طنشته وتالي التطنيش طــــــــــــــــلاق

[شوقي لحبي]

رد : طنشته وتالي التطنيش طــــــــــــــــلاق

تيب اناا من اسبوعين رجعت له علشان ها المشكله وبقي ياحليمه ع العاده القديمه
ماتغير
واناا بصراحه مليت من هاالعيشه هو لا صار فالبيت ع تلفزيون ومباراة وبرامج وثائقيه وانا ماغير جالسه عنده وصدع راسي من هالمبارايات
ولا عندي اطفال يسلوني عنه كلهم راحو مني ماتو
واالجامعه وربي اني اطنش محاضرات بس علشان اطلع بدري اسويله غدا
وهو يقولي عاتي اجيب من المطعم وهو مايحب اكل المطاعم ودراستي بأجلها بعد العيد علشانه وربي مستحيل اخليه يضيعنا
ومرات مايطيق انــــي امزح معه او اتكلم كلمه وهو يتابع مباراه

 

[محرومة من الحب]

رد : طنشته وتالي التطنيش طــــــــــــــــلاق

شالسبب التافه الي يخليج تتركين زوجج شفيهم البنات ينوا وقعدووا

رجعي بيتج لا تتحسفين بااجر احسن لج

 

[بنت فينا]

الله يعينج

موكل شي يقولونه بنات المنتدى تسوينه .... ساعات تصير ردت الفعل عكس ماتتوقعين !
وكل وحده زوجها غير عن الثانيه
موشرط حل نفع مع هالبنت ينفع من زوجج فهمتي؟


الله يهديكم يارب

وانتي رديله قوليله ابي ارجع بيتي وتفاهمو بروحكم
او رقعي سوي روحج تبين تاخذين اغراض ناقصتج من شقتج وفتحي معاه موضوع وتفاهمو







والله اذكر صارتلي سالفه مع زوجي
ودخلو امي وابوي بالموضوع
وانا قتلهم لو سمحتو مابيكم تدخلون خلوني انا وزوجي بروحنا نتفاهم
وزعلو طبعا امي ابوي
ويوم شفت الموضوع كبر بيني وبين زوجي
شلت اغراضي من بيت ابوي وقلت انا بروح اتفاهم وياه ويه لويه لان مسجات ماينفع احس كبرت السالفه
وله يحلف علي ريلي اني ما ارد شقتي طبعا كلم امي وحلف قال فلانه والله ماتدش الشقه
وانا رديت قلت لامي لاتدخلين وهيا معصبه تقولي زوجج حلف وقعدي عندنا عن المشاكل وانا اصريت ارد شقتي وقتلها مالي شقل فيج اهو حلف عندج مو عندي
المهم والله من رديت شقتي وربي بنفس اليوم تراضينا وطلعنا وتمشينا وضحكنا ونمنا وحنا لامين بعض بعد هههه
ورحنا عند امي وابوي سلمنا وطلعنا وهم استانسو ان انتهت المشكله على خير




العبره
ساعات اذا ناس تدخلو يكبرون الموضوع
وانتي ابخص بزوجج عرفتي
لاتمشين على كلام غيرج اخذي اللي تحسين ينفعج وقطي الباقي ورا ظهرج







واذا زوجج مايحب احد يزعجه وقت المباريات خلاص لاتزعجينه سوي روحج متابعه وياه حتى لو لايعه جبدج
واذا كلش مو طايقه المبارات قومي لهي عمرج بالمطبخ او بالمكياج او بالدراسه او اي شي
شفيج لاتكبرينها حبيبتي ترى الريال مثل الياهل






والله الهادي

 

[ميموته]

رد : طنشته وتالي التطنيش طــــــــــــــــلاق

حبيبتي لاا تتهورين ترى سببج حده تااافهه .......\\

يمكن هااذي عين صااايبتكـــــ.......والعين حق

اخذي مني هالجم كلمه اللي بقووولج اياااه وطبقيهااا لانه اذاا ما نفعتج ماارااح تضرج


شوووفي حبيبتي اقري كل يوووم سووره البقره ....وشوووفي شلووون ريلج رااح يتغير ويصير مثل قبل واحسن
بس داومي عليهاااا لين تحسين انه ريلج تعدل

اناا رفيجتي نفس قصتج ولي درجه انه طلقها طلقه اولى وردهااا وبعدين قااامت تقرااا البقرااا كل يوووم والله الحين مايستغنى عنهااا ....

