ودي أرد للتدريس ، بس عندي سؤال :-)

[درة أهل الطولات]

رد : ودي أرد للتدريس ، بس عندي سؤال

لا ترديــن

 

[سكره مالحه]

رد : رد: ودي أرد للتدريس ، بس عندي سؤال

بصراحه اكو ناس نفس السمج مايقدر يعيش الا بمدرسه لوووووول وانا منهم اتعب حيييل بالعطل
دايم اسمع ناس تشكي وتتحلطم بس بالنسبه لي أشوف مهنتي راقيه جداً كتعامل مع عقليات بشر...
لما طفل يبتسم لي عندي يسوى الدنيا ومافيهاا لما أشوف نتيجة تعبي بسلوك احد طلبتي ارتاح واستانس وايد
دايم يمدحون شغلي واهو حدده بسييييط وانا اعتبرها الخلطه السريه لنجاح اي معلمه...
حب للطلبتج+اسلوب تدريس ممتع+لابتوب وطابعه+نص ساعه قبل النوم تحضير=معلم مبدع وسعيد
والله بجذي حتى الاداره ماتقدر تقول عنج شي

بارك الله فيج
وكثر من امثالج
وعجبتنى هالجمله اللى كتبتيها
بس لا تنسين ان ربج بيبارك لج فى معاشج وعيالج
وان تعبج بموازين حسناتج ودعاء الام اللى تلقى فايدة بروحة ولدها المدرسه وتدعيلج بظهر الغيب
وانا ياما دعيت لبعض لمعلمات عيالى من غير ما يدرون عنى بس كلمة الله يوفقها ويسعدها تكفى حتى لو ما اقولها وجها لوجه

حبيبتى الله يسعدج

 

[Dua'a]

مشكورين بنات على ردودكم :eh_s(17):

(سكرة مالحه) أنا أضم صوتي لج :icon30: بصراحة أكثر رد أثر فيني هو رد الأخت lolowawa الله يعطيها العافية :yaaaaaarb:

 

[ريم المطيري]

مهنة التدريس

مهنة راقية وسااامية ,,,

انا عن نفسي انا مو مدرسة ,,,

بس والله اتمنى أدرس

احس التدريس رسالة

وهدف ,,,

المعلم لة مكااانة كبيرة في المجتمع ....

وأكثر شخض نتحرمة ونقدره

المعلم هو اي يبنى جيل ووطن

ماقول غير

عسي الله يوفقكم بما فية مصلحة أبناءنا ,,,,

والله يوفقج ياقلبي

 

[om mariam]

شوفي غير البنات ال قالوه
حسب الادارة اذا حبيتيها يهون الوقت واذا لأ يومج مو بسنه بسنين انا كنت احب وكيلتنا الي طافت لو تطلب عيوني اعطيها وعادي لو بليل ادق ونروح المدرسة الوكيله اليديده تبي هدايا ومصالح وارف
في النهايه استخيري والله يوفقج
محد طلع ويبي يرد تره

 

[كل شيء عادي]

التدريس مافي أحلى منه وناااااااسه ويهبل
بس المشكله حبيبتي الوزاره ما تبيك بس تدرسين لا تبيك تسوين كل شيء وغصبن عنك
حتى لوقلتي ما أبي الإمتياز قالوا لازم هذا شغلك تاخذين عليه راتب
مناوبه +احتياط+دروس رياديه+ورش+إذاعه+وسائل عجيبه غريبه +ندوات +تزيين الممرات والفصول+ تفعيل جميع المناسبات
وبهرجه زاااااااااايده مالها داعي
وفوق كل هذا إذا طبت عليك رئيسة القسم أو المديرة أو الموجهة لا زم تكون حصتك خيااااااااااليه
وإذا مالقت أي سلبيه قالت ليش ستاير الصف طايحه وقعي على إفادة تخريب ممتلكات عامه !!!!!!

 

[emiemi]

رد : ودي أرد للتدريس ، بس عندي سؤال

:bbbiu:بس بستوعب وااايد تتحلطمون !!خرعتو البنيه شدعوااا:bbbiu:
:eh_s(7): حبيبتي ولله المدرسه حلوه وخاااصه مااادتنا :050103nbh_prv:تحسين انج مميزه,,ردي للتدريس وترى وين ماااترووحين تعب..العطله حلوه والمعاااش بعد..:eh_s(7): اهم شي انج تكونين امينه على شغلج وتوصيل المعلومه..والله يوفقج:eh_s(18):

 

[عذوق]

رد : ودي أرد للتدريس ، بس عندي سؤال

انا عن نفسي اكره التدريس وما احبه مو مني من الاجواء اللي حولي

بس ماراح اقولج لا تردين او اكرهج فيه

لان هذا شي خاص فيج لازم تاخذين قرار عن قناعه بنفسج لان احنا راح نضيعج لانج تبين تاخذين اراء ناس من عقليات مختلفه
راح تضيعين

انتي اخذي ورقه وقلم واكتبي مميزات ومساوئ كل وظيفه وشوفي

واهم شي التستخاره

مابي اكرهج بشي لان هذت رزقج وما احب اخرب على احد

وربي يوفقج حبيبتي

 

[عذوق]

رد : ودي أرد للتدريس ، بس عندي سؤال

انا عن نفسي اكره التدريس وما احبه مو مني من الاجواء اللي حولي

بس ماراح اقولج لا تردين او اكرهج فيه

لان هذا شي خاص فيج لازم تاخذين قرار عن قناعه بنفسج لان احنا راح نضيعج لانج تبين تاخذين اراء ناس من عقليات مختلفه
راح تضيعين

