العيد مولنا لليهال؟؟؟؟تصدقون

[غزالي وبس@@]

بنات زوجي بيذبحني صرت جني مينونه احاجي عمري مادري انا خبله وتافهه صج وهو كلامه صح
الله يسلمكم هذا العيد يمكن السادس مع زوجي اول علاقتي ماشي حالها مع اهله الحين مافيه بالمره علاقه العيد رحت لهلي سلمنا خلص على بعد الغدا رجعنا البيت انا وعيالي شرف ابو الشباب نام ماقعد الا 1بالليل قعد ابو الهول البطل الصامت يطالع التلفزيون رد نام الفجر قام تغدا وسالني ماقصر بصراحه بتروحون لهلج قلت منو امي من غير شر سافرت وحريم خواني كل وحده عند اهلها وخواتي عند حمولتهم سكت:eh_s(14): شوي لبس تعطر وطلع :jumpon:
اوكي احنا بالعيد قلت له اللي مايطلع يطلع بالعيد شرد على وقال العيد لليهال مولنا وين تبين نروح بالزحمه ؟
السؤال صج العيد لليهال وانا ماعندي سالفه ؟؟؟:eh_s(1):

 

[عطر الدوحه]

رد : العيد مولنا لليهال؟؟؟؟تصدقون

ابييييييييييييه


الله يعييينج

العيد للكل صغار كبار شياب عيايز

 

[ابي قطوة]

رد : العيد مولنا لليهال؟؟؟؟تصدقون

لووووول مو من صجة ؟!!!!!


العيد للكل مو بس لليهالوو

 

[غارقة بأحزانها]

رد : العيد مولنا لليهال؟؟؟؟تصدقون

عندي وعندج خير والله صج هالرياييل مادري ليش متزوجين مالهم شغل الا بوناستهم والانانيه ابرز صفاتهم اليوم اقوله عيد طلعنا قال لا بروح الياخور مارحم ولده حتى اللي بجى وراه وما كمل غداه ونام الحين المسكين وهو دمعته على خده يقولي بابا مايحبني ما يوديني مكان
اقوله شسوي يا ماما حالي من حالك انا بالليل اطلعك

 

[tt2tt]

رد : العيد مولنا لليهال؟؟؟؟تصدقون

ريلج يبي يتهرب يقول جذي انتي اخذي عيالج رووحي اي مكان استانسواا

 

[ميـسـٍـٍآإآء..ღ]

رد : العيد مولنا لليهال؟؟؟؟تصدقون

،،




الله يســــــــخرلج زوجج

 

[دوووووووووووبا]

والله ذكرتيني بزوجي خخخخخخخخخخخخخخخخخخخخخ ذبحني كل شي مو لنا
بس شاطر يتكشخ ويتمشى وانا لازم اقعد في البيت شالعيشه !!!
كل شي ممنوع علينا حتى فرحه العيد ماكنت احس فيها اول ايام العيد احنا هوااااشششش ماكو شغل
حبيبتي تكشخي واطلعي مع عيالج ولي كلمج قولي عيد والعيال يبون يطلعون تحججي فيهم خليهم اهم يتكلمون
يعني ما يطلعكم ولا تطلعين شلون!!!!!!!! ماعليج بيرضى ان شاء الله لما يشوف اصراركم
الله يسخره لج ويخليكم لبعض

 

[لمسه حزن]

رد : العيد مولنا لليهال؟؟؟؟تصدقون

الله يسخر ازواجكم

لكم

 

[afesa]

العيد للكل وهذي فرحه للمسلمين بس ااكيد ماله خلق يطلعكم ويفتر ورا اليهال والاونس طلعه الربع والشباب بالنسبه لهم ..
ليش تتقيدين فيه طلعي وروحي اي مكان وعيشي حياتك

 

[eman12]

الله يهديه

 

[روحي زوجي]

