ولدي شيب شعري لا ياكل و يعاند و يطقني :( اسم الله عليه

[:: Diva ::]

السلام عليكم​

خواتي
علي اسم الله عليه جريب يصير سنه و 3 شهور
توه بلش يمشي حده متأخر
مشيته مو سيده و لا متوازنه​

تعبت كل يوم يطيح !
مع اني اكون واقفه فوق راسه ولا ماسكه ايده
و خدامته وراه
بس يطيح و البارحه مصعرر ​

يما قلبي
والله امس هسترت بجي بصوت عالي عقب ما نام
بس اعصابي ما تتحمل​

يطيح و يتعور و سكر باب الدرج على ايده !
و سكر باب الحمام و انتوا بكرامه على اصابعه بس على الخفيف ​

الحين بتقولون عادي كل اليهال يطيحون و ينفلعون ​

بس انا مو قادره اشوفه جذي اموت
يمكن لان ما عندي غيره للحين او ما حملت فيه بسهوله او ولادته كانت عسره ما ادري ​

مشكلتي وياه الاساسيه ما ياكل
بروحه ضعيف
بس ماااااا ياكل و من بلش يمشي ضعف زياده​

ياكل سريلاك بس
و ممكن يريش
و نتفة نودلز اذا ذبحت عمري وياه ​

و لو اقص عليه و اهو يلعب يمكن ياكل صبعين بطاط مقلي !! بس
و مرت اقص عليه اوكله لقمة كرواسون ​

و لما كان اصعر كنت اوكله خضرا مهروسه و لا فاكهه مهروسه
الحين رااافض ياكل اي شي​

حتى البطاط البفك الي كان ياكله الحين قام يمص الملح و يتفله !​

شلون اوكله ؟
لو اقطع عنه الحليب يموت يوع​

و ما فيني قلب اتحمل يوعه و لا اوخره عن الممه علشان اييوع ​

يعااااااااند لو ابيه يقعد يوقف لو ابيه يوقف يقعد
ما ينام يموت يتعافر معاي لين يبجي و ينهار اخر شي يستسلم بعد ساعه و نص حنه و بجي و مقاومه !!​

الساعه 12 احاول انومه
بس افج عنه عقب احاول فيه الساعه 1
خلاص الساعه 1ونص غصب لازم ينام وراي دوام ​

فيقعد صراااخ و يفحط بجي لين ينام ..
شسوي ؟​

لا و لا تشوفون لما ينحاش مني و يحاول يركض و للحين ما يعرف يمشي !!
حده يضحك الخايس
اموت فيه ​

مشكلته الثالثه
يطقني ​

مادري لانه ولد جذي يلعب بدفاشه ؟
اهي طراقات اهو عض هو تشمخ و تقرص !
و شعري ​

مشكلتي اضحك فيطقني و يضحك ادري غلطتي بس ما اعرف اسكت لما يطقني !
مو بيدي
و اكتشفت انه يطق اليهال !!​

الي يتعرض له ولا يدزه او يطقه يرد اهو اسم الله عليه يطق !!
بس ما يطق مني و الطريج لا يطق الي يطقه
و يصرخ على الي يصرخ عليه​

شسوي


يقولون لي لما اهده عند امي و لا خالتي
ما يبجي بس من يشوفني يتدلع الا تشيليني و اذا وخرت عنه
يبجي


​

و دعائكم الله يخليكم
ان الله يخليه لي و يحفظه عن الشر
و يطرح فيه البركه و الصلاح ​

مشكورين ​

 

[noynoy]

