بنات تكفون ذبحني التفكيروسبب تاخرحملي

[ميرايه]

يسعدمساكم حبيباتي

بدش بالموضوع على طول انا صارلي من شهر 1/2010تاركه الموانع وابي احمل يعني للحين 11شهروالله كثر التفكير بالحمل ذبحني كل شهرانطرالدوره واقعداحسب خلصت الدوره بعدها احسب متى التبويض واحسب متى الجماع لازم يتم واسجل متى تم الجماع وباي وقت واحسب واحسب وانطربالدقيقه متى قرب موعد الدوره وقبل الدوره بكم يوم اقعد امني نفسي بالحمل واحلم واحلم وكله قاعده عالنت باقسام الحمل والولاده واقرى واحلم ....وانطرقبل لاتجيني الدوره ولو تاخرت علي ساعات اوعد نفسي بالحمل واتفاجا انها شرفت واحزن وامرض مادري شفيني والله رح جن وكل شهر على هالحسبه لمن خلاص تركت الدنيا وبس احسب حتى حياتنا الجنسيه انا وزوجي تاثرت وصار برود ليش كله اقول لزوجي لازم يصير جماع بهاليوم صار يكره الجماع ويقولي ماتبيني الاعلشان الحمال مادري شسوي تعبت هل عندكم طرق او افكار لاصرف النظرعن هالموضوع مع العلم عملنا تحاليل انا وزوجي وكله سليم منو مثلي تعاني خلينا نفضفض وننصح بعض وناس كتير قالوا انه كثر التفكير بياخر الحمل بس والله مو بايدي تعبتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت

 

[الزيـــــ^^ـــــن]

رد : بنات تكفون ذبحني التفكيروسبب تاخرحملي

حبيبتـــــــــــــي الشـــــــــي اللي فيج نفسيــــــــآ

تعوذي من الشيطآن وذكري ربح وخلي الاستغفار دايم بلسانج

واقري سوره البقره يوميــــــــــــآ وصلي صلاه الليل

وعسى ربي يرزقــــــــــــج

 

[احلى سماء]

التحاليل كثيره

في كشف مسحات عنق الرحم للكشف عن الفطريات والالتهابات

في تحاليل هرمونات ثاني يوم الدوره fsh,lh,prolactin,tsh
وفي سونار داخلي ثاني يوم الدوره
عشان يكشفون اذا في الياف بالرحم او كيس ع المبيض

وفي باليوم العاشر من الدوره هم سونار يشوفون اذا في تبويض او لاء
وباليوم ال13 يشوفون حجم البويضه ويبين اذا في تكيس ع المبيض واذا في مشكله بحجم البويضه انها صغيره فما تلقح

هالشي اسمه متابعة تبويض

وعندج في اشعة اسمها اشعة الصبغه تكشف على قنوات فالوب والانابيب اذا فيها انسداد بسيط ممكن تفتحها
وترا البويضه تلقح بالجزء الاخير من قناة فالوب (الانابيب) وبعدين تمشي البويضه الملقحه بالانبوب وتستقر بالرحم

فلااااااااااازم لاااااااااااازم تسوين اشعة الصبغه وتطمنين

واذا كان في حمل طبيعي صارلج من قبل مو خارج الرحم وضعه اوكي معناها انتي الحمدلله انابيبج اوكي

بس ان ماصار حمل طبيعي من قبل خلاص سوي اشعة صبغه

 

[آهديت لك قلبى]

رد : بنات تكفون ذبحني التفكيروسبب تاخرحملي

السلام ... انا من قريت العنوان حسيت فيه وحده مثلي ودي احد يعرف ان التفكير له تاثير كبير علي النفسيه

انا بعد نفسيتي تعبانه وافكر بالحمل وليش تاخر وحياتي الزوجيه كلهاا حسابات موعد التبويض ومتي لازم الجماع يكون وحتي الوضعيه واذا جاء موعد الدوره اتعب واتمني ماتجي وادعي يااارب احمل وعندي تحليل الحمل المنزلي ولا استخدمته حتي لان دورتي مااااااتاخر ولا يووووم >> مشاااء الله منتظمه ههههههههههههههه

المهم انا بالمختصر حملت قبل هالمره شهر 7 - 2009 وصار الحمل خارج الرحم وانفجر عندي الانبوب >> يعني شغاله الحين علي انبوب وااحد هههههههه

سويت سونار البيويضه حجمها ممتاز وبطانة الرحم سمكها ممتاز بعد و سويت تحليل هرمون الحليب بعد ممتاز وبعد هم تحليل ثاني يوم الدوره نسيت اسمه المهم كل تحالييل عندي سليمه

