الأساتذه بالدوام؟؟!!!!!!!!! شي عجيييب غرييييب

[noochii]

بسم الله الرحمن الرحيم​

امممم ادري بتقولون هذي كل شوي موضوع بس (بفضفض) :denya: والله فيني حره من هل كووورس انشااااااااالله يارب يعدي على خيير ... طبعا تشكيت عند خواتي وعند حماتي :nocommint: شسوي مو مني الحين بقولكم السالفه..​

** اول شي انا كنت ناويه هل كورس ارفع معدلي واييب (A) (امتياز) لان اخر سنه وناويه انشااالله اكمل عقب برا او هني للحين مادري بس المهم قايله بشد حيلي انا العام كنت (B) (جيدجدا) وبالتمهيدي كنت امتياز .. وعلشان المكافأه بعد :wqedqw: لووول .. (ادرس بالتطبيقي) **​

المهم الحمدلله امتحنا اسبوع اللي طاف وهل سبوع شفت درجاتي كلها والحمدلله راضيه بس عندي مادتين كانو (13 من 15) والباجي (فل مارك) .. بس شنو اللي حرني ...​

1- عندنا مادة احصاء: كنت دارسه عدددددددددددل لانها كلها 15صفحه وحفظتهم صم يوم لمتحان لستاذ اول مادش بيوزع لمتحان جان يسألنا ها يايبين آلاتكم الحاسبه؟؟
يمكن 3 او 4 بنات يايبين آلات والباجي لا!! :eh_s(4): المهم قالوله: (استاذ عادي نستخدم الآله مالت التلفون؟؟ قالهم اوك !!!!!!!!!!! @@) في امتحان جذي؟؟ امانه عمركم شفتو شي جذي!! :gr4uu:
قبل ما يوزع ياله استاذ يم الباب وناداه وقعد يكلمه برا عاد هني البنات شسوو (قامو يصورون القوانين بالتلفون!!!) لان اهوا قالهم عادي يستخدمون التلفون بلمتحان علشان الآله الحاسبه :flower:
وخلص سوالف ورد يوزع لمتحان والكل ماسك تلفونه ويعني قاعد يحسب والاغلبيه عندهم (بلاك بيري) يعني خدمه البيبي شغااااااااله بينهم تسأأأل وغشششش حتى لو احد يغششهم من برا لكلاس عن طريق الخدمه!!! او مسجات حق اللي ماعندهم بيبي...
زين اهوا لمتحان (كله قوانين تحفظينهم تقدرين تحلين) وهذول بارده مبرده يابوو 15 و 14 (زين سؤاااااااال شحقه ندرس بعد ونضيع اليوم كله ماسكه الكتاب وبالتالي درجتي عادي العموم يايب منها؟؟) وانا الحمدلله يايبه فل مارك فيها .. هذا الاول اهووون .. الثاني موصج...
​

2- مادة السلوك التنظيمي: طبعا هذا لستاذ (حرنيييييييييييييييييي) اول شي لمتحان اغلبيته تعاريف وانا حفتهم كلهم وسؤال واحد نقاط (يعني في اسأله وااايد فيهم نقاط وانا حفظتهم كلهم بس كل سؤال معاه 5 نقاط لان ماراح اقدر احفظ اكثر من جذي بتلخبط) المهم وبعد صح وخطأ...​

انا عندي غلطتين وحده بالصح والغلط والثانيه بالنقاط اهوا يايبلنا 6 نقاط وانا حافظه 5 (فدرجتين راحو صرت 13 من 15)...
يوم وزع لمتحان علشان نشوف درجاتنا جان يقول (منو اللي يايبه اقل من 10؟؟) طبعا في بنات 5 و 6 وطالع .. طبعا رسووب ارفعو ايدينهم جان (يقولهم بزيد كل وحده 4 درجات علشان تنجحون وبزيد لكلاس كله 4درجات موافقين؟؟) كلنا بلكلاس قلنا اوك..​

ولا يطلع نفس لمتحان بس مو محلول يعني كان عنده مصور زياده من لمتحان ((( و يوووووووووووزعهم علي البنات اللي اقل من 10 يايبين ))) ويقولهم حلوو وعطوني اياه!! @@@@ :s142: طبعا اهما حوالي 8 او 9 بنات​