يمكن لانج مدعلته واااايد و ترى الياهل ذكي يتدلع زياده
ابدي معاه العقاب و الثواب
يعني اذا طقج مره ثانيه نزلي لي مستواه و حطي عينج بعينه و طقي على ايده طقه خفيفه لا تعورينه
و خليه يروح يقعد بالزاويه 5 دقايق (نوتي كورنر) و اذا تحرك ردي حطيه بالنوتي لو انشالله 20 مره
عقب راح يستوعب
و اذا سوا شي زين عطيه هديه من بو 100 او طلعيه وديه الاكواريوم او حتى الجمعيه او الفرع او الالعاب او بيت امج المهم تونسينه
و بالنسبه حق الاكل
دخليله اصناف يديده ربيان سمج بيض بطاطا حلوه سويله بيتزا بالتوست و حطي فيها كوسا و مشروم
سويله مكرونه بالجبن
كورفلكس
خلي يساعدج وانتي تسوين الاكل
سويليه كوكيز و حطي فيه فوكه مجففه مثل كشمش و خليه يساعدج
قصيله فواكه بشكل اصابع خل يغمسها بنوتيلا
او اصابع خظار و خل يغمسهم برانش صوص
سويله حليب الموز
حليب بالفراوله
و انشالله ياكل

 

[^noonaa^]

حبيبي الله يخليييه لج ياااارب

شوفي بالنسبه للاكل يمكن لانج اتييين له بسلوب الغصب الياهل اهني بيعاند

خلييه اهو اللي ايييلج ويطلب انج اتوكلينه


مثل قصصي التوست على اشكال ويبي له الملون من برد توك وسويله اشكال بالاكل واكلي انتي جدامه واتلذذي بالاكل وجذبي انتباهه قوليله الله يميييييييي انا باكل وماراح اعطي علاوي اهو بيطالج وبيلج بيجرب ( وطبعا الياهال متبعين نظريه كل شي ممنوع مرغوب ) وحاولي اتعرفين اهو شنو يحب من عصاير وفواكه واكل

ولا تقطعين عنه الفيتامينااااات واهم شي تعطينه فيتامين d وااايد زييين للعظااام



وللشطااانه بعد ياامااااالج انتي بس قوووي قلبج والله الحافظ كل يوم الصبح اقري عليه المعوذات والله يحفظه


انا بنتي عمرها 6 شهور ياقلبي عليها ذاك اليوم احترقت ايدها من الستريتر :\ ولاااا اتشوفيني اشسويت وريلي يقولي هذا اولها ويامالج من شطانه الياهال


وبعدين خلييييه عشان يعرف انه هالشي يعور وغلط ومايقرب صوبه بعد



وحاااولي انج ما ادلعيييينه زياده عن اللزوم عشان لا ياااخذ راحته ويتعلم لي كبر حتى والله يمد ايده عليج جدام الاوادم

علميه انه غلط وطقيه على ايديه قوليله عيب ما اطق ماما وخليه يبجي سكتي عنه



والله يحفظه ويخليه لج

 

[عبث طفله]

السلام عليكم​

خواتي
علي اسم الله عليه جريب يصير سنه و 3 شهور
توه بلش يمشي حده متأخر
مشيته مو سيده و لا متوازنه​

تعبت كل يوم يطيح !
مع اني اكون واقفه فوق راسه ولا ماسكه ايده
و خدامته وراه
بس يطيح و البارحه مصعرر ​

يما قلبي
والله امس هسترت بجي بصوت عالي عقب ما نام
بس اعصابي ما تتحمل​

يطيح و يتعور و سكر باب الدرج على ايده !
و سكر باب الحمام و انتوا بكرامه على اصابعه بس على الخفيف ​

الحين بتقولون عادي كل اليهال يطيحون و ينفلعون ​

بس انا مو قادره اشوفه جذي اموت
يمكن لان ما عندي غيره للحين او ما حملت فيه بسهوله او ولادته كانت عسره ما ادري ​

مشكلتي وياه الاساسيه ما ياكل
بروحه ضعيف
بس ماااااا ياكل و من بلش يمشي ضعف زياده​

ياكل سريلاك بس
و ممكن يريش
و نتفة نودلز اذا ذبحت عمري وياه ​

و لو اقص عليه و اهو يلعب يمكن ياكل صبعين بطاط مقلي !! بس
و مرت اقص عليه اوكله لقمة كرواسون ​

