عمرج تاكدتي ان مالج حظي؟؟

[غاليه79]

السلام عليكم خواتي

بدش لكم بالسالفه على طول

بنات انا فيني قراده اي والله صج

يعني الكل يشوفني ويحسدني لانهم يشوفون الظاهر ولاني ماابين ضعفي بس صج انا من ادش بمشروع يفشل من اوله

لا تجاره,لازواج,لا شغاله,لاسواق,المشكله ان الشغاله تجيني من اول يوم تطلع بلاويها عيني عينك والسواق نفس الشي....مادري يعني شاسوي انا مؤمنه بالحظ مادري هل هو حظي جذي ؟؟؟اذاع جذي اتمنى انه يتعدل يارب

واذا في وحده تعتقد انه مافي شي اسمه حظ تقولي ,,

والي حالها نفس حالي شالمواقف الي صادفتها خلتها تقتنع ان مالها حظ


عسى الله يكبر حظوظنا قولو امين

 

[فقـدتـك حيــل !]

رد : عمرج تاكدتي ان مالج حظي؟؟

الله يكبرج حظج وحظي وحظوظ البنات ..
ساعات أحس نفس احساسج ..
بس أتعوذ من ابليس ..
والحمدالله على كل شي ..
ماتدرين وين الخيره ؟!
يمكن من اول شي تتفركش السالفه خيره لج من الله !
قولي الحمدالله على كل حال ..
والله يعينــا !

 

[sweet dashttya]

رد : عمرج تاكدتي ان مالج حظي؟؟

قوي ايمانج بربج واستغفري كل يوم وان شاء الله حظج زين لا تفقدين الامل عيل انا شقول خليها على الله بس

وهذا مو معناته لازم افقد الامل بكل شي بالدنيا لااا بالعكس هذا خلاني اتقرب من ربي اكثر وانا متأكده ان الله راح يفرجها باذن الله

 

[نعوووووومه]

رد : عمرج تاكدتي ان مالج حظي؟؟

اكيد في شي اسمه حظ بس مرات تصدف مو شرط حظج مو حلو تخرب الشغله؟؟
والله يوفقج ويقوي حظج وحظي

 

[شندوخه]

رد : عمرج تاكدتي ان مالج حظي؟؟

لا في شي اسمه القضاء والقدر
قسمه الله .. والخيره فيما اختاره الله

 

[فخامه كبريائي]

رد : عمرج تاكدتي ان مالج حظي؟؟

اااااااااااااااااااااايه ....موضوعج جا عالوتر الحساس ...
انا حظي نايم مدري متى يقوم ...!!؟
و اقرب مثال عندج ...تو الحين ابي ادز لرفيجتي بحث ..و الا يتنح الايميل عندي ..شسوي بالله ...؟؟!
و بعد حالتي نفس حالتج بالسواويق ...تخيلي بيتنا محتاااااااااااااااااج حيييييييييييييل لسواق ...بس كل ما يجينا سواااق و الله ان طول 3 شهووور لا و بعد ما يسوووق عدل ...
بس قضاااء الله و قدره ولازم نؤمن فيه ..
والحين كل ما يصير لي شي محبط على طووول اقول (اللهم اجعل همي الاخرة )..
نصيحه يا بنات خلوا هالدعاء لزمه بلسانكم ...

 

[.]

عيل انا اومن انه كل شخص له حظ اكبر بشغله معينه في ناس بالصحة وناس باخلاق وناس بالتجاره و ناس بالزواج وناسه بالدراسه والخ..

وناس ماشاءالله باكثر من مجال..

والله يكبر حظج ..

 

[مارياq8]

رد : عمرج تاكدتي ان مالج حظي؟؟

عسى ان تكرهوا شئ وهو خيرا لكم

هذي الحياة فيها الشقا والتعب

هذا نصيبج وقسمتج

اذكري ربج واحمديه

 

[بدورة القمورة]

انا حظي نايم لوووووووول

الحمدالله علي كل حال

 

[ęmƷàпDўą.3sL]

رد : عمرج تاكدتي ان مالج حظي؟؟

اي والله آمييين
اناا جذي حظي كل مآ آطقهاا عوويه
اذا عجبني الشي يخرب كل ماابي اطلع مع رفيجااتي مثلا يصير شي

يسمووني القبسس

 

[عااافك الخاطر]

رد : عمرج تاكدتي ان مالج حظي؟؟

الله يكبر حظي وحظج باااااااااارب وحظ كل وحده ظلمتها الدنيا ويفرج هم كل مهموم ومهمومه يااااااااارب انتي نفسي داااايم كنت اقول انا مالي حظ بشي واعترض من وعيت على هالدنيا والقراااااااااده من حظي ونصيبي مافلحت بشي انخطبت وتزوجت وتطلقت واشوف حظ غيري هالجياكر السحووت قاااااااااعد واتحسر على عمري وارد استغفر ربي واقوووول قسمه ونصيب قضاااء الله وقدره تقربي من ربج واطلبيه وعسى ربي يعوضج خير ويعوض علي يااااااااارب يااااااااكريم


:yaaaaaarb:

 

[انصاريه قمره]

وين البخت يا فلان وانت تقول مبخوت ؟؟
جيت اشتغل دفان محدن رضى يموت

 

[غاليه79]

رد : عمرج تاكدتي ان مالج حظي؟؟

الله يكبر حظي وحظج باااااااااارب وحظ كل وحده ظلمتها الدنيا ويفرج هم كل مهموم ومهمومه يااااااااارب انتي نفسي داااايم كنت اقول انا مالي حظ بشي واعترض من وعيت على هالدنيا والقراااااااااده من حظي ونصيبي مافلحت بشي انخطبت وتزوجت وتطلقت واشوف حظ غيري هالجياكر السحووت قاااااااااعد واتحسر على عمري وارد استغفر ربي واقوووول قسمه ونصيب قضاااء الله وقدره تقربي من ربج واطلبيه وعسى ربي يعوضج خير ويعوض علي يااااااااارب يااااااااكريم


:yaaaaaarb:

مشكوره على الرد واشكر كل وحده ردت

بس فهمتوني غلط

انا ابد مو معترضه والله بالعكس على كثر القراده مازلت متفائله واحاول وعندي حسن ظن بالله واقول الحمد لله على النعم الباقيه

بس في بدايه الامر يوم بدت تصيدني هالمواقف مثلا بزواجي قلت بسسسسسسسسس هذا سببه سؤ اختياري

عقب شفت امور انقرد فيها وانا مااخترتها مصايب تطب علي من كل صوب ومالي دخل فيها

فا من هني اقتنعت ان الدنيا حظ وحبيت اشوف هل في وحده عندها نفس شعوري او بس انا بروحي

لان غالبا امي تلومني تقولي انتي ماتعرفين وانتي وانتي فا افكر اقول في امور مااخترتها بس نصيب والله كتب اني اصادف هالمواقف بحياتي,,,,


والحمد لله على كلشي:eh_s(8):

 

[دانة من البحرين]

مو مسئالة حظ يا عمري


انتي عندج مشكلة الا وهي


القرين مو متوافق معاج والله اعلم

يعني كل انسان له قرين تابعه وقرينج مو متوافق وياج

يعني الشي عندج يصير عكس ودائما يفشل


ابحثي عن القرين في قوقل واقري عنه

 

[oojoo]

رد : رد: عمرج تاكدتي ان مالج حظي؟؟

مو مسئالة حظ يا عمري


انتي عندج مشكلة الا وهي


القرين مو متوافق معاج والله اعلم

يعني كل انسان له قرين تابعه وقرينج مو متوافق وياج

يعني الشي عندج يصير عكس ودائما يفشل


ابحثي عن القرين في قوقل واقري عنه

انزين والابراااج؟؟؟
تهقون صج؟؟
انا اول شي اؤمن ان ان الله سبحان وتعالى يكتب للانسان نصيبه بكل شي بالدنيا
بس مره في وحده تعرفت عليها بامريكا قالت انتي برجك اييه؟؟
قلت الثور
قالت حظك قليل على فكره جميع مواليد هالبرج
بيني وبينكم اعزي نفسي دايم واقول الحمدالله لرب العالمين وبكل الاحوال
كذب المنجمون لو صدفو حتى بسالفه الحظ بالابراج
وبكل شي





الحمــد لله على كل حال

 

[ابتسامة ساخره]

رد : عمرج تاكدتي ان مالج حظي؟؟

حبيبتي انا مؤمنه بالقضا والقدر وكلنا ان شاءالله كذا بس والله فعلالا الناااس حظوووووظ والله يكبرر حظوظنا حبيبتي كل شيء يجي عكسي وقسسم بالله بس اقول الحمدلله ع كل حال والله يصبرنا <<امس اقول لابوي اني اذا بغيت شيء اقول ضضده ويصير الضد يعني ابسط مثال اليوم بتجي الاستاذه يعني بتداوم اقول للبنات لاماراح تجي وتجي الاستاذه ولا العكس<<<يعني ابسسسط مثال ولا بنسافر واستعد وكل شيء اخر شيء يتكنسل كل شيء الا ذاا مادريت فيه ويجي فجاءهوالله المستعان ولا فيه شياااء كبيره والله يعين

