&&* تجــــمع مـــراجــعات مسـتشفـــى المـــــواســاه *&&

[ليان حياتي]

رد : تجمع مراجعات مستشفى _-_-_المواساة_-_-_

اللة كريم

 

[MaNaNa]

رد : &&* تجــــمع مـــراجــعات مسـتشفـــى المـــــواســاه *&&

manana
حبيبتي ترى دكتوره ليلى اشكناني وايد زينه ولدت مرت اخوي مرتين مره في دار الشفا و مره بالمواساه
انتي راجعي عندها مره و شوفي نفسج اذا ارتحتي لها كملي معاها واذا لا غيري وعندج ناهد العلي و عندج بالمواساه دكتورتين فرجينيا و لينا
شوفي انتي ترتاحين حق اي وحده فيهم

انا قبل كله عند دكتوره لينا بس هالمره ما ارتحت لها بس راجعت مرتين بعدين رحت عند دكتوره ثانيه من برا المستشفى
واذا محتاره سوي استخاره والله يسهل عليج و تقومين بالسلامه

تسلمين ماقصرتي .. يعني بفتح ملف عن 3 او 4 دكتورات ياقردي طار المعاش ههههههههههههههههه

تدرين ليش انا خايفه لاني مريضه سكر وكل الدكتورات بصراحه لمن اسال يقولون السكر عادي

بس بنات قالولي ان د. نداء برويال ود. ماجده يفضلون مريضه السكر تولد بالصباح ( حكومه )

وانا نوعي نفسيه وخوافه وتوني بجر وصابره 6 سنين ؟؟ يعني ماكو تجارب

وعيزت ادور في المنتدى احد حالته نفسي ينصحني قليلين البنااات .. بس انا مريحني المواساه ؟؟؟

الله كريم ويسهل امري ياااارب

 

[Almas_q8]

رد : &&* تجــــمع مـــراجــعات مسـتشفـــى المـــــواســاه *&&

manana
الله يسلمج بالمواساه تقدرين تراجعين عند دكتوره لينا او فرجينيا و تقدرين ترجعين عند الاثنين لانه كل شي يسجلونه بالكبيوتر
بس اذا تبين من برا المستشفى عندج ليلى اشكناني و ناهد العلي وتقدرين تسوين ستخاره
حبيبتي ما تشوفين شر والله يكون بعونج صج الواحد يخاف من السكر فترة الحمل وانا معاي ضغط
وعلى دكتوره نداء وايد سمع يمدحونها وماجده ما ادري
والله يسهل عليج وتقومين بالسلامه

 

[msmshasnsn]

رد: رد : &&* تجــــمع مـــراجــعات مسـتشفـــى المـــــواســاه *&&

شرايكم بنات بدكتور حيان انا عن نفسي ارتحتلة وحيل يطمن بس ابي تجارب اللي ولدوا عندة شلونة بالطبيعي وبالقيصرية تكفون بنات اللي عندها فكرة خل تفيدنا

حبيبتي انا والده عنده قيصريه الدكتور حيان من كل النواحي روعه
واي استفسار انا بالخدمه

 

[MaNaNa]

رد : &&* تجــــمع مـــراجــعات مسـتشفـــى المـــــواســاه *&&

Almas_q8

حبيبتي مشكوره على دعائج واهتمامج الله يسهل علينا كلنا
انا حاليا بتم عند نفس دكتورتي لين اول السادس بغير بروح المواساه

msmshasnsn

مشكوره بعد عمري بس ودي اسالج
دكتور حيااان يتابع مريضات السكر والا لا
يقولون وايد دكاتره يتابعون مريضه السكر واخر شي يجبرونها على القيصري حتى لو ممكن تولد طبيعي
اهو من هالنوع ؟؟

 

[تبارك الرحمن]

رد : رد: &&* تجــــمع مـــراجــعات مسـتشفـــى المـــــواســاه *&&

شلونكم بنات

انا بعد اتابع بالمواساة عند دكتور ناهض

وهو الوحيد اللي عيادته داخل المستشفى مو عند العيادات وعنده ستاف كامل خاص فيه - خمس ممرضات مساعدات ودكتورة مصرية و 2 عالاستقبال وانا رحتله لانه اختصاصي بالاجهاضات المتكررة

وانا كنت رافضة فكرة انه اراجع عند دكتور بس الحمدلله الدكتور اخلاقه عالية ومحترم جدددددا

وهذي نبذة عن الدكتور

د. ناهض حمادية
استشاري و مدير وحدة أطفال الانابيب
قسم التوليد وأمراض النساءووحدة الاخصاب والمساعدة على الحمل