و لما كان اصعر كنت اوكله خضرا مهروسه و لا فاكهه مهروسه
الحين رااافض ياكل اي شي​

حتى البطاط البفك الي كان ياكله الحين قام يمص الملح و يتفله !​

شلون اوكله ؟
لو اقطع عنه الحليب يموت يوع​

و ما فيني قلب اتحمل يوعه و لا اوخره عن الممه علشان اييوع ​

يعااااااااند لو ابيه يقعد يوقف لو ابيه يوقف يقعد
ما ينام يموت يتعافر معاي لين يبجي و ينهار اخر شي يستسلم بعد ساعه و نص حنه و بجي و مقاومه !!​

الساعه 12 احاول انومه
بس افج عنه عقب احاول فيه الساعه 1
خلاص الساعه 1ونص غصب لازم ينام وراي دوام ​

فيقعد صراااخ و يفحط بجي لين ينام ..
شسوي ؟​

لا و لا تشوفون لما ينحاش مني و يحاول يركض و للحين ما يعرف يمشي !!
حده يضحك الخايس
اموت فيه ​

مشكلته الثالثه
يطقني ​

مادري لانه ولد جذي يلعب بدفاشه ؟
اهي طراقات اهو عض هو تشمخ و تقرص !
و شعري ​

مشكلتي اضحك فيطقني و يضحك ادري غلطتي بس ما اعرف اسكت لما يطقني !
مو بيدي
و اكتشفت انه يطق اليهال !!​

الي يتعرض له ولا يدزه او يطقه يرد اهو اسم الله عليه يطق !!
بس ما يطق مني و الطريج لا يطق الي يطقه
و يصرخ على الي يصرخ عليه​

شسوي


يقولون لي لما اهده عند امي و لا خالتي
ما يبجي بس من يشوفني يتدلع الا تشيليني و اذا وخرت عنه
يبجي


​

و دعائكم الله يخليكم
ان الله يخليه لي و يحفظه عن الشر
و يطرح فيه البركه و الصلاح ​

مشكورين ​

نفس الحاله بالضبط مع بنتي !!!!!:eh_s(2): بس ما تطق وايد الا اذا احد قال لها طقي ..

مادري شلون اتعامل معاها ..

شوفي انا فيه حركه جربتها وانفعت معااي

اذا كان قاعد يمج وعندج الريموت او اي شغله اهو متعلق فيها ويحب يمسكها دايما واهي خطره عليه وخريها لا يشوفها من البدايه .. لانه ان شافها واخذتيها منه راح يصيح ويبجي ..

فحاولي تتجنبين هالشغلات .. اذا فيه اكلات ما تبينه ياكلها مثل الكاكاو وغيره لا تاكلين قدامه .. عشان لايحتر ويصيح ..
اذا بتطلعين مكان وبتخلينه .. لا تمرين من صوبه لما تطلعين لما تشوفين لاهي ويلعب اطلعي ..

ويما بالنوم انا وياها نتكافخ وتمجع شعور عاد البنات العوابه على اصولها .. ياحلو الصبيان والله:eh_s(3):

 

[عبث طفله]

اقول ديفا ما تاخذين بنتي لولدج خليهم يأدبون بعض احسن لووووووول

انا بنتي اذا خليتها عند امي ولا خالتي يقولون هاديه وما تسوي شي ..

الظاهر المشكله منا مو من اعيالنا .. احنا اللي مدلعينهم حيييل ..

