ودي أرد للتدريس ، بس عندي سؤال :-)

[Dua'a]

قوة بنات
انا كنت مدرسة انجليزي لفترة قصيرة بمدرسة ابتدائي بنين (كورس واحد بس)
بعدين استقلت لأنه ما قدرت على تدريس الأولاد و اشتغلت بوزارة ثانية ..
ألحين ولهت على التدريس! لأن وظيفتي ادارية و مملة ..
بس ظروفي تغيرت (صار عندي بيبي) ،، سؤالي .. هل التدريس يأثر على البيت و اليهال ؟ في تأخير اجباري ولا اقدر اطلب من الناظرة أو رئيسة القسم مثلاً اني ما أتأخر (اذا كان فيه تصحيح أو غيره) عشان البيبي ؟
ان شاء الله تفيدوني وياريت لو تشجعوني خصوصا اللي حابين التدريس
بانتظار ردودكم :eh_s(7):

 

[Turquoiseya]

لاتردين 00 نصيحة
خليج على وظيفتج الحالية
اقل شيء تردين البيت وبالج فاضي ولامتروس من هموم الشغل
ترى قسمنا الانجليزي صاير من ردي الى الاردى00 انا نفسج معلمة انجليزي مقرودة

حاليا انا قاعدة ادور واسطة قوية تقشعني من التربية لاني ما اقدر على الاستقالة
ابي اتفضى لعيالي وبيتي بدال خداماتي
وزوجي بدال اليوانية وربعه00 صراحة ما الومه اذا انحاش من البيت00 لاني كله امبوزة ونفسيتي زيرو

استخيري وانتي ابكيفج

 

[randomy]

لا تردين التدريس

دوام التدريس تنربطين فيه لا بيبي ولا اعذار مايحبون الحنه

 

[* فطامي *]

لاتردين التدريس

انا ميداني وحالتي حاله لاتقولي انظم وقتي حاولت شكثر صج ارتحت جم يوم بس مرة ثانية ترد الاشغال على بعضها
ولمن اشوف المدرسة اقول رجل الى من أدمي ادرس وتحضر ومناوبات ودروس نموذجية وبرنامج اذاعة و ندوات وورشة عمل كل هذا على راسهاغير التصحيح وسوي امتحان ورصدي الدرجات

واخر شي كلمة شكرا ما في الا بطلعة الروح

قعدي بمكانج ابرك لج والفال لي يارب ما اتوظف بالتربية

 

[مزيـانه]

انتي في نعمة ما راح تحسين فيها الا اذا رديتي التدريس

حبوبة اذا انتي من اللي يحبون الشغل .. ليش ما تقدمين على القطاع الخاص؟؟؟

مهما كان ترى أحسن من التدريس

على الاقل مثل ما قالوا البنات .. من تطلعين من باب الدوام تنسين همومه .. و ما تودين الشغل معاج البيت

هذا غير ان المعاش في القطاع الخاص وايد حلو

فكري عدل و استخيري ربج قبل لا تجدمين على أي خطوة و تتحسفين تالي!!

و ربي يكتب لج اللي فيه الخير

 

[(كويتيه عسل)]

على حسب المدرسة والناظرة ورئيسة القسم

في مدرستي القديمه الناظره ورئيسة القسم حسبي الله عليهم ظلموني وايد ماعندهم قلب ولا يقدرون

وووايد يكرفونا ويعطونا شغل موشغلنا حتى مناوبة هده غصب تاخذينها اقعد لي الساعه 3 حسبي الله عليهم

بالاسبوع شكثر يعطوني اعتياط سابعه حسبي الله عليهم

الحمد الله في مدرستي اليديده الادارة زينه ورئيسة قسمي تخاف ربها وتقدر الظروف ماشالله

ويبين في عينها ماشالله

 

[وايد حساسة]

رد : ودي أرد للتدريس ، بس عندي سؤال

حبيبتي أنا أضم صوتي لصوت البنات

والله العظيم إني ما قدرت أكمل عندهم حتى كورس واحد

وأنا مثلج كان ودي بالتدريس وهديت دوامي المرييييييييييييييييح واستقلت عبالي التدريس حلو والأجواء خيال

وطلع العكس صحيح فعلا

والله العظيم تردين البيت ضايق خلقج و تعبانة من الدوام وفوق هذا ما تقدرين ترتاحين لأ وراج تحضير و تصليح و سوالف مالها أخير



نصيحة خليج بمكانج أحسن لج لا تغلطين غلطتي

 

[sunflower25]

رد : ودي أرد للتدريس ، بس عندي سؤال

لااااااااااااااااااااااااااااااااااااااا تردين التدريس
لاااااااااااااااااااااااااااااااااااااااا
لااااااااااااااااااااااااااااااااااااااا
لااااااااااااااااااااااااااااااااااااااا

ما راح تفضين و لا دقيقه حتى ايام العطل و الأعياد راح يطلبون منك شغلات

 

[الفنانة لؤلؤة]

لا تردين التدريس وقظبي مينونج أبرك،، على الأقل تردين بيتج مرتاحة البال

آنا خدمت 10 سنين وآخرتها إستقلت،، ما أقدر أقعد عندهم أكثر >>> ما يقدرون بالمره وأهم شي شغلهم يخلص

عاد عندج بيبي ولا ظروف ما يمشي عندهم

هذا رايي وإنتي كيفج

 

[بطاطا]

انا اشتغلت اقل من شهرين و استقلت و الحين قبلوني مرة 2 التربية باجر بروح ارفض

 

[Dua'a]

