هل ملابس الفتاه يحدد اخلاقها وشخصيتها...؟

[**فجر]

.
هل ملابس الفتاهـ يحدد اخلاقها وشخصيتها ...؟


لبس الشعوب بأنواعه يعتبر منظر حضاري وتاريخي فأحيانا يتم التعرف على جنسية الشخص وبلده من خلال لبسه .


ولكن بعد ظاهرة الإنفتاح والعوامل التي أدت إلى جعل الكرة الأرضية كقريه واحده تداخلات الحضارات مع بعضها وغيرت أزياء وأشكال الملابس .

ولكن ...


هل أصبحت الملابس وسيله لتحديد شخصية الانسان وأخلاقه ؟


الفتاة تلبس قصير=غير شريفه وتهين سمعت مجتمعها


الفتاة تلبس ضيق=غير شريفه وتهين سمعة مجتمعها


الفتاة لبسها واسع=إنها حقا 100%ملاك ما تعرف الغلط


الفتاة لبسها إسلامي=هذه الفتاة آية من الأخلاق


هل هكذا أصبحت الأحكام الآن .. ؟


وهل هي بنظركم صحيحه .. ؟


اتمنى ان ارى اجاباات الجميع

 

[ودوده الحلوه]

هلا فجورة حبيبتي انا اشوف ان اللبس له دور كبير واساسي ويعكس شخصية البنت وتربيتها والبنت كلما كان لبسها محتشم ومحترم كان احلى واذرب وربي ما امر بشي الا فيه مصلحة للانسان

 

[monmon12]

اي اختي الملابس دليل على شخصية الانسان

احنا نعرف عن الرسول والصحابة والأمة من لبسهم انهم يحبون النظافة والترتيب

وكان لبسهم دليل على تواضعهم

أيضا لبس الانسان دليل على حالته النفسية فالي تكون نفسيته تعبانه دايما يميل الى لبس الملابس الغير مرتبه او لا يهتم كثيرا بلبسه

وهذا مثال طبعا

 

[ام جوري89]

رد : هل ملابس الفتاه يحدد اخلاقها وشخصيتها...؟

شوفي بتكلم معاج بصراحه ..


الملابس مو دايماً تحدد الشخصية والاخلاق ! يعني ساعات تشوفين وحده لابسه قصير بس اخلاااااااااااااااااق ماكو منها

وساعات تشوفين وحده نقاب وعبايه ومادري شنو .. وتشوفين اخلاقها صفـــر !!

والملابس 53% تعتمد على الاهل والبيئه الي عايشه فيها مالها شغل بالاخلاق احياناً !


يعطيج العافيه حبيبتي على الموضوع
وسبحان الله العظيم .. سبحان الله وبحمده

 

[catwiti]

احنا بمجتمعنا عندنا البنت ممكن تبين تربيتها او اخلاقها من لبسها
الغرب لما البنت تلبس تلبس حفر او كت او قصير او شورت وحته البكيني مايقولون هاذي مو متربيه او ماتستحي او فاصخه الحيا بحكم انهم غير مسلمين ومايلتزمون بتعاليم دينهم لان حته دينهم يمنعهم من هاللبس بس اهم مايلتزمون ويعتبرونه عادي
بس عندنا غير كل لمافصخت الوحده بينت البيئه الي طالعه منها
يعني لي شفنا وحده لابسه لقنز و بدي قصير مايغطي المؤخره وجسمها مصرصر شنو بتقولين عنها؟ فاصخه الحيا صح
ولي شفنا وحده تمشي وبلوزتها قصيره وشوي تبين بطنها بنبقق عيونه ونخزها خز لان نشوفها ماتستحيييي
والاخلاق مجموعه من الصفات اما الحيا صفه وحده فممكن اهي عندها اخلاق بس صفة الحيا مو موجوده عندها
واللبس مثل مايبين التربيه والاخالق فهو يعكس الشخصيه
وبعدين اصلا الشبااب ليشافو بنت مصرصره ولا مفصخه بيلحقونها وبغازلونها لانهم يسترخصونها مثل مااهي مسترخصه نفسها ويدرون انه عندها المغازل عادي او ممكن انها تكلم لانهم شافو لبسها الي عكس تربيتها بس المحتشمه نادر يتعرضون لها لانها حافظه نفسها ولبسها يعكس اخلاقها