 

[^^نـــواره^^]

حبيبتي الطلاق شيليه من بالج

حاولي تمشين حياتكم للأفضل

حاولي تغيرين في نفسج وفي زوجج

مو شكلياً لا قصدي تغيير داخلي تغيير في الطبايع والتصرفات

اهوا مو اخوج والا ولدج عشان تطنشينه

هذا ريلج وانتي قلتيها بنفسج انج تحبينه وما تبين ترجعين بيت اهلج

اتصلي على اصلاح ذات البين او ادارة التنمية الاسرية او اي مكتب استشارات زوجية وان شاء الله بتلاقين عندهم النصح والتوجيه

 

[classicyah]

رد : طنشته وتالي التطنيش طــــــــــــــــلاق

حبيبتي عآدي . .

أنـآ صح مب متزوجه ، بس هآذيل الريـآييل . .

يحبون المبآريآت و هالسوآلف ،

،

يوم بيشوف مبـآرآه روحي ايلسي ويـآه . .

شوفي و شجعي . .

خليج كـول و خلي حيآتج حلوه ويـآه . .

شـآركيه بإهتمآمآته و خليه يشآركج بإهتمآمآتج . .

و آلله يوفقكم يـآ رب . .

 

[انصاريه قمره]

امبي انتي من صجج كل الرياييل جذي طرمان بالبيت انا قبل كنت نفسج ازعل واكبر المواضيع واقلب الدنيا الحين عادي الحياه سعيده حتى تلفون ما ادق عليه لي طلع صج احاتيه وينشغل بالي عليه بس مابي ازعجه واكون وراه وراه وانكد عليه والحين اهو اللي يدق ويسأل انا اتعمد ما احط رصيد بتلفوني علشان لا ادق عليه وشوفيه كل ساعه ساعتين داق يتطمن مشاءالله
ولي يا البيت يا مبارات يا فلم يا لاب توب كافي انه جدام عيني خليه لا يكلمني ولا شي بس مجابلني مرات يسولف ومرات لأ وسوالفه قليله انا مخليته على راحته لاني بصراحه قبل كنت فاضيه لكن الحين لاهيه ببناتي ومالي خلق نجره ومشاكل

 

[كريستال]

رد : طنشته وتالي التطنيش طــــــــــــــــلاق

الله يهديكم لبعض

 

[عايدوش]

رد : طنشته وتالي التطنيش طــــــــــــــــلاق

تيب اناا من اسبوعين رجعت له علشان ها المشكله وبقي ياحليمه ع العاده القديمه
ماتغير
واناا بصراحه مليت من هاالعيشه هو لا صار فالبيت ع تلفزيون ومباراة وبرامج وثائقيه وانا ماغير جالسه عنده وصدع راسي من هالمبارايات
ولا عندي اطفال يسلوني عنه كلهم راحو مني ماتو
واالجامعه وربي اني اطنش محاضرات بس علشان اطلع بدري اسويله غدا
وهو يقولي عاتي اجيب من المطعم وهو مايحب اكل المطاعم ودراستي بأجلها بعد العيد علشانه وربي مستحيل اخليه يضيعنا
ومرات مايطيق انــــي امزح معه او اتكلم كلمه وهو يتابع مباراه

مرحبا حبيبتي ،

الله يهنيج ان شاء الله .
صدقيني زوجج ريال محترم و حنون و ما راح تلقين صدر حنون مثله ، ريال 24 ساعة قاعد بالبيت .
سألي البنات اي وحدة ريلها 24 ساعة قاعد في البيت ، لا عنده سوالف لا شي ، هاذي معناتها انه يحبج ، انه لو مكانج اصير رياضية و اعشق المباراة عشانه و اسولف معاه عن الهدافين و شوفي شلون يسولف معاج .

تدرين انة مرة سألت ريلي قلت له ليش انت من يوم ما تزوجتكم اطرم في البيت و برا كله تلفونك خط ثاني و مشغول و اجتماعات ، تدرين مسكين شنو رد علي .؟
قالي احنا نتعب برا و نتكلم و نشتغل و التلفون نيي البيت نبي نرتاح ما ابي اسولف بس يبون لا يو البيت يتلمسون صدقيني ، في البيت الريال عنده لغة اللمس . سمعي من اختج .

انة من ورا حب زوجي للمصارعة صرت اعرف المصارعين ، جون سينا ، راندي ، نكسس ، تينكر ، شيمس .

صدقيني الريال ياهل ، انتي بعد حبي المباراة و طالعي برامج وثائقية و عيشى حياتك و الذرية بيد الله تعالى .

