تكلفت الف دينار على كشختي والعرس ما حضرته

[هنـــد]

من وجهة نظري واتمنى ماتزعلين

اول شي اهما مالهم شغل بالعروس سواء دخلتها اسلامي او لا

اذا العرس اسلامي اقعد لي دخلة العروس واروح اي مكان مو ما احضر العرس خلاص دام كشخت استانس واونس بناتي بعرس عمهم والله اعلم بالنيات

يعني مثلا اختج اكيد تشتري من الافنيوز ومرينا الخ من هالمجمعات كلها اغاني شتسوي بهالحاله ؟

بتكمل تشتري ولا تطلع ؟

الواحد اهم شي نيته شنو

دين يسر مو عسر

 

[جروح خالده]

رد : تكلفت الف دينار على كشختي والعرس ما حضرته

حياتي قبل نتكلم عن حلال وحرام وليش سوو جذي وليش ماقالو
العروس ماهي مجبوره باهل المعرس ولا احد يقدر يتكلملها
هذي فرحة عمرها بتدش على الاغنيه اللي تبيها ماتروح تلغي الاغنيه عشان فلاانه وفلانتانه

واللي ماتبي الا اسلامي يعني شنو كل هذا دين؟؟؟
مارحتي الصالون من الصبح وبدلتي فيه؟؟
ماشافت اللي تحطلج كريم الجسم عورتج؟؟
ماوصلتي رموش ولا شعر؟؟
ماحفيتي حواجبج او حتى شقرتي ؟؟
مالبستي كعب واسفنج وكورسيه؟؟
وفوووق هذا كله مخيطه فوق الالف؟؟
وتتكلمين بالحلال والحرام
صج حريم ...

خلي العروس تحتفل بليلتها هذي ليلة عمر

معاها :rerrerek:

 

[EnGiNeeRa_92]

رد : تكلفت الف دينار على كشختي والعرس ما حضرته

ما يصيــر جذي استغفر الله ، الحمد الله ما صارت فيني ، يمكن الناس عندهم ان الإسلامي مجرد ان الريايل ما يدشوون ، اعرف نااس الله يهداهم عرسهم تقريبا حريم وريايل خلط ، علبو ان كل الريايل أهل العروس داشين يشوفونها ، لا حول ولا قوة إلا بالله

​

 

[كاندي بينك]

من راي اختي دراما كوين شنو الف دينا رعلى ليلة ناس مو لاقية اكل وهذي الف على ميك اب وخرابيط ولاتقولو ن انه بخل بس التبذير حرام

 

[Tom ♥ Jerry]

.


واي مره رحت عرس اسلامي واي واي واي راسي قآم يعورني من الدي جي !
و الله العظيمـ يعور الراس ! > لأنه كلا طبول !
و الاغاني حده مو شي !

اصلا آحس هالآيآم مآكو فرق بين دي جي اسلامي و دي جي عآدي :*
الاسلامي اغلب المرات يحطون أول خمس اغاني أوكي مآ فيها موسيقى بعدهآ يقلبون :*

 

[..الشيخه حلاها..]

رد : تكلفت الف دينار على كشختي والعرس ما حضرته

انا انقهر من هالعرايس العرس اسلامي و اذا دخلت السنيوره الازفتها مواسلامي ما تحترم اللي ما يحضرون الا العرس الاسلامي

 

[Stylista_Q8]

رد: رد : تكلفت الف دينار على كشختي والعرس ما حضرته

يمآآآآآآ آكلتوآ آلبنت

آلآنسآن مآيعد مبذر آذآ كآن مقتدر على هـ آلشي يعني آلله مرهي عليه

آلتبذير آللي على قد حآله ويلعب بِ آلدنيآ لعب

يمكن طقمهآ بـ 3000 ومكيآجهآ بـ 200 وبدلتهآ و و و

آنآ صرآحة عآدي آحضر آي عرس مآعندي مشكلة بس بِ عرس آخوي آلآول كآن عرسنآ آسلآمي وزفة آلعروس موسيقى

ونبهنآ عليهم لآن شكثر من آهلي ملتزمييين قلنآ ترآ دخلة آلعروس مزيكآآ :d

وآنتي آو آختج آذآ سمعتي موسيقى بِ آلزفة بس طلعوآ آي مكآن لين تخلص

صآجه مط مط كليتووووآ البنت !

تنطرون الزلة ولا شو بالضبط فهموني ؟؟ :080402ask_prv:

اهيه مو قصدهآ ألف ألف ..! بس قطت كيت و كيت يعني انتوآ ما تقطون ؟ مآتبذرون عَ العروس

الوآحد يروح العرس يبي يكشخ يفرفش يستآنس ولا بس هالشي حلآل للي مو دينين ؟؟؟

نآس عجيييبة غريبة "" يآمآ حنعيش ويآمآ حنشووف

عَن نفسي أنا أسمع أغآني الله يهديني إن شآلله وأتوب منهم..