دكتوراه في طب الاخصاب وأطفال الانابيب ( جامعة برمنجهام – المملكة المتحدة )
- شهادة استشاري في العقم واطفال الانابيب ( جامعة كارديف – المملكة المتحدة )
- شهادة استشاري في التوليد وأمراض النساء ( المملكة المتحدة )

الجمعيات العلمية :
- عضة الكلية الملكية البريطانية لأمراض النساء والولادة
- عضو جمعية العقم الاوروبية
- عضو جمعية العقم البريطانية
- عضو جمعية الأطباء ذوي الاختصاصات الدقيقة في الاخصاب والانجاب ( لندن)
- عضو في الهيئة الأكاديمية العليا للتدريس (جامعة يورك - مملكة المتحدة )

الاهتمامات والاختصاصات الذقيقة :
- طب الانجاب واطفال الانابيب وبشكل خاص العقم عند الذكور
- حالات العقم الناتجة عن فشل متكرر لأطفال الانابيب
- العقم المناعي
- حالات الاسقاطات المتكررة
- الجراحة التنظيرية وفتح أنابيب الرحم بدون جراحة

صج صج هالدكتور احبه و احترمه من كل قلبي عجيييييييييييب وشاااااااااااطر و الاهم محترم ومريح و ماعرف علتي من بعد الله الا اهو

 

[Almas_q8]

رد : &&* تجــــمع مـــراجــعات مسـتشفـــى المـــــواســاه *&&

msmshasnsn

حبيبتي ياريت تفيديني جم مره ولدتي عنده
وصج يسوي شد حق البطن
وشلون خياطه انا والده بالمواساه عند دكتوره لينا وخياطها حلو تجميلي
وثاني مره كانت مو موجوده ولدت قيصريه عند شاديه هم زينه
بس الحين محتاره بين فرجينيا وحيان
وياريت تعطيني تفاصيل عن الدكتور لانه ريلي ما يحب دكتور وانا ولادتي قريبه

MaNaNa

العفوو حبيبتي امين يارب اي احسلج
وربي يسهل عليج وتقومين بالسلامه

 

[أمـ مـحـمـد ــ]

رد : &&* تجــــمع مـــراجــعات مسـتشفـــى المـــــواســاه *&&

السلاام عليكم بناااات

اللي تسال عن ولادة الدكتور حيان انا ولدت عنده طبيعي وحتى خياطه حلو

 

[أمـ مـحـمـد ــ]

رد : رد: &&* تجــــمع مـــراجــعات مسـتشفـــى المـــــواســاه *&&

اخباركم بنااات


انا حدي مريضه وخدامتي انحاشت وولدي اذاني بس اركض وراه


بسألكم منو جربت الخدم المسترجع وعلى كم

انا خذيت اثيوبيه ب450 مسترجعه بس الحمدللع طلعت حليوه 8 شهور عند الناس بس لان صارت مشاكل بين الام والابو فردوها المكتب وانا خذيتها حليوه بس بارده ,, الخدم حظ بس ما انصحج بالمسترجعه مع انها تغنيج عن النطره

 

[msmshasnsn]

رد: رد : &&* تجــــمع مـــراجــعات مسـتشفـــى المـــــواســاه *&&

Almas_q8

حبيبتي مشكوره على دعائج واهتمامج الله يسهل علينا كلنا
انا حاليا بتم عند نفس دكتورتي لين اول السادس بغير بروح المواساه

msmshasnsn

مشكوره بعد عمري بس ودي اسالج
دكتور حيااان يتابع مريضات السكر والا لا
يقولون وايد دكاتره يتابعون مريضه السكر واخر شي يجبرونها على القيصري حتى لو ممكن تولد طبيعي
اهو من هالنوع ؟؟

هلا حبيبتي :ssssso: لاني طولت عليج
والله ماعندي خبر حبيبتي عن مرضى السكر(الله يشافيج ان شاءالله)
وانا اساسا كل ولاداتي قيصريه بس والله الدكتور مومادي كلش يعني ينصحج بالافضل مو عشان الماده وعن تجريه والله
انتي استخيري اول بعدين روحي له والله يسهل عليج ويقومج بالسلامه

 

[msmshasnsn]

