ماتزورين ولا توصلين عشان الوجووب ؟؟؟؟

[مخطط برتقالي]

السلام عليكم ...يابنات ويامتزوجات الله يخليكم هالموضوع مهم ..الحين العايلات الصغيرة اكبرت والرسميات زادت والفناتق اشكثرها ...المهم يعني الوحدة الحين ماتقدر تزور (خاصة المرة الوالدة) اذا كانت من بنات عمها اوبنات خالاتها اواواو
المهم تصيرلها الا بوجوب ؟؟؟؟يعني الي عندها ظروف مادبة صعبة ماتقدر تزور وتوصل رحمها الا اذا كان عندها هدية ؟؟والله الموضوع مهم يابنات وضروري تشاركوني الراي انة لازم نقضي على هالعاده الشينة (وارجوا من المشرفات التثبيت)يعني من رايي ان الوحدة المهم تزور لو معاها حلو اواي شي بسيط ؟؟؟وانتو اشرايكم ؟؟نبي ردود عشان نبين الهدف من الموضوع:edbf4317b9:

 

[قطرة مطر83]

رد : ماتزورين ولا توصلين عشان الوجووب ؟؟؟؟

اللي فهمته منج انج تشتكين من هالعاده الشينه ألا و هي انه لازم نروح نوجب الناس و بيدنه شي ما تكون خاليه
اذا جذي قصدج آنا عن نفسي اروح اوجب حتى لو ماكان بيدي شي لأنه كل انسان و ظروفه يكفي انج خصيتيها و وجبتيها و بعدين اذا قدرتي بعدين عطيها .

 

[حرم يوسف بيك]

رد : ماتزورين ولا توصلين عشان الوجووب ؟؟؟؟

التوجب مانخلص منه هالشهر طقيت اصبع من التواجيب مرت اخوي ولدت ولازم اعطيها مبلغ وقدره وغير الكاكاو ماقدر ادش وايدي فاضيه والكاكاو لازم يكون من مكان معروف ونفس هالشي تكرر بعد اسبوع بنت عمي ولدت وغلاتها ماتقل عن مرت اخوي وتعالي شوفي بعد رفيجة عمري ولدت وهم وجبتها بمبلغ وكاكاو كشخه وتعالي حق والدات الدوام القطيات مانخلص منها بس تهون اقط 10 دنانير بس صج الشهر هاذي تنتفت تنتف ورا بعض المواجيب غير الي طنشت ماحطيت لهم لكن بالنهاية كلهم يستاهلون وعوافي على قلبهم لانهم مايقصرون معاي بولاداتي

 

[مخطط برتقالي]

رد : ماتزورين ولا توصلين عشان الوجووب ؟؟؟؟

اية صح كلامكم يا خواتي اللي ردوا اللة يعافيكم .بس لي متى ؟عندي الف وحدة من صديقات وخوات وبنات عم حتى لو عندي ؟انا ماابي حتى حق نفسي تصير الزيارة لازم بهدية ؟خلاص كافي اجيب حلو واسلم عليها اهم شي ..تكفون مو هذا الصح؟ الله يسعد اللي ردوا واللي يردون بكل صراحة

 

[مخطط برتقالي]

رد : ماتزورين ولا توصلين عشان الوجووب ؟؟؟؟

ابي ردود الله يسعد الي ترد:e3:

 

[الغاليه نونو]

