ابوي مايرضى يزوجني الا بشروط تعجيزيه شسوي ساعدوني ؟؟

[kuwaitya-frawla]

ان شاء الله تاخذون بعض بس نطري وشوفي ردت فعل ابوج اول بعدين كلمي الوالده تحاجيه وان شاء الله خير

 

[شـو shoo]

رد : ابوي مايرضى يزوجني الا بشروط تعجيزيه شسوي ساعدوني ؟؟

الله يكتب اللي فيه الخير

 

[noo7a]

لاتزهبين الدوا قبل الفلعه
خل يتقدم لج و ان كان من نصيبج بتتسكر كل الحلوج و يتيسر موضوعكم
و ماتدرين يمكن لانه اهو من اهلكم ابوج راح يرضى فيه
لان الي من الاهل غير عن الغريب الي ما يدرون عنه

 

[lulu caty !]

رد : ابوي مايرضى يزوجني الا بشروط تعجيزيه شسوي ساعدوني ؟؟

المفروض احد فاهم يكلم ابوج و يقوله اللي يسويه بناته حرام و ان يضيع عمرهم على الفاضي


واذا كان الولد زين ليش مايرضى فيه حتى لو كان غير المذهب

هذا اللي بيصير انشالله بخلي احد يكلم لي الوالد طبعا ً عقب الخطبه

يسعدني مرورج اختي سما كويت

ثانكس عالرد والمشاركه

 

[lulu caty !]

رد : ابوي مايرضى يزوجني الا بشروط تعجيزيه شسوي ساعدوني ؟؟

الله يوفقج ويحنن قلب ابوج ويسر امرج ادعي مالج الاالدعاء واذالج نصيب معاه بتاخذينه ان شاءالله وعجبني تفكيرج وكلامج عن المذاهب واختيارالمذهب المناسب لج ولقناعاتج الشخصية ربي يوفقج ويرزقج بالذرية الصالحة ويهدي الاباء اللي يكسرون بقلوب بناتهم علشان الاصل والمذهب ويفكرون بدال بناتهم ويلغون عقول بناتهم كأنه هم الفاهمين وبسمن غير نقاش وايدبنات حبوا وماتزوجوا والسبب الاهل بدوية ماتاخذحضري اوبيسري اوعيمي حتى لو ريال بمعنى الكلمة والسنية الحضرية ماتاخذبيسري اذاهي اصيلة ماادري خيل موبشر ولاتاخذشيعي حتى لو كان احسن من الاصيل اللي بياخذها شنقول الاهذي عادات وايدناس مومقتنعين فيها وبعدفي وايدمؤيدين لها واللي يبتلش اللي مومقتنع الله يكون بالعون

حياتي masoo انتي اللي مرورج اعجبني وكلامج الحلو والله يسمع منج ويحنن قلب ابوي ان شاءالله ويرزقج ياربي انتي بعد بالذريه الصالحه ويوفقج انشالله ويستر كل بنت تتمنى الستر يارب ويفكنا من سالفة العقد والتكبر اللي بمجتمعنا ثاتكس عالمرور والرد والمشاركه اسعدني تواجدج يالغاليه

 

[lulu caty !]

رد : ابوي مايرضى يزوجني الا بشروط تعجيزيه شسوي ساعدوني ؟؟

اختي لا تطلعين عن شور ابوج

اي شي مو برضاه والله ما راح تتوفقين

واذا لج نصيب بتاخذينه

لان رزقج الله كاتبه وراح يوصلج لي عندج

اهم شي رضا الله ثم والدج

اكيد .. وانا معاج بهالشي اهو ابوي وانا مستحيل اطلع عن شوره بس ابي اقنعه

والله كريم .. وحمدالله في عضوات اقترحوا علي نصائح حلوه وان شاءالله بسويها

والله يجدم اللي فيه الخير يارب

ويستر علي وعلى كل بنت تبي الستر يارب

ثانكس عالمرور والمشاركه

 

[lulu caty !]

رد : ابوي مايرضى يزوجني الا بشروط تعجيزيه شسوي ساعدوني ؟؟

الدعااااء
من الحين لي شهر 2 اكثري الدعاااء والاستغفار بنية تسهيل المووضوع

وهذا اللي بيصير انشالله اشكرج حياتي عالرد والمشاركه والنصيحه الحلوه مثلج

 

[lulu caty !]

