مهرج 5 الاف.. شويه؟

[ســـــــالــــي]

السووووووووق نااااااااااااااااااااااااااااااااااااااااااااار وذهب ناااااااااااااااار

انا 7 والحمدلله كفتني بس هم تمنيت شغلات كثيره ماشريتها لان المهر مايكفي والسوق خصوصا لعرايس هالوقت نار لاتنزيلات ولا شي على ويه العيد وطايرين بالاسعار

 

[غمزه وإبتسامه]

يااارب اتزوج واحد يعطيني مهر 100 الف ههههههههههههه < طمااعه

 

[إيمي1987]

رد : مهرج 5 الاف.. شويه؟

سلام عليكم


لوول حبيت اشاارككم بالموضووع


حبوبة المهر مو بقيمته المهر ببركته


آنا اختي والله مهرها 3500 بس والله الله طرح فيه البركه

نفنوف العرس الي ب 800 دينار صار جدامها ب 400 دينار

والحمدلله شرت كل شي

يمكن صارت هنديه على جنطتين العطور والبخور وغيره
لووووووول

وعسى الله يطرح البركه بكل مهر يا رب

 

[اخت خالتهم]

رد : مهرج 5 الاف.. شويه؟

انا مهري خمسـه
و الوحده اذا تزوجت معقوله بتقعد سنه ما راح تشتري شي مع زوجها ؟؟
يعني بهالخمسة اشتري حق قولي 6 اشهر وبس الباجي مع زوجي ماراح يقصر ان شاءالله

 

[احلى غمزه]

مهري 7

واهم شي التوفيق

 

[G!RLooNa]

وناسه الموضوع حلو.... الوحده لي قسمت فلوسها صح بتكفي انشالله لو علا٤ الحكومه

 

[s0o0maa Q8]

اكيد الله يطرح فيه البركه يارب

 

[s0o0maa Q8]

اكيد الله يطرح فيه البركه يارب

 

[blue diamond]

تبين رايي
4 آلاف يكفون وزود وانتي مستانسه بعد
واذا عطاني 8 اجهز واسويلي عرس
بس انا لاحظت انه اغلب اللي يقول ان المهر ما يكفي اهم اللي مهرهم ماشاء الله وايد وفوق هذا العرس مو عليهم على الريال

اهوا المشكله الاساسية مو بالتجهيز لا المشكله بالذووووووووووووق مو اكثر ولا اقل
ياما شغلات سعرها صغير بس البنات من سعره يقولون لا بو طقه او عادي او يلووع الجبد

اشوف واااااايد مواضيع اهني بالمنتدى ابصراحه من ردود البنات استغرب مهرها تبارك الرحمن وايد فوق 5 ومع هذا تقول ما يكفي ؟؟؟
انا اقولكم ليش ما يكفي ؟؟
1- لانها تشوف غيرها وما تبي غيرها يصير أحسن منها
2- تشوف ان السوق غالي وايد >> والسوق اذا ييتي حق الصج فيه الغالي وفيه الرخيص بس اهيا ما تبي الرخيص وقلت لكم كل شي على الذوق
3- في منهم يشترون ذهب واهوا غالي ما ألومهم بس بدال ما يشترون ذهب ب 3 او 4 او 5 آلاف . تشتري ذهب بألف يكفي ويوفي
4- ما تخطط وتقسم المهر من الأهم إلى المهم إلى العادي >> يشترون وبس
5- في وايد بنات تستغل وقت التنزيلات غلط >> يعني على ابو تنزيلات خل نشتري اكثر من قطعه او اكثر من ست او اكثر من عطر مع انهم ما محتاجينهم
6- ما يتصدقون فيهم >> والصدقه فيها بركه

هذا اللي في بالي حاليا

 

[۞ F A N T A S Y ۞]

رد : مهرج 5 الاف.. شويه؟

V
v
v

رايي من رايها

^_^

 

[أم حيدر]

انا متزوجة صارلي 5 سنين .. ولاتقولون الاسعار تغيرت (( اللهم الذهب ))

مهري كان 2000 وشبكتي على زوجي

ألف حمد وشكر لك يارب العالمين جهزت جهاز معقول وحلو ومرتب .. وبالفعل اول ما تزوجنا احتاج اشتري شغلات يديدة دايما ... يعني اللي بقوله ان المهر مو آخر مبلغ بالدنيا بشتري منه وبعدين خلاص !!!! ماكو غيره

وألف حمد وشكر المهر مازادني لا حظ ولا بخت التوفيق من الله

 

[!!انا!!]

