تكلفت الف دينار على كشختي والعرس ما حضرته

[الجفول&]

رد : تكلفت الف دينار على كشختي والعرس ما حضرته

ياشين اللي يعزمون الناس على ان العرس اسلامي وتخسرين وتكلفين واتعننين عقب يطلع مو اسلامي والله عيب صراحه موكفو احد يقدرهم ويوجبهم ,,

 

[][ sarah ][]

وييييييه بنات تكفون شنو دي جي اسلامي بعد !!
والله كلهم نفس الشي

واللي قلبه عالصلاه ماتفووووووووته ياعيوني
اللي ماتحب الاغاني ووايد تحاتي الحلال والحرام لازم تاخذ موقف وتخلي الكل يدري انها ماتروح عروس واذا اهيا راعيه واجب عادي تروح تسلم وتبارك وتطلع حتى لو بعباتها مافيها شي

انا مرت عمي جذي , تقوم بالواجب تسلم وتبارك وتمشي على طول ومحد ينقد عليها بالعكس

ومثل ماقالوا البنات دي جي اسلامي والبنات مفاصيخ , هذا مو حرام !! كلنا ندري حتى لو حريم حرام الوحده تشوف الثانيه من صدرها لي ركبتها , وشي طبيعي ماراح تقدرين تتامرين عالبنات اللي بالعرس كل واحد يعرف الحلال والحرام ويلبس اللي يبيه

فاذا تحاتي الحلال والحرام لاتروح من الاساس وخلصنا لان وايد اشياء حرام قاعده تصير على ماتوصل العرس وتخلصه

 

[D a m a s]

انا أشوف إن العرس مايوقف عالأغاني بس إذا بنحط ببالنا الحلال والحرام

ومن رايي الملتزمه المفروض ماتحضر عروس أو إنها تدش تبارك وتطلع والكل بيعذرها ، وياكثر اللي نسمعهم يقولون ملتزمين

ونشوفهم بعروس ثانيه ومو اسلاميه يرقصون ويهزون مادري ليش يتظاهرون بالدين على ناس وناس !!

وأقول لصاحبة الموضوع الله يعوض على إختج الخساير اللي خسرتها ماكان المفروض إنهم يخشون عنها دام سألتهم

 

[ام الورد83]

الله يهديهم بس اغلبية العروس يقولون اسلامي وبنص العرس تعالي اسمعي الطبول والاغاني الي كلها موسيقى مايجوز

 

[أبوي تاج راسي]

رد: رد : تكلفت الف دينار على كشختي والعرس ما حضرته

برافوووو عليج مثل كلامي اللي كنت بقوله .. دام اختج خايفه من ربها من الموسيقى جان كملت معروفها وقللت من التبذير شوي لان المبذرين اخوان الشياطين ... الحين البدله فوق الالف وما تبي طق مو اسلامي شهالتناقض هذا ..؟ وآخرت هالبدله تنقط بالكبت محد درا عنها ...

معاكم بوجهة النظر وانا اتوقع انه اختج ما تحضر اسلامي الا انها ملتزمه .بس سالفة الف دينار اتوقع فيها انه ليش مو بذخ هذا والا الدين وقف بس على الاغاني والبذخ عادي واهل العرس مو جذبوا عليها . ودخلت العروس مالهم شغل فيها فأتوقع ماله داعي حضور العروس لان مافي اسلامي اذا مو اغاني لبس البنات والتفصخ.

 

[tmtmt]

كل وحده قامت تتكلم بكيفها ...
فكروا قبل لا تتكلمون

لا ولا الي ناطين يعني طالعتي فيها
ويتكلمون عن التبذير واهما ما يدرون شسالفه
بكيفهم حللوا انها امبذره فلوسها
جنهم يدرون شنو ميزانيتها
بس اسمعوا 1000 دينارقالوا تبذير !!!!