رد : ابوي مايرضى يزوجني الا بشروط تعجيزيه شسوي ساعدوني ؟؟

ان شاء الله تاخذون بعض بس نطري وشوفي ردت فعل ابوج اول بعدين كلمي الوالده تحاجيه وان شاء الله خير

ابوي عارفه ردة فعله السلبيه من جذي كتبت الموضوع ابي اوصل لحل يكون ابوي مقتنع باختلاف المذاهب وان شاءالله بخلي امي تقنعه وان شاءالله خير يارب اسعدني مرورج يالغاليه وثانكس عالمشاركه

 

[lulu caty !]

رد : ابوي مايرضى يزوجني الا بشروط تعجيزيه شسوي ساعدوني ؟؟

الله يكتب اللي فيه الخير

امين ياربي ويشفي لج امج ياربي ويقومها بالسلامه انشالله باسرع وقت ممكن

 

[lulu caty !]

رد : ابوي مايرضى يزوجني الا بشروط تعجيزيه شسوي ساعدوني ؟؟

لاتزهبين الدوا قبل الفلعه
خل يتقدم لج و ان كان من نصيبج بتتسكر كل الحلوج و يتيسر موضوعكم
و ماتدرين يمكن لانه اهو من اهلكم ابوج راح يرضى فيه
لان الي من الاهل غير عن الغريب الي ما يدرون عنه

صح كلامج بس لانه خايفه من ردة فعل ابوي كتبت الموضوع خصوصا ً انه ابيكم تساعدوني شلون اوصل لحل اني اقنع ابوي انه مهما المذاهب اختلفوا كلنا مسلمين وعيال ديره وحده وانا ان شاءالله امري يتيسر يمكن لانه الصبي يصير لي ,, بس همن خواتيي حرام كل مايالهم خطاب وقف نصيبهم عشان شروطه والله يسمع منج انشالله ويتيسر موضوعنا تسلمين حبيبتي عالدعوه وعالرد اشكرج من قلبي واسعدني مرورج يالغاليه

 

[m!ss sara]

رد : ابوي مايرضى يزوجني الا بشروط تعجيزيه شسوي ساعدوني ؟؟

>> السلام عليكم

مابي أحبطج أو أقلل من معنوياتج لكن بقول كلمة حق بعيداً عن العاطفة

زواج من غير مذهب جداً جداً جداً صعب التعايش فيه ..

ممكن أنتي توج صغيرة مو مستوعبة هالشي ومايلة بعواطفج للشخص

لكن صدقيني يوماللي تيبين عيال وتشوفين الحواجز في التربية رح تندمين يا حبيبة قلبي

لازم في الحياة ندوس على وايد أشياء نميل لها في سبيل أمور ثابتة ..

لذلك طلبي من الله يوفقج بالزوج الصالح المناسب اللي يرضيج ويرضي أبوج

موفقة حبيبة قلبي

 

[lulu caty !]

رد : ابوي مايرضى يزوجني الا بشروط تعجيزيه شسوي ساعدوني ؟؟

>> السلام عليكم

مابي أحبطج أو أقلل من معنوياتج لكن بقول كلمة حق بعيداً عن العاطفة

زواج من غير مذهب جداً جداً جداً صعب التعايش فيه ..

ممكن أنتي توج صغيرة مو مستوعبة هالشي ومايلة بعواطفج للشخص

لكن صدقيني يوماللي تيبين عيال وتشوفين الحواجز في التربية رح تندمين يا حبيبة قلبي

لازم في الحياة ندوس على وايد أشياء نميل لها في سبيل أمور ثابتة ..

