هل ملابس الفتاه يحدد اخلاقها وشخصيتها...؟

[كيكه توفي]

لا ماله شغل عرفت بنات لبس قصير وضيج بس يهبلون واخلاق وصلاة وكل شي وشفت بنات لبس واسع ومحتشم بس اخلاق ماكو اللبس ماله علاقه بالشخصيه والاخلاق هذا من رايي

 

[&جامعيه&]

رد : هل ملابس الفتاه يحدد اخلاقها وشخصيتها...؟

اممم قبل كنت اقول اى اللبس يحدد شخصيه البنت
بس اللى اشوف بالكليه الحين وااايد صادفت بنات بلبسون تنانير قصيره وبنطلونات ضيقه شوى بس محترمااااات ونفسيتهم حلوه وحبوبين وفى العكس وفى بنات ساتره نفسها من فوق لى تحت بس لااسلوب ولا اخلاق وتعرف اتعامل مع الناس فاللبس مايحدد الشخصيه انا من راى اسلوبها وطريقه تعاملها وكلامها يحدد اهى شنووو

 

[M!s$ GoOnA]

رد : هل ملابس الفتاه يحدد اخلاقها وشخصيتها...؟

انا بالنسبه لوجهت نظري ان هذا الشي اكيييد 100% بس على حالات
اول شي .. يمكن تكون الوحده لابسه ذيج العبايه والحجاب والنقاب وتقولين ياحليلها ويازينها بس لا تكلمينا ولا تختلطين وياها تعرفين ان اهيا ولا شي وان كل هذا بس مظااهر خداعه

وثاني شي .. يمكن تكون مغصوبه على هالبس مع ان اخلاقها عكس هاللبس المحتشم

واخر شي .. اذا شفتي وحده لابسه لبس مو شي هذا الشي يأكد انها هذي اخلاقها لان مستحيل احد يجبرها على هاللبس او يمكن في حالات نادره انها خوش وحده

وهذي وجهة نظري

 

[عناقيد الجنه]

اللبس يعكس بعض جوانب شخصية البنت

بس ما أقدر أحكم على أخلاقها من لبسهااا

مجرد أعرف بعض جوانب شخصيتهااا

ومن هالجوانب انها فاصخة الحيا مثلا اذا كانت لابسة قصير وضيق

 

[وضح النقى]

رد : هل ملابس الفتاه يحدد اخلاقها وشخصيتها...؟



نعم .


اللبس يحكم على الشخصية سواء ذكر وإلا أنثى ,


المحترمة يكون لبسهآ محترم والعكس صحيح

 

[غلا 2000]

اللبس مايحكم على الشخص بصراحه في بنات يلبسون دسوس وبوشيه وبصراحه يتكلمون عن الدين وحالتهم حاله وأهم بالأساس حش ونميمه بالناس وجذب ونفاق بس موكلهم أنا أقول البعض وفي بنات يلبسون النقاب العادي ومحتشمات ويمشون سيده وفي بنات مايلبسون نقاب بس يمشون سيده محترمات اللبس مايحكم على الشخص بالأخلاق

 

[حربيه وبس]

رد : هل ملابس الفتاه يحدد اخلاقها وشخصيتها...؟

انا اعتقد انه الملابس تشكل 50 % من شخصية الانسان

 

[$ بنت علمي $]

اكيد اللبس يحدد الشخصية والاخلاق !!!!الا بعضهم يكوونون مغصوبين على اللبس المحتشم

بتقولين شلون؟؟؟

يعني اللي لبست لبس وااسع وطويل احترمت نفسهاااا ويدل على انهاااا محترمة

واللي لبست قصير وشعر وحالتهااا حاله هااذي ابدااا مااحترمت نفسهااااا

وشكراااااااااااااااااااااا

 

[sweet.sanfoora]

اللبس يبين ستايلج

بس كلش ماله علاقة بالاخلاق

ياما بنات يلبسون عبي بس مو زينين
وياما بنات سفور اخلاق وتربية
يعني كلش ماله علاقة

 

[Bent extra 3asal]