باقي الحين اسوي تحليل الاشعه المصبغيه عشان بيشوفون اذا الانبوب الثاني فيه التصاقات او التهاب من العمليه اللي سويتها لما انفجر عندي الانبوب والله يستر اذا كان بعد مو شغال ما راح ينفع معي الا طفل الانابيب ياااااارب يكون شغال ادعووووولي

 

[شيخة الغراشيب]

الله يرزقكم اجمعين حبيبتي لاتوسوسين وكثري من الاستغفار وانا مع اختي الزين

 

[دلوعت مودها]

الله كريم لهي نفسج بالاستغفار او اي هوايه مثلا انا بس قاعده و ازين بشقتي وكلا افكار واشغال يدويه,,؟؟
والله سوي نفسي اذا طرت ببالج فكرة العيال قومي صلي او ادعي او اقري سورة البقره,,,الحمدلله على كل حال
الله يرزقني ويرزقج ويرزق كل محروم,,,

 

[حرم ^أحمد^]

رد : بنات تكفون ذبحني التفكيروسبب تاخرحملي

نفس حالت ريلي مايبيني الا عساس عيال أففففف شالعيشه

 

[om_dodo]

عسى الله يرزق كل محروم يارب

 

[توتو ستايل]

طول ما انتي تفكرين بهالشي مارح يصير
اختي ماعندها هم غير الحمال عقب الزواج بسنه ونص يالله احملت لما افقدت الأمل
تصير الشغله نفسيه انسي هالشي وراح تحملين انشالله دام التحاليل اوكي
اختي كانت مشكلتها هرمون الحليب وسبحان الله اللي يتعالج للحمال اغلبهم يحملون بتوائم
شهرين بس شيلي الموضوع من بالج واستغفري واقري سورة البقره 40 يوم وانشالله الله يرزقج
اصلا انتي جذي تقهرين نفسج والتفكير يشيب الراس ويبين شكلج اكبر من عمرج
وعلى فكرة اذا التحاليل مافيها شي وهرمون الحليب اوكي اذا وزنج زايد حاولي تضعفين
معاي وحده بالدوام سبب تأخر حملها الوزن الزايد مسكر قناة فالوب عندها
عقب ما اضعفت ونزلت 15 كيلو يالله احملت
يارب ترزق كل وحده اللي تتمناه من زوج وذرية

 

[dana_kuwait]

التفكييييييييييييييييييييييييييييييييييييييييير انصحج لاتفكرين واعلمج شلون تبتعدين عن التفكير مثل ما انا سويت :
1- اذا فيج سمنه انوي على ريجيم وانج بتغيرين من نفسج واهم شي تقولين حق زوجج هذا الكلام علشان اهو بعد ترتاح نفسيته
2- سافري اذا قدرتي ولا روحي مدينة الترفيهية لا تفكرين بالحمال نهائيا
3- لا تحسبين ايام التبويض ولا الجماع ولا تتقيدين بوضعية و عقب الجماع قومي وغسلي لا تنسدحين نص ساعه وهالسوالف
اهم شي الراحه النفسيه لج ولزوجج اذا شافج مرتاحه بيعطي اكثر ويصير الحمل صدقيني
والله يرزقج ويرزق كل وحده تتمنى تحمل يااااااااااارب

 

[بطة رشيقة]

الله يرزقنا يارب ولا يحرمنا انا مثلج بالضبط قاطه المااااانع من شهر واحد والحين بيصير لى سنه مانى عارفه شنو اسوى سويت كل التحاللليل واشعه الصبغه ومافينى شى الا التكيس والدكتوووره قالت لى ان فى بنات يحملون ومعاهم تكيس والله كريم ان شالله ... وانا مثل حالتج احس فشله فشله من الريال بس قاعده وتترقبين وتحسبين وتقوليثن له لازم اليوم وما ادرى شنووووو يارب رحمتك فينا ان شالله .. مانى عارفه انا الحين صار لى شهرين من وقفت روحه الطبيب وناويه هالشهر اروح لان هم ما يصير اخلى روحى سبحان الله من كثر ما نفكر تعبنا والله .. مع انى حملت بولدى اسم الله عليه من ليله عرسى وعمرى ما حست حوسه على الحمل واصلا حتى ايام التبويض ما اعرفها ولا كنت ادرى انى حامل وما ادرى ان الدوره متاخره على سبحان الله ... الله كريم ان شالله .. وصج صج صج احس ان نفسيتى تعبانه بخصووص هالشى الحين الكل قام يسالنى ليش ماحملتى وولدج كبير وما ادرى شنو وريلى ميت واكون حامل وانا مثلج بالضبط كل شهر اقعد اتخيل وانطر واسوى تحليل واقول اذا يبت ولد شسميه واذا يبت بنت شسميها يارب ياحبيبى لا تخذلنى يارب يارب يارب يارب ... ما لنا الا التوكل على الله والدعااااااااااااااااااااء ...