<< بتقلب الوش التاني

 

[_Pure_]

الله يعينج

مادري شقولج بس حاولي تعطينه حليب عادي بدون شكر عشان يمكن اييوع

الله يخليلج اياه

و ترا السكريات مووووووووزينه ديري بالج يمكن اهو هايبر اكتيف بسبة السكريات بالحليب اذا كان صناعي

 

[:: Diva ::]

يمكن لانج مدعلته واااايد و ترى الياهل ذكي يتدلع زياده
ابدي معاه العقاب و الثواب
يعني اذا طقج مره ثانيه نزلي لي مستواه و حطي عينج بعينه و طقي على ايده طقه خفيفه لا تعورينه
و خليه يروح يقعد بالزاويه 5 دقايق (نوتي كورنر) و اذا تحرك ردي حطيه بالنوتي لو انشالله 20 مره
عقب راح يستوعب
و اذا سوا شي زين عطيه هديه من بو 100 او طلعيه وديه الاكواريوم او حتى الجمعيه او الفرع او الالعاب او بيت امج المهم تونسينه
و بالنسبه حق الاكل
دخليله اصناف يديده ربيان سمج بيض بطاطا حلوه سويله بيتزا بالتوست و حطي فيها كوسا و مشروم
سويله مكرونه بالجبن
كورفلكس
خلي يساعدج وانتي تسوين الاكل
سويليه كوكيز و حطي فيه فوكه مجففه مثل كشمش و خليه يساعدج
قصيله فواكه بشكل اصابع خل يغمسها بنوتيلا
او اصابع خظار و خل يغمسهم برانش صوص
سويله حليب الموز
حليب بالفراوله
و انشالله ياكل

حياتي الله يطول لي بعمرج
بس متاكده ان ينفع مع عمر ولدي ؟
سنه و شهرين و عشر ايام تقريبا

مبجر عليه جنه و لا يتراوالي ؟

 

[عطورات المطيري]

رد : ولدي شيب شعري لا ياكل و يعاند و يطقني اسم الله عليه

الله يحفظه لج

 

[:: Diva ::]

حبيبي الله يخليييه لج ياااارب

شوفي بالنسبه للاكل يمكن لانج اتييين له بسلوب الغصب الياهل اهني بيعاند

خلييه اهو اللي ايييلج ويطلب انج اتوكلينه


مثل قصصي التوست على اشكال ويبي له الملون من برد توك وسويله اشكال بالاكل واكلي انتي جدامه واتلذذي بالاكل وجذبي انتباهه قوليله الله يميييييييي انا باكل وماراح اعطي علاوي اهو بيطالج وبيلج بيجرب ( وطبعا الياهال متبعين نظريه كل شي ممنوع مرغوب ) وحاولي اتعرفين اهو شنو يحب من عصاير وفواكه واكل

ولا تقطعين عنه الفيتامينااااات واهم شي تعطينه فيتامين d وااايد زييين للعظااام



وللشطااانه بعد ياامااااالج انتي بس قوووي قلبج والله الحافظ كل يوم الصبح اقري عليه المعوذات والله يحفظه


انا بنتي عمرها 6 شهور ياقلبي عليها ذاك اليوم احترقت ايدها من الستريتر :\ ولاااا اتشوفيني اشسويت وريلي يقولي هذا اولها ويامالج من شطانه الياهال


وبعدين خلييييه عشان يعرف انه هالشي يعور وغلط ومايقرب صوبه بعد



وحاااولي انج ما ادلعيييينه زياده عن اللزوم عشان لا ياااخذ راحته ويتعلم لي كبر حتى والله يمد ايده عليج جدام الاوادم

علميه انه غلط وطقيه على ايديه قوليله عيب ما اطق ماما وخليه يبجي سكتي عنه



والله يحفظه ويخليه لج

امممممممم الفيتامين ما عطيته من قبل
ب اذا عطيته و ياع و هم رفض ياكل بس يبي حليب شسوي ؟

انا الله يسلمج من احط اي اكل حقي
ايي يخرب الدنيا علشان لا اكل !
و اذا في شي خطر شوكه سجين و حتى مملحه بياخذها يلعب فيبجي و انا اعصب و بالنهايه
خوش ريجيم لووووووووول

واي فديت بنوتتج
يما عمرهم يخرع
و لا تقدرين تحمينهم من الطيحات لو شنو تسوين
اقول لج امس من اكثر تشنجع الاعصاب كنت ابجي !! لا و بصوت عالي لوووول


و سالفة الطق
بحاول والله
ادري الغلط مني لاني اضحك !
بس بحاول و الله يقدرني

 

[:: Diva ::]

نفس الحاله بالضبط مع بنتي !!!!!:eh_s(2): بس ما تطق وايد الا اذا احد قال لها طقي ..