 

[ابتسامة ساخره]

رد : عمرج تاكدتي ان مالج حظي؟؟

حبيبتي اقري الكلام الله يعطيك العافيه



السلام عليكم ،

*الجـواب*


الحمد لله
ما يسمى بعلم النجوم والأبراج والحظ والطالع من أعمال الجاهلية التي جاء الإسلام بإبطالها وبيان أنها من الشرك لما فيها من التعلق بغير الله تعالى واعتقاد الضر والنفع في غيره وتصديق العرافين والكهنة الذين يدّعون علم الغيب زوراً وبهتاناً ليبتزوا أموال الناس ويغيروا عقائدهم ،
والدليل على ذلك ما رواه ابو داود في سننه بإسناد صحيح عن ابن عباس رضي الله عنهما أن رسول الله صلى الله عليه وسلم قال { من اقتبس علما من النجوم اقتبس شعبة من السحر زاد ما زاد } وما رواه البزار بإسناد جيد عن عمران بن حصين عن رسول الله صلى الله عليه وسلم أنه قال { ليس منا من تطير أو تُطير له أو تكهن أو تُكهن له أو سحر أو سُحر له }
ومن ادعى معرفة علم شيء من المغيبات فهو إما داخل في اسم الكاهن وإما مشارك له في المعنى ، لأن الله تعالى استأثر بعلم الغيب فقال عز وجل { قل لا يعلم من في السموات والأرض الغيبَ إلا الله } .
ونصيحتي لكل من يتعلق بهذه الأمور أن يتوب إلى الله ويستغفره وأن يعتمد على الله وحده ويتوكل عليه في كل الأمور مع أخذه بالأسباب الشرعية والحسية المباحة وأن يدع هذه الأمور الجاهلية ويبتعد عنها ويحذر سؤال أهلها أو تصديقهم طاعةً لله ولرسوله صلى الله عليه وسلم وحفاظاً على دينه وعقيدته .

 

[غاليه79]

رد : عمرج تاكدتي ان مالج حظي؟؟

بسم الله الرحمن الرحيم

انا ابد ماافكر بهالطريقه والله لا ابراج ولا شي من هالامور مع اني اشكر الاخت الي تكلمت عن موضوع القرين,,
انا مؤمنه ان هذا الي قسمه لي الله وهذا نصيبي من هالدنيا وبعد مؤمنه ايمان قوي ان كله بيتعدل في اي وقت,,,

بس ساعات تصك فيني الدنيا ان اغلب اموري تجي عكس لدرجه اني ماصرت اوعد احد بشي ولا اقول اي شي ان مااضمن هل بسويه او لاء من كثر مااموري تتوقف,,,,

والحمد لله كل مايجي منه خير

 

[هب العطر]

رد : عمرج تاكدتي ان مالج حظي؟؟

علاج الحظ الردي

مضمون ان شاء الله الف بالمئة !




1- حسن الظن بالله .

2- صلاة الاستخارة بكل امورج , و لو ما قدرتي تصلين يعني مثلا كنتي برا البيت , على الاقل قولي الدعاء بقلب صادق .

3-قراءة القرآن خصوصا سورة الفتح و سورة الم نشرح لك صدرك , و ذكر الله بصورة عامة .

و بالتوفيق ان شاء الله

 

[منيرة خالد]

الله يعطيج على قدر ظنج فيه

اذا قلتي انا مالي حظ >>> الله سبحانه يعطيج هالشي لأنج آمنت بالحظ ونسيتي الخالق موزع الارزاق


ادري بتقولين انا آمن بالله سبحانه وتعالي بس انا اتكلم عن الحظ


لا والف لا


بس أمن برب العباد ولا تقولين حظ وحظوظ قولي أنا مؤمنه بأن لي رزق عند رب العالمين وان شاء الله ، الله بيعطيني رزقي كامل ، وحظي عند رب العالمين كبير


بعض الناس يتحوبون ويقولون ما لي حظ كله حظي طايح >> ونسوا يقولون ان شاء الله ان حظي عند رب العالمين كبير ((( والله سبحانه يقول انا عند حسن ظن عبدي بي ))) احسني الظن برب العالمين وصدقيني كل امورج راح تتعدل

ترا حرف او كلمه زايده او ناقصه تغير من حظج


انا دايم اقول الله بيرزقى حتى لو تأخر هالشي مؤمنه ان حظي عند رب العالمين كبير والله سبحانه يوزع الارزاق - ولازم نحمده على عطيته