@@ تقرير عن استراليا 2010 بالتفصيل الممل والميزانيه @@

[عيال الكويت]

كملي ناطرينج
يعطيج العاااااااافية

 

[ليان حياتي]

رد : @@ تقرير عن استراليا 2010 بالتفصيل الممل والميزانيه @@

تفصيل وشرح جميل تشكرين علية كملي حبيبتي شوقتينا

 

[EL jowhra]

إي واللة كملي متابعينج كلامج وايد مرتب وواضح

 

[mngo67]

عليكم بألف عافية خوش سفرة
ومشكورة علي المعلومات ...كفيتي وفيتي
بانتظارج

 

[om_dodo]

اب

اب

 

[Loora]

كملي ناطرينج
يعطيج العاااااااافية

الله يعاااافيج حبيبتي ،،،،،، وانشالله اليوم راح اكمل التقرير

 

[Loora]

رد: رد : @@ تقرير عن استراليا 2010 بالتفصيل الممل والميزانيه @@

تفصيل وشرح جميل تشكرين علية كملي حبيبتي شوقتينا

العفوو حبيبتي ماسويت شي ،،،،، واهم شي عندي انكم تستفيدون ،،،،، واجاوب على اسألتكم
وحيااااج الله :sfg:

 

[Loora]

إي واللة كملي متابعينج كلامج وايد مرتب وواضح

ان شاء الله راح اكمل ،،،،، وهدفي الاساسي انكم تستفيدووون

حيااااااااااكم :68_asmilies-com:

 

[Loora]

عليكم بألف عافية خوش سفرة
ومشكورة علي المعلومات ...كفيتي وفيتي
بانتظارج

الله يعااااااااااافيج ماقصرتي
والعفووو ماسويت شي
وتابعيني :wqedqw:

 

[Loora]

اب

اب

شكرا شكرا

 

[Loora]

@@ تفاصيل الرحلة @@

** خط سير الرحله :
كويت --- دبي (1 ساعه و 40 دقيقه)
ترانزيت (3 ساعات )
دبي --- سدني ( 13 ساعه و 50 دقيقه )

ملاحظه : بالطياره اطلبو من المضيفين كروت الدخول لأستراليا وعبوهم وانتو بالطياره علشان ما اتعطلون بالمطار - وبنهايه التفرير راح احطلكم صور فيها كروت الدخول مترجمه علشا اتفيدكم - وترى عندهم ممنوعات ممنوع ادش استراليا مثل المأكولات بأنواعها وتقدرون تستفسرون اكثر عن هالقوانين من السفريات اللى بتسويلكم الفيزا


** تفاصيل الرحلة في ((سدني )) :
-----------------------
وصلنا مطار سدني الساعه ( 6ونص صباحاااا )

اول يوم : ريحنا بالفندق وعلى المغرب نزلنا الرسبشن وحجزنا رحلة حق باجر والرحله اسمها ( بلو ماوتن blue mauntine) او يسمونها ( الاخوات الثلاث three sister ) وبعدها تمشينا على الهاربر ( الميناء ) واهو جدام فندقنا بالضبط - وتمشينا بالمجمع اللى جدامنا اسمه ( هاربر سايد ) وتعشينا وردينا الفندق

ثاني يوم : كانت رحلتنا حق البلو ماوتن و الرحلة كانت من الساعه 8 الصبح الى 4 العصر ،،،، وريحنا بالفندق وبليل نزلنا انتمشى وحجزنا من الاكشاك اللى على الهاربر رحلة حق باجر واهي غدا على كروز من الساعه 12 الظهر الى الساعه 2