ولا يقولون الاسلامي نفس العادي
شلون نفس الشي ؟
كلنا نعرف ( ترا اروح عروس عاديه واسلاميه )
ان العادي غير فيها بيانو وعود وناي وغيره وغيره وموسيقى
والاسلامي طار

شلون صاروا تفس الشي

وبالنسبه للموضوع من حقهاتعصب لنهم قصوا عليهم
بس العروس من حقهاتدخل على الي تبي
اغنيه وحده ممكن تروح الي ماتبي تسمع اي مكان وتنحل المشكله

 

[شقرديه كيوت]

رد : تكلفت الف دينار على كشختي والعرس ما حضرته

يعني ما تشوفون تلفزيون ومسلسلات وبرامج واخبار هذي كلهاااااااا موسيقى اهمممممم شي النيه

 

[Tutti-Frutti]

رد : تكلفت الف دينار على كشختي والعرس ما حضرته



اذا زفه العروس اغنيه او موسيقى كيفها
هذي دشتها ومحد يقدر يتحكم فيها
تدش على الدخله اللي تبيها

لانه سويتها حق اختي وكان بخاطرها اغنيه حق دخلتها وما خليته بخاطرها
كلها جم دقيقه

واذا عن العرس كله اغاني وقالو انه اسلامي
فـ حركه مو حلوه صج
المفروض يقولون من البدايه

وانا عادي اروح الاثنين لاني احب اوجب الناس عشان توجبني
واذا حاطين اغاني فـ الله راح يحاسبهم

 

[sweet cake]

بصراحه البنات امرهم عجيب

مااادري ليش ما يقرون لموضوع ويردون جذي بدون لا يقرون !!

 

[إطلالة الربيع]

رد : تكلفت الف دينار على كشختي والعرس ما حضرته

يعني ما تشوفون تلفزيون ومسلسلات وبرامج واخبار هذي كلهاااااااا موسيقى اهمممممم شي النيه

على أي أساس قلتي أنها تشوف هالمسلسلات و البرامج الي فيها موسيقى :080402ask_prv:

ترا في قنوات إسلامية منوعة خالية من الموسيقى
مثل قنوات المجد


لا تألفون كلام من عندكم عن البنت

 

[عنود الغيد**]

رد : تكلفت الف دينار على كشختي والعرس ما حضرته

الصراحة في بعض الردود تبرد الخاطر وودي اصفق لهم

خوش رد
وبالنسبة للحفلات الإسلامية

ايش هالتناقض الغريب إلي عايشينا بحياتكم انت عايشين حياة مزدوجة

ومحد كره الإسلام الا انتوا

آل عرس إسلامي آل

 

[lovely jojo]

المشكلة ما نقدر نجبر العروس لان ما في اغاني دخلة اسلامية ,,,,,

 

[MoonDiamond]

امركم عجيييييييب
الله يهديكم
ويسامحكم
بعض الردود مالها شغل بالموضوع
يا يبه روجوا هروس وارقصوا واستانسوا ووجبوا كيفكم
بس هم احترموا اللي حوالينكم ولاتجذبون عليهم بخصوص اي شي بالعرس
اسالهم اسلامي يقولون ايه
احضر العرس. يطلع مو اسلامي واطلع
واخليهم
والله يهنيهم
لكن انا تعبي وفلوسي اللي راحت جذي بسببهم!!!
لو قايلين مو اسلامي جان ماحضرت واكتفيت بحضور عشا الاستقبال والا اعزم العروس عندي بالبيت وايد احسن

فهمتوا للمره الثالثه؟؟؟!!!!!!!!!!!

الرجاء قراءة الموضوع كامل

 

[MoonDiamond]

امركم عجيييييييب
الله يهديكم
ويسامحكم
بعض الردود مالها شغل بالموضوع
يا يبه روجوا هروس وارقصوا واستانسوا ووجبوا كيفكم
بس هم احترموا اللي حوالينكم ولاتجذبون عليهم بخصوص اي شي بالعرس
اسالهم اسلامي يقولون ايه
احضر العرس. يطلع مو اسلامي واطلع
واخليهم
والله يهنيهم
لكن انا تعبي وفلوسي اللي راحت جذي بسببهم!!!
لو قايلين مو اسلامي جان ماحضرت واكتفيت بحضور عشا الاستقبال والا اعزم العروس عندي بالبيت وايد احسن

فهمتوا للمره الثالثه؟؟؟!!!!!!!!!!!