لذلك طلبي من الله يوفقج بالزوج الصالح المناسب اللي يرضيج ويرضي أبوج

موفقة حبيبة قلبي

كلامج عالعين والراس اختي مس ساره و وجهة نظرج احترمها بس حبيت اوضح لج شغله انا معاج بشي انه صح انا راح اتعب بتربية عيالي شوي من ناحية الدين بس همن بوجههم للقراه والاستكشاف وحضور الندوات للمذهبين ليمن يصيرون بسن البلوغ ويكبرون يقدرون يتخذون المذهب اللي يبونه وعن قناعه وايد ترا ناس بالكويت متزوجين وعيالهم نفس مذهبهم واهم مايدرون ليش متخذين هالمذهب نظام امي وابوي يتبعون هالمذهب انا بصير جذي ((( هذا ما وجدنا عليه اباؤنا ))) .. وهالشي غلط .. انا بالعكس اذا الله رزقني بثقفهم وبحضرهم محاضرات ليمن يقتنعون بالشي اللي يبونه ترا ياما ناس متزوجين ( الزوج والزوجه من مذهب معين )) والابناء من مذهب عكس مذهب الوالدين اثنينهم لانه كل شي بالنهاية يرد للقناعه الذاتيه للشخص وتفكيره ف احنا ليش نسويها سالفه وبالنهاية هذا كله مردود للشخص نفسه يعني انا بس دوري كأم بالمستقبل اذا الله كتب اشجعهم عالدين والقراءه وحضور الندوات مو دوري اني اشيعهم او اسننهم .. لانه اهم بيختارون وبالنهاية كلنا مسلمين نشهد انه الا اله الا الله وان محمد رسول الله فهمتيني الحين وع فكره نماذج وايد بعايلتي انا شايفتها من نفس حالتي متزوجين وعايشين حياه حلوه وهالشي اهو اللي شجعني ارضى بشخص عكس مذهبي يعني مارضيت من فراغ اشكرج اختي عالمرور وعالمشاركه يالغاليه وربي يوفقج انشالله

 

[m!ss sara]

رد : ابوي مايرضى يزوجني الا بشروط تعجيزيه شسوي ساعدوني ؟؟

كلامج عالعين والراس اختي مس ساره و وجهة نظرج احترمها بس حبيت اوضح لج شغله انا معاج بشي انه صح انا راح اتعب بتربية عيالي شوي من ناحية الدين بس همن بوجههم للقراه والاستكشاف وحضور الندوات للمذهبين ليمن يصيرون بسن البلوغ ويكبرون يقدرون يتخذون المذهب اللي يبونه وعن قناعه وايد ترا ناس بالكويت متزوجين وعيالهم نفس مذهبهم واهم مايدرون ليش متخذين هالمذهب نظام امي وابوي يتبعون هالمذهب انا بصير جذي ((( هذا ما وجدنا عليه اباؤنا ))) .. وهالشي غلط .. انا بالعكس اذا الله رزقني بثقفهم وبحضرهم محاضرات ليمن يقتنعون بالشي اللي يبونه ترا ياما ناس متزوجين ( الزوج والزوجه من مذهب معين )) والابناء من مذهب عكس مذهب الوالدين اثنينهم لانه كل شي بالنهاية يرد للقناعه الذاتيه للشخص وتفكيره ف احنا ليش نسويها سالفه وبالنهاية هذا كله مردود للشخص نفسه يعني انا بس دوري كأم بالمستقبل اذا الله كتب اشجعهم عالدين والقراءه وحضور الندوات مو دوري اني اشيعهم او اسننهم .. لانه اهم بيختارون وبالنهاية كلنا مسلمين نشهد انه الا اله الا الله وان محمد رسول الله فهمتيني الحين وع فكره نماذج وايد بعايلتي انا شايفتها من نفس حالتي متزوجين وعايشين حياه حلوه وهالشي اهو اللي شجعني ارضى بشخص عكس مذهبي يعني مارضيت من فراغ اشكرج اختي عالمرور وعالمشاركه يالغاليه وربي يوفقج انشالله

يا حبيبتي يا نور عيني ,,

كلامج جميل جداً ومقنع ..

لكن هم يظل اللي عايش بالوضع يستوعب مدى صعوبه هالأمر

بمعنى الموضوع فيه صعوبات من كل القضايا الاجتماعية صحيح أنـّه أحنا حبايب ودينه واحد
لكن يا حبيبتي في وضعية الزواج في أمور دقيقة تنجم لها أختلافات مستعصية مايحس فيها الا اللي عاشها
أنا أبوي مذهب وأمي مذهب تدرين شنو تعذبنا عشان نختار المذهب اللي يناسبنا ؟ ووسط أختلاف خلفيات
واختلاف أفكار ؟ تدرين شنو الوضع اللي نعيشه في رمضان وبالأعياد وبالأحزان وبالأفراح ووووو؟؟
كلام كثييييييييييييير وايد وايد يا حبيبة وموكل شي يقال
عشان جذي دام أنا أدري أنـّه ممكن ولو بنسبة 1% حياتي رح تكون عرضة للمشاكل شالله حادني ؟
ويظل أختلاف في وجهات النظر وإن شاء الله ربي يفرح قلبج ويرزقج الزوج الصالح يارب

:aha:

 

[دبي العز]

رد: رد : ابوي مايرضى يزوجني الا بشروط تعجيزيه شسوي ساعدوني ؟؟

وجهة نظرج احترمها ..