رد: رد : &&* تجــــمع مـــراجــعات مسـتشفـــى المـــــواســاه *&&

حبيبتي almas q8
انا والده عنده مره والحين المره الثانيه اذا الله كتب
صراحه وايد مريييييح بالتعامل ويعطيج وقتج ومومادي واذا زوجج مو راضي عليه خليه يدخل على الدكتور معاج
انا كان زوجي موراضي عليه بس لما دخل معاي شاف انه دكتور محترم رضى بس قام اهو يدخل معاي على الدكتور كل مره وعلى فكره حتى لما يسوي سونار يطفي الليت وبس يشوف الشاشه وينادي زوجج يدخل معاج عشان يرتاح
والحين زوجي اللي قالي روحيله
وعن الخياط صراحه خياطه يهبل تجميلي ويشد البطن شوي مو وايد يقول عشان يخلي مجال بالبطن للولاده اليايه
والله يسهل عليج ويقومج بالسلامه

 

[فاقده حنان ابوه]

رد: رد : &&* تجــــمع مـــراجــعات مسـتشفـــى المـــــواســاه *&&

السلاام عليكم بناااات

اللي تسال عن ولادة الدكتور حيان انا ولدت عنده طبيعي وحتى خياطه حلو

وعليكم السلام

الحمدالله طمنتيني لان انا عنده ولادتي ان شاءالله

 

[فاقده حنان ابوه]

بنات بسالكم الحين انا اشتغل بالداخليه بس مدنيه

شاملي عرض المستشفى ولا بس العسكرين

 

[أمـ مـحـمـد ــ]

رد : &&* تجــــمع مـــراجــعات مسـتشفـــى المـــــواســاه *&&

دقي عليهم استفسري او اذا رحتي مراجعتج سالي الرسيبشن
اتوقع يشمل لان حق وزارة الدفاع والداخليه
الله يسهل عليج انشالله

 

[فاقده حنان ابوه]

تسلمين حبوبه
.........

 

[أمـ مـحـمـد ــ]

رد : &&* تجــــمع مـــراجــعات مسـتشفـــى المـــــواســاه *&&

الله يسلمج

 

[Almas_q8]

رد : رد: رد : &&* تجــــمع مـــراجــعات مسـتشفـــى المـــــواســاه *&&

حبيبتي almas q8
انا والده عنده مره والحين المره الثانيه اذا الله كتب
صراحه وايد مريييييح بالتعامل ويعطيج وقتج ومومادي واذا زوجج مو راضي عليه خليه يدخل على الدكتور معاج
انا كان زوجي موراضي عليه بس لما دخل معاي شاف انه دكتور محترم رضى بس قام اهو يدخل معاي على الدكتور كل مره وعلى فكره حتى لما يسوي سونار يطفي الليت وبس يشوف الشاشه وينادي زوجج يدخل معاج عشان يرتاح
والحين زوجي اللي قالي روحيله
وعن الخياط صراحه خياطه يهبل تجميلي ويشد البطن شوي مو وايد يقول عشان يخلي مجال بالبطن للولاده اليايه
والله يسهل عليج ويقومج بالسلامه

ماشاءالله وايد تمدحون فيه وان شاءالله اقدر اقنع زوجي
ومشكووره حبيبتي ما قصرتي على المعلومات ويعطيج الف عافيه وتسلمين
والله يسهل عليج وتقومين بالسلامه يارب

 

[msmshasnsn]

رد: رد : رد: رد : &&* تجــــمع مـــراجــعات مسـتشفـــى المـــــواســاه *&&

ماشاءالله وايد تمدحون فيه وان شاءالله اقدر اقنع زوجي
ومشكووره حبيبتي ما قصرتي على المعلومات ويعطيج الف عافيه وتسلمين
والله يسهل عليج وتقومين بالسلامه يارب

ولو
حاظرين للطيبين
ومشكووووره على الدعاوي الحلوه ياقلبي
الله يسهل علينا ان شاءالله:eh_s(17):

 

[أمـ مـحـمـد ــ]

رد : &&* تجــــمع مـــراجــعات مسـتشفـــى المـــــواســاه *&&

بــــناات عسى ما شر ليش مــحد يتــكلم !!!

 

[اسـألوهـا]

رد : &&* تجــــمع مـــراجــعات مسـتشفـــى المـــــواســاه *&&

الله يسهل عليكم يابنات صج انا وايد ارتاح حق مستشفى المواساة دايما اروح لهم اذا تعبت وصخنت ارتاح لهم هدوء وعنايه

بس عندي استفسار ولي يعافيكم ممكن تحطون اسعار التحاليل عندهم (هرمون الحمل )و (السونار).(تخطيط البيبي)(والسونار الداخلي)...؟

عشان نستفيد منكم