الرجاء قراءة الموضوع كامل

 

[MoonDiamond]

رد: رد : تكلفت الف دينار على كشختي والعرس ما حضرته

الصراحة في بعض الردود تبرد الخاطر وودي اصفق لهم

خوش رد
وبالنسبة للحفلات الإسلامية

ايش هالتناقض الغريب إلي عايشينا بحياتكم انت عايشين حياة مزدوجة

ومحد كره الإسلام الا انتوا


آل عرس إسلامي آل

الله يسامحج ويهديج
والله يوريج الحق ويرزقج اتباعه
ويوريج الباطل باطل ويرزقج اجتنابه

 

[النملة نواري]

شلون عرس اسلامي و فيه مفاصيح احد يفسرلي؟؟
بس الشرهه على حمولة اختج ليش قصوا عليها من الاساس؟؟
مادروا انها بالتكلف لي شرت اغراضها؟؟

 

[q8_84]

انا ماسمع اغاني ولا واصل شعري بالعروس ولا احف حواجبي ومسحيل افصل بدله باكثر من 300_400 دينار هذا بعرس اخوي اما بعروس الثانيه اختي قرايبنا مستحيل افصل باكثر من 200 وهم الاسعار هذي تبذير بس انجبرنا الاسعار نار يعني اذا تبين بدله حلوه ومرتبه ماتلقين اقل من الاسعار هذي
بس اذا حضرت عرس وطلع مو اسلامي ما اطلع لاني سمعت شيخ وحده اسالته عن الموضوع هذا قال ان اذا حظورج في صلة رحم او واجب اجتماعي فهذا اولا ان تحضرين اهم شي انج منكره هشي ولو بقلبج

بس الي يزعل صج انهم يقولون اسلامي ولما تحظرين يطلع مو اسلامي يعني يستخفون بالناس يختي قولي ان العرس مو اسلامي والي بيحضر حياه الله والي ماتبي تحضر اهي حره

 

[إطلالة الربيع]

رد : رد: تكلفت الف دينار على كشختي والعرس ما حضرته

بس اذا حضرت عرس وطلع مو اسلامي ما اطلع لاني سمعت شيخ وحده اسالته عن الموضوع هذا قال ان اذا حظورج في صلة رحم او واجب اجتماعي فهذا اولا ان تحضرين اهم شي انج منكره هشي ولو بقلبج

:gr4uu:

أنا قريت العكس في موقع الإسلام سؤال و جواب

لكن العلماء اشترطوا شروطا لإجابة الدعوة ، فإذا لم تتحقق هذه الشروط لم يكن حضور الدعوة واجبا ولا مستحبا ، بل قد يحرم الحضور ، وقد لخص هذه الشروط الشيخ محمد ابن عثيمين رحمه الله فقال :

1- ألا يكون هناك منكر في مكان الدعوة ، فإن كان هناك منكر وهو يستطيع إزالته وجب عليه الحضور لسببين : إجابة الدعوة ، وتغيير المنكر ، وإن كان لا يمكنه إزالته حرم عليه الحضور .

الرابط :
http://www.islam-qa.com/ar/ref/22006

فالأولى إني ما أحضر العرس

 

[بخـــارى]

رد : تكلفت الف دينار على كشختي والعرس ما حضرته

لا حول ولاقوة الا بالله

 

[q8_84]

أنا قريت العكس في موقع الإسلام سؤال و جواب

لكن العلماء اشترطوا شروطا لإجابة الدعوة ، فإذا لم تتحقق هذه الشروط لم يكن حضور الدعوة واجبا ولا مستحبا ، بل قد يحرم الحضور ، وقد لخص هذه الشروط الشيخ محمد ابن عثيمين رحمه الله فقال :

1- ألا يكون هناك منكر في مكان الدعوة ، فإن كان هناك منكر وهو يستطيع إزالته وجب عليه الحضور لسببين : إجابة الدعوة ، وتغيير المنكر ، وإن كان لا يمكنه إزالته حرم عليه الحضور .

الرابط :
http://www.islam-qa.com/ar/ref/22006

فالأولى إني ما أحضر العرس

مادري انا سمعته برنامج فتاوي على قناة السعوديه وسمعته بنفسي يعني محد قالي