بس حبيت اعقب ع كلامج

اهيا علاقة حب صج انه ماترضي الله لكن نيتي ونية هالانسان الزواج والستر مو اللعب وجذي واذا انا وياه نبيه هالشي اقل القليل جان كلمنا بعض تلفون وكلام حب وغزل .. لكن احنا عارفين حدودنا .. احنا اثنينا نبي الستر ومو اول اثنين بنتزوج عن حب

وعلى فكره ترا امي وابوي تزوجوا عن حب .. و وايد زيجات بعايلتنا تزوجوا عن هالطريقه . والحمدالله حياتهم ناجحه

بالنسبه لأختلاف المذاهب حبيت اوضح لج شي انا شايفته عن طريق تجربه شخصيه ..

عمتي ماخذه شيعي واهيا سنيه
وخالتي ماخذه سني واهيا شيعيه

وك مثالين عايشين حياتهم حلوه ولا عمري شفت عنصريه ولا مشاكل ولا شي من هالامور

احنا عايلتنا مكس فيها السنه وفيها الشيعه والحمدالله عايشين من غير مشاكل

وحبيت اقولج بالنسبه لعيالي انا ماحبيت هالانسان عشان انا حبيته وبس انا مفكره بعيالي بعد

بالنسبه لي انا ما اتخذت مذهبي عشان ابوي كان على هذا المذهب وللعلم امي تتبع مذهب ثاني

انا اتخذته من خلال قراءتي وتفكيري وحضوري لندوات دينيه ..يعني اتخذته عن قناعه مو عشان امي جذي او ابوي جذي

وانا بربي عيالي على هالشي اخليهم يقرون ويستكشفون ويقتنعون اي مذهب اهم شايفينه صح وبحفزهم ع هالشي مو نظام هذا ما وجدنا عليه اباؤنا فهمتيني الحين

وانا معاج العلاقه هذي محرمه بس احنا بننهيها بالزواج مو الخرابيط في فرق

لانه امي وابوي متزوجين عن حب .. وهمن بنت خالي الحين ملجت عن حب يعني مو كل اثنين يحبون بيخربطون

وثانكس ع مرورج ووجهة نظرج احترمها وكلامج عالعين والراس

اول شي اشكرج على اسلوبج المؤدب في الرد عكس وايييد بنات تبا تحلل امور حرمها ربي وتعصب يوم الواحد يقولها الواقع


حبيبتي النيه ما تبرر المعصيه؟؟؟؟؟؟؟

يعني قصدكم زواج ولا لعب كل هذا ما يفرق ولا يبرر معصيتكم !!!!!!!

المعصيه تبقى معصيه سواء قصد الطرفين شريف ولا غير شريف

واذا العالم كله تزوج بعد قصص حب هذا ما يعنى الحرام يصير حلال
الله يسامحهم بس ويغفر لهم ذنوبهم انتي شلج بأمج وشلج ببنت خالج .......الخ

كل هذيلا ارتكبوا معاصي عسى الله يغفر لهم بس هذا ما يعني انا اتبع غلطهم لان امي ولا حد من اهلي ارتكبها قبلي

يعني لو حد من اهلج شرب الخمر ومحشومين يعني بتروحين تشربين خمر لان فلانه شربت؟ مب منطق هذا !!!!! :tongue22:


انا عارفه ان ابليس يحاول يزين العمل الشيطاني بعين المسلمين ويحاول بكل الطرق انه يجمله عشان تمشين فيه ما تقدرين انتي تستوعبين قبح الشي الي تسوينه

كل شي في هالدنيا له ذنبه ومب شرط يكون في لقاء ولا مكالمات هاتفيه عشان يصير حرام للحرام طرق واساليب مختلفه ومع التطور تزيد !!!!!!!


