بزوركم يا أهل الكويت و عندي استفسارات أكــيد بتساعدوني

[soft rose]

مرحبااا الساع
السلاام عليكم

جاية الكويت الخميس 18-11

وراجعه الجمعه المغرب مع زوجي

هل في مسرحيه لطارق العلي بهاليوم و شلون احجز ؟؟ >> زوجي الا يبيهاا

وشنو بعد
ابي استغل هاليومين و اروح اماكن حلوه رتبو لي جدول للعلم سكني في السالميه
ادري الكويت مايكفيهاا هالمده مشاء الله مجمعاتكم وايد

ودي في المباركيه و سوق شرق و اللافنيو وين احلى في المجمعات
وابغى وصف للبلوكات وين تصير
وهل تنصحوني اروح الاكوابارك
و فعاليات العيد وين تكون
وهل عندكم ناخذ جولة بقارب في االبحر ولاا :sfg:



و سلامتكم

 

[soft rose]

معقووووله
وينكم كويتيات

 

[حـوريـه]

رد : بزوركم يا أهل الكويت و عندي استفسارات أكــيد بتساعدوني

روحي الافنيوز ، مول 360 ، المباركيه ، شرق

المطاعم تلقين كل مالذ وطاب بالطابق الارضي بالافنيو .. وبمول 360 ولاعالبال ولاعالخاطر

مانصحج تروحين الاكوابارك يوم عوائل لان في اجانب لبسهم جدًا عاري !

روحي مطعم ميس الغانم على شارع الخليج

و شاطئ العقيله .. بس بعيد عن السالميه



بالنسبه للمسرحيه اتصلي عليهم شوفي في اماكن .. اذا في خل يحجز يروح لهم قبل المسرحيه

واي استفسار راسلني ع الخاص

 

[حـوريـه]

رد : بزوركم يا أهل الكويت و عندي استفسارات أكــيد بتساعدوني

و تقدرين تاخذين جوله بالبحر .. بسوق شرق تلقين يخوت

يطقون فـره فيج بـمبلغ مايزيد عن 40 ريال .. يعني تقريبا 3 دنانير

احلى وقت 4 العصر

 

[سموة الزين]

رد : بزوركم يا أهل الكويت و عندي استفسارات أكــيد بتساعدوني

حياج الله يالغاليه

فتره قصيره وايد يعني يادوب الافنيوز ومول 360 ومسرحية طارق العلي والبلوكات اذا بغيتيه للخام قولي لراعي التاكسي اهوا بيعلمج ماتوقع يمديكم وروحي تريقي بمطعم مركز سلطان عالبحر وتالي اخذولكم بخت بمسنا سوق شرق وتالي كملو مشاوريكم وحياج الله يالغاليه واي شي تبينه علميني وعيوني لج دزيلي عالخاص وحياج بين اهلج واحبابج وديرتج الثانيه

 

[نــوره]

صح ماايمديج اهم شي اذا تبين المولات الحلوه عندج 360 والافنيوز هذولا بروحهم يبيلهم يووم كامل من كبرهم :d
وعندج المباركيه يووونس بعد بالسرداب كله ادوات تجميل وجناط ماركه بس تقليد انصحج فيه .. والبلوكات خلي التاكسي يوديج اهوا جدام المتحف العلمي أو التراثي ناسيه اسمه ..
وبالنسبه للمطاعم عندج ميس الغانم حلووو وفي مطعم قبال مجلس الامه روووعه احنا اكثر من مره تعشينا فيه بس ناسيه اسمه في شي عز الدين هع أو تقدرين تتعشين بالمولات اللي ذكرناهم فوق فيها انواااااع المطاعم والكافيهات تعجبج

ورحله سعيده ان شااء الله اي شي تبينه لا يردج الا لسسانج حيااتي ..~

 

[الغضى]

لاتنسين المركز العلمي يهبل ويم سكنج وماراح ياخذ من وقتج وايد بس بصراحة راح تستمتعين أكثر من الاكوابارك.

 

[ماء اللقاح]

رد : بزوركم يا أهل الكويت و عندي استفسارات أكــيد بتساعدوني

وأن بعد أنشأ الله بجى الكويت يارب أحب الكويت

 

[][عروسه 2008][]

رد : بزوركم يا أهل الكويت و عندي استفسارات أكــيد بتساعدوني

مرحبااا الساع
السلاام عليكم

جاية الكويت الخميس 18-11

وراجعه الجمعه المغرب مع زوجي

هل في مسرحيه لطارق العلي بهاليوم و شلون احجز ؟؟ >> زوجي الا يبيهاا

وشنو بعد
ابي استغل هاليومين و اروح اماكن حلوه رتبو لي جدول للعلم سكني في السالميه
ادري الكويت مايكفيهاا هالمده مشاء الله مجمعاتكم وايد

ودي في المباركيه و سوق شرق و اللافنيو وين احلى في المجمعات
وابغى وصف للبلوكات وين تصير
وهل تنصحوني اروح الاكوابارك
و فعاليات العيد وين تكون
وهل عندكم ناخذ جولة بقارب في االبحر ولاا :sfg:



و سلامتكم

بصراحه وبكل صراحه


المجمعات عاديه ولكن انصج بالمارينا مول هو اكشخ شي والمطاعم اللي قريبه منه


فريج صويلح خذا سمعه وااااايد وهو تطلع روحج على ماتاكلين اللقمه


المباركيه يستحق الزياره للحريم السنعات اللي يعرفون شنو يشترون


لايفوووتك مطعم ايراني على البحر شارع الخليج ( ليالي الخيام)


امممم


السالميه سنتر في أشياء وايد حلوه وأسعارها معقوله


انتي حددي شنو تبين من المكان شان تعرفين وين بتروحين عشان لايضيع وقتج وانتي مارحتي شي هههههههه


:s141:

 

[عيووونه]

رد : بزوركم يا أهل الكويت و عندي استفسارات أكــيد بتساعدوني

لاتروحين الأكوا بارك لانه بيكون برد عليكم ماتسوا تطيحون مرضه خليها بالصيف السنه الجايه والمطاعم مثل ماقالوا البنات وعندج 360 والأفنيوز والمباركيه والبلوكات يم المباركيه سألي اي هندي فيها بيدليج وانشاء الله تستانسين

 

[UNICORNA]

اااااااااااب