شلون اتصرف؟؟؟ بنت اخت ريلي و زميلي

[Adorable]

قوه بنات.. شلووووكم؟

آول شي الف مبرووك لنا الكاس و ان شالله يرد فريقنا مثل ما كان و ما نخلي كاس الا و ناخذه

المهم بدش بالموضوع

في واحد كان معاي بالجامعه يا خطب بنت حماتي (اخت ريلي) و اول ما خطبها اخته دقت علي و سالتني عنه لما عرفو انه نفس تخصصي و من عمري،، المهم الولد انا اعرفه ٤ سنين و واااايد محاضرات و برزنتيشنات كان معاي و خاصه اخر سنه وايد تعاملت معاه و الله يشهد الولد ادب و اخلاق و ذوق و ما عنده سوالف.. بس اخر الكورس الي طاف سمعت انه على علاقه مع وحده من البنات الي بالشله معانا و هالبنت من مذهب ثاني علشان جذي ما كمل معاها.. و قبل جم يوم سامعه ان البنت ليلحين تحبه.. الحين شلون اتصرف؟؟؟؟؟ الولد زين و مابي اخرب عليهم بس هم مابي انه في يوم من الايام يرد حق ذيك او يحن قلبه خاصه ان الظاهر السالفه سالفه مذاهب ان اهله ما رضو او ان مثلا تاذيهم في يوم من الايام لان بنت اخت ريلي وااايد تهمني طبعا و همن انا بستر عليه و مابي اسوي سالفه من لا شيء
فشرايكم؟ اكلمه انا بيني و بينه و اقوله اني اعرف ان الموضوع كيت كيت و ابيك توضحلي اياه لانهم سالوني عنك؟
او اقول حق ريلي؟ و اهو من النوع المتفهم.. او اقول حق اخت ريلي؟ او اسكت؟ بس خايفه اذا صار شي بالمستقبل احس بالذنب اني سكت

صج انا وااايد محتاره ساعدوني :eh_s(10):

 

[noo7a]

لا اكيد لا تكلمين الاصبي

قولي حق ريلج و اهم رياييل يعرفون اكثر منا بهالسوالف

 

[Stylista_Q8]

لا اكيييد ماتكلمينه

كلمي ريلج مدامه من النووع المتفهم،، والله يوفق بنت حماتج ان شالله

 

[أو عبوش]

ديري بالج تكلمينه شكو انتي يمعوده يدري زوجج تصير لج سالفه


ودام تشهدين للولد بالادب والاخلاق ان شاء الله انه ما اقدم على سالفه انه يتقدم لبنت ويتزوج الا يبي يتمم نص دينه وانهى موضوع البنت اللي كانت معاه.......... واذا اهيه تتلزق فيه للحين فذنبها على جنبها ودامه عاقل مراح يخرب سمعته عشانها خلاص كل واحد راح بطريق واهوه طق الباب وخطب بنت حماتج


خل تستخير وربي يكتب اللي فيه الخير

 

[عيش و مرق]

مدام ياى يخطب البنت هذه الى تصير لج يعنى مايبى هذيك هذه ريال ومحد جابره يخطب وحده ثانيه ومدام هذيك مو من مذهبه اكيد كان يتسلى ووقت الصجيه يبى الى من نفس مذهبه

 

[دنياالوله]

لا اكيد لا تكلمين الاصبي

قولي حق ريلج و اهم رياييل يعرفون اكثر منا بهالسوالف

معاها 100 بال%

 

[كويتية بروما]

لو يبي رفيجته جان ماتقدم لبنت اخت زوجج قولي لزوجج الموضوع
اقرا سالفتج وقعدت افكر شوفو اشلون الدنيا صغيره الله يهدي البنات كل يوم تكلم واحد وماتخاف ع سمعتها

 

[G!RLooNa]