 

[يا عيون سمي]

انا مع الاخت احلى سماء اذا سويتي كل هالتحاليل مني تقولين مافيكم شي

وعسى اللله يرزق الجميع يااااااااااااااااااااااااارب

 

[عروس الخير]

صاجة هذا شيء يصير غصبا عنا

يارب ياحبيبي كل مسلمة تبي الذرية انك ترزقها من كرمك وانت الغنى يارب


دام انتي وزوجك سليمين اولا الدعاء والالحاح بالدعاء
جربي عسل العويد المخصص للانجاب وان شاء الله يصير اللي في بالج يارب

وراجعي دكتورة اذا في طريقة للحمل ممكن تساعدج

والله هو الاول والاخير وبيده الامر كله

 

[*سوسو ستار*]

الله كريم الله يرزقج ويرزق كل محروم بالذريه الصالحه



دايما رددي ربي لاتذرني فردا وانت خير الوارثين وكثري استغفار وارقي نفسج يوميا

 

[عــود كمــبودي]

لازم تنسين الحمل وتلهين نفسج بشي ثاني وان شاء الله بتحملين

 

[ميرايه]

رد: رد : بنات تكفون ذبحني التفكيروسبب تاخرحملي

السلام ... انا من قريت العنوان حسيت فيه وحده مثلي ودي احد يعرف ان التفكير له تاثير كبير علي النفسيه

انا بعد نفسيتي تعبانه وافكر بالحمل وليش تاخر وحياتي الزوجيه كلهاا حسابات موعد التبويض ومتي لازم الجماع يكون وحتي الوضعيه واذا جاء موعد الدوره اتعب واتمني ماتجي وادعي يااارب احمل وعندي تحليل الحمل المنزلي ولا استخدمته حتي لان دورتي مااااااتاخر ولا يووووم >> مشاااء الله منتظمه ههههههههههههههه

المهم انا بالمختصر حملت قبل هالمره شهر 7 - 2009 وصار الحمل خارج الرحم وانفجر عندي الانبوب >> يعني شغاله الحين علي انبوب وااحد هههههههه

سويت سونار البيويضه حجمها ممتاز وبطانة الرحم سمكها ممتاز بعد و سويت تحليل هرمون الحليب بعد ممتاز وبعد هم تحليل ثاني يوم الدوره نسيت اسمه المهم كل تحالييل عندي سليمه

باقي الحين اسوي تحليل الاشعه المصبغيه عشان بيشوفون اذا الانبوب الثاني فيه التصاقات او التهاب من العمليه اللي سويتها لما انفجر عندي الانبوب والله يستر اذا كان بعد مو شغال ما راح ينفع معي الا طفل الانابيب ياااااارب يكون شغال ادعووووولي

مشكوره حبيبتي (اهديت لك قلبي )على مشاركتك معي وانك تحسين فيني وبمعاناتي مع التفكير شوفي حبيبتي انا اعرف محده قريبه لي صار معها نفس حالتك يعني حملت خارج الرحم وانفجرعندها قنات وحده وبقي عندها قناه فقط والله حملت عقبها وجابت صبي ...ما عليكي الا العافيه حبيبتي انشالله بتحملي وبتطمنينا عنك

 

[ميرايه]

يسعد اوقاتكم حبيباتي الزين +شيخه الغراشيب+دلوعت مودها +حرم احمد

ام دودو+ياعيون سمي +عروس الخير+سوسو ستار+عود كمبودي
انشالله ما نسيت ولا وحده دشت موضوعي ودعتلي من قلبها مشكورات
ربي يرزقكم بالخلف الصالح يارب باقرب وقت ويقرعيونكم بالحمل

 

[ميرايه]

