ماراح تفيدج لا الخلطات ولا الزيوت!! تعالي اقوللج لييش؟؟

[ام احمد75]

جربتي زيوت وخلطات حق شعرج ومافادت؟!! تعالي اقوللج ليش​

بسم الله الرحمن الرحيم​

شلونكم يا بنات يا حلوين .. منو فيكم جربت زيوت حق شعرها وحق جسمها او سوت خلطات​

وماشافت نتيجه؟!!!​

في بنات استعملت زيت الزيتون او زيت السمسم او زيت الخروع او زيت الصبار​

او اي زيت ثاني و اي خلطه!!​

هل هذا معناته انه المعلومات الي نقراها عن الزيوت وفوايدها بس كلام فاضي؟؟؟​

طبعا لأ الزيوت مفيده وصج لها فوائد وكل زيت معروف عنه فوائد كثيره​

الزيوت لازم تكون معصوره عصره اولى ومو معرضه للحراره​

ولا للاضاءه القويه​

اولا:​

الزيت المعصور عصره اوله يعني مو عاصرينه بالحراره ومطلعين منه الزيت بالغصب من بعد ما خذوا منه الي يبونه​

مثلا الزيتون!!​

يعصرونه اول مره على البارد عصر طبيعي ولما ينشف ياخذون الاجزاء الي ما طلع منها زيت ويسخنونها ويعرضونها لحراره عاليه عشان يطلع بعد منه زيت ويبيعونه!!​

​

معروف انه بالحراره يتأكسد وتروح فايده وعشان جذي ما منه فايده حق الشعر ولا حق البشره​

ولا راح يسوي شي!!​

عشان جذي ممنوع احد يقلي الطعام بزيت الزيتون لانه يتأكسد​

بالحراره ومن الليت لازم يكون بغرشه سوده وزجاجيه تحميه من الليت​

ثانيا:​

الزيوت الي عند العطارين تركيزها خفييييف ومو اصليه مو اي زيت تستعملينه حق شعرج او حق بشرتج وبعضها بس الوان واسعارها رخيصه! ​

اكثر الزيوت الخربوطيه وماتكون اصليه​

زيت جنين القمح – زيت الزيتون – زيت الورد – زيت السمسم – زيت الليمون – زيت الخروع – زيت حبة البركه – زيت الصبار – زيت الحلبه –زيت البابونج – زيت الزنجبيل​

ووايد زيوت انتبهوا لها وتاكدو منها قبل لا تستعملونها لانها ما راح تعطيكم نتيجه​

شنو لازم تسوين؟​

دوري على الزيوت الاصليه واسعارها تكون غاليه مو بنص دينار ولا بدينار​

ولازم تشترين من عطار ثقه ومعروف عنه وكل زيوته اصليه ... الزيت الاصلي يكون سعره غالي​

بالنسبه حق زيت الزيتون تقدرين تشترينه من الجمعيه ومكتوب عليه زيت بكر عصره اولى (على البارد)​

ركزي معاي لازم معصور على البارد عشان لايكون متاكسد وخالص!!​

عندج زيت زيتون معجزه الشفاء والعويد وفي المباركيه بعد ينباع اصلي​

والنسبه لباجي الزيوت هم نفس الشي دوري الزيت الاصلي ​

و وخري عن الزيت المصري لانه ما منه فايده ​

وبالتوفيج انشالله حبايبي​

ام احمد75

 

[حرم_طيار]

رد : ماراح تفيدج لا الخلطات ولا الزيوت!! تعالي اقوللج لييش؟؟

مشكورة

 

[hugo]

مشكووووره ع المعلومات يا عسل

 

[sweetey]

رد : ماراح تفيدج لا الخلطات ولا الزيوت!! تعالي اقوللج لييش؟؟

يعطيج العافيه يا الغلا

 

[znjabeelaa]

شكرا عالافاده

 

[ام احمد75]

رد : ماراح تفيدج لا الخلطات ولا الزيوت!! تعالي اقوللج لييش؟؟

حياكم الله يا عمري

 

[قلب مهاجر]

