كويتي عشريني يريد التحول (المسيحيه )و السبـــــــب ؟؟

[pink_dream]

رد : كويتي عشريني يريد التحول (المسيحيه )و السبـــــــب ؟؟

حبيبتي رحيل المرافئ
هذا شرع محد يبدل فيه
الحريه الدينيه لما يكون فيه نصارى او حتى يهود في دوله اسلاميه ويبون يبقون على دينهم
محد يجبرهم على الاسلام

لكن لما الانسان يكون مسلم ويغير دينه هني في حكم معين ويعتبر مرتد
ويطبق حد الرده بحسب الي نقل لنا من السنه النبويه و الاحاديث الصحيحه
وهذا كله بايد المختصين الشرعيين

اما الي تقولين عنهم مسلمين ويشربون و يخربطون فإذا طان بالعلن فأعتقد قوانين الدوله تحاسبهم
لكن في حساب آخر ينتظرهم في الآخرة وربنا هو الي بيحاسبهم إذا ماتابوا

الله يوفقج

حبيبتي الحدود كلها ما تطبق عندنا

 

[Ga6waah83]

رد : كويتي عشريني يريد التحول (المسيحيه )و السبـــــــب ؟؟

استغفر الله

شنو هذا


الله يهديه ويرد له عقله بس ،،،

 

[عيون ملكيه]

اكيد تربية فلبينيه و امه ما تدري عنه و داخل مدارس انجليزيه او امريكيه و اللي يدرسونه ما يدرون عن الاسلام و بس كل كريسماس و كل سنه جديده مسوين عيد و فلنتاين و عيد المطر و الشجر و النار و التراب و البحر و الطير و الارني و عيد الفصح و ما ادري شنو

و تعالو سألوه شنو الاسلام ما يدري عنها اللهم يقول الاسلام اهو المسجد و الاأذان مثل ما عيالنا يعرفون المسيحي من الكنيسه و الصليب

لاحول و لا قوة الا بالله هذا ما قال غيرو ديني الا و اهو ما يعرف دينه !

الله يستر على عيالنا و علينا

 

[*((كـارينـا))*]

هذا مرتد .. اعووذ بالله من ذنبه الله يهدييه ويرده لرشده ...


الدييين عند الله الاسلام .. وهذا تبين له الحق ويرتد .. لا إله إلا الله ,, وحده لا شريك له .. لا إله إلا الله الأحد الصمـد ,,





اشهد ان لا إله إلا الله وان محمد رسول الله صلى الله عليه وسلم .. هذا دينيييي إلى يوم يبعثووووووووووووون

 

[&دلوعة القمر&]

الله يهديه ويثبته بعقله يااارب

 

[عسل نحل صافي]

رد : كويتي عشريني يريد التحول (المسيحيه )و السبـــــــب ؟؟

استغفر الله لا اله الا هو الحي القيوم واتوب اليه

 

[صباح الليل]

لا حول ولا قوة الا بالله
هذا يعتبر مرتد

يارب ثبتنا على دينك ودين رسولك الكريم

 

[أمـونة]

رد : كويتي عشريني يريد التحول (المسيحيه )و السبـــــــب ؟؟

حبيبتي الحدود كلها ما تطبق عندنا

أدري انها ماتطبق
لكن كنت اوضح الحكم الشرعي لها
وإذا مافي قانون وضعي يجرمه مثل اي محرم آخر
فيبقى بنظر الشرع مرتدأً وحسابه بالآخره شديد

الله يحفظ اعيالنا من هالزمن ،،

 

[مـيـراس]

مال ظربه على افاه

 

[زيــن المـهـا]

رد : كويتي عشريني يريد التحول (المسيحيه )و السبـــــــب ؟؟

لووووووول عباله كوول حمدالله على نعمت العقل

 

[MoonDiamond]

رد: رد : كويتي عشريني يريد التحول (المسيحيه )و السبـــــــب ؟؟

انا ملاحظه شي بهذا المنتدى كل شي عندكم حريه شخصيه ودستور وما ادري ايش طيب وين موقع الدين الاسلامي في حياتكم هل من يرتد يعتبر شي عادي وحريه شخصيه لاوالله الا الدين مايستهان فيه هذي مو حريه شخصيه هذا فسق وفجور ولازم يقام عليه الحد بس من يطبق للاسف حنا من يوم تركنا الدين الاسلامي وصرنا نطالب بالحريه على حساب دينا ضعفنا وصار المسلمين مالهم قيمه لان من بغى العزه في غير الاسلام مايجيه غير الذل

اختي الله يهداج شفيج:080402ask_prv:
بهالموضوع بالذات والله 6 صفحات قريتهم ولا وحده قالت حريه شخصيه
كلهم يدعوله بالهدايه ويدعون لنفسهم الثبات
وايه عندنا كل شي حريه شخصيه مادامها ما تتعدى تعاليم الدين ولا الغير وقانون الدوله الدستور ودستورنا ما يتعارض مع دينا لانه هو المصدر الاول للتشريع
والكل اتفق انه مرتد ومجاهر بالفجور ولا وحده قالت عادي (الا وحده قالت عادي خلوه لجهنم)

 

[MoonDiamond]

رد: رد : كويتي عشريني يريد التحول (المسيحيه )و السبـــــــب ؟؟

ماشاء الله ماطبقتوا الحد الا عليه مسكين
وهالمسلمين اللي سكران واللي مخدرات واللي بايق اموال الدولة
واللي حرقت خيمة زوجها واللي حرقته بتيزاب عادي هااا
انا اشووف حرية الدين مكفوولة
ويصير مسيحي احسن مما يصير مسلم ومايطبق شي من تعاليم الدين
مثل شبابنا