مادري شلون اتعامل معاها ..

شوفي انا فيه حركه جربتها وانفعت معااي

اذا كان قاعد يمج وعندج الريموت او اي شغله اهو متعلق فيها ويحب يمسكها دايما واهي خطره عليه وخريها لا يشوفها من البدايه .. لانه ان شافها واخذتيها منه راح يصيح ويبجي ..

فحاولي تتجنبين هالشغلات .. اذا فيه اكلات ما تبينه ياكلها مثل الكاكاو وغيره لا تاكلين قدامه .. عشان لايحتر ويصيح ..
اذا بتطلعين مكان وبتخلينه .. لا تمرين من صوبه لما تطلعين لما تشوفين لاهي ويلعب اطلعي ..

ويما بالنوم انا وياها نتكافخ وتمجع شعور عاد البنات العوابه على اصولها .. ياحلو الصبيان والله:eh_s(3):

ما اشرب شاي و لا قهوه و لا اتغدى و لا اتعشا عنده !!
تعبت وايد


ههههههههههههههه اتخيل شكلج ياره شعرها و اهي ماسكه شعرج الله يخليها لج يارب

 

[:: Diva ::]

اقول ديفا ما تاخذين بنتي لولدج خليهم يأدبون بعض احسن لووووووول

انا بنتي اذا خليتها عند امي ولا خالتي يقولون هاديه وما تسوي شي ..

الظاهر المشكله منا مو من اعيالنا .. احنا اللي مدلعينهم حيييل ..

<< بتقلب الوش التاني

ههههههههههههههه تصير مذبحه والله
تدرين صح احنا الغلط
مدلعينهم وااااااااااااااااااااااااايد


يعني على الاقل انا مدلعته حيل و ابوه يهاوشني لا تدلعينه جذي
يصير ناعم !

ما اقدر اصير بارده ولا قاسيه وياه
شسوي يعني ؟

 

[:: Diva ::]

الله يعينج

مادري شقولج بس حاولي تعطينه حليب عادي بدون شكر عشان يمكن اييوع

الله يخليلج اياه

و ترا السكريات مووووووووزينه ديري بالج يمكن اهو هايبر اكتيف بسبة السكريات بالحليب اذا كان صناعي

انتي ماشلله الله يخلي عيالج اخبر مني و اعلم
اقدر اعطيه بهالعمر حليب كي دي دي ؟
جربت اعطيه حليب كاكاو ما حبه الحمدالله ما يحب الكاكاو كلش
جربت اعطيه حليب موز ما حبه

بس حليب عادي ما جربت و اخاف ما يعجبه
يحب عصير المانجا و الايس تي !!!!
فيمتو
بس


هالولد ما ياكل شي :eh_s(11):
و مو هايبر بس الحين لانه بدا يمشي و مكتشف هالقدره فيه و ان يتحرك بكيفه

 

[:: Diva ::]

رد: رد : ولدي شيب شعري لا ياكل و يعاند و يطقني اسم الله عليه

الله يحفظه لج

الله يخليج يا حياتي ما قصرتي عالدعوه الحلوه

 

[noynoy]

لا مو مبجر سنه الياهل يفهم ترا

 

[<<لمار>>]

حبوبة عادى لانة بجرج تتعبين ماتعرفين تتعاملين معاة والاكل اول خل يشوفة اذا وزنة طبيعى وتحاليلة زينة لاتقصبينة على الاكل خل ياكل قليل بس شئ مفيد لو كل ساعتين تدعسين شئ بحلجة