مشكورين بنات على ردودكم :eh_s(21):
بس ما حصلت ولا رد شجعني أرد ! :krkrkr: لول ما توقعت جذيه

 

[قفشـه]

رد : ودي أرد للتدريس ، بس عندي سؤال

على حسب

اذا حابه التدريس كمهنه

حابه انج تعلمين

تسولفين مع طالباتج تنصحينهم تساعدينهم

ادرسينهم وتشوفين نتيجه تعبج بدرجاتهم بالامتحان

تحبين لما يمرون عليج الطالبات يسلمون عليج

التدريس مهنه انسانيه وراقيه ومو وسيلة اكل عيش

في ناس تموت على اجواء المدرسه

لانها متغيره

طابور صباح جرس فرصه حصتج

مافي رتابه

غير بداية السنه والاحتفالات بالاعياد الوطنيه

انا عن نفسي مااطلع شغلي برا المدرسه


كله بالمدرسه تحضير وتصحيح امتحانات ووبطاقاتي

اهو يعتمد عليج انتي

حابه التدريس راح تلاقينه جنه

ماتحبينه ماراح تتهنين

دامج ابلة انجليزي روحي ابتدائي اخف عليج

 

[عايشه 222]

نصيحة00000لاتردين التدريس
التربية من سئ الى اسوأ وقراراتهم بالنازل

 

[usgirl]

رد : ودي أرد للتدريس ، بس عندي سؤال

استخيري اختي
ثانيا التدريس ياخذ الوقت كله انا مدرسه انجليزي وتعبت واستقلت ما قدرت اجالب الشغل والبيت واهملت بكل شي حاولت 3 سنين اوفق بين البيت والمدرسه ما قدرت لان كل وقتي اكرف للمدرسه حتى بالعطل ما اطلع ولا ازور عشان اخلص من التحضير والوسائل والشغل اللي ما يخلص ولا يعجب احد

 

[lolowawa1234]

بصراحه اكو ناس نفس السمج مايقدر يعيش الا بمدرسه لوووووول وانا منهم اتعب حيييل بالعطل
دايم اسمع ناس تشكي وتتحلطم بس بالنسبه لي أشوف مهنتي راقيه جداً كتعامل مع عقليات بشر...
لما طفل يبتسم لي عندي يسوى الدنيا ومافيهاا لما أشوف نتيجة تعبي بسلوك احد طلبتي ارتاح واستانس وايد
دايم يمدحون شغلي واهو حدده بسييييط وانا اعتبرها الخلطه السريه لنجاح اي معلمه...
حب للطلبتج+اسلوب تدريس ممتع+لابتوب وطابعه+نص ساعه قبل النوم تحضير=معلم مبدع وسعيد
والله بجذي حتى الاداره ماتقدر تقول عنج شي

 

[Eva-SS]

يامعوده الله فكج من التدريس ليش ترجعينله ترا ما تسوا هالميتين دينار زيادة يطلعونها من جبدج والله

التدريس يبيله قلب ما يتعب صج وماينفع تقولين يقدرون عندج جاهل ومتزوجه كل المدرسات متزوجات وعندهم جهال ماراح تحصلين ادارة متساهله الا اذا كانت من النوع اللي يحب الهدايا والفلوس ويااااكثرهم مروا علي جذي بس انا ماتحمل هالنوعية

 

[تكانه ومصرقعه]

لالالالالالالالالالالالا نصييييييييييييييييييييييحة لا تفكرين تردييييييين التدرييس
اووووووووووووووووف متعب حيييل وشغلج للبيت واذا تعب ولدج ما يقدرون
انا اضطر اغيب لما يتعبون عيالي وشكثر انخصم والسبب هالشي لو بستأذنين يطلعونه من عينج ويكدشونج ثاني يوم ........... الخ

 

[فطووومة]

الصراحة كنت بقول كلام حلو عن التدريس




بس شفت الردود اخترعت ،،،،،




حبيبتي التدريس حلو وخاصة اذا خلصتي شغلج بوقته لا تخلينه يتراكم عليج الاوقات اللي فاضية فيها سوي لج شغلة لا تضيعين الوقت بالسوالف كله ما رح يفيدج

خاصة اذا كنتي تحبين التدريس انصحج تردين لان التعليم مهنة الانبياء واثرج واضح في المجتمع



وانا مع الاخت فقشـــة كلامها مقنع حيييييل

وعلى فكرة فيه فروق فردية ومشاعر وقدرات مختلفة يمكن انتي تقدرين توفقين بين المدرسة والتدريس



وايد معلمات متزوجات وعندهم عيال مو بيبي واحد وماشالله ماشين وتشوفينهم انشط من معلمات فاضين وما عندهم اي مسؤولية

ووبالنسبة حق مادتج وايد حلوة واذا ماتبين متوسط خليج على الابتدائي منهجهم بسيط

والتصحيح كلها 4 ايام في الفصل بس وكلها للساعة 3 مو اكثر لان الحين فيه كنترول

وانتي اذا ذكية تمشين امورج مع الادارة انج تسوين شغلج على اتم وجه ولا تتشكين وايد



والله يوفقج وين ما رحتي

 

[الاميره]

والله والله اني أتمنى تحصلي فرصه نفسج واطلع من التربيه واشتغل مكان ثاني
انتي في نعمة كبيره لا تضيعينها ولا اقولج جربي تردين التدريس وانتي راح تعرفين من نفسج

 

[7opyq8]

لاااااااااااااااااااااااااااااااااااااااااااااااااااااااااا تفكرين حتى تردين