لا تقولين لا حق ريلج ولا البنت و طبعا ما تكلمين الريال

ماكو ريال ما مر بتجربه هذا اذا مو تجارب

عادي حب وحده و ماصار نصيب و الولد زين و سالتوا عنه اشوف ماله داعي تقولين لهم عن الماضي و اهوا لو بعده متعلق باللي يحبها جان ما خطب

اصلا مو متاكده انتي من السالفه 100٪ ولا تعرفين التفاصيل

 

[cutee__q8]

كلمي ريلج وخليها بين الرياييل احسن

 

[noynoy]

لا مالا داعي تقولين حقه و لا حق ريلج

 

[FeShinGoOo]

رد : شلون اتصرف؟؟؟ بنت اخت ريلي و زميلي

قوي حق ريلج ولي صارت قعدة الرياييل اهم يعرفون يسحبون الحجي منه

 

[غنج اهلها]

رد : شلون اتصرف؟؟؟ بنت اخت ريلي و زميلي

اذا ماخوذ رائيج تكلمي بالصراحة عن اللي تعرفينة هالشئ بالذمة لان ناصينج بالسؤال

فحاولى ماتغبين اي شئ

 

[القوارير]

رد : شلون اتصرف؟؟؟ بنت اخت ريلي و زميلي

اذا ريلج من النوع المتفهم قوليله يتفاهم مع الريال بكل هدوء ويستوضح منه
والله يوفقهم

 

[cat^q8]

كل ريال يمر بتجااارب ولو بنسأل جان محد تزوج بصراحه

الرياييل مخابر على قولتهم

--

ومو شرط اللي يحن قلبه حق الحب القديم يكون خاين بس

مرات الواحد يخون حتى لو ماكان يعرفها من اول اساسا

يعني اللي اقصده حتى لو بتبرين ذمتج وتقولين ماراح تضمنينه طول العمر شدعوه الواحد حتى ما يضمن عمره مع منو باجر

---

انا اقول مادام الولد ذوق واخلاق قولي اللي شفتيه و تغاضي عن هذيك الامور

وما خطب الا و وهو فاقد الامل بهذيك واايد صارت وكلمن في بيته سعيد

---

واذا كلش كلش لاسمح الله سمعتي ان اهيه تحاول توصلله مني ولا مناك قولي حق ريلج ان في وحده متبلبسه فيه بالجامعه يعني لا تقولين

ان اهوه الولد نفسه

وخليه يتصرف حزتها

---

 

[ام شووووق]

رد : شلون اتصرف؟؟؟ بنت اخت ريلي و زميلي

البنات ماقصروا

 

[حبي حبيبي]

رد : شلون اتصرف؟؟؟ بنت اخت ريلي و زميلي

قولي حق ريلج

لان ريال ويهرف طريقة تفكير الرياييل غالبا

 

[سكووون]

طالما إن ريلج متفهم هذا شي جداً مهم !

قولي له و ريحي عمرج

 

[love love]

من صجج شكو تتكلمين عن علاقااته من قبل

دام اتقولين طيب واخلاق يعني ماراح يرضى بالغلط واكبر دليل هدها لما شاف مابينهم زوااج

 

[fajr-Q8]

حبيبتى انتى ليش محتاره الريال خطب ويبى يتزوج وانتى تقولين انه خوش ريال واخلاق وبعدين لو كان يبى هذيج البنت جان تزوجها
صدقينى كل بنت وكل ريال ايام الجامعه تعرفو وكلمو ومن كلامج ان بنت اخت ريلج تحبينا فتمنى لهم السعاده والله يوفقهم --

 

[ابدا يالغالي مانساك]

كلمي زوجج وطلعي من السالفه لان بعديا اذا حصل شي لاقدر الله بالمستقبل بحملونج انتي فالاتكبرين المسائل قولي لزوجج كذا كذا لان اذا صار شي بيكون زوجج علي بينه وبتكبرين بعينه واذا خشيتي عنه اكيد بيزعل عليج الله لايجيب الزعل ان شالله وبالتوفيق