مآ علينآ .. بس خآلآتي لأأ !

فَ شنوو سآرلهم مثل إختج بالضبط ! قآلوآ حق أهل العروس دي جي إسلآمي ولا ؟ :080402ask_prv:

قآلوآ لااا إسلآمي احنا دينين شلوووون ما نحط اسلامييي افا عليكم بس > طبعاً طلعوآ خوآاااارة

قهرووووني !! يعني بتحطون اغاني حطوا محد قاضبكم بس لا تقعدون تقولون حق الناس دي جي اسلامي والعرس من أوله لين اخره كله اغاااااااااني × أغآنيي !!

وعليآ خآلأتي وحريم ثآنيين كله تكرمون بالحمآم متخيلين ؟؟؟ محد يشوف كشختهم ومحكورين هنآك

بس للأمآنه لما خآلآتي قآلوا لهم مو عرس بنتكم دي جي إسلآمي ؟ مآ شفنآ شي ؟!

جآن يحطون اغنييتين..

الزبده احنا مآ قلنا لا تخلونه مو أغآني كييفكم

بس لآ تجذبون عَ النآس وتسوون روحكم يعني احنا اللي كلش !!

خو قولوآ الصج ..

و سوري عَ القرقه بس قلبي مترووسه من سآلفة خآلآتي فديتهم حيل انقهرت عليهم ! :wqedqw:

 

[أم فـرح الحلوه]

رد : تكلفت الف دينار على كشختي والعرس ما حضرته

مافي شئ اسمه اسلامي حبيبتي كل هالطقطه حرام بس الناس لو تبي اسلامي خل تقعد في البيت ..
العروس بليلة عمرها تخرب فرحتها عشان اسلامي ومااسلامي ..
واللي سوو باختج جذي حدهم ملاقه ولعانه ..

 

[Mrs_Efron]

انا ما تفرق معاي اسلامي او غير اسلامي

 

[*peace*]

رد : رد: تكلفت الف دينار على كشختي والعرس ما حضرته

بصراحة بنات بدعتوا بالبنت !!


ابي افهم من قايل لكم انه حرام تقطين على كشختج الف دينار ..
يكون حرام لما يكون ماعندج .. اما الي معاشها زين ولا تاخذ من ريلها او ابوها واهما عندهم خير .. ماعتقد انه حرام ولا عيب .. العيب انكم تحكمون عليها بهالطريقه

لو معاشها 700 وهذا يأثر بميزانتها اي اهني حرام بس لو معاشها فوق الاف ونص وعندها خير من قايل لكم حرام ابي افهم

والي تقول لو متصدقه بنصهم انتو شدراكم بأخلاق البنية يمكن متصدقه بثلاث اضعافهم وهالمبلغ كان حق كشختها وتحسفت انها كشخت لانها طلعت من العرس من غير لاتفصخ العباة !!

امبيه بصراحة بدعتوا بنات !! .. يعني انا من عايله متدينه ونصرف على لبسنا وستايلنا يمكن اكثر .. والحمدلله هل معناته الناس جذي تتحجى عني
بصراحه مارضى على نفسي ولا على غيري

والي تقول توصيل ورموش .. من قايلج البنت وصلت ترى فيه صالونات ماتحط رموش من الاساس وفيه ناس عندهم مو حرام مثلي انا !! انتي شدراج شنو اهيا وشنو عندها حرام وحلال !!

واشدراج حاطه كريم جسم وشافوا عورتها استغفرالله العظيم .. عمري ماحطيت كريم جسم انا لا بصالون ولا بغيره يعني لازم تكون حاطه ؟؟

ومادري من قايلها لازم نروح الصالون ونبدل فيه ومادري من قال لما نروح الصالون ونطول مانذكر ربنا ونصلي اهناك .. ومانسوي اشياء حرام !!

وطبعا مادري شدراكم انه البنية تحش وحالتها حاله !

وصج كلمن يرى الناس بعين طبعه !!


بدال لاتقولون الحمدلله فيه بنات مايسمعون اغاني ومايهمهم لو قاطين المبلغ الي ذبحتوها فيه وطلعت بره العرس ماقالت انا كاشخه خل اقعد !!

حشيتوا فيها لما قلتوا بس !!


وبس الشكر موصول حق صاحبة الموضوع وسوري لاني رديت بدالها بس بصراحه لاني حطيت مكاني مكان اختج و خليت امي مكان اختج بعد لان امي كلش ماتحب هالحركات

وآسفة عالطوالة

معاها صراحه

 

[*peace*]

رد : تكلفت الف دينار على كشختي والعرس ما حضرته

مافي شئ اسمه اسلامي حبيبتي كل هالطقطه حرام بس الناس لو تبي اسلامي خل تقعد في البيت ..
العروس بليلة عمرها تخرب فرحتها عشان اسلامي ومااسلامي ..
واللي سوو باختج جذي حدهم ملاقه ولعانه ..

