بتطلق وانا نفاااااااس

[brettey]

رد : بتطلق وانا نفاااااااس

الله يهديه ويسخره عليج بالدعاء والاستغفار ادعي في جوف الليل من غير صلاه لانج نفاس والله كريم

 

[lovly caty]

حبيبي الله يرجعكم لبعض و يسهل اموركم انتي بس ادعي ان شاء الله خير

بس انتي قلتي اليوم جاء ولما قلتي له عيد مباركة لف وجهه انزين بعدها قال لك ابي اطلقك ولا شنو
هو الطلاق سهل لهالدرجة و هو ليش يسمع كلام امه ليش بزر سامحيني علي هالكلمة بس انا قلبي عليكي انتي ما سويتي شي اصلا البيبي لساتو صغير مو حلو يطلع من البيت والحين برد والجو مو زين
انتي حاولي تتفاهمي معاه و قولي له شنو الي حصل
بنات الناس مو لعبة عشان امه تقول له طلق يقوم يطلق عشانها

لأ ماقالي هالكلمه بوجهي اصلا هو صارله اسبوع مايكلمني من قلت لأ مابي الولد يطلع بيتهم وهو بعده صغير
واذا جا بيتنا بس ينادي امي ووالولد

وجا قبل كم يوم وقال لأمي ان خلاص مالي مكان بقلبه واني خليت قلب امه يحترق عالولد وسوت فلم عني اني اكرها وكلاااام ماله اخر
غسلت مخ زوجي علي اللي ماتخاف الله
وللحين يزورنا بس يشوف الولد

 

[سراب كذاب]

رد : بتطلق وانا نفاااااااس

اذا محد ياج ولا احد بارك لج عيل مايدانونج ولا يبون شوفتج.. شوفي انتي شنو مسويه لهم شنو نفسيتج لمه تروحين لهم وامور كثيره انتي شوفي... تري انا ما اقول لج جذي اقصد فيها شي بس هذي الامور تصير لمه اهل الزوج يكرهون مرت اخوهم تييب واحد وله عشر مايعنيهم شي .. واسفه والله يعطيج علي قد نيتج يارب

 

[lovly caty]

شوفي حبيبتي لازم كسبين امه بأي طرييييقه عشان توخر عنكم وتشيلج من بالهااااا

شوفي حبيبتي دقي عليها ميخاااااالف وباركيلهاااااااا بالعيد وقولي لها شدعوه خالتي ما مرتيني ولا سألتي عني

ليش شدعوه وقصي عليها بكلمتين وكسبيهاااااااااا مالج الا الحل

اليوم اتصلت اول ماقلت عيدج مبارك خالتي سكرت الخط بوجهي

 

[lovly caty]

رد: رد : بتطلق وانا نفاااااااس

اذا محد ياج ولا احد بارك لج عيل مايدانونج ولا يبون شوفتج.. شوفي انتي شنو مسويه لهم شنو نفسيتج لمه تروحين لهم وامور كثيره انتي شوفي... تري انا ما اقول لج جذي اقصد فيها شي بس هذي الامور تصير لمه اهل الزوج يكرهون مرت اخوهم تييب واحد وله عشر مايعنيهم شي .. واسفه والله يعطيج علي قد نيتج يارب

بالعكس علاقتي فيهم حدها حلوه اذا جيتهم يسولفون ويضحكون معاي مثل اخواني بالضبط
وانا اللي خطبت للكبير وتزوج وزوجته الحين حامل
بس العيب بالام وربي ان اسمع كلام وتصرفات واسكت ومااتشكى وانصحوني البنات اعطيها هديه بس مافي اي نتيجه بس حياتي كانت ماشيه لين ولدت مادري شصار فيهم يعني قبل ولادتي بكم يوم كنت عندهم وماكان في اي شي

 

[lovly caty]

جزاكم الله خير لكل اللي ردو علي

وهذا انا الحين اسهر الليل مع ولدي وادعي لزوجي بالهدايه

وان شالله خير

 

[حبي حبيبي]

رد : بتطلق وانا نفاااااااس

انا لله وانا اليه راجعون

اللي يرقع الضغط ان الاعل يتدخلون ويخربون على عيالهم

الله ايسر اموورج حبيبتي ويسخر لج زوجج

 

[MISS-_-FLOWER]

مدام هذا نوع ريلج صيري سياسيه وكسبي امه لو احساب روحج واباي طريقه ودوم ذكريها بالزين عنده
ولا تنسين الله ماراح يضيع حقج بس خلج قريبه من ربج وطلبي منه وانشالله امورج بتنحل

 

[بداية السطر]

رد : بتطلق وانا نفاااااااس

انا بقولج شي وان شاء الله يوفقني وتوصل الفكره ...