طول ما انتي تفكرين بهالشي مارح يصير
اختي ماعندها هم غير الحمال عقب الزواج بسنه ونص يالله احملت لما افقدت الأمل
تصير الشغله نفسيه انسي هالشي وراح تحملين انشالله دام التحاليل اوكي
اختي كانت مشكلتها هرمون الحليب وسبحان الله اللي يتعالج للحمال اغلبهم يحملون بتوائم
شهرين بس شيلي الموضوع من بالج واستغفري واقري سورة البقره 40 يوم وانشالله الله يرزقج
اصلا انتي جذي تقهرين نفسج والتفكير يشيب الراس ويبين شكلج اكبر من عمرج
وعلى فكرة اذا التحاليل مافيها شي وهرمون الحليب اوكي اذا وزنج زايد حاولي تضعفين
معاي وحده بالدوام سبب تأخر حملها الوزن الزايد مسكر قناة فالوب عندها
عقب ما اضعفت ونزلت 15 كيلو يالله احملت
يارب ترزق كل وحده اللي تتمناه من زوج وذرية

اهلا حبيبتي توتو ستايل
والله صادقه بكل كلامك بس المشكله اننا نعرف وما نقدر نتحكم بتفكيرنا الله كريم
والله بالنسبه للوزن الزايد وزني مو كتير يعني طولي 170/ووزني 69تظنين جذي وزني زايد ياثرعالحمال
عموما تسلمين حبيبتي والله يرزقك بالاطفال يملو عليكي البيت

 

[ميرايه]

الله يرزقنا يارب ولا يحرمنا انا مثلج بالضبط قاطه المااااانع من شهر واحد والحين بيصير لى سنه مانى عارفه شنو اسوى سويت كل التحاللليل واشعه الصبغه ومافينى شى الا التكيس والدكتوووره قالت لى ان فى بنات يحملون ومعاهم تكيس والله كريم ان شالله ... وانا مثل حالتج احس فشله فشله من الريال بس قاعده وتترقبين وتحسبين وتقوليثن له لازم اليوم وما ادرى شنووووو يارب رحمتك فينا ان شالله .. مانى عارفه انا الحين صار لى شهرين من وقفت روحه الطبيب وناويه هالشهر اروح لان هم ما يصير اخلى روحى سبحان الله من كثر ما نفكر تعبنا والله .. مع انى حملت بولدى اسم الله عليه من ليله عرسى وعمرى ما حست حوسه على الحمل واصلا حتى ايام التبويض ما اعرفها ولا كنت ادرى انى حامل وما ادرى ان الدوره متاخره على سبحان الله ... الله كريم ان شالله .. وصج صج صج احس ان نفسيتى تعبانه بخصووص هالشى الحين الكل قام يسالنى ليش ماحملتى وولدج كبير وما ادرى شنو وريلى ميت واكون حامل وانا مثلج بالضبط كل شهر اقعد اتخيل وانطر واسوى تحليل واقول اذا يبت ولد شسميه واذا يبت بنت شسميها يارب ياحبيبى لا تخذلنى يارب يارب يارب يارب ... ما لنا الا التوكل على الله والدعااااااااااااااااااااء ...

اهلا اختي بطه رشيقه انشالله على طول رشيقه
حالتك مثل حالتي حبيبتي الله يرزقنا وما يحرمنا اما بالنسبه حق الجماع وزوجي والله فشله كله احس بالخجل ليش يمكن هو ما يبي بهاليوم وانا عندي تبويض فاضطراطلب منه بطريق اوباخرى بس احيانا موراضي يفهم اضطرابطها بوجهه واطلب منه الجماع احس مو حلوه بس شنسوي ...يارب لاتخذلنا جميعا مالناغير الدعاء
وانا ناويه هالشهراروح دكتورتي بمشفى السلام عشان تتابع التبويض واتوكل عالله خبريني شويصيرمعاكي

 

[ميرايه]

صاجة هذا شيء يصير غصبا عنا

يارب ياحبيبي كل مسلمة تبي الذرية انك ترزقها من كرمك وانت الغنى يارب


دام انتي وزوجك سليمين اولا الدعاء والالحاح بالدعاء
جربي عسل العويد المخصص للانجاب وان شاء الله يصير اللي في بالج يارب

وراجعي دكتورة اذا في طريقة للحمل ممكن تساعدج

والله هو الاول والاخير وبيده الامر كله

هلا اختي عروس البحرانشالله دوم بتضلين عروس بعيون زوجك
انشالله بجرب عسل العويد ونشوف اما بالنسبه للدكتوره والله راجعت كم شهرعند الدكتوره دعاء بالسلام وتابعت التبويض معي وعطتني ابره التفجيرومانفع ...طلبت منها تعطيني كلوميدلتقويه المبايض قالتلي انتي اباضتك زينه الحمد الله مابجوزتاخدي ابرتنشيط المبايض لانه بينقلب عندك اكياس عالمبايض يعني مومحتاجه ..تابعت كم شهرعندها بعدهاتوقفت الحين هذا الشهربروح اتابع مره ثانيه والله كريم