رد : عفن .... في وجبات التربيه ...!!! الله يعين عيالنا بس ..!!!
اهو اذا صار فيه غلط
اذن القرار فاشل
بالعكس
انا ما ادري والله عيالكم شنو ياكلون بالبيت
اللي كل وحدة تقول ويع .... على نعمة الله .....استغفر الله
اذا صار الأكل الصحي ويع ...... اذن الحلاو والكاكاو اهو الريوق الصحي اللي راح تمدحونه !!!!!
انا ولية امر ...وتابعت ولدي من اول يوم وزعو الوجبات .... وصادف لقاء تنويري و كنت موجودة بالصف
بالعكس
يعطيهم العافية
و الطريقة جدا منظمة
و الوجبة تشوق و كلها اكل مفيد وصحي مع قطعة حلوى
اول يوم: ... توست مع جبن + حبة خيار + بسكوت من احسن نوعية + روب على فواكه ...مع عصير كوكتيل كي دي دي و بطل ماي لكل طفل
اليوم الثاني: كورنفليكس مع حليب طازج + تفاحة + قطعة حلوى تحلية + حبتين جزر ....مع علبة عصير و بطل ماي
يعنى وجبة متكاملة من كل العناصر الغذائية
احنا لو بالبيت مانحط كل هالمحتويات و مانحرص على التكامل الغذائي من كل العناصر
لابعد .....ازيدكم من الشعر بيت
ولدي يقوللي:
الأبلات (قصده مشرفات التغذية) ...يقولون لنا غصب تاكلون كل الوجبة علشان تصيرون اقويا و اللي مايبي شي ...يحطه بجنطته يمكن بعدين يحتاجه..... و كلهم كويتيات و حليوين ينحطون على الجرح يبرى.... رجع و معاه حبة جزر ...قلتله اكلها واسمع كلام ابلتك علشان يتقوى نظرك
يبقى ألحين عيالنا ..... تعودو على الكاكاو و الحلاو والخرابيط .....وورثو من اهلهم النقد .....والنقد ...والنقد على كل شي ايجابي او سلبي ...اذن لازم نعدل سلوكياتهم و نوقف مسلسل الدلع .... ماكو شي اسمه ويع .... هذي نعمة الله و هذا الأكل اللي يقويك و يخليك ماتصير مريض لما تكبر ..... وانا ذقت اكلهم مع ولدي بالعكس وايد حلو و كله لذيذ مافيه شي
اذا كان فيه اخطاء تتعالج
لكن القرار ليس فاشل اسمحولي بل ناجح
الفكرة جدا ممتازة و عطتنى صحوة
انتى انتبه لأكل عيالي و احاول انه يكون صحي و متكامل .... واقلل الكاكاو و البطاط الشبس
بدل الخرابيط و الألوان اللي يشترونها من الفرع