الأم احيانا تكون شديده مع زوجة الولد الضعيف . بالتالي اثنينهم يصيرون خاتم بيدها .
عشان جذي احيانا تشوف الام العنيده المتسلطه تخاف من المره العوبه اذا شافت انها
مسيطره على ولدها وولدها يسمع كلامها اكثر منها . تشوفينها تسويها يادهينه لاتنكتين
لكن الطيبه الحبيبه ينداس عليها !!


انا ماادري انتي شلون سياستج مع ريلج . لكن بحاول اتصور حياتج .. اللي اهي مبنية على خطأ
اكيد . اللي اهي .. اطوّف . وهذا ريلي . وهذي امّه وريلي يحبني .
زين لا صار ريلج يحبج . لاكن بسرعه يقلب شنو الفايده !!

انتي الحين ريلج بسرعه بدا يقلب عليج وعافس خشمه مع اني مااشوف موقفج خطأ . واشوف
الخطأ راكبه اهو وامه !!
ليش هذا . لانهم مع الاسف مو معطينج قدرج او الام مستنكفتج . يعني مو عامله لج حساب . ولا ليش ماشرت خاطرج بزيارة على
الاقل وقاعده في بيتها تتشرط ..!!

عموما انا بطوّف كل هذا . وايبها لج من الأخير . لان الكلام عن الماضي وعن طبيعتج معاهم ومعاملتج
مو هذا وقته ..


لكن ريلج يبي له هزه توعيه شويه ( لانه لازال ياهل وعلى باله اهو الصح بكل شي ) طبعا انتي ساعدتيه حيل

عموما
انتي الحين اذا يا ريلج قعدي معاه قعدة زوجه وام تبي مصلحة ريلها وولدها .. قولي له بكل جرأه
شوف ياابو فلان ( سمي له الولد على الاسم اللي يحبه ) قولي له اي بنت تولد تشوف الام وخوات ريلها اول ناس
عندها يرزونها ويرزون ولدهم جدام الناس حتى جدام اهلها . وتشوف الهدايا من كل صوب
وانته مع اني ادري انك تحبني مثل مااحبك . لكن وين موقفك وين ظلك اللي يظللني بهالمواقف
يعني يرظيك اولد مثل الغريبه ولا احد حتى يزورني وياخذ بخاطري . لو اختك صاير لها جذي
تهقى انت او امك بترضون ولا بتقول كلام ثاني . ومع هذا انا على شان خاطرك وللأني ادري
انك تبيني وانا ابيك مستعده الحين اشيل اغراضي واروح لامك اراضيها . وارجع لبيتي واطق اهلي
وكل الناس بالطوفه .. لكن انا ابيك ترزني وابيك تظللني اذا احد ظلمني وكسر فيني مو تصير
انت والغير علي . ( طبعا مع بجوه لو تمثيل ) انت ريلي وانا اتحاما فيك من الدنيا كلها
ولا ابي غيرك يصير لي عزوه وسند .. ابيك عزوتي وابيك تسندني . اذا شايفني مقصره معاك
طول هالسنتين قولي انتي قصرتي وخذلتيني . لكن اذا شايفني زوجتك حبيبتك . عزني ولااتنزل من قدري
وتظلمني على شان شي المفروض فيه انا اللي ازعل وآخذ بخاطري .
والباقي عاد حسب كلام ريلج وحسب الحوار اللي يدور بينكم لاكن خلّج على هالمنوال
لان زوجج مع الاسف ضعيف وانتي بخنوعج قبل زدتيييييييه ...
قوّي فيه هالجانب . جانب الزوج . العزوه . السند . اللي يعز زوجته
وان شاء الله ينفع معاه

طبعا اهو يمكن يقولج اللي صار ويعيد الفلم . وانتي سويتي وكسرتي كلامي
او شي من هالقبيل ..
قولي له الحين شي وصار والحمد الله الله رزقنا الولد وهذا اهو جدامك . نشكر الله عليه
ولا نقول ليش وماليش . الحين عندنا ولد محد راح يقوم فيها غيري وغيرك
ومحد راح يفرح فيه كثر مانفرح فيه انا وانت . خلنا نربيه ونشكر الله عليه
وماله داعي نكبر موضوع عادي على شان مستشفى خاص وكم فلس راحوا على
الخاص .واسأليه بويهه قولي له . انت مستخسر فيني فلوس الخاص
ولاّ انا مو كفو تقط علي كم فلس عشان الخاص .. وبعدين هذي اول ولاده لي
وانا خايفه . يعني مااستاهل منك تريحني وتشتري خاطري .