رد : العيد مولنا لليهال؟؟؟؟تصدقون

الله يهديه العيد للكل للاطفال والشباب والبنات والمتزوجات والعجايز غريب امر ريلج

 

[flower quen]

رد : العيد مولنا لليهال؟؟؟؟تصدقون

العيد لجميع فئات المجتمع

 

[انا مو هني]

رد : العيد مولنا لليهال؟؟؟؟تصدقون

لا العيد للكبار والصغار وخلي الطلعه اجباريه
وعوديه ان بالعيد ماتقعدون
وفزوو من الصبح عايدو على اهلكم وتغدو عقبها طلعو قبل الزحمه
وحجزو مسرحيات وستانسووظحكو

 

[ام زاكي]

والله العضيم نفس الحاله قسم بالله قمت اكره العيد والسبه انه اهلي مو يمي بعاد عني واحنا بالسعوديه مانقدر نسوق ونطلع بالعيال
وواحد من ربعه يغث مرته عند اهلها ومجابل رجلي يقوله ليش ماتطلع يقوله انا مع العيال ويسكر ويرجع يقولي تدرين باجر اطلعكم
وادري مافي طلعه بيقول زحمه وبنرجع البيت

 

[ديانا سبنسر]

رد: رد : العيد مولنا لليهال؟؟؟؟تصدقون

عندي وعندج خير والله صج هالرياييل مادري ليش متزوجين مالهم شغل الا بوناستهم والانانيه ابرز صفاتهم اليوم اقوله عيد طلعنا قال لا بروح الياخور مارحم ولده حتى اللي بجى وراه وما كمل غداه ونام الحين المسكين وهو دمعته على خده يقولي بابا مايحبني ما يوديني مكان
اقوله شسوي يا ماما حالي من حالك انا بالليل اطلعك

ياليتج ماقلتي الموقف كسر قلبي ولدج

 

[طيبتي عيبي]

رد : العيد مولنا لليهال؟؟؟؟تصدقون

الله يعينكم يارب بس ترا الطلعه مو حلوه وصج الطلعه بالعيد تعور الراس زحمه ومصخره وكلشي بس صج عالاقل لو مطلع ولده شوي جبر خاطره ولا قاله باجر راح اوديك ولما ارجع اجيب معاي اغراض من الجمعيه انتي كلمي باسلوب حلو انه مايصير يكسر بخاطره وبس

وبعدين العيد لكبار وصغار مو بس للصغار انا زوجي دايم يقولي انتي نفس الصغار مايجي العيد الا وانتي حتى دلاقج شاريه جديد صج ماعرف لازم عشان احس بالعيد والعيد مو بس للصغار بس طلعه بالعيد ماحبها ولا اايدها

 

[الصعيريه]

رد : العيد مولنا لليهال؟؟؟؟تصدقون

مآعليه ولايضيق خلقج إنتي طلعي العيال
وأصلا لوتلاحظين بكل مكان ام وعيالها قليل ماتلقين الابو مطلع العيال


وطلعتج معاه خليها عقب العيد دامه قال العيد للجهال
يعني خليه يعزمج سينما مطعم اي مكان وهالطلعه تكون بس لج إنتي وياه..

 

[كويتيه فرنسيه]

يامعوده وين الحين الي يطلع العيال والمره؟؟؟ قليل يبه


طلعي انتي وعيااالج واستانسو روحو مطعم والا سينما والا مسرحيه والا تمشوو في هالمولات وعطيه طاااف

الحين اغلب الحريم جذي اهم الي يطلعون ويتمشوون بروحهم والرجال يامسافر يامخيمات عادي اغلب الحريم جذي

 

[كويتيه فرنسيه]

اي صوح نسيت اقول شي ترا طلعة العيد تلوع الجبد زحمه ومصخرره وحووسه وربي صرت اكرها لوووولز

 

[& الذاهبه &]

عاادي
موقصده يمكن او ماله خلق يطلع