شوفي ياقلبي انا باتكلم عن نفسي حاطه دفتر وقلم واكتب واشخط فيه هالمواجيب اللي اولدت واللي عرست واللي ساكنه بيت يديد واللي طلع لها ضرس العقل هههههههههههههههههههههههه يعني اكتب كل شغله بهالدفتر وعالمعاش اظبط اموري موملزومه اجهد ميزانيتي والهون ابرك مايكون
يعني مثلا وحده قريبه علي حيييييل صار لها موجب وبروح وماعندي هديه مامنع نفسي من الروحه علشان هديه لا يمه ايام الله وايده ماوديت الهديه اليوم اوديها بعدين المهم اني قمت بالواجب وروحتي بحد ذاتها كون اني فكرت اخصص لها من وقتي لوساعه البس واتسنع واحطها علي قائمه مشاويري واتعنا لها واروح هذى ابروحها اكبر من الهديه اذا اهيا تحبني وتعزني بتقدر ييتي لها والهديه عقب اوديها ماعندي مشكله
بس اذا العلاقه بعيده شوي يعني مرت ابو خال عم يدة ابوي لا والله اتركد واشوف الشي المناسب لميزانيتي اوديه واروح اهم شي اني مارحت ايدي خاليه واذا بتنقد علي هديتي ماتشوف شر انا سويت اللي علي واهيا كل ماتقوله من وراي بميزان الاعمالها

انا ماشيه علي نظام صار لي سنتين ومرتاحه حيييييل خليني اعلمجياه
شوفي ياقلبي لي استخبرت وحده من بناتنا حامل قمت ويبت ظرف ويمعت فيه كل شهر خمس دنانير لها علما تولد الا صاير المبلغ 45 دينار اشيلهم من الظرف واقط خمسه من مخباتي حق التغليف وقوطي الهديه واحط البيزات واوديهم حق اللي ولدت
ولي عرست وحده منهم اذا حزت المعاش تنقصت لها المقسوم والا شريت لها هديه واذا مووقت المعاش لا بالله انطر ولي طاحت البيزات بيدي ودين هدينها

وشوفي الحين عندي 3 اظرف قاعده اقط كل شهر 15 دينار لوبروح الجمعيه بشتري كاكاو وحلاو حق اليهال جان قطيت اكثر بس مثل ماعلمتج لي شغلتي مخج تطلعين احلي اقتصاديه منزليه بامتياز مع مرتبة الشرف

 

[الغاليه نونو]

شوفي ياقلبي انا باتكلم عن نفسي حاطه دفتر وقلم واكتب واشخط فيه هالمواجيب اللي اولدت واللي عرست واللي ساكنه بيت يديد واللي طلع لها ضرس العقل هههههههههههههههههههههههه يعني اكتب كل شغله بهالدفتر وعالمعاش اظبط اموري موملزومه اجهد ميزانيتي والهون ابرك مايكون
يعني مثلا وحده قريبه علي حيييييل صار لها موجب وبروح وماعندي هديه مامنع نفسي من الروحه علشان هديه لا يمه ايام الله وايده ماوديت الهديه اليوم اوديها بعدين المهم اني قمت بالواجب وروحتي بحد ذاتها كون اني فكرت اخصص لها من وقتي لوساعه البس واتسنع واحطها علي قائمه مشاويري واتعنا لها واروح هذى ابروحها اكبر من الهديه اذا اهيا تحبني وتعزني بتقدر ييتي لها والهديه عقب اوديها ماعندي مشكله
بس اذا العلاقه بعيده شوي يعني مرت ابو خال عم يدة ابوي لا والله اتركد واشوف الشي المناسب لميزانيتي اوديه واروح اهم شي اني مارحت ايدي خاليه واذا بتنقد علي هديتي ماتشوف شر انا سويت اللي علي واهيا كل ماتقوله من وراي بميزان الاعمالها

انا ماشيه علي نظام صار لي سنتين ومرتاحه حيييييل خليني اعلمجياه
شوفي ياقلبي لي استخبرت وحده من بناتنا حامل قمت ويبت ظرف ويمعت فيه كل شهر خمس دنانير لها علما تولد الا صاير المبلغ 45 دينار اشيلهم من الظرف واقط خمسه من مخباتي حق التغليف وقوطي الهديه واحط البيزات واوديهم حق اللي ولدت
ولي عرست وحده منهم اذا حزت المعاش تنقصت لها المقسوم والا شريت لها هديه واذا مووقت المعاش لا بالله انطر ولي طاحت البيزات بيدي ودين هدينها