هذا مو مسكين!!111:080402ask_prv:
السكران والمدمن والسارق والقاتل مسلمين عاصين واذا انصادوا لهم عقابهم وذنوبهم يسونها بالخفاء
لكن هذا مجاهر بالكفر لان الدين الاسلامي هو دين التوحيد

مابيدنا الا ندعيله بالهدايه
وربي يحفظنا ويحفظ عيالنا ويتوفانا مسلمين

:blueSmCLR:

 

[الغاليه نونو]

يامثبت العقل والدين ثبت قلوبنا علي طاعتك


الحمدلله والشكر وين اهله شنو دورهم اذا مايردعونه ويعلمونه الصح من الغلط اش فايدتهم عيل

 

[برطم نملة]

رد : كويتي عشريني يريد التحول (المسيحيه )و السبـــــــب ؟؟

بسم الله الرحمن الرحيم

(لا إكراه في الدين قد تبين الرشد من الغي)

أنا عندي سؤال للي أهدروا دم هالولد, الحين عبالكم لي قالوله عندك ثلاثة أيام يا تقول لا خلاص مابي أصير مسيحي و لا بنذبحك, تتوقعون اهو بيقولهم اي انا بظل مسيحي؟؟ طبعا لا. في الحالة هذي هل اهو رجع للإسلام بقناعته الشخصية و لا ليش انه خاف على عمره؟ هل تتوقعون صج راح يرد مسلم و لا بيتظاهر انه مسلم و بيكون مسيحي من داخل؟

بصراحة أنا سالفة انه المرتد يهدر دمه أحس تحتاج بحث أكثر, لأن هالحكم أبدا ما يعكس سماحة بالاسلام عكس كل الأديان الثانية اللي ما تهدر دم اللي يطلع منها! تره مو شي هين أبدا انه يهدر دم انسان.

و على فكرة هالشغلة وايد مخربة صورة الإسلام في الغرب و منفرة الناس منه. أنا أدخل منتديات أجنبية و أحاول أتناقش وياهم بالإسلام و ليش يكرهون الإسلام, و غالبيتهم يردون انه الإسلام اهو الدين الوحيد اللي يقتل اللي يطلع منه.

أنا شخصيا أعتقد انه الإسلام مو محتاج انه يجبر الناس بحد السيف لأنه أعظم من الشغلة بكثير و أكثر دين فيه سماحة من بين كل الأديان.

أنا أدري انه 99,9٪ من العلماء سواء سنة أو شيعة يفتون بقتل المرتد, أنا ما أنكر هالشي, بس بصراحة أنا ماني مستوعبة هالحكم لأنه الإسلام مستحيل يتناقض, و الله يقول في كتابه الكريم:

(لا إكراه في الدين قد تبين الرشد من الغي)

أنا مو قاعدة أشجع عاللي سواه الشاب, لأن بالنسبة لي اللي سواه اثم عظيم و غلط غلطة عمره. بس هل توصل السالفة للقتل؟

أنا أدري انه رايي بهالموضوع يمكن يكون جريء و صريح زيادة عن اللزوم بالنسبة حق البعض, بس دام ان من حقي أعبر عن رايي ما راح أجامل و أرد نفس باجي الردود اذا كنت أشوف شبهة في الموضوع.

و أكرر ان مو شي سهل أبدا هدر دم الآدمي.

و أتمنى اللي بتعقب على رايي تبدي رايها بكل احترام بالحجة و المنطق بدال ما تغلط و تسفه, لأن الغلط يدل على ضعف الحجة.

و الله يهديه و يهدينا كلنا للسراط المستقيم و يثبتنا على الإسلام دين رسوله الكريم.

 

[البيداء_77]

اللهم عاف

 

[*^^حرم الدكتور^^*]

لا حول و لاااا قوة الا بالله

اللي مستغربة منه هالجملة «الطالب كويتي الجنسية ومسلم الديانة إلا أنه عند بلوغه سن الرشد اختار بإرادته الديانة المسيحية واعتنقها ومتمسك بجميع تعاليمها ومبادئها حتى تاريخه» يعني صارله سنة و اهو مسيحي بس بقى يوثق هالشي بأوراقه الرسمية

يعني المفرووض يقيمون عليه حد الردة .. اشتغفر الله العظيم

و الحمدلله على نعمة العقل و الاسلام و الهداااية الحمدلله

 

[عاشقه مودي]

رد : كويتي عشريني يريد التحول (المسيحيه )و السبـــــــب ؟؟

أستغفر الله
الله يهديه و يرد لعقله يارب

بس تتوقعون شنو السبب الي يخليه يرتد و حتي مو خايف من شي ولا من ربه ولا من الناس الي حوووله ..

 

[SanYorTa]

رد : كويتي عشريني يريد التحول (المسيحيه )و السبـــــــب ؟؟

حمدالله والشكر !

 

[اطياف الكويت]

رد : كويتي عشريني يريد التحول (المسيحيه )و السبـــــــب ؟؟

مرتد ويجي عليه القصاص بعد 3 ايام
لا تعليق ما ادري شلون ساكتين عنه

 

[دلولي]

الله يهديه يارب ويرده للاسلام رد جميل ويفتح على قلبه اغواه الشيطان الله يصلحه