الجريش الكذاب (جريش الكويكر ) لعيون .. مس ^_^ تكانه ..

[زمردة الكويت]

السلااام عليكم

وصفه و صلتني بالايميل و عدلت عليها شوي و قدمتها

استخدمت بهاليريش كويكر لانه اسهل واسرع بالنضج والطعم نفسه.. تقدرون تاكلونهم ساده او مع حشو الجريش ( بصل مفروك ببهار ولومي )

استخدمت مضرب كهربائي عشان يمزجهم بس تقدرون تقدمونها من غير هالجزئيه


المقادير:

دياي مسلوقه مع هيل ودارسين و ملح و حبة حلوه و فلفل أسود حب و مسمار حب و ورق غار و بصله و نصف طماطه و نصف جزره و قطعه صغيره من الزنجبيل

علبه كويكر ( شوفان ) كامله الا ربع

بصل راهي ( تقريبا 2 كبار )مقصص صغاااااار حييل

طماط ( 2 او 3 ) مقصص صغاااار

ثوم مدقوق

زنجبيل مدقوق

لومي ناعم وعدل

بهارات مشكله

ماجي

ملح

معجون طماط

بهار سعودي

زيت او سمنه

حبه زبده صغيره

الطريقة:

نسحب الدياي ( تقدرون تحتفظون بالمرق لاضافته تالي )

نحمس البصل و بعد ما يذبل نضيف والزنجبيل واالثوم ونضيف له البهارات و الماجي

نضيف الدياي ونحمسهم عدل لين تطلع ريحته

نضيف الطماط واللومي ونتركه على النار مع التقليب لين يذبل الكل

نضيف المعجون والماي الساخن او المرق ونتركه لين يغلي

اول ما يغلي نحط الشوفان ونخلطه واول ما يبدي يبقبق (( مادري شسمي هالعمليه هههه )) نوطي النار ونحركه بين فتره وفتره لين يستوي

نحطه بالعجانه او نضربه مع اضافه قطعه صغيره زبده عشان يساعدنا في عمليه التسطيع

نحطه بصحن التقديم و نضع عليه القليل من الويدة السائحه ونسطعه بظهر القشه ونضيف البصل المفرك باللومي و الفلفل الاسود بالويه ويقدم بالف عافيه

 

[مس ^_^ تكانه]

يااااااااااااااحيااااتي والله زمرده :hjy5jewf:

ماتقصرييين يالغاااليه فديتج والله

غراااامي الجريييش :hjy5jewf:

حدهاااا تشوووق بسويها ان شاءالله واصورها<<< مصدقه عمرها منال العالم :wqedqw:​

 

[um khaled]

تسلم ايدج
مفيده ولذيذه
نفس طريقتي وعيالي يحبونها
شهيتيني شكلي بسوي للعشا

 

[زمردة الكويت]

الله يسلمممممج و ناااطريين صوووور تطبييقج و ان شااااء الله تعجبج و ما راح تطول معاج 10 دقااايق الى 15 دقيييقه الا اهي مستويه و عوااافي مقدماااا

 

[أحلى همبه كويتية]

:s142:


:eh_s(9)::eh_s(9)::eh_s(9):
:eh_s(9)::eh_s(9):
:eh_s(9):


تبارك الرحمن
الصورة اتهبل
شوقتيني احب الجريش بس باللحم
انا اسويه بالجريش

بجربها ان شاء الله


وتسلم دياتج وبانتظار الجديد

 

[فاقده ابوهاااا]

رد : الجريش الكذاب (جريش الكويكر ) لعيون .. مس ^_^ تكانه ..



واي مشتهيه يريش بس مالي خلق اسويه عاد انا كل ما اشتهي اليريش او الهريس امر جمعية بيان القديمه عند الي يبيع آش ونخي عنده هريس واااااااااااااااااااااااااااااااااااااي شي مو طبيعي ولا اليريش اينن مال اطلع الحين من الدوام وراح اطلب

 

[زمردة الكويت]

كندريا بلا كسل عاااد و هاليريييش ما ياخذ وقت 10 دقااايق و يستوي الظاهر محد مربح راحي الباجيلا و النخي غييرج هههههههه << ترى اتغشمر

شااااكرتلج مرووورج ياا عسل

 

[كراميلا مرة]

مشكوره

 

[الدانة-81]

تسلم ايدج

انا دايما أسوي هالطريقة حق بنتي لأنها فجأة تطلبه
و مرات أسويه بدون دياي---بس انا ما أضربه مثل اليريش

 

[& ام سلمى &]

روووووووووووووعه

تسلم الايادي ياقلبي

 

[فانتا ستروبري]

مشكورة حده يشوووق ​

 

[جارة القمر]

رد : الجريش الكذاب (جريش الكويكر ) لعيون .. مس ^_^ تكانه ..

زمردة


مشكووووووووووووره وتسلم ايدج


وصج جريش الكويكر



مفيد




ولذيذ

 

[CUTE ENGINEER]

رد : الجريش الكذاب (جريش الكويكر ) لعيون .. مس ^_^ تكانه ..

واااااااااااااااااي غرامي اليريش شهيتيني عليه

عاد آنا أموووت عليه أكثر من الهريس وأحبه باللحم

وانتي تسوين نفس أمي تحط البصل المخلوط مع البهار واللومي الأسود عليه يطلع روووووووووووووووووووعة

تسلم إيدج حبيبتي

 

[Tom ♥ Jerry]

.


يم يم !
مشكووووووورة :*

 

[MoonDiamond]

مشكووووووره وتسلم ايدج

 

[مشتاقه لك يبا]

رد : الجريش الكذاب (جريش الكويكر ) لعيون .. مس ^_^ تكانه ..

يسلمووووووووووووووووووووو

 

[فاقده ابوهاااا]

رد : رد: الجريش الكذاب (جريش الكويكر ) لعيون .. مس ^_^ تكانه ..

كندريا بلا كسل عاااد و هاليريييش ما ياخذ وقت 10 دقااايق و يستوي الظاهر محد مربح راحي الباجيلا و النخي غييرج هههههههه << ترى اتغشمر

شااااكرتلج مرووورج ياا عسل

اشدراج :hjy5jewf: ههههههههه عاد تصدقين حفظ ويه ولدي من كثر ما اطرشه وعارف الطلب على طول يحطلها قوطي هريس وقوطي يريش هههههههههههههه بس صج اليريش ياخذ 10 دقايق اشدعوه سلق بيض اهو :080402ask_prv:

 

[زمردة الكويت]

العصفووره قالتلي خخخخخ

هههههه عيل جربييها وشوفي بعد ما تحطين الكويكر بياخذ بس 10 دقااايق و يمكن زياده 5 دقايق و بيستوي و سلقي بيضه و ياها بنفس الوقت هههههه

 

[عبير البنفسج]

تسلم ايدك..

 

[زمردة الكويت]

رد: رد : رد: الجريش الكذاب (جريش الكويكر ) لعيون .. مس ^_^ تكانه ..

اشدراج :hjy5jewf: ههههههههه عاد تصدقين حفظ ويه ولدي من كثر ما اطرشه وعارف الطلب على طول يحطلها قوطي هريس وقوطي يريش هههههههههههههه بس صج اليريش ياخذ 10 دقايق اشدعوه سلق بيض اهو :080402ask_prv:

بس اقوولج الصج مو العصفوووره قالتلي صاحب اليريش مسكيين اشتكاا يقول رفعوا عليي سعر اليرييش من كثر ما تخلصه كندريا خخخخخخخ :botetoo: