السلام عليكم بنات شلونكم شخباركم ؟؟؟؟
بما انه المنتدى اهوه المتنفس الوحدي حقي وحق الي مثلي قلت ماكو الا افضفض هني ويشاركوني البنات الي مثلي.....
بما انه المنتدى اهوه المتنفس الوحدي حقي وحق الي مثلي قلت ماكو الا افضفض هني ويشاركوني البنات الي مثلي.....
انا بنت وحيده عندي اخوان شباب بس ماعندي خوات وهالشي صايرلي مثل كابوس ماتصدقون بنات مع اني مو صغيره يعني انا الحين 25 بس ليلحين احس اني محتاجه اخت ماتتصورون لاي درجه والي مخليني احس بهالاحساس اهلي الله يهديهم عازليني عن العالم طبعا قبل كل شي انا مطلقه وقاعده ببيت اهلي وهذا الي زايد الطين بله يعني شي اسمه رفيجات ممنووووووووووع خلوني اهد كل رفيجاتي واوخر عنهم:lkmnkl: وهالشي وااايد ضايقني بس سكت وطوفت ,,, اما بالنسبه حق بنات خالاتي وعماتي هم صرت وايد بعيده عنهم وعن الكل بصراحه اولا بسبب موضوع الطلاق تدرون شنو نظره الناس حق المطلقه وثاني سبب انه حتى الموبايل خذوا مني اهلي تخيلوا يعني محد قادر يتواصل معاي وانا حدي منقص ويهي يعني اذا احد سالني جم رقمج ودي الارض تنشق وتبلعني وشوي شوي مع الوقت خلاص محد قام يدق ولا يسال المهمم خليييكم من هذا كله انا الي قاهرني انه اهلي مو راضيين يحسوون ولا يستوعبون اني انقطعت عن العالم واني قاعده اقعد طول وقتي بالبيت ساده حلجي لا اكلم احد ولا اسولف مع احد ولا اقدر افضفض حق احد وحتى الطلعه بالحسره علي والنت ترى يادوب قاعده اشبك يعني ماعندي جهاز خاص فيني بس والله بنات تعبت من الوحده وامي مو من النوع تاخذ وتعطي معاي حاولت وايد اني اكون قريبه منها بس مع الاسف ماعطتني فرصه ,,, وانا مابي ايي اليوم الي اضطر اني اسوي اشياء وايد من وراهم يعني اهمه يطلعون مع ربعهم ويشفونهم ويحتكون مع العالم حلال عليهم ,, اصلا انا احس ماصار عندي ثقه بنفسي احس اني ماقدر اقعد مع العالم والناس بس قاعده اقول والله لو عندي اخت وحده راح تعوضني وتكفيني عن كل هذول مع انه والله يابت=نات ترى انا والله مو قاصرني شي الحمدالله وانا اجتماعيه بطبعي واحب الناس و دارسه واشتغل حالي حال كل البنات ,, بس رايكم ومشاركاتكم بلييز خلوني استفيد من تجاربكم