رد : هل ملابس الفتاه يحدد اخلاقها وشخصيتها...؟

فـي رأيي أنا لا والف لا

ياما بنات متسترات ولكن للأسف ما اعندها اخلاق وانا تكلم من باب الواقع وانا اعرف بنات جذي

وياما بنات لبسه عاري وفاضح لكن شريفه

وانا بكلامي ما اقصد الكل لا البعض وهذا نوع من المثااال اتمنى فهمتيني

وبلأخر الانسان مو بملابسه الانسان بشخصيته

يعني انا البس قصير بس مو فاضح ومرات البس مستر عادري هل هذا اني بنت مو زينه ؟؟

الي يجاوبج على سؤال

التصرفااات وبس

واشكرج على طرح الموضوع

 

[monmon12]

حبايبي الي يقولون أن اللبس ما يحكم على الشخصية؟؟

انزين انا اقولكم شي عشان تعرفون اذا كلامك صح او لأ

1- اذا شفتي وحده لابسه ملابس ايمو او عبده شيطان شنو تقولين عنها؟؟ بنت سويه او طبيعيه؟؟
2- اذا شفتي وحده لابسة بكيني على البحر بس ماتحاجي صبيان ؟؟ هل هذي شريفه؟؟
3- اذا شفتي وحده لابسة أخضر مع أزرق مخطط بوردي فسفوري راح تقولين انه الله ذوقها حلو؟؟
4- اذا شفتي وحده لابسة ملابس معلجه ومو مضروبه اوتي راح تقولين عنها هذي نظيفه ومرتبه؟؟
5- اذا شفتي وحده لابسه ملابس حلوه ومرتبه وحاطه ميك اب خفيف راح تقولين انه هذي البنت صايعه وقليلة ادب؟؟
6- اذا شفتي وحده لابسة عباية ومسنورة ومغطيه جسمها كله ولا بسه مخصر ولا شي أقول عنها هذي تغازل صبيان؟؟
7- اذا شفتي وحده لابسة ملابس صبيان وتتكشى راح تقول عليها هذي انثى؟؟

اشرايكم بس
انا اقدر اكتبلكم أمثله أكثر
بس انا اعتقد الفكره وصلت

اللبس يعطني انطباع عن الشخص ووكذلك عن شخصيته حبايبي

ومهم جدا ضروري انه نلبس اللبس المحترم الساتر سواء متحجبة او لأ

لأنه اللبس اقدر احكم منه على نظافة وذوق وحتى شخصية الانسان

 

[FeShinGoOo]

رد : هل ملابس الفتاه يحدد اخلاقها وشخصيتها...؟

والله اذا شفت وحده لابسه هالضيج واللي طالع اكثر من الي منخش وكاتبه على مؤخرتها كيس مي ولا حاطه كتبه بالفسفوري اكيد بقول عنها جليلة حيا ومو محترمه ولا محتشمه ولا عندها شرف

 

[سمسومه الحبوبه]

اكيد يحدد شخصيتها واخلاقها

صح موكل متستره عاقله
بس ما اظن ان فيه عاريه عاقله

 

[نور مغليها]

رد : هل ملابس الفتاه يحدد اخلاقها وشخصيتها...؟

لا مو صج بالعكس في كثير بنات مثلا يكونون مو متحجبات وهما محترمات وعاقلات وهاديات ....
يعني مو شرط ... والطريقه هذي مو حلوه للحكم ع الناس وع شخصياتهم

 

[شمالية غربية]

رد : هل ملابس الفتاه يحدد اخلاقها وشخصيتها...؟

اكيد اللبس يساعدج تكونين حكم على الانسانة اللي قدامج
واللي صدمني اكثر
دراسة امريكية
تحكم على اخلاق البنات من مدى جراة لبسهم
تخيلوا هذا بامريكا اللي كلهم جنزات وشورتات
والرجال ينقدون على المتعريات واللي يلبسن لبس مغري
ويوصفونهن انهن لعوبات وغير جديرات بالثقة
خصوصا في مجال العمل
وكزوجات ارتفاع احتمال الخيانة
فما بالكم بمجتمعنا العربي الاسلامي
اكيد السفور بتحصل انتقادات كثيرة

 

[الزين 85]

رد: رد : هل ملابس الفتاه يحدد اخلاقها وشخصيتها...؟

شوفي بتكلم معاج بصراحه ..