وخليج على هالمنوال يعني ربطي ابموضوع انا انا زوجتك وشفيها لو سويت
شي على شاني . ورزيتني قدام الناس وشريت خاطري

وسلامتج

واموركم ان شاء الله كلها تمام
اهو بس يتدلع شوي عليج . الظاهر اول مره تكسرين لهم كلمه
وهذا من خبالج مع احترامي لج


ولي عوده لو جد جديد
ربي يوفقج ويهدي قلب زوجج وامه ، ويرد كيد اللي يبي فيج كيد بنحره ويشغله في نفسه
اللهم آمين

 

[أم فـرح الحلوه]

رد : بتطلق وانا نفاااااااس

الله يعينج ويهدي سركم ومالج الا الدعاء والاستغفار ..
وماضاقت الا فرجت يااختي ..

 

[سراب كذاب]

رد : بتطلق وانا نفاااااااس

بدايه السطر كلامها صحيح خاصه هني:
الأم احيانا تكون شديده مع زوجة الولد الضعيف . بالتالي اثنينهم يصيرون خاتم بيدها .
عشان جذي احيانا تشوف الام العنيده المتسلطه تخاف من المره العوبه اذا شافت انها
مسيطره على ولدها وولدها يسمع كلامها اكثر منها . تشوفينها تسويها يادهينه لاتنكتين
لكن الطيبه الحبيبه ينداس عليها !!

اذا انتي مو مسويه لهم شي ولا ضارتهم قولي حسبي الله ونعم الوكيل

 

[تعويذه الحب]

اليوم اتصلت اول ماقلت عيدج مبارك خالتي سكرت الخط بوجهي

انزين ما سألتي روحج ليش خالتج قاعده تعاملج جذي !!!!!!!!!!

اكيد في شي انتي ما تدرين عنه وترى سالفه الياهل عذر شوفي شنو السبب

و خلي امج تكلمهاااااااااا تفهم شنو سبب هالمعامله

 

[ديانا سبنسر]

اذا طلب ولده عطيه لوتالي الليل اذا جا يشوف ولده خليه يشوفه قعدي معاه شوي واسحبي نفسج لاتدزين له مسجات لاتدقين عليه اثقلي عليه مثل ماهو ثاقل عليج حبيبتي ريلج راسه متفوخ من امه انحقرتيه ولبيتي طلباته يطخ وتطلع هي بسواد الوجه هي لما طلبت الولد مولانها تتبي واكبر دليل كلام خدامتج هي تدري انج راح ترفضين وتبي تقسي قلب ريلج عليج بس ان لبيتي طلباته مالها حجة وان راددتيه ودخلتي اهلج بالسالفة راح يكبر الشر وانتي الخسرانة

 

[بحر الذكريات]

الله يهديه ويسخره لج يارب

 

[FeShinGoOo]

رد : بتطلق وانا نفاااااااس

اهو قالج انه بيطلقج ؟؟

 

[FeShinGoOo]

رد : بتطلق وانا نفاااااااس

حبيبتي مدام مالفظ الطلاق ولا ياب سيرته اتي ابدا لاتطرينه
وراضي زوجج بجم كلمه
قوليله امك مره كبيره وشديده وادري انك اتحبها وتبي رضاها وانا ماقصدت اضايقها ولو ادري هالشي بيزعلها ماكان سويته
بس انا كنت خايفه عالولد توه ماكمل الشهر موزينله يطلع وقوليله انا كنت متوقعتهم يزوروني ويقوومون فيني من جذي قلت لايروح الولد مردهم بيشوفونه
ودلعيه بجم كلمه حلوه حبيبتي
لاتخلينه جذي خوفج يشيشونه اكثر وصج يفكر بالطلاق لاسمح الله
قوليله هاذا الولد فرحتنا اللي نطرناه سنتين ونص المفروض هالوقت انكون اسعد اثنين ماتكون بينا هالمشكله

 

[بنت عز وما تنهز]

يالله مادري شنو تفكير هالخالات
زين مايخافون الله
ماتفكر انها بجذي بتغث ولدها
وبتشتت ولده
ماتفكر ان الله بيسوي فبناتها مثل ماتسوي فبنات خلق الله
صراحه صعبه العيشه مع الام القويه المسيطره لاني شايفه امثله كثيره اغلبهم عايشين مو مرتاحين

عسي الله يهديه لج
ومالح الا تدعين وتستغفرين وان شاء الله خير

 

[Q8_al7ob]

حسبي الله ونعم الوكيل طفل نفاس تطلعة بالجو الي كلة امراض عشان تشوفة يعلها ما تشوف عجوز بليس من زود الغلا يا اختي زوري جنتج وشوفي يا مال وجع ركب امي انشالله انا ما انيي فاهمة شنو الي يسر عجايز ابليس لما تخرب بيت ولدها لاحول ولاقوة الا بالله شهالبشر شاب راسي من مشاكل البنات

 

[ماكنتوشه بنفسجيه 12]

رد : بتطلق وانا نفاااااااس

الله يهدي النفووووس


سبحان الله وبحمده
سبحان الله العظيم

 

[ام كوشه منكووشه]

رد : بتطلق وانا نفاااااااس

عسى الله يهدي لج ريلج ان شاءالله