انتي انسانه واعيه متربية مثقفه فاهمة ولله الحمد والشكر وتعرفين كل شي بهالدنيا قسمة ونصيب وان كل شي مكتوب ومقدر وشي منتهين منه

يعني سواء كلمتي فلان ولا ما كلمتيه لو كان نصيبج بتاخذينه !!!!!!! ولو ماكان نصيبج ما بتاخذينه
ولا تعتقدين ان لو ما كلمتيه ما كان بيفكر فيج لو كان نصيبج !!!!!!!!!!
ربي كان بيسلها بطريقة بروحج ما تستوعبينها وتاخذينه لو كان نصيبج!!!!!!!!!!

فليش انا ألجأ للحرام وانا ممكن احصل الشي؟؟؟؟؟؟ وليش اتعب نفسي واطيح نفسي بقصة حب ترهق نفسيتي لو لا سمح الله ماكان من نصيبج؟
يعني في الحالتين انتي خسرانه في الاولى خسرتي حسناتج وحصلتي ذنوب وهو جيه ولا جيه كان بيكون نصيبج
والثاني انج تكسبين ذنوب وتحبين انسان وتعيشين ايام تعيسة من زود حبج وما يكون من نصيبج ليش تعبين نفسج بإيدج


ونحن في دنيا اختبار وهذا امتحان من الامتحانات الي تتعرضين لها في حياتج؟؟ ليش تفشلين فيها!!!!!!!


انتي تحبينه صح؟؟؟ بس تحبين ربج أكثر؟؟؟؟ انتي ما تقدرين تبتعدين عنه؟ بس بعد ما تبين تبتعدين عن ربج من الذنوب الي تحصلينها كل يوم؟ انتي تبين القرب منه !! بس تبين القرب من ربج أكثر

نحن مسلمين وعارفين ان الدنيا زايله ليش نشغل نفسنا بالامور الزايله ونخلي الامور المهمة:gr4uu:


وسالفة اختلاف المذاهب نفس الشي لا تقيسين حياتج على حياة غيرج وشو الي يضمن لج ان ريلج يكون نفس رياييلهم

اصلاً كيف تقدرين تستحملين شخص مذهبه معاكس لمذهبج صعبه صعبه ما ادري كيف الموضوع صاير سهل عندكم؟؟؟

وانتي ممكن تسمحين لعيالج يختارون المذهب الغلططططططططط؟؟؟؟؟؟؟؟ :gr4uu:


الله يهديج ويصلحج ياربي ويجدم الي فيه الخير
نصيحة لا تتساهلين في هالامور حتى لو اهلج تساهلوا فيها لان اللدين صعب ان نجدم عليه اشياء ثانيه :gr4uu:

 

[إيمي1987]

رد : ابوي مايرضى يزوجني الا بشروط تعجيزيه شسوي ساعدوني ؟؟

عسى ان شاء الله الله يهدي لج ابوج ويسخره لكم ويوافق ان شاء الله

وخيره لكم كل شيء ان شاء الله

 

[Ray.Bana =$]

رد : ابوي مايرضى يزوجني الا بشروط تعجيزيه شسوي ساعدوني ؟؟

اللهـ يهدييهـ ليش جذي يوقف نصيبهم حرام

 

[M!s$ GoOnA]

رد : ابوي مايرضى يزوجني الا بشروط تعجيزيه شسوي ساعدوني ؟؟

ادعي ربج وانشالله يكون من نصيبج .. ولاتنسين قيام الليل بالثلث الاخير الدعوه مستجاابه بهالوقت اذا صج تبينه يكون من نصيبج ادعي ربج وقيمي الليل ،، مو شرط بس ليله وحده قيمي جم ليله لين ابوج يوافق او مادري ..! ههههه

والله يوفقج

 

[hadoy]

الله يعطيج اللي في بالج ويفرح قلبج يااااااااااارب

 

[النشبه88]

ما عندي حل لاني اعاني من مشكلة المذهب بعد وتددددخل العائله الكبير بحياتنا بهالموضوع فقط .. وغيره ما يدرون عننا .. حاسه فيج

بس الله يجمعكم يارب ويتمم عليكم بالزواااااااااااااج

<<< يتها البجوه

 

[رفاعيه]

سالفه المذهب صعبه وفكري فيها بتربين عيالج على اي مذهب !