مهرج 5 الاف.. شويه؟

[كيـف أسيـبكـ]

رد : مهرج 5 الاف.. شويه؟

المهر خمسه
>>> الفين منهم للذهب ....................... لسى ماشريته


وزدت عليه الفين ونص غير المعاشااات




الله كريم الدنيا تساهيل والفلوس رايح سولء مهر والا غيره





اشووف ان 7 مناسب لاي عرووس

 

[NaturaL.GurL]

بنـات انا والله طول عمري مو ماديه لأني بالاساس قبل ما انخطب منتفه و مدبره نفسي بالإعانه مالت الكليه

بس 5 آلاف مع اني ما اصرف وايد ما تكفي ما تكفي ما تكفي

العرس يكلف وايد بصراحة يعني انا انصدمت بالاسعار شنو بوفيهات 700 و 900

والمصورة اللي 500 و واللي 600 و اللي 800

و النفنوف 500 و فوق

و الدي جي 300 مادري 400 وهم تكلفة الصاله الكراسي و هالسوالف

يعني العرس بروحه بدونج انتي ألفين ونص اذا مو أكثر .. معاج انتي يعني النفنوف و المكياج و التسريحة والكوشة زيديهم ألف وبرنامج العروس مادري جم

يعني تقريباً جريب ال 4 الاف على بس العرس وبرنامج العرس !!!! شبقى من الـ5 آلاف عشان تجهزين نفسج

والله العروس لازم تسوي جلسات ليزر لشعر الجسم يعني عروس انشالله بفضا كل اسبوع والا اسبوعين بقعد اشيل شيره

و اللي تبي تضبط أسنانها الأسنان وايد تكلف انا بحط لأسناني ألف ونص والله طار المهر جذي ماراح يبقى شي للتجهيز الملابس وجذي

الله كريم انشالله والله انا اشوف المهر المعقول اللي لاهو زايد ولاهو ناقص 7 آلاف هذا معقول

العروس لازم تكون اسم على مسمى عرووووس لازم تلبس وتكشج واهم شي بالعروس ((( بشرتها وابتسامتها ))) اهم من كل التجهيز وعشان تعتنين بالبشرة بفترة وجيزة قبل العرس اكيد راح يكلفج بالعيادات جلسات وحالتج حاله

 

[سـيـدة آلـمـطـر]

لا تقولون مظاهر خلونا نكون واقعين شوي يا بنات
خمس الاف بالنسبة لي ما تكفي .؟
قولو ليش العروس عندنا لازم تشتري ذهب ,, و الهب مولع نار سبحه ما تسوى على الف و شي
ولا زم العروس تشتري شي يملي العين و غير النفنوف و المكيب و الدراريع و البيجامات و غيره و غيره
و حدث العاقل بما يعقل ترى كل شي صار غالي هالايام
ما تلقين شي رخيص
الاسعار صار بينها تنافس منو السعر الاعلى والله صج
العروس وين تلحق اذا خمس الاف
لو السوق رخيص و الغلاء مثل اول مو الحين والله اقول عادي و ميخالف انا اشتري رجال
بس وين يا حسرة كل شي يبي ,, و كلن بثمنه

,’

يسلمووو حبيبتي

 

[>> True Love<<]

حتى 7

ماتكفي

الي تجهز تعرف هالشي...

لا حنا مبذرين ولا مسرفين..@@

 

[نيو سيدنى]

الله يسهل اموركم بنات

لررفع

 

[AL-N7EESAA]

رد : مهرج 5 الاف.. شويه؟

:

رفيجتي اللي كانت ببالي عاقله طلعت تبي اكثر وتفكر ترد المهر وتطلب زود

لوما امها ردتها ولا المينونه بترد الريال الذهبه عشان الفلوس تقول ( مو مقدرني )