والله العظيم اني ما اجذب عليكم كل وحده (( مبطله الكتاب والدفتر وتنقل جدااااااااامه واهوا يطالعها وعادي يكمل شرح الدرس واهما يحلون لمتحان!! )) شنو هذا بعد؟؟؟؟؟؟؟؟؟؟؟؟؟؟؟ :eh_s(12)::eh_s(12)::eh_s(12):​

انا عبالي يتغشمر او بيقطهم عقب ... المهم بعد ماخلصو حطوو الاوراق على الطاوله وبالبريك قعد يصلح امتحاناتهم وحطلهم (فل مارك) يعني (امتيااااز) من رسوب هاا !! :nocommint:
وطلع اامتحاناتهم من الملف لان الملف ينزل عند الاداره واهوا للحين مارصد الدرجات عنده وشقق اوراقهم القديمه وقطهم وحطلهم هذول اليدد بدالهم @@ زين وانا اللي دارسه؟؟ ليش درست؟؟ لو مودارسه وكنت يايبه درجه مثلهم جان سوالي مثلهم وخذيت امتياز بدل الجيدجدا ؟؟ :0bee2e8d89:
منو يرضاها هذي؟؟؟​

وللعلم (اهوا صلح الاوراق بلون غير الاحمر لان ماكان معاه احمر وكانو ماخذين 15 من 15 كلهم) يعني لو اشتكي عليه واللون كان مميز وماخذين فل مارك يروح فيها :denya:​

بس طبعا ماني ساكته اسبوع الياي بسأله بيزيدني؟؟ ومع ان ادري بيكون كلام لان لو بيزيد جان غير لمتحانات كلهم
والصرااحه حرني يزيد نص البنات ويخلي نص!! يا كلنا يا لايزيد بنات وبنات
والمشكله اهما رسووب .. بس اذا شفت درجي اخر الكورس مو امتياز بشتكي عليه وخلي ريلي يفضحهم..​

ولا انتو شرايكم اكلمه ولا اروح واشتكي على طول ولا... ؟؟؟ والله مادري​

 

[bitter-sweetness]

كلميه خيتو احسن لا يحقد عليج هههههههه
صج والله كلميه احسن
و اذا ما زاد الدرجه اشتكي عليه
والله عشان جذيه يحروني اللي يغشون
لول ما غششت احد بالثنويه كل وحده تاخذ حقها
و لو غاشه جان درجتي اعلى بواااايد

 

[أميره الدوسري]

رد : الأساتذه بالدوام؟؟!!!!!!!!! شي عجيييب غرييييب

يمه من الحسسد خليهم بكيفهم , وآنتي روحي له وخليه يزيدج او قولي له آختبرني مره ثآآنيه |~

 

[noochii]

رد : الأساتذه بالدوام؟؟!!!!!!!!! شي عجيييب غرييييب

لاحبيبتي هذا موحسد انا دارسه ومتعبه نفسي لييييييييييش؟؟
علشان اهوا يغششهم لمتحان كله؟؟؟
هذا برايج حسد؟؟

 

[آالنووفي]

.


شوفي أنتي روحي كلمي المسؤل عن المادة مو اٍستاذج نفسه وإذا قالج عادي الفون لآن بالميتيرم سوي مثلهم بعد بالكوزات والشكوى لله ..


بس أنا أذكر يوم إمتحان الفاينل للاحصاء حطوا لنا القوانين بالصفحة الاخيره ..
إن شاءالله يحطونها لكم ويسهلون عليكم .. موفقه ..


.​

 

[miss mama]

في مثل يقول من راقب الناس مات هما !!!


حبيبتي مالج الا بنفسج تحكمين نفسج واخلاقج ما تقدرين تفرررضين رايج او نظريتج على احد ثاني خصوصا اذا استاذ اهو يتحمل وزر الشي الي سواه !! ..........يغشون يموتوون كلن ذنبه على جنبه...تدرين ليش قلت لج جذي؟؟ لانه الدنيا عووجه وبده هيك ..الصحيح يتعب ويكافح واخرته شنو؟؟

 

[Q8aaa]

