الساعات والألماس في لندن؟؟؟

[H.O.H.A]

مرحبا بنات شلونكم
انا ناويه اجهز لعرسي ان شاء الله من لندن ولأني ولا مره رحت لندن فما عندي خلفيه عن سوقتهم ابدا؟
اغلب المواضيع هني عن الملابس والجنط بس بغيت أسأل عن المجوهرات
شنو ماركات الساعات والخواتم والالماس اللي مو موجوده بالكويت وتكون حلوه و مميزه :eh_s(20): ووين مكانهم ؟شلون الأسعار؟؟ أرخص الساعات هناك ولا اغلى من الكويت؟
انا بغيت أسأل عن الضرائب؟ صج إذا شريت شغله راح أدفع سعر الضريبه معاها؟؟ وبعدين بالمطار قبل لا أسافر يردون المبلغ أو شي جذيه؟؟؟ ما ادري وين سمعت هالمعلومه:denya:

الله يعينكم على الأسئله
مشكورييييين مقدما:bye22:

 

[كوليت]

طبعا افضل وارقى مكانين بلندن للالماسات والساعات الثمينه

هارودز & هارفي نيكولز وبس غيرهم لاتعبين نفسج

وبالنسبه للاسعار حيييل غاليه لان ماركات عالميه وحصريه

والعفو ماطلبتي شي :hjy5jewf:

 

[jojowa]

حبيبتي الاسعار بالنسبه للساعات ارخص بشوي يعني انا سمت ساعه الشوبارد بالكويت و سمتها بلندن تفرق تقريبا 100 دينار ,,,و افضل الاماكن مثل ماقالت الاخت كوليت هارودز و هارفي نيكيلز و هم عندج سيلفريدجز ,,,وهم عندج بوند ستريت تحصلين عندهم محلات ساعات ,,,وبالنسبه للتاكس فري عندهم هالشي و يسمونه vat بس لازم بس تشترين شي تاخذين الفاتوره و تروحين الinformation center اذا محل كبير نفس هارودز و هارفي نيكيلز وسيلفريدجز او عند الكاشير اذا محلات الصغار و اهو يسويلج الفواتير و انتي احتفظي فيهم ,,,ولمن تروحين المطار في مكان مخصص لل vat تعطنهم الفواتير و اهم يردولج فلوس التاكس ,,,,بس انصحج روحي مبجر عشان لايكون زحمه و يمديج تسوينهم ,,,وان شاءالله اكون فدتج ,,,

 

[بسمه الم]

حياااتي اناا تجهيزي كله من لندن وباريس الكولكشنات والاسعار روووعه ,, شوفي اكو عندج ,,
rolex ,van cleef , cartier , tiffany , chopard كل هذولي ب هارودز ,, ومثل ماقلتي اكو عندهم التاكس يردونه بالمطار ,, والف مبرووك مقدماا حبووبه ,,

 

[H.O.H.A]

مشكورييييييييييييييين بنات جزاكم الله خير على مساعدتكم
بسمه الم
الماركات هذول كلهم بالكويت..شنو في ماركات ثانيه مو موجده هني مثل ملوت المصممين..يعني شي جذيه؟؟


لايوقفoster_av1:

 

[عيش و مرق]

زين بنات سامعين بمحل ساعات اسمه فولى فولى يمدحونه يقولون عنده ساعات الماس رخصيه

 

[بسمه الم]

مشكورييييييييييييييين بنات جزاكم الله خير على مساعدتكم
بسمه الم
الماركات هذول كلهم بالكويت..شنو في ماركات ثانيه مو موجده هني مثل ملوت المصممين..يعني شي جذيه؟؟


لايوقفoster_av1:

حبووبه فان كليف وتيفني ماكو منهم بالكويت ! والباجي صح اكومنهم بس الاسعار بلندن واوروبا احسن ,, موفقه

 

[H.O.H.A]

فان كليف توه فاتحينه بالصالحيه وتيفاني موجود بالفنار حتى يبيعون الkeys ملوتهم من وقت لوقت
بس مو نفس الحجم والتشكيله طبعا.
مشكوريييييييييييييييييييييين على الردود مره أخرى
لا يوقف:stars:

 

[MeMe]

زين بنات سامعين بمحل ساعات اسمه فولى فولى يمدحونه يقولون عنده ساعات الماس رخصيه

بالويست فيلد وبالريجنت ستريت بجهة هاملز

 

[نسمه بارده]

عندج هارودز انا عجبتني ساعه رولكس وللاسف وقتا ماكان معاي فلوس شوي كانت غاليه والحمدلله اشتريتها وسعرها ارخص من الكويت بشوي علي فكره الماركات اسعارهم شبه موحده بس الي يفرق الكولكشن عندهم يكون وايد ومتنوع بالكويت محدود خصوصا الساعات لان السوق مايتحمل

 

[دلوعه الكل]

حبيبتي دشي السلفرج بتلقين كل شي
يهبل والهارودز بعد مجوهرات مو موجوده الا فيه

وعندج شارع الماركات الي يكون

عند شارع اكسفورد تمشين لين السلفرج وتعدينه لين دزني ونيكست

وتلفين شارع هناك كله ماركات ملابس امشي لين اخر الشارع كله محلات مجوهرات

 

[بخـــارى]

انا بعد كنت بعرف
مشكورين بنات

 

[Dior Adict]

مشكوووورين انا بعد ماكنت اعرف

 

[Om_Ksha]

مشكووورين

 

[ghadeeeer]

سلون ستريت شارع الماركات روووووووووووووووووووووووووووووووووووعه بتشوفين علي يمينج ويسارج مباني جنها فلل اتينن لكل ماركة والتمشي حلو فيه بصراحة آنا دايما أتسوق منه هادي ورااااااااااااااااقي
وعندج بكستر فلج محلات الأوت ليت تروحين لها بالقطار ساعتين تقريبا فيه ماركات مشهورة ما عدا إل في وشانيل واسعارهم روعة آنا خذيت جنطة من هارودز دولتشي آند قابانا طلعت علي بـ 580 دينار ولما رحت بكستر فلج لقيتها بـ 188 دينار جان آخذها مرة ثانية وثاني يوم رحت الهارودز بدلت الأولى اللي شريتها يعني عرفت الخطة وريلي خذا ساعة تاج هيور طلع الفرق عليه عن الكويت 400 دينار