حبيبتي الذرابه و الاتيكيت مطلوبين بالاعراس بس من ناحية اذا تزعج الغير
انا هذي اللي تمشي بدون كعب و ترقص و التلفون بايدها ما تضرني بشي عشان اشوف تصرفاتها غلط و انقد عليها
و سالفه اللي يبصطون على الارض و ياكلون تلاقين يمكن مره تعبانه او كبيره ما تقدر توقف و تاكل و للاسف وايد عروس اروحلها وقت البوفيه ما فيه لا طاوله و لا كرسي عشان الواحد ياكل يعني يا تمسكين الصحن و تاكلين و انتي واقفه يا تقعدين على الارض ان كانت نظيفة.. علي العموم انا هالحركه مرة وحدة شفتها و ما استنكرتها لان بقاعه البوفيه ما كان اكو مكان واحد يقعد فيه و اللي قاعدين على الطاولات مخلصين اكلهم و قاعدين بس وسوالف مو مخلين غيرهم يقعد ياكل
انا بنظري الشغلات اللي مو مسموحه من ناحية الذرابه اهي اللي تضر اصحاب العرس و المعازيم يعني مثلا لمن تعزمين احد بالعرس و توصين عليه ممنوع اصطحاب الاطفال يدخلون عليج بعيالهم و يكفخون السكيوريتي عشان يدخلون عيالهم هذي صج حركه تنم عن قلة ذوق و تأذي غيرها
و اللي يحشون بصوت عالي داخل القاعة عن الكل و يعيبون عليهم هم هاذي حركه تنم عن قله الذوق .. يعني اذا لهلدرجه مو قادرة تصبر لازم تحش خلها تنطر لمن يخلص العرس بعدين روحي ابيتكم حشي على كيفج مو جدام الناس تاشرين عليهم و تضحكين
و في بعد حركات لمن يصير وقت توزيعت هدايا او تذكارات تلاقين قي حريم يخمطون 10 - 20 وحدة حق روحهم و الباجي ما يحصلون .. هذي قمه الانانيه صراحه
و حركه البنات الصغار لمن يقعدون جدام و في مرة عيوز كبيرة مو لاقيه مكان .. الكبار اولى انهم يقعدون علي البنشات اللي جدام
و في حركات تصير وقت البوفيه لمن وحدة تدز و تصرخ و تدافش .. كلش مو حلو تسوي هالشي
انا هالحركات كلها تنرفزني لان بشكل او باخر تضر اصحاب الحفله و المعازيم و يا ريت الناس تنتبه على هالاشياء
[color=blue قال:ههههههههههه ذكرتينى اول ماهبوا فيهم ما كان عندى خبر عنهم دخلت وسلمت عليهم وقعدت ابارك لهم عرسهم .....ولما استوعبت ليش لابسين نفس الشى وسألت ولا طلععوا كشاشات على قولتهم ههههههههه[/color]
والله كل(ن) بعقله راضي كل واحد حر بتصرفاته وإذا سووا شي مو زين فالناس بتنقد عليهم اهم مو انتو فليش حارين عمركم ؟؟؟
وانا اشوف كل الي قلتيه وعادي يصير باحسن العايلات الا سالفة الي تقعد عالارض وتاكل
وإذا على سالفة الجوتي انا نوعي افصخ الجوتي بآآآخر العرس يوم الصالة تكون فاضية وهالشي انا حرة فيه ومحد له حق ان ينقد علي خو مو مسوية منكر انا وبعدين اكون تعبانة وريلي بدت تعورني ايهو اهم ريلي ولا كلام الناس الي لا يودي ولا ايييب
وانا معاها وانتي شكو؟؟ تبين الناس كلها نفسج
ولاتقولين مو عاجبج لادشين موضوعي او تردين انتي حاطته بالعام مو خاص لامثالج
شكلج ياهل وتوها تتعلم البرستيج ترى الفكره الي براسج غلط يا مااامااا
الموضوع بايخ حسيته
وحتى الي ترقص بالفون صار ماعندها برستيج
والله شكلج معقده وله تبين تسوين حالج برستيج غصببب
شوفي بالنسبة لموضوع الأكل و البوفية مادري عن هالشغلات و لاعمري شفتهم بعروسنا ..