 

[ابي قطوة]

رد : هل ملابس الفتاه يحدد اخلاقها وشخصيتها...؟

شي طبيعي

 

[manhattan girl]

والله يا عزيزتي اهو على حسب بس الاغلبيه يعتقد ان لبس الانسان مدلول على طبعه و اخلاقه بس على قولتج مو مقياس و ياما تحت السواهي دواهي ( تقبلي مروري حبوبه )

 

[عطورات المطيري]

رد : هل ملابس الفتاه يحدد اخلاقها وشخصيتها...؟

انتي قلتي انه الملابس تعكس المجتمعات وديانتها
الي صرت اشوفه شي ماله علاقه لابدينا ولاباخلاقنا ولاحتي حضارتنا
اهو فعلا ان الملابس تعكس شخصيتها وتربيتها
والحين الي صاير الملابس الفاضحه

 

[ســتارز]

طبعا الملابس تحدد شخصية راعيها مثلا وحدة لابسة بدلة راقية ومرتبة وتلق نظافة تعرفين انها ذربة وعاقلة

غير اللي لابسة ستين لون واكسسوارات مخلط تحسين شخصيتها هستيرية

اما المفصخات وااللي لبسهم يفشل يدل على سوء تربيتهم

 

[monmon12]

مشاركه ثانيه لي تذكرتها

تدرون أن في مقابلات العمل يحكمون على الشخص من طريقة لبسه ؟؟

يعني يشوفون شنو لبسه الي يقابلهم فيه ويعطيهم انطباع عن الشخص

صح يمكن لابسة قصير ومئدبة وخلوقه بس ايهي ما استحت من الله طالعة باللبس هذا فلشون مع الناس ؟؟

وبالنسبة للي يستخدمون اللبس هذا كغطاء هذا مو دليل على النفاق ؟؟

اذا اللبس طريقة للحكم على الناس

 

[Leann]

رد : هل ملابس الفتاه يحدد اخلاقها وشخصيتها...؟


حبيبتي اكييد هالشي يوضح شغلات وايد

انا أؤمن ان بامكان الشخص ان يتعرف على عدة جوانب من شخصيات الناس من خلال اشياء صغيره


و منها اللبس

ماقول اللي تلبس قصير قليله ادب و غير شريفة .. لكن كونها لبست شي يجذب الانتباه فهذا دلالة على انها insecure
او ممكن يعني انها من النوع المتمرد اللي تحب تسوي كل شي عكس الناس على مذهب خالف تعرف


و الناس اللي ما تهتم بنظافه ملبسها هذي اكيد مهمله في شغلات ثانيه

يعني وايد وايد شغلات تقدرين تعرفينها من طريقه لبس الشخص .. بدون الدخول في سالفه شرف البنت .. تقدرين تعرفين شخصيتها من خلال الالوان اللي تميل لها او ستايلها باللبس

على فكرة وايد مصميين ديكور اجانب يحبون يطالعون خزانة ملابس الشخص اللي يبون يصممون له البيت .. يقولون ان يعرفون وايد شغلات من شخصيه الشخص من خلال هدومه

 

[ضحكت حبيبي]

رد : هل ملابس الفتاه يحدد اخلاقها وشخصيتها...؟

مو دايماا

انا احس 80 % تعكس شخصيتهم

والباقي 20 % منقسمين

فئة تلبس وااسع وشكلها من بره ملاك ومن داخل العكس تلقين حتى صلاه ما تصلي

وفئة تلقينها مو متحجبه ومتحررة باللبس بس تلقينها اخلاق وصلاة

ومرة تحسفت والله على بنات بالمارينا لابسين قصير بس وقت الصلاة لقيتهم بالمصلى وعندهم جياس شايلينهم معاهم كل وحده يايبه ثوبها معاها والله قلت بقلبي حسافه بس على لبسكم دامكم محافظين على الصلاه لدرجه شايلين معاكم اثوابكم