وشوفي الحين عندي 3 اظرف قاعده اقط كل شهر 15 دينار لوبروح الجمعيه بشتري كاكاو وحلاو حق اليهال جان قطيت اكثر بس مثل ماعلمتج لي شغلتي مخج تطلعين احلي اقتصاديه منزليه بامتياز مع مرتبة الشرف

 

[MoonDiamond]

والله انا في ناس اعطيهم مثل خواتي وحمواتي وصديقاتي المقربات وما اطوف لهم مناسبه
اما الباقين اكتفى بالشاي والقهوه والحلو الراقي واللي يبيض الويه واهم شي ينوكل
والحمدلله مو مخليه احد واوجب الكل لان ماجوبهم خفيف ولا يضايقني ماديا

 

[مخطط برتقالي]

رد : ماتزورين ولا توصلين عشان الوجووب ؟؟؟؟

الغالية نونو صح الله لسانج وبدنج بعد..بس شنو ليمتى جذية؟والحين تقيدين بالاستقبال للمناسبة .يعني مايصير اوجبها الا بهالروحة اللي محددتها لنا ..وانا ترى موضد الهدايا ابدا بس ماودي تعيقنا الظروف المادية عن الوصل والزيارة؟ والا انتي اشرايج؟

 

[مخطط برتقالي]

رد : ماتزورين ولا توصلين عشان الوجووب ؟؟؟؟

شكرا كل الي ردوا..صح كلامج اختي مون وصراحة انا الحين اسوي جذية ..يعني مفيها شي ؟؟

 

[الغاليه ام احمد]

شنو نسوي هذي العادات
مانقدر نغيرها تعودنا عليها

بس فيه ناس تقدر وتعرف انه فيه ناس ما عندها

والله التوجيب يهز الميزانيه هز

 

[][ sarah ][]

فهمت قصدج حبيبتي وساعات المشكله مو بس باللي تودينه , حتى باللي تلبسينه
هم بعد مايصير الاوادم لابسين وكاشخين واحنا لا

انا عن نفسي عودت اللي حواليني اني اوجب القريب مني حيل بس البعيد مالي شغل فيه مو ضروري صراحه , وناويه حتى بعد مااتوظف واتزوج اكمل بهالشي لان اريح

بصراحه ماني مجبوره اتعب عمري عشان عرس والا ولاده ولا استقبال ولد عم خال ابو يد يد يد يدي !!
ترا في ناس جذي وان مارحتي ياكلونج بالحجي وانج مو راعيه واجب مع ان مالها داعي هالروحه حق الناس اللي حيل حييل بعيده

ومثل ماقالت الغاليه نونو اذا الوحده حملت تكونين عارفه وحاسبه حسابج من قبل , بس اذا مثل ماقلتي كثرت هالسوالف نفس مايصير عندنا , فشنو نسوي

بس بالولاده الاولى نوجب ونروح ونودي , وبالثانيه نروح واحيانا نودي واحيانا لا بس غالبا لو رحنا نودي , بس بعد الثانيه خلاص مصخت السالفه لانروح ولا نودي مو ضروري

والكل تعود على هالشي ومو بس احنا بيتنا لا حتى اللي حوالينا يعني صرنا جذي بعايلتنا الكبيره , خاصه ان صاروا ماشاءالله مواسم , موسم ماكو لا حمل ولا شي , ومره وحده تلقين 5 يحملون مع بعض وولادتهم تصير ورا بعض , يكون بينهم بس ايام ويصير ضغط مو طبيعي

فنحرص ان نوجب اللي اول مره حملت بس اللي ستين الف مره مو ضروري ومحد يزعل بس نتصل ونتحمدلها بالسلامه وبس

 

[][ sarah ][]

ويتلي فكره حلوه

بس هالاشياء يبيلها تطبيق جماعي مايصير انتي بروحج
يعني اللي قلتلج عنه ان احنا بس ولاده او ولادتين نوجب وبعدين لا

