبطين في بعض

 

[LA TROO7]

قصدج رباعيه احلام

لان كتاب نسيان.كوم بنظري يسوى الثلاثيه بكبرها

على فكرة ماخذتهم كلهم من مكتبه الاشراف بالفحيحيل

 

[دلع السلاطين]

طبعاا نسياان اهوو القمه
اهو الي شجعني اقرا الباجي
وانا مثل ماقلت انه نسياان اهوو عبااره عن حل للمواقف والمشاكل الي تكلمت عنهم برواايه

 

[برونزية رشيقة]

عندها رواية نسيان دوت كوم ..

أعتبر المرأة التي لم تقرأ هذه الرواية جاهلة جاااااااااااااااااااااهلة جااااااااااااااااااااااااااااااهلة بخفايا وأسرار عقل الرجل ..

ومن شدة نجاح هذه الرواية فتحت موقع على الأنترنت اسمه نسياني دوت كوم

 

[خولـه]

عندي بس عابر سرير وتوني ماقريتها

يعني مايصير اقراها الا اذا شريت فوضى حواس وذاكرة جسد؟

 

[راعية الطويلة]

رد : ثلاثيه احـــلام مستـغانمي

ما قريت لها شي
إن شاء الله
أطلع على كتابها
و أشوفه
و أرجع لموضوعج
مشكوره حبيبتي

 

[!الجادل الصعب!]

رد : ثلاثيه احـــلام مستـغانمي

بخآطري آقرا لها شي بعد كتآب نسيآن .. بس وين الوقت .. مشتآقه للقرآءه وربي .. آشتري الكتب ومآعاد آقرا / حدي طلعت من الموضوع آدري

 

[هوية غريب]

رد : ثلاثيه احـــلام مستـغانمي

دلع السلاطين .. قاعدة أرجع حق مواضيعج القديمة هههههه
طلعتي مو هينة تبارك الرحمن

ممكن سؤال؟؟؟ :eh_s(10):
كلكم تمدحون كتبها .. بس ليش كل عناوينها عن الجسد والحواس والسرير؟؟ هل قصصها تتكلم عن الجنس بشكل خاص ولا العنوان للجذب فقط؟؟؟؟

ثثوي يا لبي أثتحي :tongue22:

غدير