ماتزورين ولا توصلين عشان الوجووب ؟؟؟؟

[CUTE_LIZ]

رد : ماتزورين ولا توصلين عشان الوجووب ؟؟؟؟

اعرف وحدة من الجماعة قطعت عادة المواجيب يعني اعلنت انها ماتبي احد يهدي بناتها بالنفاس عشان ماتهدي، يعني اذا نفسوا بناتها نقهويها ونجيبلها حلو بس الهدايا خلاص منعتها وفي شكثر ناس اعرفهم صاروا نفسها، يعني نفس طريقة العانية بالعروس لما رفضوها ونعتذر عن قبول العانية
بس زيارة وقهوة وحلو تكفي اهي ماشالله عليها جرئية وذكية بس تعرفين بعض الناس يستحون حتى لو يرهقون نفسهم ماديا ماقدروا يقطعون هالعادة...

 

[(كويتيه عسل)]

انا مااوجب الا اللي تستاهل مو كل من هب ودب اروحلها

كافي عليها اتصال او مسج

الحين على اي شي سووله مناسبه ولازم هديه وشي سنع وغالي

 

[مخطط برتقالي]

رد : ماتزورين ولا توصلين عشان الوجووب ؟؟؟؟

هذي النقطة الي مانبيها ؟؟؟ ان الوحدة ماتروح عشان ماعندها شي تهدية؟؟ لا ..وصح كلام البعض نحرص على الزياره لو معاج حلو بس..والا اشرايكم ؟؟ابي تفاعل وردوووود الله يسعد اللي تردددددددددددددددددددددددددددد

 

[** نــــــــــــــــور **]

صح لسانك نونو صار الواحد يقطع ارحامه علشان هالهدية
الله يسلمج ايش سويت انا وخواتى وحرايم اخوانى قررنا قطع الهداياء بالولادات نسوى قهوة وشاى وحلا وفطائر للنفاس احياناا فطور عشاء غدء نسوي لها وغلبا الهدية الولادة قبل نهدى للعاشر الحين لا البكر وبس
اما لواجيب الثانية اللى يوجبنى اوجبه واحطه فوق راسي لان في ناس تستاهل لان لو تمرضين او يصير فيج شي رفعوا سماعة التليفون واسالوا عنج او زيارة مو لازم قهوة وحلا المهم الرفيق يسأل عن رفيقه واهى مناسبات تجى بين فترة وفترة كلش بصوب والولادة بصوب ثاني

 

[** نــــــــــــــــور **]

نسيت بضيف شغله

انا عندى الزيارة اهم من الهدية اول لما كاانوا الناس بسطيين ايش كثر تواصلهم الحين الجار يموت ومحد عرف عنه

 

[الجفول&]

رد : ماتزورين ولا توصلين عشان الوجووب ؟؟؟؟

شوفي انا الي اهدوني فعرسي قاعد اردلهم هداياهم اذا صار عندهم عرس اما النفاس انا الحين حامل فبجري فاروح اقهوي واخذي حلو كشخه وفخم بس ماهدي لان انا مابي احد يهديني بنفاسي لان ماراح انخلص فالحين مريحه عمري .

 

[manhattan girl]

رد: رد : ماتزورين ولا توصلين عشان الوجووب ؟؟؟؟

اللي فهمته منج انج تشتكين من هالعاده الشينه ألا و هي انه لازم نروح نوجب الناس و بيدنه شي ما تكون خاليه
اذا جذي قصدج آنا عن نفسي اروح اوجب حتى لو ماكان بيدي شي لأنه كل انسان و ظروفه يكفي انج خصيتيها و وجبتيها و بعدين اذا قدرتي بعدين عطيها .

معاها بالراي و تقبلي مروري حبوبه

 

[أهداب]