وهم تقدرين مثلا اذا ولاده ومو اول مره , تتفقين انتي واهلج انكم تتحاططون وتشترون هديه وحده او هديتين منكم , وتخلون هالطبع يسود بينكم وبترتاحووون

بس شوي صعبه ان الكل يتفق وانج تصنعين طبع يديد الناس تتقبله

 

[أنفاسي دخون]

والله ما فقرنا الا المواجيب بس الحق ينقال انها لناس تستاهل من يقدرها ويوجبها

وانا بالنسبه لي كل شهر حاطه ميزانيه لهالظروف تقريبا 70 دينار مرات يطوف الشهر ما تصير ولا مناسبه فاخليهم للشهر اللي وراه ما ادري وش الجاي من مناسبات وهكذا

وفي شغلة مسويتها من ايام عرسي ومرتاحه عليها حيل اسجل كل المواجيب بدفتر عشان ما اضيع احد ولا اقصر بحقهم

 

[مخطط برتقالي]

رد : ماتزورين ولا توصلين عشان الوجووب ؟؟؟؟

[جزاج الله خير اختني سارة وانفاسي دخون ..صح كلامج ساره بس مايصير مانوصل حتى لو والدة عشر مرات؟؟ بسبب الوجوب؟ هذا انا هدفي من الموضوع ..لازم نزور ونوصل ومايردنا السبب المادي ..والله يسعد اللي تفهم الموضوع وترد علية...

 

[مخطط برتقالي]

رد : ماتزورين ولا توصلين عشان الوجووب ؟؟؟؟

وييييييين الردوووووووووود؟ الله يسعد اللي كل ماتشوف الموضوع و ترد عليه

 

[مخطط برتقالي]

رد : ماتزورين ولا توصلين عشان الوجووب ؟؟؟؟

اسفين غلطة كل الي تشوف الموضوع؟؟؟

 

[مخطط برتقالي]

رد : ماتزورين ولا توصلين عشان الوجووب ؟؟؟؟

الموضووووع واقعي ومهم............شاركوني الراااااااااااااااااااااااااااااااااي

 

[Tom ♥ Jerry]

.


اذا بتروحين حق وحده وآلده أو مريضه آكيد لآزم تدخلين بايدج هديه
أو اذا مو هديه حلو أو فطآير > هاذي عآده الكويتيين من زمان

و اذا زياره عآديه هم مو حلو تدخلين و ايدج فاضيه


:*

 

[brettey]

رد : ماتزورين ولا توصلين عشان الوجووب ؟؟؟؟

والله شوفي انا صوب اهلي ماكلتها لان يوجبون بسنع فلازم اوجبهم يعني قصدي عماتي وخالاتي وحريم خوالي وبناتهم وبنات بناتهم وهم الاهل البعاد شوي اذا موجبيني اوجبهم وامي على طول توجبهم فيوجبوني عشان امي توجبهم
اما صوب حمولتي مفتكه ما اوجب الا نادرا لان مو كلهم وجبوني انا يوم اتزوج وولاداتي لا خالتي ولا حماتي الكبيره عطوني شي يوا ايدهم خاليه فعشان جذي يوم حماتي ولدت مرتين حتى ماكلفت عمري ورحت لها مو كفو
وهم عمات زوجي وبناتهم ما اوجبهم نهائي لانه ماوجبوني
وخالات زوجي وبناتهم الي موجبتني فيهم اوجبها اما حريم خوال زوجي الي موجبتني اوجبها والي ماوجبتني ما اوجبها لا اهي ولا بناتها
واوجبهم مثل ماوجبوني الي يعطوني فلوس اعطيهم فلوس والي هدايا اعطيهم هدايا الي تعطيني هديه سنعه اعطيها هديه سنعه والي هديتها اي كلام اعطيها هديه اي كلام وحده بوحده
انا صوب حمولتي مرتاحه ما اتخسر وايد لانهم مو ذالك الزود مع المواجيب صوبي فعشان جذي ما اوجبهم ابرك عن الخساير