ابي احسن دكتور بالكويت لعلاج تكيس المبايض !!!الله يوفقكم

[blue rain]

قوة بنات
الله يوفقكم ويسعدكم ابي احسن دكتور بالكويت لعلاج تكيس المبايض ؟؟؟
وجزاكم الله الف خير

 

[أم@الحلوين]

دكتوره خالده المجيبل ممتازه

 

[sosa2004]

انا عند معصومه مخصيد في البحر سنتر في حولي
وااايد مرتاحه علا الادويه صارلي ٤سنييين

 

[silent99]

حبيبتي انا وايد رحت عند دكاترة بالحكومة و بالخاص عشان علاج تكيس المبايض و عدم انتظام الدورة .. و اللي اكتشفته ان البنت اللي مو متزوجة مالها علاج غير انهم ينظمون الدورة عندها لين تتزوج

فابي اعرف اذا انتي متزوجة او لا ؟ و شنو اثار تكيس المبايض عليج ؟ هل هو مجرد خربطة بالدورة ؟

 

[silent99]

اي نسيت انصحج دكتورة شرارة المزيدي وايد زينة و تعاملها وايد مريح و الاهم انها فاهمة بشغلها

 

[بعيونك كلام]

رد : رد: ابي احسن دكتور بالكويت لعلاج تكيس المبايض !!!الله يوفقكم

حبيبتي انا وايد رحت عند دكاترة بالحكومة و بالخاص عشان علاج تكيس المبايض و عدم انتظام الدورة .. و اللي اكتشفته ان البنت اللي مو متزوجة مالها علاج غير انهم ينظمون الدورة عندها لين تتزوج

فابي اعرف اذا انتي متزوجة او لا ؟ و شنو اثار تكيس المبايض عليج ؟ هل هو مجرد خربطة بالدورة ؟

ممكن اذا تعرفين عن الاثار والخربطة بالدورة
علما انا مو متزوجة
يعطيييييييييييج العافففففية

 

[blue rain]

انا متزوجه وعندي اطفال وتوني اكتشفت ان عندي تكيس مبايض لان دورتي تلخبطت وشعري يحت وطلع لي حب شباب
وابي دكتور شاطر اعالج عنده عشان ما تتطور السالفه وتصير اصعب اذا خليتها من غير علاج
والله يوفق كل وحده ردت علي ويشفيها ويرزقها من فضله العظيم

 

[ادمنت ضيمك]

رد : ابي احسن دكتور بالكويت لعلاج تكيس المبايض !!!الله يوفقكم

والله ثم والله انا بنت وعندي تكيس بالمبايض من عمري 13 اكتشفوها كنت تعبانه حييل ودخلوني المستشفى على بنه فيني زايده ولما شقووا بطني لقوو عندي تكيس بالمبايض وبهذلوني مرتين يسوولي اياها مره عمري 13 ومره عمري 15 قبل ستة شهورتعبت هم وقالولي نفس الحاله لازم نشيل التكيس عن مبايضج طبعاا انا رفضت لاني تعبت وثاني شيء بنات بطني تشوهه من عملياتهم وانا توني بنت قالتلي امي مالج شغل بوديج عند مرا وفعلا ودتني عندها اقسم بالله يابنات والله والله عالجتني وعطتني دواا اعشاب اشربه والله ثم والله رحت بعدها بشهر للدكتور سوالي سونار والله مافي شيء انصدم عشان جذي لاتغامرون بعمركم

 

[blue rain]

طيب شلون نعالجها
انا خايفه من الحبوب وزيادة الوزن
ومنو فيكم سوت منظار وشالتهم
فيدونا الله يرزقكم الجنه

 

[silent99]

اذا كان حجمهم وايد كبير يشيلونهم

لكن اذا كا الحجم معقول او صغير مايشيلونهم و يكتفون بالعلاج فقط

انا مو متزوجة و عندي خربطة بالدورة من لما كنت بعمر 16 او 17 و التكيس موجود عندي من زماااااااان يمكن من عمر 18 او 19 اول سنة بالجامعة

و الحين عمري 29 و ليلحين ماراح التكيس

و بين فترة و فترة اسوي سونار اجيك على التكيس

اذا كان كبير يعطوني حبوب منع الحمل او هرمونات لمجرد تنظيم الدورة و بعدها يصغر التكيس لكن مايروح

بس انا مادري اذا كل البنات نفسي او لا

بقولكم سالفتي و طبعا كل وحدة حالتها تختلف عن الثانية حسب العمر و الهرمونات و اشياء وايد ثانية

المهم

انا دايما عندي خربطة بالدورة و تتأخر علي وايد و اذا انزلت تقعد 10 ايام او اسبوعين