رد : رد: مهرج 5 الاف.. شويه؟

((خير النساء أيسرهن مهورًا)) رواه أبو داود

مو صحيح ان قيمة المهر تدل على سعر المره ان زاد زاد سعرها وان قل قل سعرها

مو صحيح

انا مهري 5 آلاف والحمدلله الله مباركلي فيهم

اللي تعرف تقسم مشترياتها راح يكفونها وزياده اما اللي تلعب بالمهر وتشتري شغلات غاليه ومالها معنى حتى لو مهرها عشرتالاف ماراح يكفونها

اهي مو مسألة جم المهر اهي مسألة اشلون استغل هالمبلغ صح

صاجه يا قلبي

ليت كل البنت يقتنعون

 

[!!انا!!]

رد : رد: مهرج 5 الاف.. شويه؟

صح الحكمة في حسن التصرف فيه

يمكن البنت تقدر تشتري ب 4 الاف اشياء ما تشتريهم ام 7


والله يوفقكم

:eh_s(15): صاااااجه

 

[!!انا!!]

رد : رد: مهرج 5 الاف.. شويه؟

> True Love<<, post: 20232816, member: 204647"]شووووووووووفي انا مهري 7


وقلت حلو ويكفي وبشيل منه

لوووووووول
بس بوقت الصج ما كفى خلص وانا ما بلشت بالاسااااااسي والمهم

يعنيلو عشره خوووووووش خووووووووش
بيغطي مصاريفي حده حدده

بس ولله 4 او 5 او 6 و7 مايكفي

ما العلمم مو مسررررررررررررفه بالتجهيز بس السوق غالي

والي تجهز اتلحين بتعرف هالشي[/QUOTE

لا تكفي عروستنا بس انتوا تروحون ورا الغالي لا تقولين
لأ

 

[!!انا!!]

رد : رد: مهرج 5 الاف.. شويه؟

انا مهري 7 آلاف وكنت ناويه اطلب 8 بس ابوي زفني قالي عيب تقوليلهم 8 واجد بالنسبه لأهله وطلبت ال7

تقوليلي المهر المعقول اقولج 8 حيل معقول

4 آلاف ذهب و4 آلاف تجهيزات الباجيه

وعمر المهر ما كان مقياس لقيمتج عنده ما اقدر اضيف شي على اللي قالوه البنات كل حجيهم صج

بس هم احنا بنكشخ له ولأهله وكل واحده ومستوى زوجها سواء كانوا أهله كشيخين او ناس عاديين يعجبهم اي شي

تقبلي مروري

حبه على راس الوالد

7 مو مكفيتج ولا بتطلبين زود بعد ؟؟

 

[!!انا!!]

رد : رد: مهرج 5 الاف.. شويه؟

عمر المهر مآ كآن مقيآس ،،

الحين قلت المهور وارتفعت الآسعآر حييل ..

الذهب الحين نآر والعروس لآزم تشتري ذهب

والثوب الآبيض من 1000 وفوق ،، واشيآء كثيره غآليه ..

وال5 تكفي او لآ ؟؟ اكييييد لآآآآآآآ

وحتى لو قسمت المهر وجهزت بس حق شهرين او اقل مآرآح يكفي ..


مآ اقول الآ الله يوفق كل العرآيس ..

لآن بنظري التوفيق اهم شيء ..