انتي اخذي ورقه وقلم واكتبي مميزات ومساوئ كل وظيفه وشوفي

واهم شي التستخاره

مابي اكرهج بشي لان هذارزقج وما احب اخرب على احد

وربي يوفقج حبيبتي

 

[تمنيته]

ههههههههههههههههههههه لاتردين

 

[@سيدة نفسي@]

رد : ودي أرد للتدريس ، بس عندي سؤال

تبين تكونين معلمة مبدعة ؟؟؟

لازم تكونين انسانة خدومة وصبوووووووووووووورة لأنهم بيسوونج

حمار مكدة أول سنتين (( سوري ع اللفظ بس هذا اللي صاير وأتحدى أي وحدة تنفي))

وعقب السنتين يايحبونج وتكونين من الطبقة المخملية <<< وهذي اهي الفئة اللي تمدح التدريس وماودهاا تطلع من المدرسة والله شوف عيني

يا انهم مايهضمونج لأي سبب كان سواء شغلج مايقنعهم أو من كلام رئيسة قسمج عنج تكرهج وماتبيلج الخير<<< وهذي اهي الفئة المستضعفة

اللي كل قرار ينطبق عليهم وومكروفين بالمدارس الى أبد الآلآلآلآبدين ...

 

[جوـوـوري]

خرعتوو المرا
التدريس حلو وممتع خاصه اذا كان نصابج ثلاث او اربع حصص باليوم
حسب مدرستج فيها نقص او لأ ...
وباجي الوقت فاضيه حضري حق باجر سوي بطاقاتج نظمي وقتج وماكو شي تاخذينه معاج للبيت
المناوبة اذا صادفتج فهي يوم بالاسبوع ...
والله يوفقج .. وسوي اللي تبينه ...
*

 

[Dua'a]

مشكوورين حبايبي على مروركم و ردودكم :eh_s(17):
استفدت واايد من هالردود :icon30:
بقى ألحين السؤال .. أي مرحلة تلوق علي ؟
آنا نوعي هادية
و ما أعرف أعصب و أصارخ بس أعرف أصير شديدة strict

 

[توتــه]

رد : ودي أرد للتدريس ، بس عندي سؤال

مايمدح السوووووق الا من ربح فيييييييييه

الله يعين انا تربيه عمليه وياليت اكون من الطبقة المخملية على قولة سيدة نفسي

لان الحين اشوف بعيني اللي مايحبونها مطلعين عيونها ويدورون عليها الزله

 

[أحلى^حياه]

نهاية الكلام

شيلي الفكره من بالج

 

[نونا 3000]

لا ردي حبوبه دام تبين اريح لج العطل بالتربيه تهبل غير المعاش راهي والله يرزقج بادارة تريحج

 

[شفايف كرزيه]

استخيرى
والله ولى التوفيق

 

[wjdan]

شوفي حبيبتي

انا صار لي 3 سنوات

التدريس ممتع مع الطالبات فقط

لكن الي يلهيج عن حصتج الاساسيه الشغل الادراي

فتكونين وانتي ما تدرين مقصره بحق حصتج وطالبتج غصب عنك مو متعمده هالشي

شغل فوق راسج لدرجة مو لاقيه وقت تفكرين عشان تبدعين بحصتج

للاسف الواقع جذي

انا بطلع من اللحين

لاني ما ابي اظلم البنات

والسبة الوزراة للاسف الي مقصره بحقنا

اتمنى لج التوفيق

واستخيري قبل كل شي

 

[دانة))))]

الله يوفق الجميع

استخيري والخيرة فيما اختاره اللـــــــــــــــــــــــــــــــه

انا مدرسة عربي وكل يوم اندب حظي """"""""""""""""


تخيلي اليوم عطلة !!!!!!! لكن انا قاعدة اصلح دفاتر الاملاء!!!!!!!!!!!!!!!!!!!!!!



موفقة حبيبتي

 

[قفشـه]

رد : ودي أرد للتدريس ، بس عندي سؤال

حرام عليج ياللي تقولين اول 3 سنين حمار مكده!!

هذا على حسب شخصيتج وتعاملج

انا تعيين يديد ريل على ريل محد يامر علي

لا واتاخر عن الدوام كل يوم هههههههههههه

واخذ استئذان اصلح الكتب بالحصه نفسها عساس مايتراكم التصحيح

ومالي احتكاك بالاداره ومصكره اذووني عن السب

ياكثر الابلات اللي تسب الاداره ونشوفهم تحت يتمصلحووون

اهم اللي يتعبون نفسيتج لي عطيتيهم مجال

على قولة المثل انظر بعين النحله لا عين الذبابه

الادارة شيبون

يبون اللي تلتزم

تحضر الطابور لي كان عندها حصه اولى

اداوم ماتغيب

وبيوم الاشراف والله حطيت كرسيي وكوب الجاي واطرد البنات وانا بمكاني ههههههههههه

وساعات اطنش مااروح

يظل على تصرف الوحده

في ابلات ماتصكر حلجها كل شي تقوله فيبتدون الناس يلاحظونها بعدها يدخلون بخصوصياتها وهاتي يامشاكل!!

فركزوا انه المشاكل اتيي من تصرفات الشخص نفسه