وكاهي زعلانه علي لاني شديت عليها بالكلام

انا غلطانه ؟ّّ

نوروني

امبيه مو من صجها الفلوس عمرها ما كانت مقياس لراحة البال والوناسه مثل ما ياتج راح تصرفينها وحلاته المهر يكون معقول ما يكون اوفر لان مو حلوه بتبدي الوحده بحياتها مع ريلها بتحط على ظهره الاكو والماكو وصدقيني الريال اللي يدفع بالمره وايد يكرهها مع الوقت :cxxxp:




انا مو متزوجه بس لقافه :27d66a9c24b146327bf

 

[بنت شيـوخ]

رد : مهرج 5 الاف.. شويه؟

ابتدي بنفسي

اشوف الخمسه ok مو وايد بس هم مو شويه

تكفي اي تكفي اذا كنت ابيها تكفي (استغل الخصومات وابتعد عن المبالغه بالتجهيز..الشبكه ناعمه ..البدلات ذوق ما ادور الماركه..)

لا المهر كلش بالنسبه لي ما يمثل قدر البنت قدرها بحشيمتها وحسن معاملتها مو بالفلوس

ودي لو كان اكثر - طبيعي الانسان طماع للاسف

6 الاف مناسبه برايي

يلا ابي ارائكم

:eh_s(7): ماا بعد هالكلام كلام
صح لساااانج حياتووو

 

[bint_looda]

رد: رد : مهرج 5 الاف.. شويه؟

ابتدي بنفسي

اشوف الخمسه ok مو وايد بس هم مو شويه

تكفي اي تكفي اذا كنت ابيها تكفي (استغل الخصومات وابتعد عن المبالغه بالتجهيز..الشبكه ناعمه ..البدلات ذوق ما ادور الماركه..)

لا المهر كلش بالنسبه لي ما يمثل قدر البنت قدرها بحشيمتها وحسن معاملتها مو بالفلوس

ودي لو كان اكثر - طبيعي الانسان طماع للاسف

6 الاف مناسبه برايي

يلا ابي ارائكم

صااجه ,, والحمدالله 5 خير ونعمه وكفتني بس مثل ماقالت تكفي للي تحسن تدبيرها

 

[7bebt 3bod]

رد : مهرج 5 الاف.. شويه؟

مهري 5000 + 1000 بابا صباح صارو 6000 :eh_s(22):
واشوف انه يكفي وعسى الله يطرح البركه فيه
واهم شي التوفيق والحمدلله :eh_s(22):

وعمر مهر البنت مايحدد قيمتها ابدا البنت بذاتها وعقلها وثقلها
واحنا نشتري رجال نبقى معاه طول العمر عمرنا ما نفكر بالمهر لان المهر مثل ما اخذناه بيطير وماراح يبقى الا الزوج
والله يوفق الكل

وعلى قولة اهلنا الهون ابرك مايكون :ggdw:

 

[7bebt 3bod]

رد : مهرج 5 الاف.. شويه؟

مهري 5000 + 1000 بابا صباح صارو 6000 :eh_s(22):
واشوف انه يكفي وعسى الله يطرح البركه فيه
واهم شي التوفيق والحمدلله :eh_s(22):

وعمر مهر البنت مايحدد قيمتها ابدا البنت بذاتها وعقلها وثقلها
واحنا نشتري رجال نبقى معاه طول العمر عمرنا ما نفكر بالمهر لان المهر مثل ما اخذناه بيطير وماراح يبقى الا الزوج
والله يوفق الكل

وعلى قولة اهلنا الهون ابرك مايكون :ggdw:

 

[غنآآآتي]

رد : مهرج 5 الاف.. شويه؟

مهري 7 الاف ؤغير الف المنحه يعني 8
ؤللحين ما استلمته ؤالحمدالله ان شاءالله يكفي لاني الحين ابي اجهز من معاشي شؤي شؤي لحد ما استلم المهر الا انا مخلصه كذا شغله
ان شاء الله :eh_s(17):