رد : ماتزورين ولا توصلين عشان الوجووب ؟؟؟؟

والله شوفي انا صوب اهلي ماكلتها لان يوجبون بسنع فلازم اوجبهم يعني قصدي عماتي وخالاتي وحريم خوالي وبناتهم وبنات بناتهم وهم الاهل البعاد شوي اذا موجبيني اوجبهم وامي على طول توجبهم فيوجبوني عشان امي توجبهم
اما صوب حمولتي مفتكه ما اوجب الا نادرا لان مو كلهم وجبوني انا يوم اتزوج وولاداتي لا خالتي ولا حماتي الكبيره عطوني شي يوا ايدهم خاليه فعشان جذي يوم حماتي ولدت مرتين حتى ماكلفت عمري ورحت لها مو كفو
وهم عمات زوجي وبناتهم ما اوجبهم نهائي لانه ماوجبوني
وخالات زوجي وبناتهم الي موجبتني فيهم اوجبها اما حريم خوال زوجي الي موجبتني اوجبها والي ماوجبتني ما اوجبها لا اهي ولا بناتها
واوجبهم مثل ماوجبوني الي يعطوني فلوس اعطيهم فلوس والي هدايا اعطيهم هدايا الي تعطيني هديه سنعه اعطيها هديه سنعه والي هديتها اي كلام اعطيها هديه اي كلام وحده بوحده
انا صوب حمولتي مرتاحه ما اتخسر وايد لانهم مو ذالك الزود مع المواجيب صوبي فعشان جذي ما اوجبهم ابرك عن الخساير

سبحان الله نفس حالتي ونفس الكلام اللي كنت بقوله:eh_s(7):

 

[مخطط برتقالي]

رد : ماتزورين ولا توصلين عشان الوجووب ؟؟؟؟

نور كلامج صح.والجفول بعد خليج جذيه اريح .انا الحين جذيه

 

[ضحكت حبيبي]

رد : ماتزورين ولا توصلين عشان الوجووب ؟؟؟؟

انا احس مو ظروري بس بامانه ولا مرة دخلت وايدي فاضيه

بس عن نفسي انا مايهمني اذا يابولي شي والا لا

اهم شي وجبوني وحظروو

والحين الناس والله شبعانين ملابس وهدايا والعاب حق الصغار

حتى الياهل تسالينه شنو تبي هديه ما يدري من كثر الاغراض

حتى الناس بتشترينلهم عطورات تلقين متروس عندهم وتروحين ولاده جياس الملابس بتطلع لي بره الغرفه

بتزورين ناس تلقين الكل يايب الكاكاو الناس من كثره ما يدرون شسوون فيه ودهم يقولونلج اخذيه وانتي طالعه

صار شي مو ظروري

 

[eman12]

شوفي ياقلبي انا باتكلم عن نفسي حاطه دفتر وقلم واكتب واشخط فيه هالمواجيب اللي اولدت واللي عرست واللي ساكنه بيت يديد واللي طلع لها ضرس العقل هههههههههههههههههههههههه يعني اكتب كل شغله بهالدفتر وعالمعاش اظبط اموري موملزومه اجهد ميزانيتي والهون ابرك مايكون
يعني مثلا وحده قريبه علي حيييييل صار لها موجب وبروح وماعندي هديه مامنع نفسي من الروحه علشان هديه لا يمه ايام الله وايده ماوديت الهديه اليوم اوديها بعدين المهم اني قمت بالواجب وروحتي بحد ذاتها كون اني فكرت اخصص لها من وقتي لوساعه البس واتسنع واحطها علي قائمه مشاويري واتعنا لها واروح هذى ابروحها اكبر من الهديه اذا اهيا تحبني وتعزني بتقدر ييتي لها والهديه عقب اوديها ماعندي مشكله
بس اذا العلاقه بعيده شوي يعني مرت ابو خال عم يدة ابوي لا والله اتركد واشوف الشي المناسب لميزانيتي اوديه واروح اهم شي اني مارحت ايدي خاليه واذا بتنقد علي هديتي ماتشوف شر انا سويت اللي علي واهيا كل ماتقوله من وراي بميزان الاعمالها

انا ماشيه علي نظام صار لي سنتين ومرتاحه حيييييل خليني اعلمجياه
شوفي ياقلبي لي استخبرت وحده من بناتنا حامل قمت ويبت ظرف ويمعت فيه كل شهر خمس دنانير لها علما تولد الا صاير المبلغ 45 دينار اشيلهم من الظرف واقط خمسه من مخباتي حق التغليف وقوطي الهديه واحط البيزات واوديهم حق اللي ولدت
ولي عرست وحده منهم اذا حزت المعاش تنقصت لها المقسوم والا شريت لها هديه واذا مووقت المعاش لا بالله انطر ولي طاحت البيزات بيدي ودين هدينها

وشوفي الحين عندي 3 اظرف قاعده اقط كل شهر 15 دينار لوبروح الجمعيه بشتري كاكاو وحلاو حق اليهال جان قطيت اكثر بس مثل ماعلمتج لي شغلتي مخج تطلعين احلي اقتصاديه منزليه بامتياز مع مرتبة الشرف

ماشاء الله عليج تبارك الرحمن الله يبارك لج برزقج عجبتنى فكرتج حيل

 

[Sa7aBa]