رد : ماراح تفيدج لا الخلطات ولا الزيوت!! تعالي اقوللج لييش؟؟

عدل كلامج انا جم مره اشتري من الحواي اللي في جمعيتنا زيوت الدنيا خروع وجرجير وثوم ولوز وكله مامنه فايده وريحتهم تتشابه !!!!!!!!!! واللوووووز مافيه ريحة اللوز ولا منه فايدة ولا عايدة ، قبل فتره رحت لبنان وشريت من محل يبيع اشياء طبيعيه من صنع بيتهم لما بطلت القرشة صج شميت ريحة لوز مو هالخربوطة اللي قاصين علينا فيه حدهم تجاريين ربي يسامحهم

 

[( المـلاك )]

رد : ماراح تفيدج لا الخلطات ولا الزيوت!! تعالي اقوللج لييش؟؟

يعطيج العافيه =)

 

[ام احمد75]

رد : ماراح تفيدج لا الخلطات ولا الزيوت!! تعالي اقوللج لييش؟؟

عدل كلامج انا جم مره اشتري من الحواي اللي في جمعيتنا زيوت الدنيا خروع وجرجير وثوم ولوز وكله مامنه فايده وريحتهم تتشابه !!!!!!!!!! واللوووووز مافيه ريحة اللوز ولا منه فايدة ولا عايدة ، قبل فتره رحت لبنان وشريت من محل يبيع اشياء طبيعيه من صنع بيتهم لما بطلت القرشة صج شميت ريحة لوز مو هالخربوطة اللي قاصين علينا فيه حدهم تجاريين ربي يسامحهم

صاجه بكلامج يا قلب مهاجر هههههههههههه اي والله كل الزيوت لهم نفس الريحه زيت الثوم واللوز نفس الريحه
انا شاريه زيت الثوم اصلي والله من قوه ريحته طالعه من الغرشه وللحين خايفه ابطلها وهونت مابي استعمله
صج زيت ثوم .... مشكوره على مرورج يا قلبي

 

[.: حلاها مبتليها :.]

رد : ماراح تفيدج لا الخلطات ولا الزيوت!! تعالي اقوللج لييش؟؟

مشكوووور يالغلااا

 

[&موناليزا&]

رد : ماراح تفيدج لا الخلطات ولا الزيوت!! تعالي اقوللج لييش؟؟

مشكورة حبيبتي

 

[artia]

رد : ماراح تفيدج لا الخلطات ولا الزيوت!! تعالي اقوللج لييش؟؟

مشكوووووووووووره ام حماده

 

[بنت الأصايل]

ترى موكل شي غالي معناته يكون هو الافضل

في وايد اشياء اسعارها مناسبة وممكن رخيصة والناس غافلة عنها وتلاقيبنها هي اللي تنفع
وعدل كلامج بالنسبة للزيوت بس شنسوي مانستغنى عن العطار مضطرين نروح نشتري من عنده
هو مومايفيد بس مفعولة يكون بطيء

ومشكووووووووووووورة جدا على هالمعلومات الحلوة ياحلوة

 

[dla3_princess]

في بعد زيووت طبيعيه من محل ارض الطبيعه بالقادسيه و لهم ركن بالجمعيات و

بمركز سلطان

والله حيييييييل اثق بشغلهم


مشكووووووورة غلى الافااده حبيبتي

 

[G!RLooNa]

يعطيج العافيه المشكله اغلبنا عارفين هالشي بس من له خلق يدور و يحوس يدور الاصلي :/

 

[NOONOOO]

رد : ماراح تفيدج لا الخلطات ولا الزيوت!! تعالي اقوللج لييش؟؟

مشكورة على افادتج

 

[توتو ستايل]

يعطيج ألف عافية حبوبة

 

[احلى من القمر]

صح لسانج ياعسل والله انج صاجه

 

[غمزه وإبتسامه]

يسلمو

 

[ام احمد75]

رد : رد: ماراح تفيدج لا الخلطات ولا الزيوت!! تعالي اقوللج لييش؟؟

في بعد زيووت طبيعيه من محل ارض الطبيعه بالقادسيه و لهم ركن بالجمعيات و

بمركز سلطان

والله حيييييييل اثق بشغلهم


مشكووووووورة غلى الافااده حبيبتي

صج ! والله جان زين بروح واشوف
مشكوره يا عمري