​

 

[Cuttie.Pie]

انا من حزب الطماشة.. بس اذا الله كتب وتقدملي بخاطري واحد يعطيني مو اقل من 5.. وانشالله بقتصد فيهم واخش الباجي.. وحتى ال 4 ترا زينة.. زين منها الحكومة تعطي بعد.. بس عالاقل غير 4 الحكومة انا اشوف الريال لازم يكون ميمع له بيزتين.. حق الشقة او سواء بيقعد ببيت اهله.. لازم تأثيث وجذي او ان سفره.. والله يوفق الجميع انشالله ويرزقهم

 

[فطوم السبيعي]

انا مثلج 5 واحس شوي... برأي8 احس تكفي

 

[^لغموضي معاني^]

المهر عمره مارفع ولا قدر مجرد رقم لاراح ولا بيجي


ويمكن يتباها قدامج بالرقم اللي عطاج المبلغ


والمهر مهما كااان بيطير ع طووول


وانا مو مقتنعه المهر يبين قدرج لان تحكمنا عادات وكل قبيله لها مهرها


والمهر بالنسبه لي 6 يكفي او 7 ولو زاد مصخ ولو قل نقص

 

[Janna-q8]

لا طبعا المهر عمره ما حدد قيمه المراه.. و انا اقول البركه مع خفض مبالغ المهور... شوفوا الشباب شلون عزفوا عن الزواج بسبب تكاليف الزواج الباهضه و ما نلوم البنات بهالشي لانه الوضع الاقتصادي له دخل كبير بالموضوع.. كل شي زاد سعره هالايام .. و طبعا البنت الحكيمه و بنفس الوقت عندها ذوق .. تقدر تطلع نفسها انيقه بشطارتها ... تشتري قطع مو غاليه لمكنها ذربه و تركب الوان راقيه ع بعض و جذي تطلع كشخه

 

[tmneetk]

انـا مهـري 6 الاف .. و لله الحمـد


مو مسستعجلـه وايـد ع التجهـيز غمض فتح خلصت 80% من تجهيزي و باجي من مهـري 4

بس باجـي لي ملافـع و جم قميص و الدراريـع ..

و طبعا الذهـب ..

بخصوص الثوب هديه امـي لي ربي يخليها لـي ..
و سـاعه عـرسـي من ابـوي ربـي يحفظه و يخليـه ..

و انا ما شاء الله تبارك الرحمـن خواتـي5 و انا 6 ..

وحده عليـها المصوره و وحده المسسكه و وحده برنامج العروس كامل
و وحده ماخذه الدي جـي .. و فديتها اختـي الكبيـره

 

[tmneetk]

هـديتها لـي صـالون عـرسـي ..

حلـو الواحد يقسسم و ترا حلات الششي ناعم ..

و السووق ماراح يطير ماردج بتروحين السسسوق ..


و بعـد انا مسسويه ليـزر .. بس 100 اعانتـي و ابـوي يزيـدهم لـي

 

[سنووايت__]

بناات خلكم واقعيين الي تقول المهر القليل يكفي

ليش راحت السوق شافت الاسعار ؟؟!!؟
حتى لو حاولتي تقسمين او تقتصدين ترااا السووق نااااار وكل شي صار غالي

 

[بنت بو متعب11]

انا مهري اربيعن الف بالسعودي
يعني عندكم اربع الاف
والحين زين زين الي يدفعوونهاا ولا الاغلب يدفعون ثلاثين
وحمدي ربك مهرك خمسه

بس لو نجي للصج مايكفي هالمهر مدري وشو نبدي
بس يلا بعد من وين يجبون الشباب اكثر من كذا

 

[صآعده تحت}..]

لاوالله كلش ما يكفي

اذا النفنوف خذتوو بنص مهري بالضبط


مهري 5 واهلي قطو فوقه 5 ثانيه


كل شي ناار والحمدلله على كــل حال