و بعدين تطورت الحالة و انقطعت الدورة يعني مرات 3 شهور ما تنزل و مرات 6 شهور ما تنزل و طبعا انا ماكنت ادري انه مو زين.. كنت مستانسة مفتكة من العوار ههههه

المهم لما راجعت في مستشفى المواساة كان عندي مادري اي هرمون نسبته مو مضبوطة و عطوني حبوب منع لحمل عشان تتنظم الدورة و يتعدل الهرمون

بعدها رجعتلي نفس الحالة بس الحمدلله كل هرموناتي طبيعية ماعندي مشاكل بالهرمونات و اعندي مشاكل بالغدة

فقالتلي الطبيبة (شرارة المزيدي) ان صار عندي ضعف بالمبايض و لازم اخذ حبوب التنظيم عشان تنزل الدورة لأن بدونها ماتنزل

و قالتلي اذا تزوجتي تعاليلي عشان اعطيج علاج حق المبايض.. قالتلي اعطيج منشطات عشان تحملين بسرعة و بعد اول ياهل راح يكون كل شي عندج طبيعي

طبعا على كلام الاطباء اللي رحتلهم ضعف المبايض او الخمول اللي صاير بالمبايض يؤثر على الحمل فلازم منشطات عشان يصير الحمل بسرعة

و ليلحين من عمر 17 لي 29 و انا ابلع بهالحبوب و اذا تركتهم ماتزل الدورة كلش

الحمدلله على كل حال

بس اللي صار فيني ان وزني ماينزل بسرعة و متنت شوي و شعري وايد يطيح و النفسية وايد وايد تعبانة و اعصاااااااب جني جبريت بسرعة اعصب و انفعل

 

[blue rain]

مشكورة سايلنت 99
الله يشافيج ويشافينا بعد عمري
وماقصرتي بردج علي عسى الله يجعله بميزان حسناتج
ويرزقج بالزوج الصالح والذريه الصالحه والحياة المطمئنه السعيده يارب

 

[silent99]

امييييين اجمعيييين

مشكورة حبيبتي على دعوتج الحلوة

 

[sosa2004]

حبيبتي ادمنت ضيمك اللي فيج اكياااس مو تكيس لا التكيس ابدا ما ينشااااال

 

[*يارا*]

سلامات وما تشوفين شر إن شاء الله

أنا عالجت عند د.ماجدة كميخ وأختي عالجت عند د.عماد الفداغي وبنت خالتي عند دكور بالمواساة مو ذاكرة أسمه

العلاج بالنسبه لي كان سهل أنا عطتني حبوب منع حمل نظمت الدورة وقالتلي لازم تضعفين

لأن السبب الرئيسي لهم من الدهون وفعلا الحمدلله انتظمت الدورة بس ماراحوا صغر حجمهم

بالنسبه حق أختي نفس العلاج بس إهيا بعد الحبوب عطاها أبر لأنها كانت تبي تحمل ومسبيبين لها ضعف

وبالنسبه حق بنت خالتي عطاها حبوب منع حمل مع حبوب السكر كلوكوفاج وقالها لازم تضعفين

لأن نفس أختي تبي تحمل ومسببين لها ضعف

وأعتقد أنهم يروحون بالولادة أو ممكن يشيلونهم بالمنظار

د.ماجده كميخ صج باااااااردة وهاديه بس تحسينها فاهمه وراكدة بمستشفى رويال حياة

الله يوفقج ويشفيج ياارب

 

[blue rain]

بعد عمري يارا الله يجزاج خير ويرزقج ماتمنين يارب
طيب يعني الحبوب ماتزيد الوزن
انا خايفه منها
مابي امتن بعد
الله المستعان

 

[بنت الواوان]

رد : ابي احسن دكتور بالكويت لعلاج تكيس المبايض !!!الله يوفقكم

خوفتونى انا صارلى شهر اكتشفت ان فينى تكيس بالمبايض وعطانى الدكتور حبوب مانع اخاف مايروحون مع العلم انى بحمل

 

[blue rain]

شنو اسم الحبوب اللي عطاجياها الدكتور
وهل لاحظتي زياده بالوزن عليها
عسى الله يشافيج ويشافينا يارب

 

[كوكو_شانيل]

رد : ابي احسن دكتور بالكويت لعلاج تكيس المبايض !!!الله يوفقكم

بنات انا عندي بنت ..

بس اكتشفت فيني تكيس من شهرين بسس

ومن بعد الاجهاض ..

وبصراحة من يومها تطلعلي حبووب بويهي وقبل كنت معالجة بالرياكيوتان وموول ماشفت الحبوب لولا التكيس

وماعرف شو الحل او العلاج
ولو العلاج يزيد الوزن عيل بعالج هههههههه لاني ابا ازييد كم كيلو

 

[blue rain]

الله المستعان

 

[blue rain]

اب اب اب