رد : الأساتذه بالدوام؟؟!!!!!!!!! شي عجيييب غرييييب

لاااااااااااااااااااا شنو تفضحينهم يبا الستر زين
روحي كلمي الدكتور وقولي له انا شاده حيلي وانا من المتفوقين وحابة اخذ امتياز هاكورس ساعدني نفس ماساعدة رفيجاتي انا درسة وهم لا غشوا وانا شفتهم وجابوا اعلى مني انا الي دارسة تعبي لا يروح هدر بلا شكاوي ودوخة راس

 

[العبيدان tenuta]

رد : الأساتذه بالدوام؟؟!!!!!!!!! شي عجيييب غرييييب

شوفي انا بنصحج نصيحة انت كورس تخرج وانت وحدة مجتهدة ومثابرة وانا اقولج بررررررافوا عليج استمري في الدراسة وخلج علي مااانت علية ولا تهتمين لانة لكل مجتهد نصيب انت بدراستج وكفاحج هذة ثقافة حقج انت لي قعدي بملجس لي قريتي موضوع لي درستي عيالج عندج ثقافة عامة ولكل مجتهد نصيب وتاكدي ياحلوة اللة حق ماكو شي يضيع اكو عدالة السما راح تشوفينها بعينج وهل يستوي اللذين يعلمون والذين لا يعملون لالالالاتهتمين ولا تشغلين حالج معاهم ولا تنبهين الدكتور عليج باجر يحط دوبة دوبج وتاكدي ووهو ماسوي جذية الا الادارة قايلتة يبون يخرجون دفعات يبون مقاعدماتدرررين

​

 

[catwiti]

رد: رد : الأساتذه بالدوام؟؟!!!!!!!!! شي عجيييب غرييييب

لاحبيبتي هذا موحسد انا دارسه ومتعبه نفسي لييييييييييش؟؟
علشان اهوا يغششهم لمتحان كله؟؟؟
هذا برايج حسد؟؟

جني عرفتج من صورتج انا معاج بالتطبيقي بس تخرجت :ggdw: الحمد لله
شوفي حياتي لاتتظايقين
انا نفسج كنت ادرس والحمد لله عندي قناعه اني ما اغش لو كل الكلاس يغش لو الاستاذه مو موجوده لو الكتاب يتبطل جدامي ما اغش ادرس حته لو عندي امتحانين مع بعض ادرس لهم عدل واقسم لكل ماده وقت ولا يطري في بالي اني اغش او ابرشم تدرين ليش عندي قناعه حطيها في بالج وخلج مقتنعه فيها الي يدرس تعبه مايروح عالفاظييي سواء يبتي درجه او مايبتي ابتعدي عن الغش خلي كل درجااتج من تعبج وجهدج وخلي كل درجه تاخذينها تكونين مستحقه تاخذينها انا حاطه في بالي ابي اتعب عشان بااجر ربي يوفقني بوضيفتي ويسهل اموري ويرزقني الرزق الحلال والمعاش المباارك وصدقيني هاذا اهم من الجم درجه الي تيي بالغش يمكن يتفوقون عليج بس بالغش انتي حطي في بالج انتي الصح واهم الغلط حته لو تعبتي ومايبتي درجاااات صدقيني باجر ربي يوفقج بالوضيفه او اذاا بتكملين انشالله الله يسهل دربج وتكملين وتتيسر امورج لانج تستحقين كل درجه اخذتيها

 

[رفاعيه]

درجتج اعلى عند رب العالمين باذن الله
من غشنا فليس منا

 

[بالحييل أحبك } ..]

رد : رد: الأساتذه بالدوام؟؟!!!!!!!!! شي عجيييب غرييييب

في مثل يقول من راقب الناس مات هما !!!


حبيبتي مالج الا بنفسج تحكمين نفسج واخلاقج ما تقدرين تفرررضين رايج او نظريتج على احد ثاني خصوصا اذا استاذ اهو يتحمل وزر الشي الي سواه !! ..........يغشون يموتوون كلن ذنبه على جنبه...تدرين ليش قلت لج جذي؟؟ لانه الدنيا عووجه وبده هيك ..الصحيح يتعب ويكافح واخرته شنو؟؟

معآهآ :friends:

 

[أنا Top أنا]

رد : الأساتذه بالدوام؟؟!!!!!!!!! شي عجيييب غرييييب

زايد الساقطين ما يزيدكم انتوا ؟؟؟ اكيد بيزيدكم حبيبتي من غير كلااام

بس أسأليه قبل لا تنزل الدرجات عشان تضمنين !!