هذا رايي الشخصي وما اعمم على الكل

والله يهدي الجميع
ومشكوورة على الموضوع

 

[حرم القيصركمودس]

رد : هل ملابس الفتاه يحدد اخلاقها وشخصيتها...؟

امبله يعكس شخصيتها
لان اذا بنت لبست ضيق وقصير تكون عندها جراة بشكل سلبي انها تكشف روحها جدام اجانب
وعندها عادي يعني خلى يشوفوني مو مهم عندها

لكن واايد بنات لبسهم اوكي بس اخلاق ماكوو

ومشكورة فجورة الامورة على الموضوع
يعطيج العافية

 

[الفنانة لؤلؤة]

اللبس بشكل عام مو مقياس للحكم على الأشخاص،، لكن بعض اللبس يفرض نظرية معينة على صاحبة
وفي لبس يعطي إيحاء سلبي عن الشخص إللي يدامج
الله يهدي الجميع

 

[يمة يادلبي]

اكيد الملابس اتحدد اخلاق البنت
يعني تيييلج وحدة لابسة قصير ومزلط واتقولج انا محترمة زين آمنا بالله انتي محترمة ليش ماتكملين احترامج واتعدلين بلبسج
ولا تنسون مهما الناس اتطورت بتفكيرها لا يات تحكم عالناس اول شي تحكم عليها من لبسها

 

[$حبيبة عبودي$]

اكيييييد اللبس اهو اللي يحدد واللي تقول غير جذي ماعندها سالفه مع احترامي للجمييييييع

 

[M!Ss Smart]

شوفي اهوا له تأثير كبير على البنت لان الناس تحكم اذا انتي شريفه ولا صايعه من لبسج
لكن في بعض البنات يلبسون فاصخ على النيه على ان تبي تكشخ وتطلع حلوه وماتدري شنو الناس راح يحكمون عليها وفي تلبس بوشيه وعبايه راس واهيا رايحه فيهاااااااا
ولله يهدي الجميع

 

[كا د يا]

رد : هل ملابس الفتاه يحدد اخلاقها وشخصيتها...؟

انا بسراحه اشوف ان اللبس له دور بس مو مره لان بسراحه فيه ناس يلبسون ملابس مستره واخلاقهم سيئه والعكس
وانا بسراحه اشوف ان البس القصير يعني لا حد الركبه مثلا او البنطلون الي ما يكون ضيق مره وغيره من الملابس قدام الحرايم عادي ما فيها شي
وانا ما قلت كذا الاني سمعت انه انشاء الله ما فيها شي
(استغفر الله لااله الاالله والله اكبر)

 

[النشبه88]

اللبس العاري هذا قلة خوف من الله وله علاقة بمدى قرب الشخص من ربه بالنسبه للبنات بغض النظر عن الاخلاقيات
وهم بالنسبه للي لبسهم ساتر ياما تحت السواهي دواهي ما تدرين شنو نوايا الشخص من داخل
ياما ناس يعطون انطباع انه الديانه شاقتهم وتلقين فيهم نفاق
بس هذا مو معناته انه ممكن يجتمع اللبس الساتر اللي فعلا يدل على اخلاقيات عالية وتكون بالفعل موجوده
والله يصلحنا ويهدي الكل

ما اعبر على الجديه اللي انا فيها

ومشكورة على الموضوع

 

[عبير الشرق 19]

اكيييييد اللبس اهو اللي يحدد واللي تقول غير جذي ماعندها سالفه مع احترامي للجمييييييع

مرحبا قدساويه حبيت اعلق علي كلامج انه غير صحييح انا وحده منقبه بس اذا طلعة لازم احط ميك اب ناعم عبايتي تكون مرتبه علي جسمي لازم اتعطر بالمختصر شكلي ملفت بس علي سنع يعني شكلي يفتح النفس لاي شخص يشوفني خصوصا اذا كنت مع زوجي احب اكشخ حييل مع هذا انا ولله الحمد انا قمه من الاخلاق والادب
ملاحظه
اهنيج علي هالنك الحلو لاني من عشاق القادسيه