الملابس مو دايماً تحدد الشخصية والاخلاق ! يعني ساعات تشوفين وحده لابسه قصير بس اخلاااااااااااااااااق ماكو منها

وساعات تشوفين وحده نقاب وعبايه ومادري شنو .. وتشوفين اخلاقها صفـــر !!

والملابس 53% تعتمد على الاهل والبيئه الي عايشه فيها مالها شغل بالاخلاق احياناً !


يعطيج العافيه حبيبتي على الموضوع
وسبحان الله العظيم .. سبحان الله وبحمده

معاها وكلامها صحيح
بنات يعتمد على التصرفات وشلون البنت تحترم اللبس اللي عليها صج مو مسألة لابسة قصير يعني مو متربية او لابسه نقاب محتشمه ترا التصرفات اهيا اللي تحكم :aha:

 

[أإلع ـشق دلع ـهـأإ]

اللبس بشكل عام مو مقياس للحكم على الأشخاص،، لكن بعض اللبس يفرض نظرية معينة على صاحبة
وفي لبس يعطي إيحاء سلبي عن الشخص إللي يدامج
الله يهدي الجميع

معآهآ ..:icon30:

 

[آالنووفي]

.


شوفي ترى اهو موبس اللبس يحدد شخصيه البنت كل تصرف يطلع منها يحدد شخصيتها بمجتمعنااااا ..

واللبس شي أكييد يحدد شخصيتها وأخلاقها ويحدد بيئتها ,, والصراحة المفروض البنت ماتلبس لبس فاضح اذا بنشوف من الناحية الدينية ولاتنسين احنا دولة مسلمة يعنى المفروض البنات يتسترون ...




.​

 

[منوة القلب]

مرحبا قدساويه حبيت اعلق علي كلامج انه غير صحييح انا وحده منقبه بس اذا طلعة لازم احط ميك اب ناعم عبايتي تكون مرتبه علي جسمي لازم اتعطر بالمختصر شكلي ملفت بس علي سنع يعني شكلي يفتح النفس لاي شخص يشوفني خصوصا اذا كنت مع زوجي احب اكشخ حييل مع هذا انا ولله الحمد انا قمه من الاخلاق والادب
ملاحظه
اهنيج علي هالنك الحلو لاني من عشاق القادسيه

اسمحيلي حبيبتي على المداخله .. تعطرين اذا طلعتي لاماكن عامه يعني مثل سوق مستشفى او مطعم ..؟

اذا كانت اجابتك ايه ... فاسمحيلي اقولك حرااااااااام مايجوز.. واسفه على المداخله

بس حبيت انبهك وانبه البنات .. ترى حرااااااااااام تتعطرون وانتم رايحين لاماكن عامه والله حرام

وحكمه والله قوي وابحثوا عن حديث لرسول انا راح اقول اوله وراح يطلعلك الباقي بقوقل أكتبي ( ايما امرآة خرجت وهي متعطره ....... ) ماراح اكمل عشان محد يزعل مني


................

اما عن الموضوع الاساسي نعم اللبس يحدد الشخصيه .. وانا احكم على الشخص من لبسه

اي وحده تطلع من بيتها وهي كاشخه بضيق او قصير وعاري فهي تبي تلف الاتنباااااااااااااه

واي واحده تبي تلف الانتباه بالاماكن العامه فهذا يدل على وجود نقص باخلاقها وتربيتها

 

[زيــن المـهـا]

رد : رد: هل ملابس الفتاه يحدد اخلاقها وشخصيتها...؟

هلا فجورة حبيبتي انا اشوف ان اللبس له دور كبير واساسي ويعكس شخصية البنت وتربيتها والبنت كلما كان لبسها محتشم ومحترم كان احلى واذرب وربي ما امر بشي الا فيه مصلحة للانسان

كلااااامج 100% عدل ولبس البنت اكبر دلييل على شخصيتها وتربيتها وسوال يطرح نفسه اذا يتلج بنت لبسها مزلط بتقولين انه هاذي البنت ماكو اشرف منها وانها ملاك نازل على الارض؟؟:eh_s(10):​