ثالث يوم : قعدنا مبجر و ترقنا بالكافيه اللى تحت بالفندق ،،،،، وخذينا فيري ( مثل تاكسي مائي بس انه طريقته يشيل عد ركاب واجد وله اوقات محدده يتحرك فيها يعني مثل طريقة الباصات بس بالماي واهو ارخص من التاكسي المائي ) ورحنا حق الجهه الثانيه من الهاربر ويسمونها ( السيركلر كي ) وتمشينا وشفنا دار الاوبرا من قريب و كنت انا ابي سوق الاحد مالهم لأن يصير بهالمكان بشارع اسمه ( الروكس the rocks ) طبعا كلا مشي وشريت منهم شغلات غريبه من صناعتهم ،،،، وبعدها ردينا بالفيري حق الهاربر وعلى طول ركبا الكروز حق الغدا --- وبعد الغدا ريحنا بالفندق وعلى المغرب نزلنا حق الكواريوم بعد كان تحت فندقنا وخذينا تذكره شامله ( الاكواريوم: الحياة البحريه - وايلد لايف : الحياة البريه - برج سدني - مشاهدة الحيتان ) وهالتذكره تطلع اوفر من انج تاخذين تذكره كل مكان بروح ،،،، وكنا ناوين اندش الاكواريوم بس هونا وخليناها حق باجر ،،،،، ورحنا حق برج سدني يكون بالشارع اللى ورانا بشارع جورج استريت تمشينا بالشارع وتمشينا بمجمع ( كوين فكتوريا ) ودشينا البرج وردينا الفندق

رابع يوم والاخير : اول شي نزلنا لرسبشن وبلغناهم ان بنسوي جك آوت و طلبنا منهم تاكسي علشان يودينا المطار وكانت رحلتنا الساعه 5،،،،،،،،وبعدها رحنا حق ( الاكواريوم و الوايلد لايف ) لأنهم تحت فندقنا بالضبط وانقضي فيهم وقت ليما يجي وقت طيارتنا وانروح المطار ( وبالنسبه لرحلة مشاهدة الحيتان مارحنالها لأن لازم نروح حق السيركل كي وتحتاج وقت من جذي كنسلنا ومارحنالها )


** الميزانيه :
---------
كان مصروفنا لمدة اربع ايام لعدد شخصين ،،، شامل كل شي من أكل وشرب واماكن سياحيه و مشتروات بسيطه :
(( 1000 دولار استرالي )) يعني بحدود 250 دينار كويتي


** ملاحصات على سدني :
-----------------
1- سدني من اهم المدن اللى تستحق الزياره في استراليا ،، حلوه وشرحه ،، واحلا شي انج تسكنين بمنطقه ( الدارلنج هاربر ) الى اهو الميناء
2- جوها باااارد ،،،، تقريبا بشهر 7 درجة الحراره من 10 الى 14
3-طريقة التنقل :
- اذا كان السكن بالهاربر فتقريبا كل الاماكن اتروحين لها مشي
-اذا تبين اتروحين الجهه الثانيه من الهاربر اللى اهي (السيركل كي و دار الابرا) يا التاكسي المائي او الفيري ( الفيري اوفر من التاكسي المائي)
-استخدام التاكسي بس بحالة من والى المطار
-في عندهم قطار معلق يسمونه ( المونوريل ) حلو حق التنقل بجهة الهاربر اذا بتروحين جورج ستريت او مجمع هاربر سايد .



** واي استفسار بخصوص سدني ،،،، آنا حاااضره :tek:

 

[Dorur]

ماشالله بانتظار باجي التقريييير والصور
عليج بالعافية

 

[*دانة الخليج*]

متابعتج حبيتبي كملي التقرير ولاتنسين الصور :eh_s(6):

يعطيج الف عافية

 

[Čut!e Quèéи]

مشكوره على التقرير الحلو

والتفاصيل المميزه

 

[oOo.curly.oOo]

اب
اب

 

[ليان حياتي]

رد : @@ تقرير عن استراليا 2010 بالتفصيل الممل والميزانيه @@

يعطيج الف عافية ياقلبي

 

[@فطفوووطه@]

رد : @@ تقرير عن استراليا 2010 بالتفصيل الممل والميزانيه @@

كمليكملي ماشاء الله تقريرج حلووو واحلى شي التفاصيل يعطيج العافيه

 

[منيرة خالد]

وااااااااو مشكوره ما شاء الله عليج معلوماتج وافيه


عاد ودي اروح لاستراليا مع عيالي وخاصه انهم بعمر يفهمون اعمارهم بين 13 و6 سنوات >>>> تصلح لهم استراليا ؟؟؟؟


متاااااااااااابعه معاج وبحفظ تقريرج لي بغيت احجز استفسر منج وادري ما تقصرين

 

[Samurai]

مشكوره على التقرير. بس شنو تقييمج على الفنادق

 

[بنت عبدالغني شربت]

يا حلوها استراليا تهبل

بس ماشاء الله تخطيط الميزانيه عندج ممتاز

انا رحت لها 2006 بس كلفتني وايد

عليكم بالعافيه