رد : رد: ماتزورين ولا توصلين عشان الوجووب ؟؟؟؟

شوفي ياقلبي انا باتكلم عن نفسي حاطه دفتر وقلم واكتب واشخط فيه هالمواجيب اللي اولدت واللي عرست واللي ساكنه بيت يديد واللي طلع لها ضرس العقل هههههههههههههههههههههههه يعني اكتب كل شغله بهالدفتر وعالمعاش اظبط اموري موملزومه اجهد ميزانيتي والهون ابرك مايكون
يعني مثلا وحده قريبه علي حيييييل صار لها موجب وبروح وماعندي هديه مامنع نفسي من الروحه علشان هديه لا يمه ايام الله وايده ماوديت الهديه اليوم اوديها بعدين المهم اني قمت بالواجب وروحتي بحد ذاتها كون اني فكرت اخصص لها من وقتي لوساعه البس واتسنع واحطها علي قائمه مشاويري واتعنا لها واروح هذى ابروحها اكبر من الهديه اذا اهيا تحبني وتعزني بتقدر ييتي لها والهديه عقب اوديها ماعندي مشكله
بس اذا العلاقه بعيده شوي يعني مرت ابو خال عم يدة ابوي لا والله اتركد واشوف الشي المناسب لميزانيتي اوديه واروح اهم شي اني مارحت ايدي خاليه واذا بتنقد علي هديتي ماتشوف شر انا سويت اللي علي واهيا كل ماتقوله من وراي بميزان الاعمالها

انا ماشيه علي نظام صار لي سنتين ومرتاحه حيييييل خليني اعلمجياه
شوفي ياقلبي لي استخبرت وحده من بناتنا حامل قمت ويبت ظرف ويمعت فيه كل شهر خمس دنانير لها علما تولد الا صاير المبلغ 45 دينار اشيلهم من الظرف واقط خمسه من مخباتي حق التغليف وقوطي الهديه واحط البيزات واوديهم حق اللي ولدت
ولي عرست وحده منهم اذا حزت المعاش تنقصت لها المقسوم والا شريت لها هديه واذا مووقت المعاش لا بالله انطر ولي طاحت البيزات بيدي ودين هدينها

وشوفي الحين عندي 3 اظرف قاعده اقط كل شهر 15 دينار لوبروح الجمعيه بشتري كاكاو وحلاو حق اليهال جان قطيت اكثر بس مثل ماعلمتج لي شغلتي مخج تطلعين احلي اقتصاديه منزليه بامتياز مع مرتبة الشرف

يزاج الله خير_ انا معاها
وفكرتج حلوه_ ان شاء الله بطبقها من الشهر الياي

 

[aṕriliå]

رد : ماتزورين ولا توصلين عشان الوجووب ؟؟؟؟

آكو منآسبآت لآزم توجبين وتجيبين هدية

بس كل شي يرجع للظروف

 

[<miss botamba>]

شوفي انا مو متزوجه

اذا انا ورفيجاتي تمعنا في بيت على غدا او عشا اوكي اودي معاي

عيد ميلاد مو كلهم اعطيهم الاا القراااااااااااااااااااااااااب حيل

زواج او ولاده

مانشتري هديه نتحاطط مبلغ ونعطيها انا اشوف افضل من كاكاو والا اشياء ماتستفيد منها

وبس نعطيها باول ياهل


الحين انيي صوب الاهل

بالزواره الاسبوعيه كل اسبوع العشا على ناس ومايمنع الباجي يشاركون باطباق

بالعروس غير البوفيه امي تسأل اهل العرس اذا محتاجين شي واوقات كل عايله تحط طبق يصير ركن كله اكل بيت

الولادات نروح نوجب بس مانودي معانا شي بس عقب الاستقبال امي تطرش الهديه

احد مريض اذا ياهل نوديله لعبه وجذي شي حق سنه واذا كبير علبه كاكاو صغيره حق المريض نفسه مو شرط اودي صينيه حق العالم كلها واوقات مانودي حسب المريض نفسه

وبس جذي

واوقات عادي تدشين ايدج فاضيه مو مشكله

اهما يبونج انتي اتيين مو الاشياء الثانيه وبعدين اكيد البيت الي فيه عزيمه متزهبين مو ناطريني انا ايي علشان اييب معاي


احنا هذا المتعارف عليه عندنا مو شرط اساسي انج اتيبين

 

[كيكه توفي]

لازم اذا بتروحين حق ناس بإيدج شي مو حلو إيدج فاضيه وانا عن نفسي اذا ما كان عندي ما اروح استحي ادش ايدي فاضيه