صالحي و ردي بيتج ، المرة مو كل يوم لها ريال . ترا ريلج يحبج ، بس الواحد بعد مو طول العمر يعيش مع شريك حياته كله احلام وردية ،
:hearting:

تحياتي .

 

[Sweet_CoFFe]

رد : طنشته وتالي التطنيش طــــــــــــــــلاق

حبيبتي صدقيني كل شي ينحل بالهدوء والتفاهم
ليش ماتتحجين وتقولين فلان لازم نتكلم بموضوع مهم وانه هاليوم أبقول اللي بخاطري من زمان حابسته واتمنى توسع بالك وياي

وتبتدين السالفه وتقولين كل اللي بقلبج بالتدريج وبصوت مو عالي يكون ناعم (((( وانا اشوف لو تلبسين وتكشخين بوقتها احسن ))))
واهم شي بتبدين حبه حبه و الهدوء وتتماسكين مهما يقول
قولي كل شي بقلبج عشان يعرف أماكن الغلط - ولو فيه شي تتوقعين بيعصب حده او بيتضايق حده سكتي عنه

وقولي له فيني شي مو عاجبك او تبي تشوفه فيني يمكن هذا اللي مغيرك انزين اهوا - طبعي - لبسي - كلامي - اي شي بخاطرك فيني قوله -
اهني عشان تعرفين اللي بقلبه
ولاتنسين الهدوء والريلاكس لأنه لو انتي عصبتي اهوا بيعصب بعد وتكبر المشكله

ماكو شي بالدنيا اسمه تطنيش تراه غلط هذا ريلج مو رفيجتج او اختج !
الله يهديج ويهديه ويسخره لج
رجعي بيتكم والطلاق ترا عمره ماصار حل

ليش انتوا تشوفون الطلاق أسهل حل للمشاكل !!

الله يسعدج

 

[al-musk]

رد : طنشته وتالي التطنيش طــــــــــــــــلاق

انا مادري شسالفه اول بس مافيها شي مدام جا لي عندج عطيه فرصه ودقي عليه وحلي الأمور..وطبعا هذي فرصه العيد

 

[جوك احلى جو]

الله يصلح حالكم يارب

 

[شوقي لحبي]

رد : طنشته وتالي التطنيش طــــــــــــــــلاق

كل وحده ردت علي الله يسخر لــــــــــــهآ زوجها
زوجي اليوم كلمني قالي انه بكره يمر وياخذني شسوي قلتله خلاص بروح معك
بس للحين مو عارفه شسوي اذا رحت البيت ؟

 

[غزالي وبس@@]

الله سخره لج ويرده ردا جميلا

 

[ام غازي الصواغ]

!!!!!!!!!!!!!!!!!!!!!!
والله غريب تفكير بعض الحريم
تفكر انه زوجها اللي محتاجها وهي غنية عنه تطنشه وما ترد عليه
غلط
لازم نتنزل ولا بيتركنا ويروح لغيرنا ونقعد ببيوت اهالينا سنين
وترى بداية الزواج صج تحسينه متلهف بس ماكو حب امابعد الزواج ولعيال الحي يزيج ، تعوذي من الشيطان ودقي تسامحي منه

 

[جذابه بنت ذيابه]

رد : طنشته وتالي التطنيش طــــــــــــــــلاق

حبيبتي




الرجال من كلامه يبيج ..!!!

بس مايبي ينزل نفسه ..وصدقيني اذا دزيتي له مسج بتاخذين اجر عظيييييييم


..

 

[هوازن العتيبي]

رد : طنشته وتالي التطنيش طــــــــــــــــلاق

حدج تحرين الواحد الحين قالج امشي كان طوفتي ورحتي معاه
الحياه اخذ وعطى مره ينزل نفسه ومره انتي نزلي نفسج
الرجال بسرعه ينسى
وع قوله المثل غير المخده تغير الموده
بكره لا لقى وحده غيررررررررررررج والله ينسى ويعيش

 

[احلى ـآ وحده]

ترى الرجال يزهق

ان شاء الله يردلج

 

[الصعيريه]

رد : طنشته وتالي التطنيش طــــــــــــــــلاق

العناااد مآيفيد
ودامه جى بيت أهلج وطلب منج تردين خلااص هونيهااا وردي معاه

والله يووفقكم إن شاءالله

 

[ام شووووق]

رد : طنشته وتالي التطنيش طــــــــــــــــلاق

قالج جذي علشان ماتعيدينها مرة ثانيه