الاشياء غالية لان التجار كل ما غلو الاسعار دفعتوا

هذي شرت بشتري بعد حتى انا ما فيها زود عني

نفنوف ب1000 ليش هذي تدفعين فيها مقدم سياره


وهذا احنا مظاهر بمظاهر

 

[!!انا!!]

رد : رد: مهرج 5 الاف.. شويه؟

عن المهايط انا مهري 4وكان كافي وجهزت احلى تجهيز وحمواتي 6
ووالله ما جهزو نفس الناس وتسلفو فوقهم بعد,,,
صج ابي اكثر بس الحين يوم شفت الستر والاستقرار قلت مو مهم المهم الراحه الله يتمم علي الحمدللله والشكر
واهم الشي الريال مو الفلوس ,,,
المهر مايقيم البنت انا مرت حماي يعني الجنه الثانيه مهرها 7 تخيلو شفتو الظلم وانا لان ابوي ماطلب عطوني بس4
بس فرق انا وين واهي وين انا وحده من العايله واهي غرييييييييييبه (عن اهل ريلي اقصد),,,

لا تقارنين


واكيد اهلها طلبوا زياده

وصج الريال اهو اللي يبقى والفلوس زااااايله

 

[!!انا!!]

رد : رد: مهرج 5 الاف.. شويه؟

بصراحه احنا مافينا طمع ومانحب الماديات بس كل شي صار غالي ساعات وبدل وذهب ودراريع وعبي اذا العبايه الحين وصلت 200 دينار الباجي جم تتوقعين!!
النفوف غالي الدي جي غالي بدل الحريم غاليه وصالون ومصوره وهمن العروس لازم تتميز وتكشخ كلها ليله بالعمر ومو كل يوم بتصير عروس لازم تكشخ واتمتع بس والله المهر مايكفي انا صارلي اكثر من شهر ادور نفنوف ابيض مالقيت اقل من الف والذهب وصل 12 والمكياج غالي والعطور غاليه وحتى شغل الهنود غالي
انا الحمدللله الحمدلله مهري 6 الحمدلله احسن من غيري بس مايكفي
بس انا اقول 10 هو السعر المناسب بما اني لا موظفه ولا لي معاش ولو كنت موظفه راح اعين نفسي بس الحمدلله ان شاءالله يقبلوني بمكان زين انا تو اقبلوني بالصحه بس رفضت << بتقولين قصة حياتج!!
المهم الي كنت بوصله والله الدنيا الي حلولنا غاااااااااااااااليه وبأسعار خياليه وبعد جنج تطرين منهم مو جنج بتدفعين لهم من حلالج بس شنسوي حسبي الله عليهم النفوف الي عاجبني 1800 بس مستحيل اخذه بهسعر ماكو ميزانيه
وتشكرين على هالموضوع في اشياء بقلبي ودي اقولها بس مره ثانيه خخخ

ما لقيتي نفنوف اقل من 1000 طبيعي لان في من يدفع ولا نفنوف بلبسه جم ساعه وبيقعد بالكبت ب1000

ترى النعمه زواله المهم الذوق مو منو المصمم يا عمري


((روحي الخبر وبتلاقين بدل حلوه واسعارهم معقوله ))

 

[!!انا!!]

رد : رد: مهرج 5 الاف.. شويه؟

السووووووووق نااااااااااااااااااااااااااااااااااااااااااااار وذهب ناااااااااااااااار

انا 7 والحمدلله كفتني بس هم تمنيت شغلات كثيره ماشريتها لان المهر مايكفي والسوق خصوصا لعرايس هالوقت نار لاتنزيلات ولا شي على ويه العيد وطايرين بالاسعار

الله يوفقج يا سالي

ومو شرط كلشي يخلص الحين عقب الزواج بتحصلين وبيكون مخي مهدي مو مثل الحين مشتت

 

[!!انا!!]

رد : رد: مهرج 5 الاف.. شويه؟

يااارب اتزوج واحد يعطيني مهر 100 الف ههههههههههههه < طمااعه

وانا ادعيلج يارب يعطيج واحد يحبج ويسعدج