يمكن لأن آنا عمري ماحضرت عرس و دشيت البوفية .. بس أسلم و أوجب أرقص و أطلع
ماحب أدش البوية أخاف على بدلتي تتدمر و أساسا آنا من النوع إذا كنت متمكيجة سبحان الله تنسد نفسي ماشتهي آكل شي..
بالنسبة للتلفون : إذا آنا أخت المعرس أو أخت العروس غصب عن خشمي بمسك تلفوني وياي .. تسأليني ليش؟
أقولج أولا إذا آنا أخت المعرس لازم كل شوي أبوي يدق يتطمن علينا .. خوات العروس يدقون يسألون عن موعد دخلت أختهم
رفيجاتي يدقون اللي تسأل عن شغلة اللي تقول وينج ماشوفج ..
أدق ع الخدم فالبيت أجيك عليهم تعشوا و إلا لأ .. أدق ع المصورة أو انطر منها إتصال ..
ثانيا إذا آنا اخت العروس طبعا راح أكون رايحة قبل أختي للفندق أجابل ضيوفنا مضطرة أخلي تليفوني وياي
كل شوي أدق على أختي أتطمن عليها .. أشوف متى تجي متى تدش الفندق..
أدق ع السايق يمكن أبي منه شي.. أدق ع مصورة الفيديو متى تجي وطبعا لازم إذا وصلت تدق علي تعطيني خبر..
رفيجاتي يدقون يسألون وصلت الفندق أو لأ عشان بيجون ..
بالنسبة للجوتي تكرمين : آقولج موقف حصل وياي .. بعرس أخوي كنت أرقص وطبعا مستحيل أرقص و ىنا لابسة الكعب
المهم فصخت الكعب ورقصت .. فجأة أحس بألم مو طبيعي برجولي يوم جيكت إلا قزازة داشة برجلي واي عذاب
أضطريت أفصخ الشوز طول العرس و طبعا من باجر رحت الطبيب قالي خلاص القزازة دشت داخل اللحم
سبحان الله عاد آنا قبل كنت أتطنز ع اللي تفصخ شوزها و ربي بلاني بعرس أخوي خخخخخ ..
بس الحمد لله نفنوفي كان حيل طويل مايبين ..
مادري آنا فمهت أنج تتكلمين عن اللي ترقص بدون شوز صح؟؟
و إلا قصدج فاصخة شوزها و تتمشى حافية ؟؟ ماعمري شفت جذي ؟؟
حضرت عروس ناس هاي هاي , متوسطين , عاديين .. ماشفت وحدة تمشي حافية وماسكة شوزها !!
الموضوع بصوب ورد وحده من البنات بصوب الله لا يبلانا ما باقي الا تدخل من الشاشه وتطقج !!
شوفي عن موضوع اللي جسمها مو حلو .. انا مو معاج .. يعني عادي تستانس وترقص لكن اللي اشوفه مو حلو لما تكون مكرشه وتلبس بدله تبين كرشها عدل يعني احسن تلبس موديل يخفي الكرش لكن ما اشوفها قلة ذوق >> طلعت برا شوي
اما اللي صج صج صج ينرفز وقت البوفيه اللي تجي وتاكل بقفشتها .. ولا تنط وحده وتقول ليش وما ليش .. ترى صج الحركه مو حلوه وشذنب الباقين ياكلون عقبها
"]يسلم راسج ...... فعلا فى شغلات ما تكلمت عنها بعد...اللبس الغير مناسب للجسم تلبس وخلاص مع ان المواقع موفره للوحده خيارات بالبس ومايناسب الجسم بس هذا ذوق وصعبه توصلينه للواحده . لكن الشى اللى الواحد المفروض ما يتغاضى عنه <الستيان لما يبين > مع انه متوفر العلاقات الشفافه للكتف والضهر بعد...؟
والله اللي يغث موضووعج بصرااحه
الحين العالم عازمينج على ابو تتمصخرين عليهم وتعلقين وتسوين موضووع!!!
ياليت الصراحه يلغون الحفلات بالعروس والله علشان ماطبينها انتي واشكالج تاكلين وتعلقين!!!
قال برستيج قال
معاج التليفون ضرورى مع انى ما مسكته بعرس اخوى وانا اكبر خواتى بس تعليقى اللى ترقص وهى ترقص......ليش؟