صباح \ مساء الورد
شلوونكم ؟؟
الله يسلمكم انا بقولكم تجربتي مع لوفات او بالاصح سوووو باد
اشتركت لمده شهر على اساس ان وجبتين باليوم ..
اللي راحت حقهم اختي ادفعت الرسوم واتفقت معاهم ،، دقو علي قالولي اشتراكج يبدي يوم الثلاثه قلت اوكي
وقتها انا بالدوام قالت الحين تيين تعطيني المنيو وشنو اخترتي ((كانو معطين اختي منيو انا اختار الوجبات اللي ابيهم )) قتلها ماقدر اطلع الحين من الدوام ادزهم فاكس ،، ماقصرت قالت دزيهم وبالتلفون اسألتني جم وزنج قتلها من زمان موزنه كنت 72 جان تقول شرايج 72 ولا احطه 73 :cxxxp:
تخيلو دزيتهم الاحد على اتفاقنا ان الثلاثه اول يوم حق اشتراكي ،، الاثنين عالساعه 7 ونص دقيت عليهم قلت باجر اشتراكي ماخذيتو العنوان وماسألتو اي وقت ابيه ؟!! ضحكت المصرية قالت والله ؟ قلت اي
اتفقت معاهم 7ونص يكون عندي
قعدت مبجر ونطرت لي 8 الا خمس مايه ،، على مانزلت ووصلت بيبيي ورديت صوب بيتي عال8 و5 الا سايقهم تووه سافط وقفت قتله الطلب حقي وانا ماراح استلمع عصب قال ليش قتله شوف ساعتك وبتعرف ليش
خلال اقل من ساعتين ولا مسؤول السواويق داق يعتذر وقالي اني ماسجل شكوى ضدهم ،، قلت خلاص نبدي باجر !!
الاربعا : وصل 7 ونص ومعاه علبتين بتاريخ الثلاثه والاربعا !! حسسوني جنه الاكل طايح بجبدهم
دقيت واشتكيت عند وحده كويتية حسبي الله عليها نرفزتني وطلعت راعيه كلام
طبعا انا قتلهم ان كل ويك اند يوصلني ابيت اهلي ، تخيلو اللي صار
1. يوصل الصبح كل يوم 8 الا ربع ( واذا دقيت قلت انا لازم اطلع مبجر حق الدوام قالتلي لاوعد اخر مرة)
2. بالويك اند ياني ابيتي وماكو احد الا ريلي نايم قام طق الباب حييييييييييل ويصارخ ينادي وبعد عمري ريلي وقتها تعبان وماكل زيرتك عشان ينام والاخ مقعده مبجر !!!
3.غيرولي المنيو من غير لاياخذون رايي ودقيت قلت بكلم مديرتكم انتو معاملتكم تعيييييسه قالت الكويتية انا اوصل حق الادارة الشكوى وطلعت جذابه لاتوصل ولاشي
4.المصيبه ان خلال 3 اسابيع ولامرة قالولي تعالي جم وزنج ضعفتي متنتي اصلا ماكانو حاطين اخصائية كان نفس مطعم عادي يوصل الطلب
5.مره وصل السايق وبسرعه قط الاكل عالخدامة وركض ينزل يوم شفت العلبه الا سلطة الروب منكته عالاكل والعلبه متبلله منها ،، دقيت عليهم قلت السايق يوصلني 3 ونص ياخذ الوجبه ويردلي باقي فلوس اشتراكي ((طبعا من كثر المشاكل اللي صارت اتفقت معاهم اي شكوى او غلط تردولي فلوسي)) قالولي اوكي
تميت انطره لي 4 وخمس جان ادق عليهم ،، قلت انا توني راده من الدوام ابي اريح وانتو سايقكم المفروض يوصل 3 ونص ،، تقولي اي اهو عندج بالمنطقه بس 5 دقايق !!
نطرت نطرت جان اقول ادق قلت يلا وينه ولاترد علي مصريه : انتي مو مشكلتج وينه السايق انتي اللي يهمج ان تأخر ،، حرتنييي حيييييييييييل نرفزتني والمشكله ان قامت تصارخ وتعلي صوتها علي حرتني رديت عليها قلت الحييييين اكلم مسئولتج ،، قامو حولوني على وحده اسمها امل ،، قالت احنا اسفين قتلها خلاص انا مابي اشتراكم ، كلمتني ان امدد اشتراكي بس انا مستحييييييييييييييييييييييييييييييل انخدع فيهم ثاني مرة !! المهم قالتلي اروحلهم ورحت اتفقت معاي ان الشيك يطلع خلال 5 ايام يوصلني للبيت !! طبعا خذا من اسبوع قمت ادق عليهم مره وصلني الاسم غلط وخذا مني يومين علشان يوصلونه صح
واااي وااي حيييييييييييل شركة تعيسه والموظفه الكويتية اسمها سكينه معاملتها خااااااااايسه وجذاابه
طبعا ردولي بس فلوس 5 ايام معنه المفروض اسبوع يعني 7 ايام بس انا من كثر مالاعت جبدي منهم قلت كيغم انا مومحللتهم حسبي الله عليهم
لاتنخدعون فيهم واذا قدرتو نشرو السالفه علشان لايقصون على وحده ماتكون ماخذه باله من الموضوع .