بالنسبة للنوم لاتخلينة ينام بالنهار وايد ولعبية من بعد المغرب طلعية وونسية خل يدوخ ولى رجعتى عطية دوش حار مع رضعة ودخلية فراشة حطيلة بباى سكرى الليت وقعدى يمة انسدحوا وتلحفوا لاصوت ولاكلام بس بنطالع وبدوخ وينام

بالنسبة للطق لاتسمحيلة كلش يمد ايدة عليج واذا سواها كتفى ايدة وطالعية بعينة وقوليلة عيب مايصير تطق امك بنزرة وطقة خفيفة على الايد وحتى الناس لى طقهم زفية لاتسكتين باجر لى راح المدرسة بيطق اليهال وشئ فكج من شكاوى الاهل محد يرضى

 

[MyLittleBerry]

رد : ولدي شيب شعري لا ياكل و يعاند و يطقني اسم الله عليه

ترى اقولج كل ياهل غير

انا ولدي الحين عمره سنه وشهر تقريبا للحين مايمشي نتتتتتتفه امبي ماابيه يمشي الحين وبعدين ترى ولدج عادي انا عيالي يمشون على سنه و 5شهور

وولدي نفس الشي يطقني ويعضني اذا عصب مني وكل يوم متعور يوميا يصك عبى صبعه الجرارات يحب يتعبث فيهم

قبل جم يوم طايح من دري الحوش العالي من الدرايه وديناه المستشفى واشعه والحمدلله جت سليمه

بس بالاكل زين

واللله انا افنتكله

عندج ( زهره - قرع - عيش - جزر - بطاط - كوسا - سبانخ - ) اختاري اللي تبينه اغليهم ورشة ملح او قطعة ماجي وبالخلاطه

او

روب

او

توست وجبن


صفار البيض

شوربه

باشامل

هالاشياء كلها يقدر ياكلهم




شوفي شنو يحب لازم تجربين كل شي تشوفين شنو يحب

والحليب لاتقطعينه انا عيالي الحين اللي 4 و 6 سنوات للحين يشربون حليب نيدو او التموين

 

[دانة بعين بحاري]

واااي والله كانج تتكلمين عن ولدي نفس عمر ولدج ذبحني بالعناد ولدي يحذفني بالريموت والألعاب وكل شي بايده يطق فيه بس أنا أزفه ومافي فايده لان بعده صغير مايفتهم
والله حتى اليهال ماسلموا منه يطقهم بدون سبب صاير عدواني وعنيف
وماني عارفه أتعامل معاه ابدا وبالنسبه للأكل أنا ولدي مايحب الاكل ومايكل كلش فقمت اعطيه مكمل غذائي بيديا شور عشان يعوضه نقص الفيتامينات جربيه وايد زين
وبالنسبه للطيحات عادي اليهال بهالعمر دايم جذي لان يبون يكتشفون كل شي *

 

[حساسه]

في هذا العمر عم مايعرفون الاوامر ولايفهمون انهم يعانون
كل مافي الموضوع عنده رغبه ومصر عليها ولو بعدتيها بيدخل في نوبه بكاء
حاولي تصرفين انتباهه بشيء ثاني اما يكون غريب او يحبه

اما الاكل لاتقيسين اكله اليومي ايش اكل لا شوفي الاسبوع كامل اكل اشياء مفيده او لا متعلق في نوعين بس
حاولي تنوعين لها في الاكل في البدايه يرفضون حاولي مره واثنين وثلاثه بعدين بيتعود على الطعم

 

[بحرينية كووووووول]

انه ماقريت الردود كامل بس لفت انتباهي رد وحدة من الاخوات اسلوب الثواب والعقاب بس توه ياهل صغير مايفهم حق الاسلوب هاذا والله يعينج عليه يااختي هم انه بنتي مطفرتني

 

[ماكنتوشه بنفسجيه 12]

رد : ولدي شيب شعري لا ياكل و يعاند و يطقني اسم الله عليه

نفس الحاله


سبحان الله وبحمده
سبحان الله العظيم