هوب هوب لاتقعدين تحرمين وتحللين علي كيفج!!!!

الاسلامي بس طيران والطيران موحرام حلال

 

[【华】Miss Moodry]

رد : تكلفت الف دينار على كشختي والعرس ما حضرته

اممم المفرروض ما يجذبون عليج :>

 

[شقرديـه عالطل]

الله يعوضج حبيبتي
وخيره لج

 

[memechii]

شنو يعني لوول حده ماله داعي الموضوع
و عجبني رد ياعيون مغليك
عادي يعني انتي رايحه عرس شتبين يصير:s

 

[Loutes]

رد : تكلفت الف دينار على كشختي والعرس ما حضرته

والله عليكم ردود تسد النفس


البنت مدينة وما تسمع احترمو رغبتها
ومو معناته كل الناس يسوون الشيء صار حلال
الله يثبت اختك ويرزقنا ما رزقها

 

[عجزت أنساكـ]

والله معاها حق تزعل اذا حمولتها قصوا عليها وقالو العرس اسلامي
يعني وين المشكله اذا يبون حضور قولو مو اسلامي والي بيحضر بكيفه
اما ع دخلته العروس يعني هي بكيفها فرحتا ويومها خل تستانس
والله عروسنا صارت اللهم يا كافي حياه فله عندنا بكل شيئ

 

[مشتاقه لك يبا]

رد : تكلفت الف دينار على كشختي والعرس ما حضرته

الحين ماكو فرق بين الاسلامس والموسيقى كلهم بالهوا سوااا

 

[بنت.المطيري]

انا يتني فتره حييييييييييييييل التزمت ومستحيل احضر عرس فيه اغاني

بس كذا مره انصدمت ان الدي جي اسلامي والطقاقه شايله معاها عدتها وهات ياعزف :\ يصدع راسي صراحه

وكذا مره انجبر اكون بمكان فيه موسيقا :\

وانا بعد مو ذاك التدين الله يهديني يعني شوي خفيت عن قبل بس ليلحين ماحب الاغاني ولا الموسيقى اتعب نفسيا وعقليا ماقدر ارقص اخاف

بس اروح العرس ولااسئل لان في ناس لازم اوجبها واحضر عروسهم والحمدالله الاغلبيه اسلامي محد ضايقني

حاليا انا عرسي ان شالله ابي الدي جي اسلامي عالاقل مااستاثم بالناس وانا عندي لو اني حضرت العرس وهو فيه موسيقى وجذي

اهون من ان انا اللي اخذ اثام كل الحضور وثاني شي انا ابي البركه بعرسي ليش احط موسيقى وي !

بس المشكله الدخله ليلحين مالقيت دخله اسلاميه سنعه كله موسيييييييييييييييييييييييييقااااااااااااااا

والله وهقه وانا خصوصا بهالليله ابي البركه تجيني وغير هذا والله والله تحوشني ضيقه لي سمعت موسيقى انغمت حيل حيل احس الحين بموت وربي يحاسبني

مادري شلون بتكون زفتي

 

[روح مغليهآ]

رد : تكلفت الف دينار على كشختي والعرس ما حضرته

انا يبطون جبدي اللي يقولون مانروح عروس مانسمع اغاني انزين انتي ماتسمعين اغاني وتحشين عادي ؟؟ الاغاني حرام بس تأذين الناس عادي ؟؟ وشلون بتسوين عرس حق بنتج ولا ولدج وانتي ماتحضرين عروس ؟! شلون الناس بتيلج ؟

واصلا الاسلامي والعادي نفس الشي

وحركه بايخه لما تكونين حاضره عرس واصحاب العرس مستانسين انتي تنحاشين عنهم ترا يحز بخاطرهم

اي والله شدعوا عليكم خو لي رحتي السوق مايكون مبطلين اغاني وموسيقى؟!
والا بس بدخلة العروس ماتقدرون تصبروون 10 دقايق

 

[شعطآنيه]

حتى لو كانت مقتدره .. الألف هذي لو تصرفها على شي ثاني أحسن .. ومدامهما ملتزمه لو متبرعه فيهم أحسن
يعني الواحد يصرف بحدود المعقول .. والعرس منتي مجبوره تروحين له .. وإنتي تدرين إن لو كان العرس إسلامي ممكن زفة العروس بموسيقى

الحين مافي ناس ملتزمه للأسف .. شوهوا صورتنا .. مناقضين نفسهم بكل شي